អ្នកតវ៉ាប្រមាណ ១៥០ អង្គ/នាក់ បានប្រមូលផ្តុំគ្នាទាមទារដោះលែងសកម្មជន និងព្រះសង្ឃ
ចេញផ្សាយ ថ្ងៃទី១៨ ខែវិច្ឆិកា ឆ្នាំ២០១៤
នាព្រឹកនេះ សមាជិកសហគមន៍ និងព្រះសង្ឃចំនួន ១៥០ អង្គ/នាក់ បានប្រមូលផ្តុំគ្នានៅមុខស្ថានទូតសហរដ្ឋអាមេរិក ដើម្បីគាំទ្រព្រះតេជគុណ លួន សុវាត និងទាមទារឲ្យមានការដោះលែងព្រះសង្ឃ និងសកម្មជនដែលជាសមាជិកសហគមន៍ដីធ្លីជាច្រើន ដែលត្រូវបានចាប់ខ្លួន និងឃុំខ្លួនកាលពីសប្តាហ៍មុន។
ព្រះតេជគុណ លួន សុវាត កំពុងដាក់លិខិតអញ្ជើញទៅស្ថានទូតចំនួន ១៣ ដោយអំពាវនាវសុំឲ្យចូលរួមស្តាប់សវនាការរបស់ព្រះអង្គ នៅថ្ងៃទី២៥ ខែវិច្ឆិកា នៅសាលាដំបូងរាជធានីភ្នំពេញ។ ព្រះអង្គនឹងត្រូវបានជំនុំជម្រះពីបទញុះញង់។
លើសពីនេះ សមាជិកសហគមន៍ និងព្រះសង្ឃ កំពុងដាក់ញត្តិនៅតាមស្ថានទូតដូចគ្នា ដើម្បីស្នើសុំអន្តរាគមន៍ដោះលែងសកម្មជនដីធ្លី និងព្រះសង្ឃជាច្រើនអង្គ/នាក់ ដែលត្រូវបានឃុំខ្លួននៅពន្ធនាគារ ម១ និងម២ នៅព្រៃស។ ព្រះតេជគុណ លួន សុវាត ព្រះសង្ឃ និងសមាជិកសហគមន៍ចំនួន ១៥០ អង្គ/នាក់ នឹងដើរហែក្បួនដាក់ញត្តិទៅស្ថានទូតចំនួន ១៣ រួមមានស្ថានទូត អង់គ្លេស សិង្ហបុរី រុស្ស៊ី ថៃ ចិន អូស្ត្រាលី សាធារណៈរដ្ឋកូរ៉េ សហគមន៍អឺរ៉ុប និងការិយាល័យឧត្តមស្នងការអង្គការសហប្រជាជាតិទទួលបន្ទុកសិទិ្ធមនុស្សនៅកម្ពុជា
(OHCHR។
- ឯកសារទាក់ទង
- ចំណងជើង & មូលបទ
- តុលាការ និង នីតិរដ្ឋ សិទិ្ធបញ្ចេញមតិ និងចូលរួម ដោះលែង ១៩ នាក់ អំពើនៅទីលានប្រជាធិបតេយ្យ ២០១៤ សិទ្ធិដីធ្លី
