កម្រង​រូបភាព​ថ្មីៗ

ព្រឹត្តិការណ៍​នៃពិធី​បុណ្យ​ខួបគម្រប់​មួយឆ្នាំ​នៃ​មរណភាព​លោក​ បណ្ឌិត​ កែម ឡី
ចេញផ្សាយ ថ្ងៃទី​១១ ខែកក្កដា ឆ្នាំ២០១៧

កម្រង​រូបភាព​ក្នុង​ព្រឹត្តិការណ៍ ​ថ្ងៃទី​៩ ​និង​ទី១០​ ខែកក្កដា​ ឆ្នាំ២០១៧​ ​អំឡុងពេល​ប្រារព្ធខួបគម្រប់មួយឆ្នាំ​នៃ​ការ​បាញ់​សម្លាប់​លោក​បណ្ឌិត​ កែម ឡី​។ ប្រជាពលរដ្ឋ​កម្ពុជានៅ​ក្រៅ​ប្រទេស​ ក៏​បាន​​ប្រារព្ធបុណ្យ​ខួបគម្រប់មួយឆ្នាំនេះដែរ​ ដូចជា​នៅ​ប្រទេស​ថៃ​ និង​ប្រទេស​អូស្ត្រាលី​។ កាល​ពី​ថ្ងៃទី​១០​ ខែ​កក្កដា​ ឆ្នាំ​២០១៦​ លោក​បណ្ឌិត​ ត្រូវ​បាន​ឃាតករ​​បាញ់​ត្រូវ​ចំនួន​ពីរ​កន្លែង​ ត្រង់​ដើម​ទ្រូង​ និង​ក្បាល​ នៅ​ក្នុង​ស្តាម៉ាត​នៃស្ថានីយ៍​ប្រេង​ឥន្ធនៈ​កាល់តិចស្ដុបបូកគោក្នុង​​​រាជធានី​ភ្នំពេញ។​ ខ្មាន់​កាំភ្លើង​ដែល​ត្រូវ​បាន​គេ​ស្គាល់ថា​ឈ្មោះ ​អឿត ​អាង​ ត្រូវ​បាន​តុលាការ​ផ្តន្ទាទោស​ដាក់​​ពន្ធនាគារ​អស់​មួយ​ជីវិត​កាល​ពីខែមិនា​ ឆ្នាំ​២០១៧​ ​ប៉ុន្តែ​យុត្តិធម៌​​នៅតែ​មិនទាន់មាន​នៅឡើយ​ ដោយសារនៅ​មាន​មន្ទិលសង្ស័យជាច្រើន​ពាក់ព័ន្ធ​នឹង​ភាព​ខ្វះ​ចន្លោះ​នៃ​ដំណើរ​ការ​រឿង​ក្ដី​ព្រហ្ម​ទណ្ឌ​នេះ ​​ទាំង​នៅ​ក្នុង​នីតិវិធី​ស៊ើបអង្កេត​ និង​សវនាការ​។

មើល​កម្រង​រូបភាព...

ទិវា​ពលកម្ម​អន្តរជាតិ​ឆ្នាំ​២០១៧​ នៅក្នុងប្រទេសកម្ពុជា
ចេញផ្សាយ ថ្ងៃទី​២ ខែឧសភា ឆ្នាំ២០១៧

កម្រង​រូបភាព​នេះ​បង្ហាញ​ពីការ​ប្រារព្ធ​ទិវា​ពលកម្ម​អន្តរ​ជាតិឆ្នាំ​២០១៧ ​នៅក្នុង​រាជធានី​ភ្នំពេញ។​ កម្មករ​និង​សកម្មជន​ជាង​១៥០០​នាក់​ បាន​ជួបជុំគ្នា​នៅ​កណ្ដាល​រាជធានី​ភ្នំពេញ​ ដោយ​ប្រឈម​នឹង​រនាំងដែក​និង​កង​កម្លាំង​នគរ​បាល​ចម្រុះ​ដែល​មាន​កាន់​កាំ​ភ្លើង​ ខែល​ ដំបង​ និង​អាវុធ​មួយ​ចំនួន​ទៀត។​ បន្ទាប់​ពីការ​ចរចា​រយៈពេល​២ម៉ោង​ ក្រុម​កម្មករ​និង​សកម្មជន​បាន​ឈរ​ជួប​ជុំគ្នា​ដើម្បី​ទាម​ទារ​សិទ្ធិ​ការងារ​ សេរីភាព​ក្នុង​ការ​ជួបជុំ​គ្នា ​​ប្រាក់​ខែ​សម្រាប់​ការ​រស់នៅ​ស​មរម្យ​របស់​កម្មករ​ និងល​ក្ខខណ្ឌ​ការងារ​សមរម្យ​។

មើល​កម្រង​រូបភាព...

យុត្តិធម៌​២០១៦​៖ ការ​ប្រារព្ធ​ទិវា​សិទ្ធិ​មនុស្ស​អន្តរជាតិ​នៅ​ទូទាំង​ប្រទេស​កម្ពុជា​
ចេញផ្សាយ ថ្ងៃទី​១៣ ខែធ្នូ ឆ្នាំ២០១៦

ប្រជាពលរដ្ឋ​ប្រមាណ​ជាង​ ១១០០០ នាក់​ នៅ​ទូទាំង​ប្រទេស​កម្ពុជា​ បាន​រួមគ្នារៀប​ចំ​ព្រឹត្តិការណ៍​ជា​បន្ត​បន្ទាប់​ ដើម្បី​ប្រារព្ធ​ទិវា​សិទ្ធិមនុស្ស​អន្តរជាតិ​​ឆ្នាំ​២០១៦។

ការ​ប្រារព្ធ​ទិវា​នេះនៅ​ទូទាំង​ប្រទេស​​ ត្រូវ​បាន​​រៀប​ចំ​ឡើងដោយក្រុម​មិត្ត​១០ធ្នូ​ ដែលមានប្រ​ជាពលរដ្ឋ​រាប់ពាន់​នាក់​បាន​ធ្វើ​ការ​សម្ដែង​មតិ​លើ​បញ្ហា​ជា​ច្រើន​ដូចជា​ ការ​បោះឆោ្នត​ដោយ​សេរី​និង​យុត្តិធម៌ សិទ្ធិ​ដីធ្លី ប្រាក់​ឈ្នួល​សមរម្យ​សម្រាប់​កម្មករ​ តុលាការ​ឯករាជ្យ​ និង​ការបញ្ឈប់​ការ​ធ្វើ​ទុក្ខ​បុក​ម្នេញ​លើ​សេរីភាព​ជា​មូល​ដ្ឋានជាដើម។​

មើល​កម្រង​រូបភាព...

ការ​អភិវឌ្ឍ​លើ​ទាស​ភាព​៖ ​ការ​បញ្ចាំខ្លួន​ដោះ​បំណុល​ និង​ពលកម្ម​កុមារ​ក្នុង​សិប្បកម្ម​ផលិតឥដ្ឋ​នៅ​កម្ពុជា
ចេញផ្សាយ ថ្ងៃទី​២ ខែធ្នូ ឆ្នាំ២០១៦

ស្រប​​ពេល​ចេញ​ផ្សាយ​របាយការណ៍​ស្ដីពី​ “ការ​អភិវឌ្ឍ​លើ​ទាស​ភាព​៖ ​ការ​បញ្ចាំខ្លួន​ដោះ​បំណុល​ និង​ពលកម្ម​កុមារ​ក្នុង​សិប្បកម្ម​ផលិតឥដ្ឋ​នៅ​កម្ពុជា”​ អង្គការ​សម្ព័ន្ធ​ខ្មែរ​ជំរឿន​និង​ការពារ​សិទ្ធិ​មនុស្ស​ លីកាដូ​ ក៏​មាន​ចេញ​ផ្សាយ​កម្រង​រូបភាព​នេះ ​ដើម្បី​បង្ហាញ​ឲ្យ​ឃើញ​ពី​ស្ថានភាព​ខុសៗ​គ្នា​នៅ​ក្នុង​ដំណើរការ​ផលិតឥដ្ឋ​ និង​លក្ខខណ្ឌ​ការងារ​និង​ការ​រស់នៅ​របស់​មនុស្ស​ពេញវ័យ​និង​កុមារ​ដែល​ធ្វើកា​រ​នៅ​ក្នុង​សិប្បកម្ម​ផលិត​ឥដ្ឋ។

មើល​កម្រង​រូបភាព...

