អំពីយើង

LICADHO's staff on the field
មន្ត្រីឃ្លាំមើល​សិទិ្ធមនុស្ស និងបុគ្គលិកពេទ្យ​របស់លីកាដូ​ក្នុងពេលបំពេញការងារ

លីកាដូ គឺជាអង្គការសិទិ្ធមនុស្សជាតិមូយនៅកម្ពុជា។ ចាប់តាំងពីអង្គការលីកាដូ ត្រូវ បានបង្កើតឡើងនៅឆ្នាំ១៩៩២ អង្គការនេះ គឺជាអង្គការសិ្ថតនៅជួរមុខគេក្នុងកិច្ចការពារ សិទ្ធិមនុស្សនៅកម្ពុជា និងលើកស្ទួយការគោរពសិទ្ធិពលរដ្ឋ និងសិទិ្ធនយោបាយតាមរយៈ រាជរដ្ឋាភិបាលកម្ពុជា និងស្ថាប័ននានា។ ការកសាងសមិទិ្ធផលរបស់ខ្លួនក្នុងអតីតកាល លីកាដូ បានបន្តដើរតួជាអ្នកតស៊ូមតិសម្រាប់ប្រជាពលរដ្ឋ និងឃ្លាំមើលរដ្ឋាភិបាលតាម រយៈកម្មវិធីសិទិ្ធមនុស្ស​នានាពីការិយាល័យកណ្តាល​របស់ខ្លួននៅភ្នំពេញ និងនៅតាម​សាខាទូទាំង១២ ខេត្ត-រាជធានីផ្សេងទៀត។

អង្គការលីកាដូ អនុវត្តសកម្មភាពរបស់ខ្លួនតាមរយៈកម្មវិធីធំៗពីរៈ

កម្មវិធីឃ្លាំមើល និងការពារសិទ្ធិមនុស្សៈ

កម្មវិធីទំនាក់ទំនង និងការទាក់ទាញមតិគាំទ្រៈ

Children's Rights Training
វគ្គបណ្តុះបណ្តាលអំពីសិទិ្ធកុមា

លើសពីនេះ អង្គកាលីកាដូ ក៏បង្កើតឲ្យ​មានការ​ទាក់ទាញ​មតិគាំទ្រ​ថ្នាក់ជាតិ ដើម្បី​ឲ្យមាន​កំណែ​ទម្រង់ និង​ធ្វើការ​ជាមួយ​អង្គការ​មិនមែន​រដ្ឋាភិបាល​ជាតិ និងអន្តរជាតិ ដើម្បី​ឲ្យមាន​ទំងន់​ដល់​រដ្ឋាភិបាល។ អង្គការ​លីកាដូ តែងតែ​ចេញ​របាយការណ៍ និង​របាយការណ៍​សង្ខេប​ជាទៀងទាត់ ហើយ​ឯកសារ​ទាំងនេះ ជាធនធាន​ពត៌មាន​យ៉ាងសំខាន់​បង្ហាញ​ពីស្ថានភាព​សិទិ្ធ​មនុស្ស​នៅ​កម្ពុជា។

ប្រវត្តិអង្គការលីកាដូ

LICADHO's President
ប្រធានអង្គការលីកាដូ អ្នកស្រីវេជ្ចបណ្ឌិត ពុង ឈីវ កេក

ចាប់តាំង​ពីការ​បង្កើត​នៅឆ្នាំ ១៩៩២ សកម្មភាព​អង្គការ​លីកាដូ គឺធ្វើឡើង​ដើម្បី​ធ្វើឲ្យ​ប្រសើរឡើង​នូវ​ស្ថានភាព​សិទិ្ធ​មនុស្ស​ដែលមាន​បច្ចុប្បន្ន​នៅកម្ពុជា។ សកម្មភាព​ចំបង​នៃការ​អង្កេត​ស្រាវជ្រាវ អន្តរាគមន៍ ចងក្រង​ឯកសារ និងការ​ទាក់ទាញ​មតិគាំទ្រ របស់លីកាដូ មានគោលដៅ​បំពេញនូវ​ការទទួល​ខុសត្រូវ​របស់មន្ត្រី​រាជរដ្ឋាភិបាល និងដើម្បី​លើកកំពស់​តម្លាភាព និង​ប្រព័ន្ធយុត្តិធម៌​នៅក្នុង​សង្គមស៊ីវិល។

