អ្នកភូមិរាប់រយនាក់ ដាក់ញត្តិជូនមេឃុំចំនួន៤ឃុំ ពាក់ព័ន្ធនឹងជម្លោះដីធ្លីដ៏រ៉ាំរ៉ៃជាមួយក្រុមហ៊ុនស្ករស
ចេញផ្សាយ ថ្ងៃទី២០ ខែមករា ឆ្នាំ២០១៦
អ្នកតវ៉ាជាង ៣០០នាក់មកពីឃុំចំនួន ៤ គឺឃុំកណ្តោល ជីខលើ ជីខក្រោម និង ដងពែង បានហែរក្បួនដាក់ញត្តិទៅកាន់សាលាឃុំរបស់អ្នកទាំងនោះ ដើម្បីតវ៉ាជំទាស់នឹងការរំលោភយកដីធ្លីដោយក្រុមហ៊ុនផលិតស្ករសនៅក្នុងស្រុកស្រែអំបិល។ ការតវ៉ានេះ គឺជាការតវ៉ាថ្មីមួយនៅក្នុងចំណោមសកម្មភាពតវ៉ាជាច្រើនជាបន្តបន្ទាប់របស់ពលរដ្ឋក្នុងសហគមន៍ចាប់តាំងពីជម្លោះដីធ្លីបានចាប់ផ្តើមឡើងនៅក្នុងឆ្នាំ ២០០៦។
ប្រជាពលរដ្ឋក្នុងសហគមន៍ទាំងនោះ បានដាក់ញត្តិជូនមេឃុំរបស់អ្នកទាំងនោះ ដោយទាមទារឲ្យមានការគាំទ្រពីមេឃុំ ដើម្បីប្រគល់ដីមកឲ្យអ្នកទាំងនោះវិញ និងផ្តល់សំណងការខូចខាតសម្រាប់ពលរដ្ឋ ៧៥៣ គ្រួសារ បន្ទាប់ពីមានជម្លោះដីធ្លីអស់រយៈពេលជាង ១០ឆ្នាំមកហើយ ជាមួយក្រុមហ៊ុនស្ករសថៃ KSL។ ជម្លោះដីធ្លីជាមួយក្រុមហ៊ុនទាំងនេះ កើតមានលើផ្ទៃដីជាង ៩០០ ហិកតា និងបាត់បង់មុខរបរចិញ្ចឹមជីវិត របស់ប្រជាពលរដ្ឋក្នុងតំបន់ បន្ទាប់ពីក្រុមហ៊ុនទាំងនោះ (ដែលមានភាគហ៊ុនមួយផ្នែកជារបស់សមាជិកព្រឹទ្ធសភាមកពីគណបក្សកាន់អំណាច លោក លី យ៉ុងផាត់) ទទួលបានដីសម្បទានសេដ្ឋកិច្ចក្នុងទំហំសរុប ប្រហែលជា ២០.០០០ ហិកតា។
បន្ទាប់ពីដាក់ញត្តិទៅកាន់សាលាឃុំទាំងបួនរួច អ្នកតវ៉ាទាំងនោះត្រឡប់ទៅកាន់គេហដ្ឋានរបស់ពួកគេវិញ ហើយរង់ចាំដំណោះស្រាយពីអាជ្ញាធរក្នុងរយៈពេល ២សប្តាហ៍ខាងមុខ។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី លី យ៉ុងផាត់