ក្បួន​​ដង្ហែ​​នៃ​​ពិធី​​បុណ្យខួប​​គំរប់​​​ ​១០០ថ្ងៃ​ ​របស់​​លោក​​បណ្ឌិត​ ​កែម​ ​ឡី​
ចេញផ្សាយ ថ្ងៃទី​១៧ ខែតុលា ឆ្នាំ២០១៦

កាល​ពី​ថ្ងៃ​អាទិត្យ​កន្លង​ទៅ​នេះ​ ប្រជាពលរដ្ឋ​រាប់ពាន់​នាក់​បាន​ចូលរួម​ដង្ហែ​ក្បួន​ពី​រាជធានី​ភ្នំពេញ​ ឆ្ពោះ​ទៅ​កាន់​ខេត្ត​តាកែវ​ ដែល​មាន​ចម្ងាយ​ប្រមាណ​ជា ​៩០​គីឡូ​ម៉ែត្រ​ ដើម្បី​ប្រារព្ធ​ពិធី​បុណ្យ​ខួប​គំរប់​ ១០០ថ្ងៃ​ នៃ​ឃាតកម្ម​លើ​អ្នក​វិភាគ​នយោបាយ​ឯករាជ្យ​ លោក​បណ្ឌិត​ កែម​ ឡី។​ លោក​ត្រូវ​បាន​ឃាតករ​បាញ់​សម្លាប់ នៅ​ក្នុង​ហាង​កាហ្វេ​នៃ​បរិវេណ​ស្ថានីយ​ប្រេង​ឥន្ធនៈ​កាល់​តិច​មួយ​កន្លែង​ នៅ​កណ្ដាល​រាជធានី​ភ្នំពេញ។​ រយៈពេល​ជាង​៣ខែ​មក​ហើយ​ ចាប់​តាំង​ពី​លោក​ត្រូវ​បាន​ឃាតករ​បាញ់​សម្លាប់​ទាំង​កណ្ដាល​ថ្ងៃ​នៅ​កណ្ដាល​រាជធានី​ ប៉ុន្តែ​នៅតែ​មិន​ទាន់​មាន​ការ​ស៊ើប​អង្កេត​ដោយ​ឯករាជ្យ ​ដែល​គួរឲ្យ​ទុក​ចិត្ត​បាន​នៅ​ឡើយ​ទេ​ ពាក់ព័ន្ធ​នឹង​ឃាតកម្ម​របស់​លោក​នេះ។​


ក្បួន​ដង្ហែ​បាន​ចាប់​ផ្ដើម​ចេញ​ពីវ​ត្ត​ពោ​ធិ​យារាម​ ហៅ​វត្តចាស់​ នៅ​ក្នុង​រាជធានី​ភ្នំពេញ​ ជាកន្លែង​ដែល​ប្រជាពលរដ្ឋ​រាប់​ពាន់​នាក់​បាន​ធ្វើ​ដំណើរ​ទៅ​គោរព​វិញ្ញាណ​ក្ខន្ធ​របស់​លោក​បណ្ឌិត ​កែម​ ឡី ​កាល​ពី២​ថ្ងៃ​មុន​ថ្ងៃ​​ដង្ហែ​​ក្បួន​នេះ។

មើល​កម្រង​រូបភាព...

ប្រជាពលរដ្ឋរាប់ពាន់នាក់ ទាមទារយុត្តិធម៌​ក្នុង​ការប្រារព្ធ​ទិវា​សិទិ្ធ​មនុស្ស​អន្តរជាតិ
ចេញផ្សាយ ថ្ងៃទី​១៧ ខែធ្នូ ឆ្នាំ២០១៥

ក្នុងការប្រារព្ធទិវាសិទិ្ធមនុស្សអន្តរជាតិ ពលរដ្ឋ​ប្រមាណ ១ម៉ឺននាក់ មកពី​សហគមន៍​ជនបទ និង​ទីក្រុង បាន​ចូលរួម​ដើរក្បួន និង​ប្រារព្ធ​ទិវានេះ​នៅ​ទីតាំង​ចំនួន ២០កន្លែង ទូទាំង​ប្រទេស​ចាប់ពី​ថ្ងៃទី៦ ដល់​ថ្ងៃទី១០ ខែធ្នូ។ ការប្រារព្ធទិវា​នេះ ត្រូវបាន​រៀបចំ​ឡើង​ដោយ​បណ្តាញ​ក្រៅ​ប្រព័ន្ធ ក្រុម​មិត្ត ១០ធ្នូ ដែល​រួម​មាន ក្រុម​យុវជន សហគមន៍​ដីធ្លី សមាគម កសិករ ព្រះសង្ឃ និង​អង្គការ​មិនមែន​រដ្ឋាភិបាល។

នៅថ្ងៃទី១០ ខែធ្នូ ពលរដ្ឋជា​ច្រើន​ក្រុម បាន​ដើរក្បួន​ដោយ​អហិង្សា​ពីទីកន្លែង​ខុសៗ​គ្នានៅ​ក្នុង​រាជធានី​ភ្នំពេញ ឆ្ពោះ​ទៅកាន់​ក្រសួង​យុត្តិធម៌ ដើម្បី​ទាមទារ​ឲ្យរាជ​រដ្ឋាភិបាល​ដោះស្រាយ​ជម្លោះ​ដីធ្លី​ដ៏រ៉ាំរ៉ៃ​នៅក្នុង​ប្រទេស​កម្ពុជា កែទម្រង់​ប្រព័ន្ធ​តុលាការ និង​ដោះលែង​សកម្មជន​និង​អ្នក​ការពារ​សិទិ្ធ​មនុស្ស ដំឡើង​ប្រាក់ឈ្នួល​អប្បបរមា​និង​គោរព​សិទិ្ធ​ការងារ បញ្ឈប់​អំពើ​ហិង្សា​ដែល​គាំទ្រ​ដោយ​អាជ្ញាធររដ្ឋ និង​គោរព​សេរីភាព​ក្នុងការ​បញ្ចេញ​មតិ ជួបជុំ និង​ប្រមូលផ្តុំ​ដោយ​អហិង្សា។ ប្រធាន​បទ​សម្រាប់​ទិវា​សិទិ្ធ​មនុស្ស​នាឆ្នាំ​នេះ គឺ “យុត្តិធម៌”។

មើល​កម្រង​រូបភាព...

សហគមន៍មកពី​ខេត្តជា​ច្រើន​នៅទូទាំង​ប្រទេស​កម្ពុជា ប្រារព្ធ​ទិវាសិទិ្ធ​លំនៅដ្ឋាន​ពិភពលោកនៅ​រាជធានី​ភ្នំពេញ
ចេញផ្សាយ ថ្ងៃទី​៥ ខែតុលា ឆ្នាំ២០១៥

នាព្រឹកនេះ សមាជិកសហគមន៍ ព្រះសង្ឃ និងក្រុម​ប្រជាពលរដ្ឋ​មូលដ្ឋាន ជាង ១.៤០០ នាក់ មកពី​ខេត្តជា​ច្រើន​នៅទូទាំង​ប្រទេស​កម្ពុជា បាន​ប្រមូល​ផ្តុំគ្នា​នៅ​រាជធានី​ភ្នំពេញ ដើម្បី​ប្រារព្ធ​ទិវា​សិទិ្ធលំនៅដ្ឋាន​ពិភពលោក​លើកទី ៣០ និង​អំពាវនាវ​ដល់​អាជ្ញាធរ​ក្នុងការ​គោរពនូវ​សិទិ្ធ​ទទួល​បានលំនៅ​ដ្ឋាន​របស់​ប្រជាពលរដ្ឋ​កម្ពុជា។

មើល​កម្រង​រូបភាព...

សង្គមស៊ីវិលចាប់​ផ្តើម​មាន​សន្ទុះ​ខ្លាំង​ក្នុង​ការធ្វើ​យុទ្ធនាការ​ជំទាស់​នឹង​ច្បាប់​ដែល​គាប​សង្កត់
ចេញផ្សាយ ថ្ងៃទី​២ ខែកក្កដា ឆ្នាំ២០១៥

ចាប់តាំងពីថ្ងៃទី២៨ ដល់ថ្ងៃទី៣០ ខែមិថុនា សង្គម​ស៊ីវិល​ដែល​ធ្វើ​ការងារ​ក្នុង​គ្រប់​វិស័យ​នៃ​ប្រទេស​កម្ពុជា បានធ្វើ​យុទ្ធនាការ​យ៉ាង​ខ្លាំងក្លា​រយៈពេល ៣ថ្ងៃ ដើម្បី​តវ៉ា​ជំទាស់​នឹង​សេចក្តី​ព្រាង​ច្បាប់​ចំនួន ២ គឺ៖ សេចក្តី​ព្រាង​ច្បាប់​ស្តីពី​សមាគម និង​អង្គការ​មិនមែន​រដ្ឋាភិបាល និង​សេចក្តី​ព្រាង​ច្បាប់​ស្តីពី​សហជីព។ នៅថ្ងៃ​ទីបី អាជ្ញាធរ​ជាច្រើន បាន​ប្រើប្រាស់​កង​កម្លាំង ដើម្បី​រារាំង​សមាជិក​សង្គម​ស៊ីវិល​ជាច្រើន​រយ​នាក់ ពីការ​ដើរ​ហែក្បួន​អហិង្សា​ពីទី​តាំង​ចំនួន​បួន​ខុសៗ​គ្នា ឆ្ពោះ​ទៅកាន់​វិមាន​រដ្ឋសភា។

មើល​កម្រង​រូបភាព...

ការ​ប្រារព្ធទិវាពល​កម្មអន្តរជាតិអហិង្សា​ក្នុងរាជធានីភ្នំពេញ ឆ្នាំ២០១៥
ចេញផ្សាយ ថ្ងៃទី​៥ ខែឧសភា ឆ្នាំ២០១៥

នៅព្រឹក ថ្ងៃទី១ ខែឧសភា ឆ្នាំ២០១៥ក្នុង​ការប្រាទិវាពល​កម្មអន្តរជាតិ មានក្បួនដង្ហែរ និង​ការ​ជួបជុំគ្នាត្រូវ​បានធ្វើឡើង​នៅ៣កន្លែង ក្នុងរាជធានី​ភ្នំពេញ ដើ ម្បីស្នើតម្លើងប្រាក់​ឈ្នួលទៅដល់ ១៧៧ដុល្លាសហរដ្ឋអាមេរិក ឲ្យគោរពសិទ្ធ​កម្មករឲ្យបាន​ល្អប្រសើរ សេរីភាពក្នុង​ការបញ្ចេញមតិ និងអំពាវនាវសុំ​ឲ្យរដ្ឋាភិបាល​បញ្ឈប់សេចក្តីព្រាង​ច្បាប់ស្តីពីសហជីព និងសេចក្តីព្រាងច្បាប់​ស្តីពីសមាគម និងអង្គការ​មិនមែនរដ្ឋាភិបាល។

មើល​កម្រង​រូបភាព...