ដើម្បីឆ្លើយតប​ទៅនឹង​តំរូវការ​របស់​ជនរងគ្រោះ អង្គការ​លីកាដូ​បានផ្តល់​ផ្លូវសុវត្ថិភាព​ដល់ប្រជាពលរដ្ឋ​ដែលស្វែងរក​ការជួយសង្គ្រោះ​ជាបន្ទាន់ តាមរយៈ​សេវាកម្ម​នៅនឹង​កន្លែង កម្មវិធីណែនាំ និង កម្មវិធី​ជួយសង្គ្រោះ​ជាបន្ទាន់ ជាច្រើន។ ជាពិសេស អង្គការ​លីកាដូ បានបង្កើត​វិធាន​ច្បាប់​សម្រាប់​មេធាវី​ប្រចាំ​អង្គការ​នៅរយៈពេល ៣ឆ្នាំ​ចុងក្រោយ ដើម្បីជួយ​ជនរងគ្រោះ​ដែល​កំពុងកើនឡើង​ក្នុងការត្រូវការ​មេធាវីការពារ។ ក៏ដូចគ្នាដែរ ដើម្បីឆ្លើយតប​ទៅនឹង​តំរូវការ​នៃការ​ជួយសង្គ្រោះ​ជាបន្ទាន់ លីកាដូ​បានបង្កើន​ការផ្តល់​នូវជំនួយ​ផ្នែកវេជ្ជសាស្ត្រ វ៉ាក់សាំង​ព្យាបាល ជំរក ស្បៀងអាហារ និងសំលៀកបំពាក់​ដល់ជនរងគ្រោះ​នៃសិទិ្ធមនុស្ស ជាពិសេសជនរងគ្រោះ​នៃការ​រំលោភយក​ដីធ្លី ដែលកំពុង​ក្លាយជា​រឿងទូទៅ និង​ញឹកញាប់​នៅក្នុងប្រទេសកម្ពុជា។

នៅក្នុងស្ថានភាព​នៃការអន់ថយ​នូវសេរីភាព​ខាងនយោបាយ និងការបំបែក​ការប្រឆាំង សហគមន៍​កំពុង​កាន់តែ​មានអំណាច និងសកម្ម។ នៅក្នុង​ស្ថានភាព​បែបនេះ តួនាទីមួយ​ក្នុងចំណោម​តួនាទី​ចំបងផ្សេងទៀត​ដែលអង្គការ​មិនមែនរដ្ឋាភិបាល​អាចអនុវត្ត​នៅក្នុងការ​លើកកំពស់​សិទិ្ធ និងយុត្តិធម៌ គឺធ្វើការ​គាំទ្រ​ការទាក់ទាញ​មតិគាំទ្រ​ដោយផ្ទាល់​របស់សហគមន៍ ដោយការ​ជួយ​អ្នកទាំងនោះ ឲ្យប្រព្រឹត្តទៅ​ដោយមាន​ប្រសិទិ្ធភាព និងជាក់ស្តែង តាមរយៈ​ការកសាង​សមត្ថភាព​របស់អ្នកទាំងនោះ​ក្នុងការការពារ​សិទិ្ធ​របស់ខ្លួន។ នៅក្នុងការ​អនុវត្ត គឺមានន័យថា​ជាការធ្វើការងារ​ជាដៃគូ​ជាមួយ​ក្រុមសហគមន៍ និងបណ្តាញ ការផ្តល់​កន្លែងទំនេរ​ដល់អ្នកទាំងនោះ​ធ្វើការ​ចែកចាយ និងចែករំលែក​គំនិត និងការអនុញ្ញាត​ឲ្យអ្នកទាំងនោះ​ជួយជំរុញ​របៀបវារៈ​សិទិ្ធមនុស្ស​ឲ្យឆ្ពោះ​ទៅមុខ។

លីកាដូ បានបន្ត​ការកត់ត្រា​របស់ខ្លួន​ដែលត្រូវបាន​គេទទួលយក ស្តីពី​ការកសាង​សមត្ថភាព​ថ្នាក់​សហគមន៍ ដោយការ​កំណត់​នូវ​កត្តាបុគ្គល​នៅក្នុង​សហគមន៍ (សកម្មជន​សហគមន៍ ស្ត្រី កុមារ អាជ្ញាធរ​ក្នុងតំបន់ មេភូមិ ។ល។) ដែលជាអ្នក​ត្រូវបានគេ​គាំទ្រ​នៅក្នុង​លក្ខណៈ​ជាយុទ្ធសាស្ត្រ​នៅក្នុង​ក្របខ័ណ្ឌ​សម្រាប់​សកម្មភាព​សហប្រតិបត្តិការ។ តាមរយៈ​មធ្យោបាយ​នេះ សម្ព័ន្ធភាព​ជាយុទ្ធសាស្ត្រ និងភាព​ជាដៃគូ​ដែលមាន​ស្ថេរភាព ត្រូវបាន​បង្កើតឡើង។

