មន្រ្តីគណបក្សសង្គ្រោះជាតិត្រូវបានដោះលែងឲ្យនៅក្រៅឃុំបណ្តោះអាសន្នរង់ចាំសវនាការ
ចេញផ្សាយ ថ្ងៃទី១៤ ខែមករា ឆ្នាំ២០១៧ព្រឹកនេះ លោក ឌិន ពុទ្ធី អនុប្រធានគណកម្មាធិការប្រតិបត្តិគណបក្សសង្គ្រោះជាតិក្រុងប៉ោយប៉ែតនិងជាប្រធានសមាគមពង្រឹងសេដ្ឋកិច្ចក្រៅប្រព័ន្ទ ត្រូវបានដោះលែងពីពន្ធនាគារខេត្តបន្ទាយមានជ័យ ឲ្យនៅក្រៅឃុំបណ្តោះអាសន្នរង់ចាំសវនាការ។
លោកត្រូវបានចោទប្រកាន់ពីបទហិង្សាដោយចេតនាមានស្ថានទម្ងន់ទោស និងត្រូវបានឃុំខ្លួនក្នុងពន្ធនាគារ កាលពីថ្ងៃទី២៤ ខែធ្នូ។ បទហិង្សាដោយចេតនានេះ កើតចេញពីការចោទប្រកាន់លើរូបលោកថាបានបើករថយន្តបុកមន្រ្តីនគរបាលអន្តោប្រវេសន៍លោក ឈាន ពិសិដ្ឋ ទោះបីជាមានវីដេអូខ្លី និងសាក្សីបញ្ជាក់ពីភាពសង្ស័យយ៉ាងខ្លាំងពាក់ព័ន្ធនឹងការចោទប្រកាន់នេះក៏ដោយ។ ចៅក្រមសាលាឧទ្ធរណ៍ លោក ងួន រតនា បានសម្រេចដោះលែងលោកឲ្យនៅក្រៅឃុំបណ្តោះអាសន្នរង់ចាំសវនាការបន្ទាប់ពីមានសវនាការអសាធារណៈមួយក្នុងរាជធានីភ្នំពេញ កាលពីថ្ងៃម្សិលមិញ។
- ឯកសារទាក់ទង
- ចំណងជើង & មូលបទ
- តុលាការ និង នីតិរដ្ឋ