ការដើរហែក្បួនធម្មយាត្រា-សិទិ្ធយាត្រា​ក្នុង​​ទិវា​សិទិ្ធ​មនុស្ស​អន្តរជាតិ ២០១៤
ចេញផ្សាយ ថ្ងៃទី​១៥ ខែធ្នូ ឆ្នាំ២០១៤

ដើម្បីអបអរសាទរទិវាសិទិ្ធ​មនុស្ស​អន្តរជាតិ ឆ្នាំ​២០១៤ ព្រះសង្ឃ​ប្រមាណ ៦០០ អង្គ បាន​ដឹកនាំ​ក្បួនធម្ម​​យាត្រា-សិទិ្ធយាត្រា​​ជាមួយ​​សកម្មជន សហជីព សមាគម ប្រជាពលរដ្ឋ​នៅទី​ជនបទ និង​ទីប្រជុំជន អង្គការ​មិនមែន​រដ្ឋាភិបាល​នានា តាម​ផ្លូវជាតិ​ចំនួន ៦ ឆ្ពោះ​មកកាន់​រាជធានី​ភ្នំពេញ ចាប់ពី​ថ្ងៃទី​៥ ដល់​ថ្ងៃទី​១០ ខែធ្នូ។ សាររួម​នៃ​ទិវា​នាឆ្នាំនេះ​គឺ “គោរព​សិទិ្ធ​មនុស្ស​នាំមក​នូវ​សន្តិភាព!” នេះជា​លើក​ទីមួយ ដែល​សហគមន៍​ជនជាតិ​ដើមភាគ​តិច​នៅ​ខេត្ត​រតនគិរី បាន​ចូលរួម​ក្នុង​ការ​ប្រារព្ធ​ទិវា​នេះ​ដោយ​ខ្លួន​ឯង ដោយការ​ដើរហែ​ក្បួន​នៅតាម​ផ្លូវជាតិ​លេខ ៧ ចាប់ផ្តើម​ពីថ្ងៃទី​៤ ខែធ្នូ។

មើល​កម្រង​រូបភាព...

សូមដោះលែង​ ១៩ នាក់៖ សង្ខេបប្រវត្តិស្ត្រី​បឹងកក់​ទាំង ១០​នាក់
ចេញផ្សាយ ថ្ងៃទី​៨ ខែធ្នូ ឆ្នាំ២០១៤

នាថ្ងៃទី១០ និង​ទី១១ ខែ​វិច្ឆិកា សកម្មជន​សិទិ្ធដីធ្លីតំបន់​បឹង​កក់​ចំនួន ១០​នាក់ ត្រូវ​បាន​ចាប់​ខ្លួន​ នៅ​ខណៈ​ដែល​កំពុង​ធ្វើ​ការ​តវ៉ា​អហិង្សា​នៅ​រាជ​ធានី​ភ្នំពេញ។ នៅ​ត្រឹម​ថ្ងៃ​ទី​១២ អ្នក​ទាំង​នោះ​ត្រូវ​បាន​ផ្តន្ទាទោស​ចំនួន ១​ឆ្នាំ​ក្នុង​ពន្ធនាគារ​។ ការ​ដាក់​ពន្ធនាគារ​ស្រ្តី​ទាំង​នោះ ត្រូវ​បាន​ធ្វើ​ឡើង​អំឡុង​ពេល​មាន​ការ​ចាប់​ខ្លួន​ជាច្រើន​ ដែល​ដាក់​គោល​ដៅ​មិន​ត្រឹម​តែ​លើ​សកម្ម​ជន​ដី​ធ្លី ប៉ុន្តែ​ក៏​ទៅលើ​សមាជិក​គណបក្ស​ជំទាស់​ និង​ព្រះ​សង្ឃ​ជា​សកម្ម​ជន។ ប្រាំបី​នាក់​ក្នុង​ចំណោម​អ្នក​ទាំង​នោះ នៅ​ក្នុង​ពន្ធនាគារ​នៅ​ឡើង។

កម្រង​រូប​ភាព​នេះ​ផ្តោត​ទៅលើ​ស្ត្រីជា​សកម្ម​ជន​តំបន់​​បឹង​កក់​ទាំង ១០​រូប​ ដែល​បាន​តស៊ូ​ស្វែង​រក​ដំណោះ​ស្រាយ​លើ​ជម្លោះ​ដី​ធ្លី​របស់​អ្នក​ទាំង​នោះ ហើយ​ឥឡូវ​មាន​រយៈ​ពេល​ ៧ឆ្នាំ​ហើយ​។ សម្រាប់​ប្រាំ​នាក់​ក្នុង​ចំណោម​អ្នក​ទាំង​នោះ នេះ​ជា​ការ​ជាប់​ពន្ធ​នាគារ​លើក​ទី​ពីរ​។

មើល​កម្រង​រូបភាព...

អ្នក​គាំទ្រ​ចំនួន៤នាក់ នៃ​អ្នក​បឹងកក់​ទាំង ៧នាក់ ក៏ត្រូវបាន​ចាប់ខ្លួន នៅ​ខាងក្រៅ​តុលាការ​ក្រុងភ្នំពេញដែរ
ចេញផ្សាយ ថ្ងៃទី​១២ ខែវិច្ឆិកា ឆ្នាំ២០១៤

កាលពីព្រឹក​ថ្ងៃអង្គារ៍ ទី១១ ខែវិចិ្ឆកា អ្នក​តំណាង​មកពី​សហគមន៍​ជាច្រើន ប្រមាណ ៥០នាក់ បានប្រមូល​ផ្តុំគ្នា​នៅ​មុខ​សាលាដំបូងរាជធានី​ភ្នំពេញ ដើម្បី​តវ៉ានឹង​ការឃុំខ្លួន​សកម្មជន​តំបន់បឹងកក់ ដែលត្រូវ​បានចាប់​ខ្លួន​មួយថ្ងៃមុន នៅ​ខណៈដែល​កំពុងតវ៉ា​នៅខាងក្រៅ​សាលារាជធានី​ភ្នំពេញ ពាក់ព័ន្ធនឹង​ការបរាជ័យ​ក្នុងការដោះស្រាយ​បញ្ហាលូបង្ហូរ​ទឹកស្អុយចេញ​ពីតំបន់​បឹងកក់​របស់អាជ្ញាធរ​សាលារាជធានី​ភ្នំពេញ។ នគរបាល​អន្តរាគមន៍ និង​កងសន្តិសុខ​ជាង ១០០ នាក់ បាន​បំបែក​ដោយ​ហិង្សាលើ​អ្នកតវ៉ា និងចាប់​ខ្លួនសកម្មជន​ចំនួន ៣នាក់ និងព្រះសង្ឃ​មួយ​អង្គផ្សេងទៀត។

មើល​កម្រង​រូបភាព...

កម្មករ​ចាប់​ផ្តើម​យុទ្ធនាការ​តំឡើង​ប្រាក់​ឈ្នួល​អប្បបរមា ១៧៧ ដុល្លារ ក្រោម​ការ​ឃ្លាំ​មើល​យ៉ាង​ខ្លាំង​ពី​កង​យោធា​យ៉ាង​ច្រើន
ចេញផ្សាយ ថ្ងៃទី​១៧ ខែកញ្ញា ឆ្នាំ២០១៤

ប្រហែលជាម៉ោង ១១ព្រឹក សហជីព​ទាំង​ក្នុង និង​ជុំវិញ​ទីក្រុង​ភ្នំពេញ​បានចាប់​ផ្តើម​យុទ្ធនាការ​ទាមទារ​ប្រាក់​ឈ្នួល​អប្បបរមា ១៧៧ ដុល្លាអាមេរិក នៅខាង​មុខ​រោងចក្រ​កាត់ដេរ ខណៈពេល​ដែល​កម្មករ​កំពុង​សម្រាក​អាហារ​ថ្ងៃត្រង់។ នៅក្នុង​សួន​ឧស្សាហកម្ម​កាណាឌីយ៉ា​តែមួយ មាន​កម្មករ​ជាង​មួយពាន់​នាក់​បាន​ប្រមូលផ្តុំ​គ្នា​នៅក្បែរ​រោងចក្រ​ដើម្បី​ទាមទារ​ប្រាក់​ឈ្នួល​អប្បបរមា​សមរម្យ​សម្រាប់​ជីវភាព​រស់នៅ។ កង​កម្លាំង​យោធា​ត្រូវបាន​គេដាក់​ត្រៀម​នៅតាម​បណ្តោយ​ផ្លូវវេង ស្រេង និង​នៅខាង​ក្នុង​សួន​ឧស្សាហកម្ម​កាណាឌីយ៉ា​ដើម្បី​ធ្វើការ​គំរាមកំហែង​ដល់កម្មករ​ទាំងនោះ។

មើល​កម្រង​រូបភាព...

