សមាជិកគណបក្សសង្រ្គោះជាតិទាំង ៨នាក់ ត្រូវបានដោះលែងបន្ទាប់ពីការជាប់គាំងនយោបាយត្រូវបានបញ្ចប់
ចេញផ្សាយ ថ្ងៃទី២២ ខែកក្កដា ឆ្នាំ២០១៤សមាជិកទាំង ៨នាក់ដែលមកពីគណបក្សសង្រ្គោះជាតិ (CNRP) ត្រូវបានដោះលែងនៅថ្ងៃនេះ វេលាម៉ោង ៤ និង៤៥ នាទី រសៀល បន្ទាប់ពីមានការឃុំខ្លូនអ្នកទាំងនោះនៅពន្ធនាគារព្រៃសរ (ម១ និង ម២) ពាក់ព័ន្ធនឹងបទល្មើសដែលបានកើតឡើងនៅទីលានប្រជាធិបតេយ្យ កាលពីថ្ងៃទី១៥ ខែកក្កដា។
ការដោះលែងឲ្យនៅក្រៅឃុំជាបណ្តោះអាសន្ននេះកើតឡើងភ្លាមៗ បន្ទាប់ពីគណបក្សសង្រ្គោះជាតិព្រមទទួលយកអសនៈរបស់ខ្លួននៅក្នុងរដ្ឋសភា ការព្រមព្រៀងនេះធ្វើឡើងក្នុងកិច្ចប្រជុំកំពូលមួយនៅវិមានព្រឹទ្ធសភា រវាងថ្នាក់ដឹកនាំគណបក្សសង្រ្គោះជាតិ (CNRP) និងគណបក្សប្រជាជនកម្ពុជា (CPP)។ មន្រ្តីរបស់គណបក្សបានជួបពិភាក្សាគ្នាអំពីកំណែទម្រង់ពាក់ព័ន្ធនឹងគណកម្មាធិកាជាតិរៀបចំការបោះឆ្នោត ការកំណត់កាលបរិច្ឆេទនៃការបោះឆ្នោត និងស្ថាប័នរដ្ឋសភា។
អ្នកគាំទ្រជាង ៣៥០នាក់ បានធ្វើការជួបជុំគ្នានៅមុខពន្ធនាគារព្រៃសរ នៅពេលដែលសមាជិកសភារបស់គណបក្សសង្រ្គោះជាតិ លោក រៀល ខេមរិន្ទ្រ លោក កែវ ភីរម្យ លោក នុត រំដួល លោក ឡុង រី អ្នកស្រី មូរ សុខហួរ លោក ម៉ែន ថាវរិន្ទ្រ និងលោក ហូរ វ៉ាន់ ត្រូវបានដោះលែងជាមួយនឹងសកម្មជនម្នាក់ទៀតរបស់គណបក្សសង្រ្គោះជាតិ លោក អឿង ណារិទ្ធ។
- ឯកសារទាក់ទង
- ចំណងជើង & មូលបទ
- ការបោះឆ្នោត សិទិ្ធបញ្ចេញមតិ និងចូលរួម អំពើនៅទីលានប្រជាធិបតេយ្យ ២០១៤