ឃាតករសប្បនិម្មិត ប៊ន សំណាង និងសុខ សំអឿន ត្រូវបានបញ្ជូនទៅត្រឡប់ ទៅពន្ធនាគារ ដោយមិនសមហេតុផល
ចេញផ្សាយ ថ្ងៃទី២៧ ខែធ្នូ ឆ្នាំ២០១២; ក្រុមសង្គមស៊ីវិលយើងខ្ញុំ ជាអង្គការសង្គមស៊ីវិលមានរាយនាមដូចខាងក្រោម សូមជំទាស់យ៉ាងខ្លាំងទៅលើសេចក្តីសម្រេច ដែលមិននឹកស្មានដល់របស់ចៅក្រមសាលាឧទ្ធរណ៍ លោកចៅក្រម ជួន ស៊ុនឡេង លោកចៅក្រម សេង ស៊ីវុត្ថា និងលោកចៅក្រម ឃុន លាងម៉េង ក្នុងការតម្កល់សាលក្រម ដែលមិនយុត្តិធម៌របស់សាលាដំបូងរាជធានីភ្នំពេញ ប្រឆាំងនឹងលោក ប៊ន សំណាង និងសុខ សំអឿន។ អ្នកទាំងពីរ ត្រូវបានចាប់ខ្លួន ដោយមន្ត្រីនគរបាលក្រសួងមហាផ្ទៃនៅ ក្នុងបន្ទប់សវនាការ ហើយត្រូវបានបញ្ជូនខ្លួនទៅកាន់ពន្ធនាគារវិញ កាលពីព្រឹកមិញនេះ។
អ្នកទាំងពីរ ដែលត្រូវបានគេជឿជាក់យ៉ាងច្បាស់ថា ត្រូវបានគេទម្លាក់កំហុសឲ្យក្លាយជាឃាតករសប្បនិម្មិតអំពី អំពើឃាតកម្មកាលពីឆ្នាំ២០០៤ ទៅលើមេដឹកនាំសហជីព លោក ជា វិជ្ជា ត្រូវបានដោះលែង កាលពីខែធ្នូ ឆ្នាំ២០០៨ ដោយសេចក្តីសម្រេចដ៏ក្លាហានរបស់តុលាការកំពូល ដែលបង្គាប់ឲ្យធ្វើការស៊ើបអង្កេតបន្ថែមលើករណីឃាតកម្មនេះ ក្នុងខណៈដែលមានភស្តុតាងយ៉ាងច្រើន បញ្ជាក់ពីភាពគ្មានកំហុសរបស់អ្នកទាំងពីរ។
លោក មឿន តុលា ប្រធានផ្នែកកម្មវិធីសិទិ្ធការងារនៃមជ្ឈមណ្ឌលអប់រំច្បាប់សម្រាប់សហគមន៍បានមាន ប្រសាសន៍ថា៖ “សាលដីកា នាព្រឹកនេះ បានធ្វើឲ្យយើងខ្ញុំគ្មានពាក្យនឹងនិយាយ”។ លោកបានបន្ថែមទៀតថា៖ “សេចក្តី សម្រេចរបស់សាលាឧទ្ធរណ៍ មិនបានអនុវត្តទៅតាមគោលការណ៍យុត្តិធម៌ និងនីតិរដ្ឋនោះទេ”។
សវនាការរបស់សាលាឧទ្ធរណ៍ដ៏លឿន ដែលបានប្រព្រឹត្តិឡើង កាលពីថ្ងៃទី៧ ខែវិច្ឆិកា ឆ្នាំ២០១២ មិនបានផ្តល់នូវ ភស្តុតាងថ្មី ដែលអាចនឹងត្រូវបានប្រើដើម្បីបង្ហាញពីពិរុទ្ធភាពរបស់លោក ប៊ន សំណាង និងសុខ សំអឿននោះទេ។ ក៏ប៉ុន្តែចៅក្រមទាំងឡាយ បានសម្រេចថា អ្នកទាំងពីរមានពិរុទ្ធ ដោយផ្អែកលើសាក្ខីកម្មជាលាយល័ក្ខអក្សររបស់អតីត មន្ត្រីនគរបាល។ ការណ៍នេះ ចៅក្រមទាំងអស់បានសម្រេចបដិសេធជាលក្ខណៈប្រព័ន្ធ និងព្រងើយកន្តើយលើ ភស្តុតាង និងសាក្ខីកម្មនានា ដែលគាំទ្រអ្នកទាំងពីរ ដែលរួមមាន៖
§ សាក្សីផ្ទាល់ភ្នែកតែម្នាក់នៅក្នុងអំពើឃាតកម្មនេះ (អ្នកលក់កាសែត ដែលបានឈរជិតលោក ជា វិជ្ជា នៅពេល ដែលលោកត្រូវបានគេសម្លាប់) ដែលបានបង្ហាញថា លោក ប៊ន សំណាង និងសុខ សំអឿន មិនមែនជា ឃាតករ ដូចដែលនាងបានឃើញកាលពីថ្ងៃនោះទេ។