ទិវាអន្តរជាតិស្តីពីយុវជន ឆ្នាំ២០១៤
ចេញផ្សាយ ថ្ងៃទី​១២ ខែសីហា ឆ្នាំ២០១៤

នាទិវាអន្តរជាតិស្តីពីយុវជន ថ្ងៃទី១២ខែសីហា អង្គការ
លីកាដូចេញផ្សាយនូវប្រវត្តិរូបយុវជនមួយចំនួនដែលជា​សមាជិក​​នៃបណ្តាញ​ក្រុម​ការពារ​កុមារ (CPGs)ហើយ​ធ្វើការ​យ៉ាង​សកម្ម​ក្នុងការ​លើក​ស្ទួយ​សិទិ្ធកុមារ​នៅក្នុង​សហគមន៍​របស់​អ្នក​ទាំង​នោះ។ អង្គការ លីកាដូ ធ្វើការជាមួយក្រុមការពារកុមារចំនួន ៧៣ ក្រុម ដោយ ៦ក្រុមនៃក្រុមទាំងនោះ តំណាងឲ្យយុវជន និង​មាន​សមាស​ភាព​ចំនួន ​៨១​នាក់ មក​ពី​តំបន់​គោល​ដៅ​ចំនួន​ ៤​ខេត្ត/​រាជ​ធានី​ គឺខេត្ត​កណ្តាល/​រាជ​ធានី​ភ្នំពេញ ព្រះសីហនុ​ កោះ​កុង និង ខេត្ត​សៀមរាប។ នាឆ្នាំនេះ​ សមាជិក​ក្រុមការ​ពា​រកុមា​រជាយុវជន​មួយ​ចំនួន​មក​ពីរាជ​ធានី​ភ្នំពេញ/​ខេត្ត​កណ្តាល បាន​ចូល​រួម​ប្រារព្ធ​ទិវា​អន្តរ​ជា​តិស្តី​ពី​យុវជន នៅ​រាជ​ធានី​ភ្នំពេញ​ ដែល​ត្រូវ​បាន​រៀប​ចំ ​ដោយ​បណ្តាញ​យុវជន​ដទៃ​ទៀត។​ប្រធាន​បទ​នា​ឆ្នាំនេះ​គឺ​ “យុវជន​ ចលនា​សង្គម និង​កា​រផ្លាស់​ប្តូរ”។​ ក្រុម​អ្នក​ចូល​រួម​និង​អ្នក​រៀប​ចំ​បា​នដើ​រហែ​រក្បួន​ពី​ទីលាន​ប្រជា​ធិបតេយ្យ​ទៅ​កាន់​វិមាន​រដ្ឋ​សភា​ជាតិ ជា​កន្លែង​ដែល​សមា​ជិក​ក្រុម​ការ​ពារ​កុមារ​ជា​យុវជន​បាន​ដាក់​ញត្តិ​អំពា​វនាវ​ដល់រាជ​​រដ្ឋាភិ​បាល​​ឲ្យ​ធ្វើ​ការ​លើក​កម្ពស់​សិទិ្ធកុមារ។

មើល​កម្រង​រូបភាព...

បីថ្ងៃនៃការភ័យខ្លាច៖ កង​កម្លាំង​របស់​អាជ្ញាធរ​រដ្ឋ​បង្ក្រាប​លើ​កម្មករ​រោងចក្រ
ចេញផ្សាយ ថ្ងៃទី​១០ ខែមករា ឆ្នាំ២០១៤

កាលពីថ្ងៃព្រហស្បតិ៍ ទី២ ខែមករា ឆ្នាំ២០១៤ កង​បញ្ជាការ​ពិសេស​លេខ ៩១១ បាន​បង្ក្រាប​យ៉ាង​ហិង្សា​មក​លើ​កម្មករ​រោងចក្រ​ដែល​មាន​ម្ចាស់​ជា​ជនជាតិ​កូរ៉េ​ខាងត្បូង​ឈ្មោះ យ៉ាក ជីង នៅខ័ណ្ឌ​ពោធិ៍សែន​ជ័យ​ក្នុង​រាជធានី​ភ្នំពេញ ដោយ​ប្រើប្រាស់​កាំបិត បំពង់​ទីប ជំពាម ដំបង និង​កាំភ្លើង​ពិត​ជា​ច្រើន​ប្រភេទ​ដែល​រួម​មាន​ទាំង​កាំភ្លើង AK 47 ដើម្បី​បំភិត​បំភ័យ និង​ធ្វើឲ្យ​ប្រជា​ពលរដ្ឋ​ជា​ច្រើន​រង​របួស។ នៅថ្ងៃ​បន្ទាប់​អាជ្ញាធរ​រដ្ឋ បាន​ប្រើ​ប្រាស់​កាំភ្លើង​ពិត​​ដើម្បី​បង្ក្រាប​ប្រជា​ពលរដ្ឋ​ដែល​កំពុង​បាតុកម្ម​នៅ​តំបន់​​ឧស្សាហកម្ម​កាណា​ឌីយ៉ា​តាម​បណ្តោយ​ផ្លូវ វេង ស្រេង ដែល​បណ្តាល​ឲ្យ​ប្រជាពលរដ្ឋ​ចំនួនយ៉ាងតិច ៤នាក់​ស្លាប់ និង​​រង​​របួស​ហើយ​បញ្ជួន​ទៅ​កាន់​មន្ទី​ពេទ្យ​យ៉ាង​តិច​ចំនួន ៣៨ នាក់ ដែល​ក្នុង​នោះ​មាន ២៥ នាក់​បាន​រង​របួស​ដោយ​គ្រាប់​កាំភ្លើង។ នៅថ្ងៃ​សៅរ៍ ទី៤ ខែ​មករា ឆ្នាំ២០១៣ អាជ្ញាធរ​ជា​ច្រើន​នាក់​បាន​ដេញ​អ្នក​គាំទ្រ​គណបក្ស​ប្រឆាំង​ចេញ​ពី​ទីលាន​ប្រជាធិបតេយ្យ ដោយ​ប្រើប្រាស់​ដំបង និង​បំពង់​ដែក​ជា​ច្រើន ដែល​ភាគ​ច្រើន​នៃ​អ្នក​ទាំង​នោះ​ជា​ព្រះ​សង្ឃ ស្ត្រី និង​កុមារ។ នៅខណៈ​ពេល​ដែល​មាន​ភាព​ចលាចល កង​កម្លាំង​របស់​អាជ្ញាធររដ្ឋ​បាន​រារាំង​អ្នក​សារ​ព័ត៌មាន និង​ក្រុម​សិទិ្ធ​មនុស្ស​ពីការ​ចូល​ទៅក្នុង​ទីលាន​ប្រជាធិបតេយ្យ។

មើល​កម្រង​រូបភាព...

ទិវាបុណ្យសិទ្ធិមនុស្សៈ ការប្រារព្ធទិវាបុណ្យ ការបិទផ្លូវ និងការតវ៉ា
ចេញផ្សាយ ថ្ងៃទី​១៣ ខែធ្នូ ឆ្នាំ២០១៣

នៅព្រឹកថ្ងៃអង្គារ ទី១០ ខែធ្នូ ឆ្នាំ២០១៣ ក្រុមប្រជាពលរដ្ឋជាច្រើន បានប្រារព្ធធ្វើ​ទិវាបុណ្យសិទ្ធិមនុស្សនៅជុំវិញរាជធានី។ ព្រះសង្ឃជាច្រើនអង្គ និងក្រុមសង្គមស៊ីវិល​ដែលហែក្បួនអហិង្សា បានប្រមូលផ្តុំគ្នា​ក្នុងគោលបំណង​តែមួយនៅមុខ​រដ្ឋសភា ជាតិ បន្ទាប់ពីការដើរហែក្បួន​អស់រយៈពេល ១០ថ្ងៃ មកពីបណ្តាខេត្តផ្សេងៗគ្នា។ ក្រុមប្រជាពលរដ្ឋប្រមាណ ១,០០០នាក់ ដែលភាគច្រើនជាកម្មកររោងចក្រ​បានប្រារព្ធ​ទិវាបុណ្យនេះនៅវត្តភ្នំ។ ស្របពេល​នោះដែរ គណបក្ស សង្គ្រោះជាតិ ក៏បានប្រារព្ធ​​ទិវានេះដែរ នៅទីលានប្រជាធិបតេយ្យ ដែលមានអ្នកចូលរួម​ប្រមាណ ៥,០០០នាក់។ ថ្ងៃដដែលនោះ ត្រូវបញ្ចប់ ដោយមាន​​ភាពតានតឹងមួយបានកើតឡើង ដែលមានមនុស្សចំនួន ១៥នាក់ តវ៉ានៅមុខស្ថានទូត អាមេរិច ត្រូវបានបង្ក្រាប ដោយកង​កម្លាំងរាជអាវុធហត្ថរាប់រយនាក់។

មើល​កម្រង​រូបភាព...

ការហែរក្បួន​ប្រារព្ធទិវា​ សិទិ្ធមនុស្ស​អន្តរជាតិ​ធ្វើអោយ​ប្រជាពលរដ្ឋ​ ចាប់អារម្មណ៍ និង ផ្តល់ជំនួយ
ចេញផ្សាយ ថ្ងៃទី​៦ ខែធ្នូ ឆ្នាំ២០១៣

កាលពីថ្ងៃអាទិត្យ ទី១ ខែធ្នូ ឆ្នាំ២០១៣ ក្រុមសង្គមស៊ីវិល ដែលដឹកនាំ​ដោយព្រះសង្ឃ បានចាប់​ផ្តើមធ្វើធម្មយាត្រា-​សិទិ្ធយាត្រា ពីទីតាំង ៥កន្លែង​ខុសៗគ្នាក្នុង​ខេត្តចំនួន ៥ មកតាម​ផ្លូវជាតិចំនួន ៥ មកកាន់​រាជធានីភ្នំពេញ ដើម្បីប្រារព្ធខួប​លើកទី ៦៥ នៃទិវាសិទិ្ធមនុស្សអន្តរជាតិ ១០ធ្នូ។ គោលបំណង​របស់អ្នកទាំងនោះ គឺធ្វើការដើរហែ​ក្បួនធម្មយាត្រា-​សិទិ្ធយាត្រា ចំងាយ ២០ គីឡូម៉ែត ក្នុងមួយថ្ងៃ និងធ្វើការ​ជួបជុំគ្នាជាក្រុម​ធំនៅមុខ​វិមានរដ្ឋសភាជាតិ នៅថ្ងៃទី១០ ខែធ្នូ ដើម្បីបង្ហាញពីញត្តិ ការព្រួយបារម្ភ និង​សំណូមពរពីប្រជាពលរដ្ឋ ដែលអ្នក​ទាំងនោះបានជួប ទៅដល់​តំណាងរាស្ត្រដែលបាន​ជាប់ឆ្នោត។ នៅតាម​ផ្លូវ អ្នកដើរក្បួន ក៏បានជួយផ្សព្វផ្សាយអំពី​សិទិ្ធមនុស្ស និងផ្តល់​នូវធម្មទេសនាដល់​សហគមន៍ផងដែរ។

មើល​កម្រង​រូបភាព...