ដើមកំណើតអង្គការលីកាដូ

អំឡុង​ពេលសង្គ្រាម​ស៊ីវិល​នៅកម្ពុជា​នាទសវត្សរ៍ឆ្នាំ ១៩៨០ អ្នកស្រី​វេជ្ជបណ្ឌិត Dr. Kek Galabru (ពុង ឈីវ កេក) ដែលជា​ជនជាតិខ្មែរម្នាក់​រស់នៅ​បរទេស បានរៀបចំ​ឲ្យមាន​ការចរចា​រវាង​សម្តេច​នាយករដ្ឋមន្ត្រី ហ៊ុន សែន និង សម្តេច​ព្រះមហាក្សត្រ នរោត្តម សីហនុ។ ការចរចានេះ បានឈាន​ទៅដល់​ការចុះ​សន្ធិសញ្ញា​សន្តិភាព​ទីក្រុង​បារីស​នៅឆ្នាំ ១៩៩១ ដែលបង្កើត​ឲ្យមាន​អណត្តិ​នៃបេសកម្ម​អង្គការ​សហប្រជាជាតិ​មកកម្ពុជា ដើម្បីជួយ​រៀបចំ​ការបោះឆ្នោតជាតិ និង​ដោះស្រាយ​ជម្លោះ​ដ៏រ៉ាំរ៉ៃ។

ដោយមាន​សន្ធិសញ្ញា​សន្តិភាព អ្នកស្រី​វេជ្ជបណ្ឌិត Galabru និង​ជនជាតិខ្មែរ​ដែលរស់នៅ​បរទេស​ជាច្រើន​បានត្រលប់​មក​កម្ពុជាវិញ ហើយ​សម្លឹងមើល​របៀប​ដែលអ្នក​ទាំងនោះ​អាចជួយ​សម្រាល​ការឈឺចាប់​របស់​ប្រជាពលរដ្ឋ​កម្ពុជា​ដែលបាន​ប្រឈមមុខ​នឹងសង្គ្រាម និង គ្រោះ​អត់ឃ្លាន​អស់រយៈពេល​ជាច្រើនឆ្នាំ។ ជាលទ្ធផល គឺការ​បង្កើត​សម្ព័ន្ធខ្មែរ​ជំរឿន និងការពារ​សិទិ្ធមនុស្ស (ដែលហៅកាត់​តាម​ភាសា​បារាំង​ថា លីកាដូ) នៅ​ឆ្នាំ១៩៩២។ លីកាដូ គឺជាអង្គការ​សិទិ្ធមនុស្ស​មួយ​ក្នុងចំណោម​អង្គការ​សិទិ្ធមនុស្ស​ដំបូងបង្អស់ ដែលត្រូវបានបង្កើត​នៅក្នុង​សង្គមស៊ីវិល​ថ្មីមួយ​ដែលបង្កើតឡើង​ដោយបេសកម្ម​របស់អង្គការ​សហប្រជាជាតិ (អតីតរបប​សង្គមនិយម មិនអនុញ្ញាត​ឲ្យមាន​អង្គការ​មិនមែន​រដ្ឋាភិបាល​ឯករាជ្យ​បែបនេះ​នៅថ្នាក់ជាតិ​នោះទេ)។

លីកាដូ បានចាប់ផ្តើម​ការងារ​របស់ខ្លួន​តាមរយៈ​ការរៀបចំ​នូវយុទ្ធនាការ​អប់រំ​អ្នកបោះឆ្នោត សម្រាប់​ការបោះឆ្នោត​ជាតិ១៩៩៣ និង​ធ្វើការ​អង្កេតស្ថានភាព​នៅមុន​ពេលបោះឆ្នោត។ ជាបន្តបន្ទាប់ អង្គការនេះ​ក៏ចាប់ផ្តើម​បង្ហាញឲ្យ​ឃើញពីការ​រំលោភ​សិទិ្ធមនុស្ស​យ៉ាងធ្ងន់ធ្ងរ​ដែលបាន​កើតឡើង​នៅក្នុងប្រទេស ជាមួយ​នឹងសកម្មភាព​ផ្តួចផ្តើម​ដែលត្រូវបាន​ផ្តោតទៅលើ​ការអង្កេត​លើការ​រំលោភ​សិទិ្ធមនុស្ស ការផ្តល់​វគ្គបណ្តុះ​បណ្តាល​អំពី​សិទិ្ធមនុស្ស និង ការផ្តល់​សេវាថែទាំ​វេជ្ជសាស្ត្រ​ដល់អ្នកទោស និង​ជនរងគ្រោះ​ពីការ​រំលោភ​សិទិ្ធមនុស្ស។ អង្គការ បានពង្រីក​ការងារ​របស់ខ្លួន​នៅឆ្នាំ១៩៩៤ ដោយ​បន្ថែម​ការិយាល័យ​សិទិ្ធស្ត្រី និងកុមារ។