§ អតីតអ្នកដឹកនាំការស៊ើបអង្កេតករណីឃាតកម្មនេះ ដែលជាអតីតអគ្គស្នងការនគរបាលរាជធានីភ្នំពេញ លោក ហេង ពៅ (បន្ទាប់ពីបានបាត់បង់តំណែងដ៏មានអំណាច) ដែលបានបង្ហាញថា លោក ប៊ន សំណាង និងសុខ សំអឿន មិនមែនជា ឃាតករនោះទេ។
§ សាក្សីផ្ទាល់ភ្នែក ដែលបង្ហាញថា លោក ប៊ន សំណាង ស្ថិតនៅខេត្តព្រៃវែង ដែលមានចម្ងាយ ៦០គីឡូម៉ែត្រពី រាជធានីភ្នំពេញ នៅខណៈពេលដែលមានអំពើឃាតកម្មកើតឡើង។
§ ការធ្វើទារុណកម្ម ដោយមន្ត្រីនគរបាលទៅលើលោក ប៊ន សំណាង ដើម្បីគម្រាមឲ្យឆ្លើយសារភាពជាបឋម ហើយដែលក្រោយមក លោកបានធ្វើការកែតម្រូវភ្លាមៗ
§ សាក្សីម្នាក់បានបង្ហាញថា នៅពេលមានអំពើឃាតកម្ម លោក សុខ សំអឿន កំពុងតែនៅជាមួយលោក និង មិត្តភក្តិមួយចំនួនទៀត។
ចំណុចខាងលើទាំងអស់ គឺមានលក្ខណៈគ្រប់គ្រាន់សម្រាប់តុលាការកំពូលក្នុងការដោះលែងអ្នកទាំងពីរ។ ដោយ មិនមានភស្តុតាងណាមួយ ដែលគួរឲ្យជឿ ដើម្បីបង្ហាញថា លោក ប៊ន សំណាង និងសុខ សំអឿន មានពិរុទ្ធភាព វាគួរតែគ្រប់គ្រាន់សម្រាប់បង្ហាញថាអ្នកទាំងពីរមិនមានពិរុទ្ធភាពនោះទេ។
អ្នកនាង ណាលី ពីឡូក នាយិកាអង្គការសិទិ្ធមនុស្ស លីកាដូ បានមានប្រសាសន៍ថា៖ “សាលដីកានេះ ជាការ បន្ថែមលើសោកនាដកម្មជាច្រើន ដែលបានកើតឡើងនៅក្នុងឆ្នាំ២០១២ ហើយដែលធ្វើឲ្យឆ្នាំនេះ គឺជាឆ្នាំដែលអាក្រក់ បំផុតក្នុងអំឡុងពេលមួយទសវត្សរ៍នេះ ទៅលើស្ថានភាពសិទិ្ធមនុស្ស និងនីតិរដ្ឋ”។ អ្នកនាងបានបន្តទៀតថា៖ “យើងខ្ញុំ សូមធ្វើការជម្រុញឲ្យតុលាការកំពូល សូមមេត្តាធ្វើការផ្លាស់ប្តូរទៅរកភាពដើមវិញនូវសេចក្តីសម្រេចនាថ្ងៃនេះ និង បញ្ចប់ សកម្មភាពគួរឲ្យអស់សំណើចនេះ ដោយធ្វើការសម្រេចឲ្យអ្នកទាំងពីរគ្មានពិរុទ្ធទៅលើបទលើ្មសព្រហ្មទណ្ឌ ដែលអ្នក ទាំងពីរមិនបានប្រព្រឹត្ត”។
លោក សរ មូរ៉ា ប្រធានសហព័ន្ធសហជីពកម្មករចំនីអាហារ និងសេវាកម្មកម្ពុជា បានមានប្រសាសន៍ថា៖ “អតីតព្រះមហាក្សត្រព្រះបាទនរោត្តម សីហនុ នាពេលមួយទ្រង់បានមានព្រះបន្ទូលថា អ្នកទាំងពីរមិនមានពិរុទ្ធនោះ ទេ។ ការពិតដែលតុលាការធ្វើការបញ្ជួនអ្នកទាំងពីរត្រឡប់ទៅពន្ធនាគារវិញ ដោយមិនសមហេតុផល ក្នុងខណៈពេលមានពិធី កាន់ព្រះរាជមរណទុក្ខព្រះបរមរតនកោដ គឺជាការមិនគោរពដល់ព្រះអង្គ”។
សហភាពសហជីពកម្ពុជា (CCU)