អ្នកចូលរួម​ប្រមាណ​រាប់ម៉ឺន​នាក់ ចូល​រួម​ក្នុង​បាតុ​កម្ម​អហិង្សា​របស់​បក្ស​សង្គ្រោះ​ជាតិ​បីថ្ងៃ
ចេញផ្សាយ ថ្ងៃទី​១ ខែវិច្ឆិកា ឆ្នាំ២០១៣

ក្នុងរយៈពេលបីថ្ងៃដែលគិតចាប់ពីថ្ងៃ ២៣ដល់ថ្ងៃ២៥ ខែតុលា ឆ្នាំ២០១៣ មានប្រជាពលរដ្ឋជាង​២៥,០០០​នាក់ មក​ពី​គ្រប់​ទិសទី​ក្នុង​ប្រទេស​កម្ពុជា បានធ្វើការប្រមូលផ្តុំគ្នាដោយអហិង្សាក្នុងរាជធានី​សម្រាប់​ការ​ផ្លាស់​ប្តូរ​នយោបាយ។ ប្រធាន​គណបក្សសង្គ្រោះជាតិ ប្រមូលបាន ២.៣លាន ស្នាមមេដៃ ដែល​អំពាវនាវ​សូមឱ្យ​មានការ​ស៊ីបអង្កេត​ឯករាជ្យ​មួយ​លើ​ភាព​មិន​ប្រក្រតី ដែល​កើត​មានឡើងលើការបោះឆ្នោតក្នុងខែកក្កដា ក៏ដូចជា​អំពាវនាវ​ឱ្យ​មាន​កំណែ​ទម្រង់​ការ​បោះឆ្នោត។ ដើម្បីធ្វើឱ្យស្របទៅនិងសន្ធិសញ្ញាទីក្រុងបារីសឆ្នាំ១៩៩១ ប្រធានគណបក្សសង្គ្រោះជាតិ និងអ្នកគាំទ្រ​​ទាំង​​អស់​បាន​ដាក់​ញត្តិ​​របស់​ពួកគេ​ទៅស្ថានទូតចំនួន៨ និង អង្គការសហប្រជាជាតិ ដើម្បីអំពាវនាវឱ្យប្រទេសជា​ហត្ថ​លេខី ប្រកាន់​ខ្ជាប់ការសន្យាជួយធានាឱ្យបាននូវលិទ្ធិប្រជាធិបតេយ្យ និងការគោរព​សិទ្ធិ​មនុស្ស​ក្នុង​ប្រទេស​កម្ពុជា។

មើល​កម្រង​រូបភាព...

ការ​ប្រមូល​ផ្តុំ​តវ៉ា​ប្រ​ឆាំង​នឹង​មេ​ដឹក​នាំ​គណ​បក្ស​ប្រឆាំង នៅ​ក្នុង​រាជ​ធានី​នៃ​ប្រទេស​កម្ពុជា
ចេញផ្សាយ ថ្ងៃទី​១០ ខែមិថុនា ឆ្នាំ២០១៣

នៅព្រឹកថ្ងៃទី៩ ខែមិថុនា ឆ្នាំ២០១៣ ព្រឹត្តិការណ៍​នៃ​ការ​តវ៉ា​ជា​ច្រើន បាន​កើត​ឡើង​ទូទាំង​ប្រទេស​កម្ពុជា ដែលអ្នក​ចូល​រួម​ទាំង​អស់​ប្រកាស​ប្រឆាំង​ចំពោះ​សំដី​លើក ឡើងដោយ​មេ​ដឹក​នាំ​គណបក្ស​ប្រឆាំង លោក កឹម សុខា។ មេ​ដឹក​នាំ​គណ​បក្ស​សង្គ្រោះ​ជាតិ បាន​លើក​ឡើងថា គុក ប្រល័យ​ពូជ​សាសន៍ ទួល​ស្លែង គឺ​ជា​ការ​ប្រឌិត​ឡើង​របស់ វៀត​ណាម។ ការ​ប្រមូល​ផ្តុំ​ទាំង​នោះ បានធ្វើឡើងបន្ទាប់​ពី​មាន​ការ​តបត​យ៉ាង​ខ្លាំង​ដោយ​គណ​បក្ស​កាន់​អំណាច មក​លើ​លោក​កឹម សុខា ប៉ុន្មាន​សប្តាហ៍​មុន។ ស្ថានីយ៍​ទូរទស្សន៍​ភាគ​ច្រើន ដែលគ្រប់គ្រង​ដោយ​គណបក្ស​កាន់​អំណាច បាន​មក​ផ្សាយ​ផ្ទាល់​អំពី​ព្រឹត្តិការណ៍​នេះ។

មើល​កម្រង​រូបភាព...

ការប្រមូលផ្តុំគ្នារបស់ប្រជាពលរដ្ឋនៅក្នុងពេល តែមួយនៅទីក្រុងភ្នំពេញ និងនៅទីក្រុងសេអ៊ូលក្នុងការអំពាវនាវ សុំឲ្យមានការដោះលែងអ្នកស្រី យ៉ោម បុប្ផា
ចេញផ្សាយ ថ្ងៃទី​៨ ខែឧសភា ឆ្នាំ២០១៣

នៅព្រឹកថ្ងៃទី៨ ខែឧសភា ឆ្នាំ២០១៣ សកម្មជនសហគមន៍បឹងកក់ជាច្រើននាក់ បានមកប្រមូលផ្តុំគ្នានៅមុខស្ថានទូត កូរ៉េខាងត្បួងនៅរាជធានីភ្នំពេញ ដើម្បីអំពាវនាវសុំឲ្យមានការដោះលែងសកម្មជន បឹងកក់ អ្នកស្រី យ៉ោម បុប្ផា ដែលត្រូវបានអង្គការលើកលែងទោសអន្តរជាតិ ផ្តល់នាមជា អ្នកទោសនៃមនសិការ កាលពីដើមឆ្នាំនេះ។ សកម្មភាពនេះ ត្រូវបានធ្វើឡើងដោយសាមគ្គីភាពជាមួយនឹងការប្រមូលផ្តុំដូចគ្នា ក្នុងពេលតែមួយនៃសកម្មជនកូរ៉េ ខាងត្បូងដែលត្រូវបានចូលរួម ដោយសមាជិកម្នាក់នៃសហគមន៍បឹងកក់ នៅខាងមុខស្ថានទូត នៃព្រះរាជាណាចក្រកម្ពុជា នៅទីក្រុងសេអ៊ូល ប្រទេសកូរ៉េខាងត្បូង។ ការប្រមូលផ្តុំពីរកន្លែងផ្សេងគ្នាក្នុងប្រទេសពីរ ក្នុងពេលតែមួយនេះ ទទួលបានអ្នក គាំទ្រច្រើនបំផុត ដើម្បីធ្វើការដាក់លិខិតអំពាវនាវសុំឲ្យមានការដោះលែងអ្នកស្រី យ៉ោម បុប្ផា ទៅកាន់មន្ត្រីទូតនានា។

មើល​កម្រង​រូបភាព...

ទិវាពលកម្មអន្តរជាតិ ឆ្នាំ២០១៣ នៅប្រទេស កម្ពុជា
ចេញផ្សាយ ថ្ងៃទី​១ ខែឧសភា ឆ្នាំ២០១៣

នៅថ្ងៃទី១ ខែឧសភា ឆ្នាំ២០១៣ មានកម្មករ កម្មការិនីរោងចក្រ មេដឹកនាំសហជីព សហគមន៍មូលដ្ឋាន ក្រុមអ្នករត់ម៉ូតូឧុប សិស្ស និស្សិត អង្គការមិនមែនរដ្ឋាភិបាល និងអ្នកចូលរួមដទៃទៀតប្រមាណពី ៦,០០០ នាក់ ទៅ ៧,០០០ នាក់ បាន ប្រមូលផ្តុំនៅរាជធានីភ្នំពេញ ដើម្បីប្រារព្ធទិវាពលកម្មអន្តរជាតិ។ បន្ទាប់មកអ្នកទាំងអស់ បានធ្វើការដើរហែក្បួនចេញពី ទីលានសួនសេរីភាពទៅកាន់រដ្ឋសភាជាតិ ដើម្បីអំពាវនាវសុំឲ្យតំឡើង ប្រាក់ឈ្នួលកម្មករឲ្យបានសមរម្យ ល័ក្ខខ័ណ្ឌការងារ ល្អប្រសើរ ព្រមទាំងផ្តល់យុត្តិធម៌ដល់ ករណីលោក ប៊ន សំណាង និងសុក សំអឿន និងលោកឈូក បណ្ឌិត។ សៀវភៅរូបថតនេះ គឺជារូបភាពនៃការដើរហែក្បួន។

មើល​កម្រង​រូបភាព...

