សកម្មជនអង្គការមាតាធម្មជាតិបីនាក់ ត្រូវបានជំនុំជម្រះនៅខេត្តកោះកុង
ចេញផ្សាយ ថ្ងៃទី២៨ ខែមិថុនា ឆ្នាំ២០១៦
សវនាការរយៈពេលពីរថ្ងៃលើសំណុំរឿងរបស់សកម្មជនបីនាក់មកពីអង្គការបរិស្ថានមាតាធម្មជាតិ ដែលត្រូវបានឃុំខ្លួនតាំងពីខែសីហា ឆ្នាំ២០១៥ ត្រូវបានបញ្ចប់នាថ្ងៃនេះនៅសាលាដំបូងខេត្តកោះកុង នៅពេលដែលមានអ្នកគាំទ្រចំនួន ៨០នាក់ បានប្រមូលផ្តុំគ្នានៅខាងក្រៅតុលាការ។
អ្នកទាំងបីរួមមាន លោក ទ្រី សុវិគា សាន់ ម៉ាឡា និងស៊ីម សំណាង ត្រូវបានជំនុំជម្រះដោយចៅក្រម មិន មករា យោងតាមមាត្រា ៤២៤ នៃក្រមព្រហ្មទណ្ឌ ពីបទគម្រាមកំហែងថានឹងធ្វើឱ្យខូចខាតដែលភ្ជាប់មកនូវបញ្ជាអ្វីមួយ។ បទចោទនេះ ត្រូវបានធ្វើឡើង បន្ទាប់ពីអ្នកទាំងបីត្រូវបានចាប់ខ្លួនកាលពីខែសីហា ឆ្នាំ២០១៥ នៅពេលមានយុទ្ធនាការជាបន្តបន្ទាប់ដើម្បីបញ្ឈប់ការបូមខ្សាច់ខុសច្បាប់នៅក្នុងខេត្តកោះកុង។ នៅក្នុងសវនាការ មិនសូវមានភស្តុតាងដាក់បន្ទុកច្រើន ត្រូវបានបង្ហាញនោះទេ។
សាលក្រមលើសំណុំរឿងរបស់អ្នកទាំងបី នឹងត្រូវប្រកាសនៅថ្ងៃទី១ ខែកក្កដា។
- ឯកសារទាក់ទង
- ចំណងជើង & មូលបទ
- តុលាការ និង នីតិរដ្ឋ សិទិ្ធបញ្ចេញមតិ និងចូលរួម មាតាធម្មជាតិ