សហព័ន្ធសហជីពកម្មករចំនីអាហារ និងសេវាកម្មកម្ពុជា (CFSWF)
សមាគមមន្ត្រីរាជការកម្ពុជា (CICA)
សហភាពការងារកម្ពុជា (CLC)
សម្ព័ន្ធខ្មែរជំរឿន និងការពារសិទិ្ធមនុស្ស លីកាដូ (LICADHO)
មជ្ឈមណ្ឌលអភិវឌ្ឍន៍កម្មករកម្ពុជា (CWCD)
បណ្តាញយុវជនកម្ពុជា (CYN)
សម្ព័ន្ធសហជីពចលនាកម្មករខ្មែរ (CUMW)
សម្ព័ន្ធសហគមន៍កសិករកម្ពុជា (CCFC)
មជ្ឈមណ្ឌលអប់រំច្បាប់សម្រាប់សហគមន៍ (CLEC)
សមធម៌កម្ពុជា (EC)
ក្រុមការងារពិសេសសិទ្ធិលំនៅឋាន (HRTF)
សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
លីកាដូកាណាដា (LC)
សម្ព័ន្ធសហជីពជាតិ (NTUC)
សកម្មភាពប្រជាជនដើម្បីការផ្លាស់ប្តូរ (PAC)
សមាគមធាងត្នោត (STT)
សហព័ន្ធសហជីពកម្មករសំណង់ និងព្រៃឈើកម្ពុជា (BWTUC)
សហព័ន្ធសហជីពនៃកម្មករអាស៊ាន (UFAW)
សេចក្តីថ្លែងការណ៍នេះគាំទ្រដោយ៖
១. Cambodian Confederation Unions (CCU)
២. Cambodian Food and Service Worker Federation (CFSWF)
៣. Cambodia's Independent Civil-servants Association (CICA)
៤. Cambodian Labour Confederation (CLC)
៥. Cambodian League for the Promotion and Defense of Human Rights (LICADHO)
៦. Cambodian Worker Center for Development (CWCD)
៧. Cambodian Youth Network (CYN)
៨. Collective Union of Movemrnt of Workers (CUMW)
៩. Coalition of Cambodian Farmer Community (CCFC)
១០. Community Legal Education Centre (CLEC)
១១. Equitable Cambodia (EC)
១២. Housing Rights Task Force (HRTF)
១៣. Independent Democracy of Informal Economy Association (IDEA)
១៤. LICADHO Canada (LC)
១៥. National Trade Unions Coalition (NTUC)
១៦. People’s Action for Change (PAC)
១៧. Sahmakum Teang Tnaut (STT)
១៨. The Building and Wood Workers Trade Union Federation of Cambodia (BWTUC)
១៩. Union Federation of ASEAN Workers (UFAW)
សម្រាប់ព័ត៌មានបន្ថែម សូមទាក់ទង៖
▪ Mr. AM Sam Ath (Khmer), LICADHO Technical Supervisor, 012-327-770
▪ Mr. Moeun Tola (English, Khmer), Head of CLEC Labour Program, 066-777-056
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ ឃាតកម្ម ជា វិជ្ជា