ការតវ៉ាឲ្យដោះលែងអ្នកស្រី យ៉ោម បុប្ឆា៖ ១៧៦ ថ្ងៃនៃការរួមគ្នាតវ៉ាក្នុងប្រទេសកម្ពុជា
ចេញផ្សាយ ថ្ងៃទី​២៦ ខែកុម្ភៈ ឆ្នាំ២០១៣

ថ្ងៃនេះ គឺជាថ្ងៃទី១៧៦ ដែលអ្នកស្រី យ៉ោម បុប្ផា បានស្ថិតក្នុងមណ្ឌលកែប្រែអប់រំទី២ ដែលជាពន្ធនាគារនៅជាយរាជធានីភ្នំពេញ។



អ្នកស្រី យ៉ោម បុប្ផា គឺជាអ្នកការពារសិទិ្ធមនុស្សមកពីសហគមន៍បឹងកក់ ដែលបានដើរ តួនាទីយ៉ាងសកម្ម ក្នុងចលនាដើម្បីអំពាវនាវ សូមឲ្យមានការដោះលែងស្ត្រីបឹងកក់ទាំង ១៣ ដែលជាក្រុមស្ត្រីដែលត្រូវបានតុលាការដាក់ពន្ធនាគារ កាលពីខែឧសភា ឆ្នាំ២០១២ ទាក់ទងនឹងការតស៊ូការពារសិទិ្ធដីធ្លីរបស់អ្នកទាំងនោះ។ ស្ត្រីបឹងកក់ទាំង ១៣ ត្រូវបានដោះលែង កាលពីថ្ងៃទី ២៧ ខែមិថុនា ប៉ុន្តែអ្នកស្រី បុប្ផា ត្រូវបានចាប់ខ្លួន នៅថ្ងៃទី៤ ខែតុលា ឆ្នាំ២០១២ ហើយទទួលរងការចោទប្រកាន់ថា បានវាយបុរសម្នាក់ នៅតំបន់បឹងកក់។ ទោះជាអ្នកស្រីមិនមានគ្មានកំហុស អ្នកស្រីនៅតែត្រូវបានផ្តន្ទាទោស កាលពីថ្ងៃទី២៦ ខែធ្នូ ឆ្នាំ២០១២ ហើយដាក់ពន្ធនាគាររយៈពេល ៣ឆ្នាំ។



ចាប់តាំងពីអ្នកស្រី ត្រូវបានតុលាការចាប់ខ្លួនមក អ្នកភូមិបឹងកក់ និងអ្នកគាំទ្រនានា បានចាប់ផ្តើមការតវ៉ាធំៗជាច្រើន ដើម្បីអំពាវនាវសូមឲ្យមានការដោះលែងអ្នកស្រី។ សៀវភៅរូបថតនេះ បានចងក្រងនូវព្រឹត្តិការណ៍ទាំងនេះមួយចំនួន។

មើល​កម្រង​រូបភាព...

ជួបជាមួយអ្នកភូមិបឹងកក់ ១៥នាក់
ចេញផ្សាយ ថ្ងៃទី​១៨ ខែមិថុនា ឆ្នាំ២០១២

កាលពីខែឧសភា ឆ្នាំ២០១២ សកម្មជន ១៥នាក់ ដែលមកពីសហគមន៍បឹងកក់​នៅទីក្រុងភ្នំពេញ ត្រូវបានចាប់ខ្លួនទាក់ទងនឹង​ជម្លោះដីធ្លី​ដែលបង្ខំឲ្យប្រជាពលរដ្ឋជាច្រើនពាន់នាក់​ចាកចេញពីតំបន់នោះ។ ១៣នាក់​ក្នុងចំណោមអ្នកទាំង ១៥ ត្រូវបានផ្តន្ទាទោស និងជាប់ពន្ធនាគារ រីឯ២នាក់ទៀត ត្រូវបានដោះលែង​ពីការឃុំខ្លួនបណ្តោះអាសន្ន​នៅថ្ងៃទី១៥ ខែមិថុនា ប៉ុន្តែនៅតែប្រឈមមុខ​នឹងការចោទប្រកាន់ដដែល។ សៀវភៅរូបថតនេះ បង្ហាញពីរូបថត និងជីវប្រវត្តិរបស់សកម្មជនទាំង ១៥នាក់។

មើល​កម្រង​រូបភាព...

ដោះលែងអ្នកភូមិ ១៥នាក់៖ ក្រុមកុមារ​នៅតំបន់បឹងកក់​ច្រៀងដើម្បីដោះលែង​ឳពុកម្តាយរបស់ខ្លួន
ចេញផ្សាយ ថ្ងៃទី​៣១ ខែឧសភា ឆ្នាំ២០១២

នៅថ្ងៃទី៣១ ខែឧសភា ក្រុមកុមារជាកូន និងចៅនៃ “អ្នកភូមិបឹងកក់ ១៥នាក់” (អតីតអ្នករស់នៅ​តំបន់សហគមន៍បឹងកក់ ដែលបានជាប់ពន្ធនាគារ​ដោយសារជម្លោះដីធ្លី) បានប្រមូលផ្តុំគ្នា​នៅមុខក្រសួងយុត្តិធម៌ ដើម្បីច្រៀងចម្រៀង​គាំទ្រសាច់ញាតិរបស់គេ។

មើល​កម្រង​រូបភាព...

ញត្តិប្រវែង ២៣០ ម៉ែត្រ បានដាក់ជូនទៅកាន់រដ្ឋសភាជាតិក្នុងប្រទេសកម្ពុជា
ចេញផ្សាយ ថ្ងៃទី​២០ ខែធ្នូ ឆ្នាំ២០១១

កាលពីព្រឹកថ្ងៃទី២០ ខែធ្នូ ឆ្នាំ២០១១ វេលាម៉ោង៨ និង៣០នាទី ប្រជាពលរដ្ឋកម្ពុជា ប្រមាណជាង១០០នាក់ ដែលមកពីបណ្តា ២៣ខេត្តក្រុង បានប្រមូលផ្តុំគ្នា ដោយអហិង្សា ដើម្បីកាន់បង្ហាញញតិ្ត ដែលបិតជាប់នឹងក្រមាពណ៌ខៀវប្រវែង បណ្តោយ ២៣០ម៉ែត្រ នៅមុខរដ្ឋសភាជាតិ។ ញតិ្តទាំងនោះ បានសសេរជាភាសាខ្មែរ ដើម្បីដាក់ជូនទៅកាន់រាជរដ្ឋាភិបាលពីសំណាក់ប្រជាពលរដ្ឋកម្ពុជា ដើម្បីអំពាវនាវ សុំឲ្យ រដ្ឋាភិបាលបញ្ឈប់គោលបំណងរបស់ខ្លួន ក្នុងការអនុម័តច្បាប់ស្តីពីសមាគម និងអង្គការមិនមែនរដ្ឋាភិបាល ច្បាប់ស្តីពីសហជីពពាណិជ្ជកម្ម និងច្បាប់ស្តីពីសហករកសិករ ដែលបានដាក់កម្រឹតលើសិទ្ធិ សេរីភាព និងសិទ្ធិមូលដ្ឋាន របស់ប្រជាពលរដ្ឋកម្ពុជា

មើល​កម្រង​រូបភាព...

ក្រុមបណ្តាញព្រៃឡង់ដើរល្បាតព្រៃឡង់នៅកម្ពុជា
ចេញផ្សាយ ថ្ងៃទី​២១ ខែវិច្ឆិកា ឆ្នាំ២០១១

នៅដើមខែវិច្ឆិកា សកម្មជនបណ្តាញព្រៃឡង់ប្រមាណ ៣០០នាក់ បានធ្វើដំណើរ ចូលយ៉ាងជ្រៅទៅក្នុងព្រៃឡង់ ដើម្បីឃ្លាំមើលការកាប់បំផ្លាញព្រៃឈើ ដោយក្រុមហ៊ុន CRCK ដែលបាន ទទួលដីសម្បទានសេដ្ឋកិច្ចនៅក្នុងតំបន់នោះ។ គោលបំណង របស់សកម្មជន \"គឺដើម្បីទប់ស្កាត់ការកាប់ឈើខុសច្បាប់ បន្ថែមទៀតនៅតំបន់នោះ។ ការធ្វើដំណើរដោយស្មើជើង ជាច្រើនថ្ងៃ។ នេះ ជាឯកសារ បង្ហាញពីការធ្វើដំណើរ របស់ពួកគេ។

មើល​កម្រង​រូបភាព...

អ្នកភូមិបឹងកក់តវ៉ាដោយអហិង្សា មុខតុលាការរាជធានីភ្នំពេញនៅក្នុងកម្ពុជា
ចេញផ្សាយ ថ្ងៃទី​១៨ ខែតុលា ឆ្នាំ២០១១

នៅព្រឹកថ្ងៃទី១៨ ខែតុលា ឆ្នាំ២០១១ អ្នកភូមិបឹងកក់ប្រមាណជាង ២០០ នាក់ បានប្រមូលផ្តុំគ្នា ដោយអហិង្សានៅមុខតុលាការរាជធានីភ្នំពេញ ដើម្បីបង្ហាញពី ការគាំទ្រដល់តំណាងសហគមន៍ចំនួន ៦ នាក់ ដែលត្រូវបានតុលាការកោះហៅ។ ការកោះហៅនេះ មានទាក់ទងទៅពាក្យបណ្តឹង របស់អាជ្ញាធរមូលដ្ឋាន ដែលចោទប្រកាន់អ្នកទាំង ៦ នាក់ នោះពីបទបរិហាកេរ្តិ៍ និងធ្វើឱ្យមាន ការគំរាមកំហែង ខុសច្បាប់ និងការជេរប្រមាថ។

មើល​កម្រង​រូបភាព...

បណ្តាញព្រៃឡង់តវ៉ានៅរាជធានីភ្នំពេញ
ចេញផ្សាយ ថ្ងៃទី​៣ ខែមិថុនា ឆ្នាំ២០១១

នៅថ្ងៃទី២៥ ខែឧសភា ឆ្នាំ២០១១ អ្នកតវ៉ាជាច្រើននាក់ បានមកដល់រាជធានីភ្នំពេញ ដើម្បីតវ៉ាពីការកាប់បំផ្លាញព្រៃឡង់។ ការផ្តល់សម្បទានសេដ្ឋកិច្ចនាពេលថ្មីៗនេះ បានបង្កហានិភ័យប៉ះពាល់ដល់ជីវភាពរស់នៅរបស់ប្រជាពលរដ្ឋរាប់ពាន់នាក់។

មើល​កម្រង​រូបភាព...

