យុវជនត្រូវបានឃាត់ខ្លួនខណៈដែលមានការហាមចាក់បញ្ចាំងវីដេអូឯកសារ
ចេញផ្សាយ ថ្ងៃទី១២ ខែមីនា ឆ្នាំ២០១៧
ថ្ងៃនេះ យុវជនចំនួនបួននាក់ត្រូវបានឃាត់ខ្លួនអស់រយៈពេលបីម៉ោងបន្ទាប់ពីនគរបាល និងកងសន្តិសុខបានហាមឃាត់ការចាក់បញ្ចាំងវីដេអូឯកសាររបស់កាសែត Al Jazeera ស្តីពីករណីឃាតកម្មរបស់អ្នកវិភាគនយោបាយ លោកបណ្ឌិត កែម ឡី។
ការចាក់បញ្ចាំងវីដេអូឯកសារនេះត្រូវបានគ្រោងធ្វើឡើងនៅការិយាល័យឯកជនមួយរបស់សមាគមសម្ព័ន្ធនិស្សិតបញ្ញាវន្តខ្មែរ (KSILA) ដែលជាអង្គការមួយរបស់សកម្មជននិងអ្នកវិភាគវ័យក្មេង។ អ្នកចូលរួមប្រមាណជា ១៥នាក់រង់ចាំទស្សនាវីដេអូឯកសារនេះ នៅពេលដែលមានកងកម្លាំងនគរបាលនិងកងសន្តិសុខប្រមាណជា ៥០នាក់បានឡោមព័ទ្ធការិយាល័យនិងបានឃាត់ខ្លួនយុវជនចំនួនបួននាក់។ លោក មួង សូនី លោក សួង នាគព័ន្ធ លោក វ៉ន ចាន់ឡូត និងលោក ហេង សំណាង ជាសមាជិករបស់សមាគមសម្ព័ន្ធនិស្សិតបញ្ញាវន្តខ្មែរ ត្រូវបានដោះលែងនៅម៉ោងប្រហែលជា ៦ល្ងាច បន្ទាប់ពីអ្នកទាំងនោះបានចុះហត្ថលេខាលើកិច្ចព្រមព្រៀង ដោយសន្យាថានឹងឈប់ចាក់បញ្ចាំងខ្សែរវីដេអូនេះម្តងទៀត បើពុំមានការអនុញ្ញាតពីអាជ្ញាធរ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម ឃាតកម្ម កែម ឡី
