សមាជិកកងអង្គរក្ស ត្រូវបានផ្តន្ទាទោសពីបទវាយដំតំណាងរាស្ត្រ
ចេញផ្សាយ ថ្ងៃទី២៧ ខែឧសភា ឆ្នាំ២០១៦នាព្រឹកនេះ សាលាដំបូងរាជធានីភ្នំពេញ បានផ្តន្ទាទោសសមាជិកបីនាក់នៃកងអង្គរក្សសម្តេចតេជោនាយករដ្ឋមន្ត្រីទាក់ទងនឹងការវាយដំយ៉ាងខ្លាំងក្លាមកលើតំណាងរាស្ត្រពីរនាក់មកពីគណបក្សសង្គ្រោះជាតិ គឺលោក ញយ ចំរើន និងលោក គង់ សភា នៅក្រៅរបងវិមានរដ្ឋសភាជាតិ អំឡុងពេលមានការតវ៉ាជំទាស់នឹងឯកឧត្តម កឹម សុខា កាលពីថ្ងៃទី២៦ ខែតុលា ឆ្នាំមុន។
ទាហានទាំងបីនាក់ គឺលោក ម៉ៅ ហឿង សុត វណ្ណី និងឆាយ សារិទិ្ធ ត្រូវបានផ្តន្ទាទោសឲ្យជាប់ពន្ធនាគារចំនួន ៤ឆ្នាំ ដោយព្យួរទោស ៣ឆ្នាំ ពីបទហិង្សាដោយចេតនាដោយមានស្ថានទម្ងន់ទោស តាមមាត្រា ២១៨ នៃក្រមព្រហ្មទណ្ឌកម្ពុជា។ ចៅក្រម បានដកស្រង់សម្តីសារភាពរបស់អ្នកទាំងបី និងការអះអាងថាមានការបង្កហេតុពីជនរងគ្រោះ ជាស្ថានសម្រាលទោសចំពោះការផ្តន្ទាទោសនេះ។ បទចោទអំពីការបំផ្លាញទ្រព្យសម្បត្តិអ្នកដទៃតាមមាត្រា ៤១១ ត្រូវបានលើកចោល ដោយផ្អែកលើការខ្វះខាតភស្តុតាង។
អំឡុងពេលសវនាការ តុលាការ បានបិទការសាកសួរម្តងហើយម្តងទៀតទៅលើការចូលរួមផ្សេងទៀតនៃអង្គភាពកងអង្គរក្សសម្តេចតេជោនាយករដ្ឋមន្ត្រី ទាំងក្នុងការតវ៉ានៅថ្ងៃទី២៦ ខែតុលា និងការវាយដំក្រោយៗមកទៀត។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