ទិវាពលកម្មអន្តរជាតិ ឆ្នាំ២០១១៖ ការប្រារព្ធធ្វើបុណ្យ សិទ្ធិក្នុងការជួបជុំ
ចេញផ្សាយ ថ្ងៃទី​៦ ខែឧសភា ឆ្នាំ២០១១

នៅថ្ងៃទី១ ខែឧសភា ឆ្នាំ២០១១ ប្រជាពលរដ្ឋកម្ពុជាប្រមាណ ៣,០០០ នាក់ បានជួបជុំគ្នា ដើម្បីប្រារព្ធទិវាពលកម្មរន្តរជាតិ។ នេះជាសៀវភៅរូបថតឯកសារ នៃការដើរក្បួនរបស់ពួកគេពីទីតាំងក្បែរវត្តភ្នំ ឆ្ពោះទៅកាន់រដ្ឋសភាជាតិ។

មើល​កម្រង​រូបភាព...

ជីក្រែង៖ បាញ់ប្រហារដើម្បីដី
ចេញផ្សាយ ថ្ងៃទី​៣១ ខែកក្កដា ឆ្នាំ២០១០

ថ្ងៃទី២២ ខែមីនា ឆ្នាំ២០០៩៖ អ្នកភូមិជីក្រែងចំនួន៨០នាក់ បានធ្វើការតវ៉ាលើដី មានជម្លោះ ដើម្បីទាមទារឲ្យមានការអនុញ្ញាតធ្វើកសិកម្មលើ ដីជម្លោះនោះ។ អាជ្ញាធរបានចាត់វិធានការណ៍ ដោះស្រាយជម្លោះ ដោយការបាញ់ប្រហារទៅលើក្រុម អ្នកតវ៉ាទាំងនោះ ដែលជាលទ្ធផលនាំឲ្យមានអ្នកភូមិចំនួនបួន នាក់បានរងរបួស និងបីនាក់ផ្សេងទៀតត្រូវបានបញ្ចូលទៅកាន់មន្ទីរពេទ្យ។

មើល​កម្រង​រូបភាព...

ទួល សំបូរ ជាកន្លែងដែលពោលពេញដោយអ្នកផ្ទុកជំងឺអេដស៍
ចេញផ្សាយ ថ្ងៃទី​២៣ ខែមិថុនា ឆ្នាំ២០០៩

រាជរដ្ឋាភិបាលកម្ពុជាបានបង្កើតកន្លែងជាបណ្តោះអាសន្នមួយ សម្រាប់គ្រួសារ អ្នកផ្ទុកជំងឺអេដស៍ ដែលត្រូវបានបណ្តេញចេញពីផ្ទះរបស់ពួកគេ នៅបុរីកីឡា ស្ថិតនៅកណ្តាលរាជធានីភ្នំពេញ អោយទៅរស់នៅទីតាំងថ្មី ភូមិ ទួល សំបូរ នៅឯជាយរាជធានីវិញ។

មើល​កម្រង​រូបភាព...

វាយកំទេចសហគមន៍ដីក្រហម៖ ការស្លាប់នៃអ្នកភូមិម្នាក់
ចេញផ្សាយ ថ្ងៃទី​២៥ ខែមករា ឆ្នាំ២០០៩

ថ្ងៃអាទិត្យ ទី២៤ ខែមករា ឆ្នាំ២០០៩ កងកម្លាំងនគរបាល និងកងរាជអាវុធហត្ថ រាប់រយនាក់ បានជួយក្រុមហ៊ុនឯកជន មួយក្នុងការបណ្តញចេញ ប្រជាពលរដ្ឋ ដោយបង្ខំចេញពីសហគមន៍ដីក្រហម ដែលមានទីតាំងស្ថិតនៅចំកណ្តាល រាជធានីភ្នំពេញ។

មើល​កម្រង​រូបភាព...

ការបណ្តេញចេញដោយបង្ខំនៅខេត្តកំពត
ចេញផ្សាយ ថ្ងៃទី​១៨ ខែវិច្ឆិកា ឆ្នាំ២០០៨

កងយុទ្ធពលខេមរភូមិន្ទ នៃកងពលតូចលេខ ៣១ បានដឹកនាំក្រុមកម្លាំងប្រដាប់អាវុធ បណ្តេញប្រជាពលរដ្ឋចំនួន ៣០០គ្រួសារ ដោយបង្ខំ នៅឃុំតាកែន ស្រុកឈូក ខេត្តកំពត

មើល​កម្រង​រូបភាព...

និយាយលើជញ្ជាំង - មជ្ឈមណ្ឌលសង្គមកិច្ចព្រៃស្ពឺ
ចេញផ្សាយ ថ្ងៃទី​៨ ខែវិច្ឆិកា ឆ្នាំ២០០៨

ការនិយាយលើជញ្ជាំង ជាសារដែលត្រូវបានសរសេរ ដោយអតីតអ្នក ជាប់ឃុំ នៅមជ្ឈមណ្ឌលសង្គមកិច្ចព្រៃស្ពឺ។ រូបភាពថត ដោយអង្គការលីកាដូ ថ្ងៃទី៦ ខែ វិច្ឆិកា ឆ្នាំ២០០៨ ។

មើល​កម្រង​រូបភាព...

មជ្ឈមណ្ឌលសង្គមកិច្ចកោះគរ
ចេញផ្សាយ ថ្ងៃទី​២៨ ខែមិថុនា ឆ្នាំ២០០៨

មជ្ឈមណ្ឌលសង្គមកិច្ចកោះគរ ជាកន្លែងឃុំខ្លួនខុសច្បាប់ ដែលបង្កើតដោយរដ្ឋាភិបាល។ រូបភាពថត ដោយអង្គការលីកាដូ ថ្ងៃទី១៧ និង ១៩ ខែមិថុនា ឆ្នាំ២០០៨ ។

មើល​កម្រង​រូបភាព...

ម្តាយ និងកូន នៅក្នុងគំនូរនៃពន្ធនាគារកម្ពុជា
ចេញផ្សាយ ថ្ងៃទី​១៤ ខែមិនា ឆ្នាំ២០០៨

គំនូរជាសិល្បៈកម្មមួយ ដែលបានប្រើជាមធ្យោបាយចុងក្រោយ របស់អង្គការលីកាដូ ដើម្បីបង្ហាញពីលក្ខខណ្ឌ ក្នុងពន្ធនាគារកម្ពុជា ពីជីវិតប្រចាំថ្ងៃរបស់ម្ដាយជាប់ ពន្ធនាគារជាមួយនឹងកូនៗរបស់ពួកគេ។

មើល​កម្រង​រូបភាព...

ព្រះសង្ឃខ្មែរកម្ពុជាក្រោមត្រូវបានបណ្ដេញចេញ និងវាយដំ ដោយនគរបាល
ចេញផ្សាយ ថ្ងៃទី​១៧ ខែធ្នូ ឆ្នាំ២០០៧

សៀវភៅរូបថតមួយ ដែលពណ៌នាពីការប្រើប្រាស់អំពើហិង្សា ហួសប្រមាណ ពីសំណាក់ អាជ្ញាធរទៅលើក្រុមព្រះសង្ឃខ្មែរកម្ពុជាក្រោម ដែលបានប្រមូល ផ្តុំគ្នានៅខាងមុខស្ថានទូតវៀតណាម កាលពីថ្ងៃទី១៧ ខែធ្នូ ឆ្នាំ ២០០៧។

មើល​កម្រង​រូបភាព...

ការបណ្តេញចេញដោយបង្ខំនៅខេត្តកំពត
ចេញផ្សាយ ថ្ងៃទី​២២ ខែវិច្ឆិកា ឆ្នាំ២០០៧

កងយុទ្ធពលខេមរភូមិន្ទ នៃកងពលតូចលេខ ៣១ បានដឹកនាំក្រុមកម្លាំងប្រដាប់អាវុធ បណ្តេញប្រជាពលរដ្ឋចំនួន ៣០០គ្រួសារ ដោយបង្ខំ នៅឃុំតាកែន ស្រុកឈូក ខេត្តកំពត

មើល​កម្រង​រូបភាព...

ការអភិវឌ្ឍន៍នៅខេត្តព្រះសីហនុៈ ការបណ្តេញចេញដោយហិង្សា
ចេញផ្សាយ ថ្ងៃទី​១៦ ខែកញ្ញា ឆ្នាំ២០០៧

នាព្រឹកថ្ងៃទី២០ ខែមេសា ឆ្នាំ ២០០៧ ក្រុមកម្លាំងចំរុះនៃកងកម្លាំងប្រដាប់អាវុធ កងរាជអាវុធហត្ថ និងនគបាលស៊ីវិល ប្រហែលជា ១៥០នាក់ ប្រដាប់ដោយកាំភ្លើង ដំបងឆក់ ខែល និងឧស្មាន់បង្ហូរទឹកភ្នែក បានបណ្តេញប្រជាលពរដ្ឋ ដោយបង្ខំ ចំនួន ១៥០ គ្រួសារ នៅស្រុកមិត្តភាព ខេត្តព្រះសីហនុ។

មើល​កម្រង​រូបភាព...

ក្រុមគ្រូពេទ្យអង្គការលីកាដូៈ ការជួយសង្គ្រោះទាន់ពេលវេលា
ចេញផ្សាយ ថ្ងៃទី​២១ ខែមិថុនា ឆ្នាំ២០០៧

បន្ថែមពីលើកម្មវិធីសុខភាពក្នុងពន្ធនាគារ ក្រុមគ្រូពេទ្យអង្គការលីកាដូ ជារើយៗត្រូវ​ បាន​អំពាវនាវក្នុងកិច្ចការការងារជួយសង្គ្រោះបន្ទាន់ នៅពេល​ ដែល​​មានករណី​ បណ្តេញចេញពីដីធ្លី និងនៅកន្លែងតាំងទីលំនៅថ្មី។

មើល​កម្រង​រូបភាព...