លីកាដូ កាណាដា

លីកាដូ ធ្វើការ​យ៉ាងជិត​ស្និត​ជាដៃគូ​ជាមួយ លីកាដូ កាណាដា ដែលជា​អង្គការ​មិនមែន​រដ្ឋាភិបាល​ឯករាជ្យ​ដែលត្រូវបាន​ចុះបញ្ជី​នៅរដ្ឋ British Columbia ប្រទេស​កាណាដា (២០០៦)។

លីកាដូ កាណាដា បាន​ចាប់ផ្តើម​មាន​ការិយាល័យ​នៅ​ទីក្រុង​ភ្នំពេញ នៅខែធ្នូ ឆ្នាំ ២០០៦ ដោយ​ផ្តោត​ជាចំបង​លើការ​ស្វែងរក​ថវិកាសម្រាប់ លីកាដូ។ នៅឆ្នាំ ២០០៧ លីកាដូ កាណាដា បាន​ផ្លាស់ប្តូរ​គោលបំណង​របស់ខ្លួន ទៅផ្តោតលើ​សហគមន៍​ដែលរង​ការគម្រាង​កំហែង​ពីការ បណ្តេញចេញ​ដោយបង្ខំ។ នៅពេលនោះ បញ្ហានេះ គឺជាបញ្ហា​យ៉ាងសំខាន់​នៃការ​រំលោភ​សិទិ្ធមនុស្ស និងក្លាយជា​ស្ថានភាព​គាបសង្កត់​ខ្លាំងមួយ​ក្នុងចំណោម​ស្ថានភាព​គាបសង្កត់​លើសិទិ្ធមនុស្ស​ដ៏ខ្លាំងបំផុត​ជាច្រើន​នៅកម្ពុជា។

លីកាដូ កាណាដា ធ្វើការងារ​ចំបងជាមួយ កម្មវិធីអង្កេត និងការពារ​សិទិ្ធមនុស្ស កម្មវិធីទាក់ទាញ​មតិគាំទ្រ ហើយនិង ការិយាល័យ​ធនធាន និង​ឯកសារ (ADRO) របស់​លីកាដូ។ ជាមួយនឹង ការិយាល័យ​ធនធាន និង​ឯកសារ លីកាដូ កាណាដា បានបង្កើត​នូវវីដេអូ និង​សៀវភៅ​រូបថត​សម្រាប់គោលបំណង​ក្នុងការ​ទាក់ទាញ​មតិគាំទ្រ​នៅថ្នាក់​អន្តរជាតិ និង​បានជួយ​សម្របសម្រួល​វីដេអូខ្លី​ដែលមិនទាន់​បានកែច្នៃ ដែលបានមកពី​សកម្មជន​សហគមន៍ សម្រាប់​គម្រោងកាត់តវីដេអូ។

ខណៈដែលកំពុងធ្វើការ​ផ្តល់ការពា​រយ៉ាងជាប់​ជាមួយ​បុគ្គល​ដែលងាយរងគ្រោះ លីកាដូ កាណាដា ក៏បាន​ធ្វើការ​ជាមួយ ការិយាល័យ​ឃ្លាំមើល​សិទិ្ធមនុស្ស របស់លីកាដូ លើករណី​នៃការ​រំលោភ​សិទិ្ធមនុស្ស ដែលត្រូវការ​ធ្វើការអង្កេត ហើយនិង​ធ្វើការទាក់ទង​ជាមួយការិយាល័យ​ច្បាប់ ការិយាល័យ​សង្គម និង​ការិយាល័យ​វេជ្ជសាស្ត្រ របស់​លីកាដូ នៅពេល​ដែលជនរងគ្រោះ​នៃការរំលោភ​សិទិ្ធមនុស្ស ត្រូវការ។