អ្នកតំណាងសហគមន៍តំបន់អារ៉ែងត្រូវបានចាប់ និងឃុំខ្លួនក្នុងពន្ធនាគារ
ចេញផ្សាយ ថ្ងៃទី៧ ខែតុលា ឆ្នាំ២០១៥នៅព្រឹកនេះ លោក វ៉ែន វន ជាអ្នកតំណាងសហគមន៍អារ៉ែង និងជាសមាជិកក្រុមប្រឹក្សាឃុំមកពីគណបក្សប្រជាជនកម្ពុជា ត្រូវបានចាប់ខ្លួន ដោយចោទប្រកាន់ពីបទល្មើសពាក់ព័ន្ធនឹងភាពសកម្មនិយមរបស់លោក ហើយលោកត្រូវបានបញ្ជូនខ្លួនទៅកាន់ពន្ធនាគារខេត្តកោះកុង។
លោក គឺជាអ្នកដែលសកម្មជាងគេនៅក្នុងយុទ្ធនាការរបស់សហគមន៍តំបន់អារ៉ែង ដើម្បីបញ្ឈប់ការកសាងទំនប់វារីអគ្គីសនីដ៏ចម្រូងចម្រាសរបស់ក្រុមហ៊ុន ភាពីម៉ិច (ជាក្រុមហ៊ុនរបស់លោក ឡៅ ម៉េងឃីន ជាសមាជិកព្រឹទ្ធសភាគណបក្សកាន់អំណាច) និងក្រុមហ៊ុនចិន ស៊ីណូ ហាយដ្រូ ជាដៃគូ។ ឥឡូវ លោកប្រឈមមុខនឹងការចោទប្រកាន់ ថាបានដឹកនាំការសាងសង់កន្លែងប្រជុំតូចមួយនៅក្នុងឃុំ (ជាកន្លែងដែលត្រូវបានសាងសង់ដោយសហគមន៍តំបន់អារ៉ែង ដើម្បីជួយដល់សកម្មភាពរបស់អ្នកទាំងនោះ) តាមមាត្រា ៩៨ នៃច្បាប់ស្តីពីព្រៃឈើ និងមាត្រា ៥៣៣ នៃក្រមព្រហ្មទណ្ឌ។ កាលពីព្រឹកមិញ សមាជិកសហគមន៍ប្រមាណ ៤០ នាក់ បាននៅមុខតុលាការ តវ៉ានឹងការចាប់ខ្លួនរបស់លោក។
សកម្មជនចំនួនបីនាក់ មកពីអង្គការ មាតាធម្មជាតិ ដែលសកម្មនៅក្នុងការតវ៉ាសុំឲ្យបញ្ឈប់ការធ្វើទំនប់វារីអគ្គីសនី ត្រូវបានឃុំខ្លួនចាប់តាំងពីថ្ងៃទី១៧ ខែសីហា ដោយសារអ្នកទាំងនោះមានតួនាទីយ៉ាងសកម្មនៅក្នុងយុទ្ធនាការដែលកំពុងកើតឡើងបន្តបន្ទាប់មួយ ដើម្បីបញ្ឈប់ការបូមខ្សាច់នៅខេត្តកោះកុង ដែលត្រូវបានគេចាត់ទុកជាការបូមដោយខុសច្បាប់។
- ឯកសារទាក់ទង
- ចំណងជើង & មូលបទ
- សិទ្ធិដីធ្លី មាតាធម្មជាតិ