ជម្លោះដីធ្លីនៅសហគមន៍ស្រែអំបិល
ចេញផ្សាយ ថ្ងៃទី​៦ ខែមិនា ឆ្នាំ២០០៧

សហគមន៍ស្រែអំបិលរស់នៅក្នុងស្ថានភាពប្រឈមនូវការបាត់បង់ដីធ្លី​របស់ពួកគេ ដោយសារការផ្តល់​ដីសម្បទានទៅអោយសមាជិកសភាព​នៃគណបក្ស​កាន់អំណាច។

មើល​កម្រង​រូបភាព...

ការអប់រំសិទ្ធិស្រ្តីតាមរូបគំនូរ
ចេញផ្សាយ ថ្ងៃទី​២៣ ខែកុម្ភៈ ឆ្នាំ២០០៧

ការប្រើប្រាស់រូបភាពគំនូរសិល្បៈនៅក្នុងវគ្គបណ្តុះបណ្តាលអំពីសិទ្ធិស្រ្តី ដើម្បីពន្យល់ បង្ហាញទៅដល់សហគមន៍ អំពីការប្រើអំពើហិង្សាក្នុងគ្រួសារ និងការ ជួញដូរ។

មើល​កម្រង​រូបភាព...

ការបណ្តេញចេញនៅទន្លេបាសាក់
ចេញផ្សាយ ថ្ងៃទី​១ ខែមិថុនា ឆ្នាំ២០០៦

រូបភាពពណ៌នាពីមួយថ្ងៃទៅមួយថ្ងៃ នៃព្រឹត្តិការណ៍​បណ្តញចេញនៅភូមិសំបុក ចាប។

មើល​កម្រង​រូបភាព...

ថ្ងៃទិវាពលកម្មអន្តរជាតិ ឆ្នាំ២០០៦
ចេញផ្សាយ ថ្ងៃទី​១ ខែឧសភា ឆ្នាំ២០០៦

ការរំលឹកឡើងវិញពីការប្រមូលផ្តុំរបស់កម្មករកម្ពុជា នៅថ្ងៃទិវាពលកម្មអន្តរជាតិ ឆ្នាំ២០០៦

មើល​កម្រង​រូបភាព...

ការប្រឡងគូររូបភាពអំពីសិទ្ធិកុមារ
ចេញផ្សាយ ថ្ងៃទី​១៤ ខែកុម្ភៈ ឆ្នាំ២០០៦

សិស្សសាលាជាច្រើនមានអាយុចាប់ពី១១ ឆ្នាំ ដល់១៧ឆ្នាំ បានចូលរួមប្រកួតប្រជែង ក្នុងកម្មវីធី គូរគំនូរ ដើម្បីប្រារព្ធទិវាសិទ្ធិកុមារ នៅប្រទេសកម្ពុជា។

មើល​កម្រង​រូបភាព...

តស៊ូដើម្បីសេរីភាពក្នុងការបញ្ចេញមតិ
ចេញផ្សាយ ថ្ងៃទី​១៨ ខែមករា ឆ្នាំ២០០៦

សៀវភៅរូបថតតូចមួយនេះ ចងក្រងអំពីព្រឹត្តិការណ៍ថ្មីៗ ពីការដោះលែងសមាជិក នៃក្រុមសង្គមស៊ីវិលចំនួន ៥នាក់ ដែលត្រូវបានគេបំបិទសិទ្ធិសេរីភាព​ក្នុងការ​បញ្ចេញមតិ។

មើល​កម្រង​រូបភាព...

ការិយាល័យអប់រំសិទ្ធិមនុស្ស
ចេញផ្សាយ ថ្ងៃទី​១ ខែមករា ឆ្នាំ២០០៣

ការិយាល័យអប់រំសិទ្ធិមនុស្ស លើកកម្ពស់ការយល់ដឹង និងស្វែងយល់អំពី សិទ្ធិមនុស្ស អោយកាន់តែប្រសើរឡើងនៅ ប្រទសកម្ពុជា តាមរយៈកម្មវិធីជាច្រើន។

មើល​កម្រង​រូបភាព...

ការិយាល័យឃ្លាំមើលសិទ្ធិមនុស្ស
ចេញផ្សាយ ថ្ងៃទី​១ ខែមករា ឆ្នាំ២០០៣

ការិយាល័យឃ្លាំ​មើលសិទ្ធិមនុស្ស គឺជាករិយាល័យស្នូលរបស់អង្គការ​លីកាដូ ដែលធ្វើការ​ដើម្បីលើកកម្ពស់ការគោរព​សិទ្ធិមនុស្ស និង​តួនាទីច្បាប់​នៅកម្ពុជា។

មើល​កម្រង​រូបភាព...

ការិយាល័យពេទ្យ
ចេញផ្សាយ ថ្ងៃទី​១ ខែមករា ឆ្នាំ២០០៣

ការយកចិត្តទុកដាក់ ត្រូវបានផ្តល់ដោយ​ការិយាល័យ​​ពេទ្យ គឺជាផ្នែកមួយដ៏សំខាន់ នៃសេវាកម្មរបស់អង្គការ​លីកាដូ ដើម្បីផ្តល់ជូន ដល់ជនរងគ្រោះនូវការព្យាបាល​ដោយផ្ទាល់ ការធ្វើអន្តរាគមន៍ទៅប្រព័ន្ធសុខភាព​សាធារណៈ និងផ្តល់នូវដំណើរការ​ ស្របច្បាប់។

មើល​កម្រង​រូបភាព...

គម្រោង​ប្រឆាំងទៅ​នឹងការធ្វើទារុណកម្ម
ចេញផ្សាយ ថ្ងៃទី​១ ខែមករា ឆ្នាំ២០០៣

គម្រោង​ប្រឆាំងទៅនឹង​ការធ្វើទារុណកម្ម ជួយដល់ជនរងគ្រោះ​ដែលទទួលរង​ការធ្វើ​ទារុណកម្ម ជាមួយនឹងសេវាកម្ម​ដ៏ទូលាយ​សម្រាប់ការ​ស្តារឡើងវិញ​ទាំងផ្លូវចិត្ត និង​ផ្លូវកាយ​។ គ្រាន់តែជា​ប្រភេទ​ជា​កម្មវីធីមួយប៉ុណ្ណោះ ដែលមាន​ក្នុង​ប្រទេសកម្ពុជា។

មើល​កម្រង​រូបភាព...

ការិយាល័យសិទ្ធិកុមារ
ចេញផ្សាយ ថ្ងៃទី​១ ខែមករា ឆ្នាំ២០០៣

ការិយាល័យសិទ្ធិកុមារ លើកកម្ពស់ និងការពារសិទ្ធិ​របស់កុមារ តាមរយៈ​ធ្វើការ​ជាមួយនឹងបណ្តាញ​នានា ការឃ្លាំមើល​ និងសកម្មភាព​តស៊ូមតិផ្សេងៗ។

មើល​កម្រង​រូបភាព...

ទម្រង់ធ្ងន់ធ្ងរនៃពលកម្មកុមារ
ចេញផ្សាយ ថ្ងៃទី​១ ខែមករា ឆ្នាំ២០០៣

ការិយាល័យសិទ្ធិកុមារ បានបង្កើតបណ្តាញ​ចល័ត​ជាច្រើន ដើម្បីធ្វើការឃ្លាំ​មើលពីការ​ប្រព្រឹត្តិ​លើ ពលកម្ម​​ កុមារក្នុងទម្រង់​ធ្ងន់ធ្ងរ និងការជួញដូរ កុមារ នៅក្នុងសហគមន៍​នានា។

មើល​កម្រង​រូបភាព...

សម្ភារៈអប់រំ​សិទ្ធិកុមារ
ចេញផ្សាយ ថ្ងៃទី​១ ខែមករា ឆ្នាំ២០០៣

ការិយាល័យ​សិទ្ធិកុមារ បានបង្កើត​សម្ភារៈអប់រំ​សិទ្ធិកុមារ និងចុះចូលរួមបង្រៀន ដើម្បីណែនាំ​ពីសិទ្ធិកុមារទៅដល់កុមារ ព្រមទាំងយុវជន។

មើល​កម្រង​រូបភាព...

នយោបាយ និងការបោះឆ្នោតនៅកម្ពុជា
ចេញផ្សាយ ថ្ងៃទី​១ ខែមករា ឆ្នាំ២០០៣

រូបភាពទាំងឡាយ នៃការងារសិទ្ធិមនុស្ស និងដំណើរ​ការវិវឌ្ឈន៍លទ្ធិប្រជាធិបត្យ។

មើល​កម្រង​រូបភាព...

ប្រទេសកម្ពុជា
ចេញផ្សាយ ថ្ងៃទី​១ ខែមករា ឆ្នាំ២០០៣

ទិដ្ឋភាពអំពីជីវិតរស់នៅ​ប្រចាំថ្ងៃនៅប្រទេស​កម្ពុជា និងប្រជាពលរដ្ឋ​ដែលទទួលនូវ​សេវារបស់អង្គការលីកាដូ។

មើល​កម្រង​រូបភាព...

ការិយាល័យសិទ្ធិស្រ្តី
ចេញផ្សាយ ថ្ងៃទី​០ ខែ ឆ្នាំ០

អង្គការលីកាដូ ធ្វើការទៅលើសកម្មភាពលើកកម្ពស់ សិទ្ធិស្រ្តី និងបង្កើន ការយល់ដឹង ពីបញ្ហាយេនឌ័រ។

មើល​កម្រង​រូបភាព...