កញ្ញា លី សៀវមិញ ដែលជាសកម្មជនដីធ្លីមួយរូប និងជាអ្នកចុងក្រោយគេ ក្នុងចំណោមសកម្មជនទាំង ១៩ រូប ត្រូវបានដោះលែងឲ្យនៅក្រៅឃុំ
ចេញផ្សាយ ថ្ងៃទី២៤ ខែមេសា ឆ្នាំ២០១៥កញ្ញា លី សៀវមិញ ត្រូវបានដោះលែងឲ្យនៅក្រៅឃុំនាព្រឹកនេះ បន្ទាប់ពីមានសេចក្តីសម្រេច របស់តុលាការកំពូល។ សៀវមិញបានជាប់ឃុំខ្លួនបណ្តោះអាសន្នអស់រយៈពេលជាង ៥ ខែ នៅ មណ្ឌលអប់រំកែប្រែទី២ (ពន្ធនាគារព្រៃស) បន្ទាប់ពីសៀវមិញត្រូវបានចាប់ខ្លួនកាលពីទី១៨ ខែវិច្ឆិកា ឆ្នាំ២០១៤។ កញ្ញាត្រូវបានចោទប្រកាន់ពីបទហិង្សាលើអ្នកកាន់កាប់អចលនទ្រព្យ និងប្រឈមនឹងការជាប់ពន្ធនាគារយៈពេល ២ ឆ្នាំ និងពិន័យជាប្រាក់ចំនួន ៦.២៥០ ដុល្លារ។
សៀវមិញ និងគ្រួសាររបស់នាង មានជម្លោះដីធ្លីដ៏រុំារ៉ៃជាមួយនិងសាលារាជធានីភ្នំពេញ និងអ្នកជំនួញដ៏មានឥទ្ធិពលមួយរូប ឈ្មោះ ឃុន សៀ ដែលជាម្ចាស់ក្រុមហ៊ុន ឃុន សៀ និងជាបុគ្គល ដែលសាលារាជធានីភ្នំពេញបានលក់ដីរបស់គ្រួសារកញ្ញាឲ្យកាលពីឆ្នាំ២០១០។
សៀវមិញ ជាអ្នកចុងក្រោយគេ ក្នុងចំណោមសកម្មជនទាំង ១៩ រូប ដែលត្រូវបាន ដោះលែងចេញពីមណ្ឌលអប់រំកែប្រែទី១ និងទី២ (ពន្ធនាគារព្រៃស)។
- ឯកសារទាក់ទង