អ្នកតវ៉ាបានប្រមូលផ្តុំគ្នាប្រារព្ធខួបលើកទី២៣ នៃកិច្ចព្រមព្រៀងសន្តិភាពទីក្រុងប៉ារីស
ចេញផ្សាយ ថ្ងៃទី២៣ ខែតុលា ឆ្នាំ២០១៤
នាព្រឹកនេះ អ្នកតវ៉ា និងព្រះសង្ឃប្រមាណជាង ១០០០ នាក់/អង្គ បានប្រមូលផ្តុំគ្នានៅក្នុងរាជធានីភ្នំពេញ ដើម្បីប្រារព្ធខួបលើកទី ២៣ នៃទិវាកិច្ចព្រមព្រៀងសន្តិភាពទីក្រុងប៉ារីស។
នៅក្នុងការទទួលស្គាល់តួនាទីរបស់ប្រទេសបារាំងជាម្ចាស់ផ្ទះ និងជាសហប្រធាននៃកិច្ចពិភាក្សាសន្តិភាព អ្នកតវ៉ាបានចាប់ផ្តើមវេទិកានាពេលព្រឹកនៅខាងក្រៅ មុខស្ថានទូតបារាំង អំឡុងពេលដែលអ្នកទាំងនោះបានអំពាវនាវសុំការគាំទ្រពីប្រទេសជាហត្ថលេខីទាំងអស់នៃកិច្ចព្រមព្រៀង។ អ្នកតវ៉ាបានដើរហែក្បួនទៅស្ថានទូតសហរដ្ឋអាមេរិក និងអង់គ្លេស ដើម្បីដាក់ញត្តិ ដាស់អារម្មណ៍រំលឹកអំពីកិច្ចព្រមព្រៀងសន្តិភាពទីក្រុងប៉ារីស រិះគន់ការបោះឆ្នោតនៅកម្ពុជា និងជម្លោះដីធ្លីដ៏រ៉ាំរ៉ៃនៅក្នុងប្រទេសកម្ពុជា ដោយអំពាវនាវស្នើសុំឲ្យបង្កើតគណៈកម្មាធិការមួយដើម្បីស៊ើបអង្កេត និងពិនិត្យឡើងវិញលើការអនុវត្តកិច្ចព្រមព្រៀងនេះ។
អ្នកតវ៉ាបានបន្តដំណើរក្បួួនទៅកាន់ស្ថានទូតអូស្ត្រាលី និងរូស្ស៊ី មុនពេលដែលអ្នកទាំងនោះឆ្ពោះទៅកាន់វិមានរដ្ឋសភាជាតិ។ នៅថ្ងៃរសៀលនេះ ក្បួួននឹងបន្តដំណើរទៅកាន់ការិយាល័យអង្គការសហប្រជាជាតិ ស្ថានទូតជប៉ុន ឥណ្ឌូនេស៊ី និងចិន។
ការដើរហែក្បួនបានជំនះគ្រប់ការកម្រិតដែលត្រូវបានដាក់ដោយសាលារាជធានីភ្នំពេញសម្រាប់ព្រឹត្តិការណ៍នាថ្ងៃនេះ ដែលអនុញ្ញាតឲ្យតែអ្នកតំណាងចំនួន ១០នាក់ទៅដាក់ញត្តិប៉ុណ្ណោះ។
- ចំណងជើង & មូលបទ
- សិទិ្ធបញ្ចេញមតិ និងចូលរួម
