ការឃុំខ្លួនបុគ្គលិករបស់អង្គការ សមធម៌កម្ពុជាដោយខុសច្បាប់
ចេញផ្សាយ ថ្ងៃទី១២ ខែកញ្ញា ឆ្នាំ២០១៤; ក្រុមសង្គមស៊ីវិល
កាលពីថ្ងៃអង្គារ ទី៩ ខែកញ្ញា ឆ្នាំ២០១៤ អាជ្ញាធរកម្ពុជាបានធ្វើការឃុំខ្លួនបុគ្គលិក របស់អង្គការសមធម៌កម្ពុជាចំនួន០២រូបដោយគ្មានមូលហេតុ។ លោកស្រី មែក ហ្វូគូសាវ៉ា(Meg Fukuzawa) ជាទីប្រឹក្សាស្រាវជ្រាវដែលមានសញ្ញាតិពីរគឺអាមេរិក និងជប៉ុន និងលោក សុខ លីដា ជាមន្រ្តីស្រាវជ្រាវសញ្ញាតិកម្ពុជា បានចុះទៅកាន់ខេត្តឧត្តរមានជ័យតាំងពីថ្ងៃអាទិត្យសប្តាហ៍មុន ដើម្បីចុះស្រាវជ្រាវនៅមូលដ្ឋាន អំពីផលប៉ះពាល់សិទ្ធិមនុស្សនៃការបណ្តេញចេញពីលំនៅដ្ឋានដោយបង្ខំ ដែល បណ្តាលមកពីការអភិវឌ្ឍន៍ឧស្សាហកម្មចំការអំពៅ។ ចំការទាំងនោះគ្រប់គ្រងដោយក្រុមហ៊ុន មិត្រ ប៉ូល គ្រុប (Mitr Phol Group) ដែលជាក្រុមហ៊ុនមួយក្នុងចំណោមក្រុមហ៊ុនធំៗទាំងបីដែលផ្គត់ផ្គង់ស្ករសដល់ក្រុមហ៊ុនភេសជ្ជៈកូកាកូឡានៅលើពិភពលោក។ លោកស្រី ហ្វូគូសាវ៉ា និងលោក សុខ លីដា បានធ្វើការប្រមូលភស្តុតាងបន្ថែមដើម្បីដាក់ជូន គណៈកម្មាធិការសិទ្ធិមនុស្សថៃ ដែលជាស្ថាប័នមួយកំពុងធ្វើការស៊ើបអង្កេតពីសកម្មភាពរបស់ ក្រុមហ៊ុនមិត្រ ប៉ូល នៅកម្ពុជា។
នៅប្រហែលម៉ោង ៤:៣០ នាទីល្ងាច រថយន្តនគរបាលចំនួន៤គ្រឿងបាន ធ្វើដំណើរទៅកាន់ ភូមិបូស ជាកន្លែងដែលលោកស្រី ហ្វូគូសាវ៉ា និងលោក លីដាកំពុងបំពេញការងារ ដោយសារ នៅឆ្នាំ២០០៨ ដីស្រែរបស់ប្រជាពលរដ្ឋប្រមាណ ១០០ គ្រួសារនៅភូមិបូសត្រូវបានរឹបអូស ដើម្បីបើកផ្លូវដល់ក្រុមហ៊ុនចំការអំពៅ។1
នៅពេលដែលមន្រ្តីទាំងនោះបានទៅជិតអ្នកស្រាវជ្រាវទាំងពីរ ពួកគេបានស្នើ ភ្លាមៗឲ្យលោកស្រី ហ្វូគូសាវ៉ា និងលោកលីដា ទៅប៉ុស្តិ៍ប៉ូលីសខេត្តឧត្តរមានជ័យជាមួយពួកគេ។ ការស្នើសុំពីមន្រ្តីទាំងនោះត្រូវបានបដិសេធន៍ ដោយសារនៅពេលនោះ យប់ងងឹតហើយពួកគេមានការព្រួយបារម្មណ៍អំពីការធ្វើដំណើរដោយម៉ូតូនៅពេលយប់។ មួយម៉ោងក្រោយមក ស្នងការរងនគរបាលខេត្តឧត្តរមានជ័យ លោក ឡុង សុគន្ធ បានមកដល់ ហើយសុំមើលឯកសារអន្តោរប្រវេសន៍របស់ លោកស្រី ហ្វូគូសាវ៉ា ។ នៅពេលនោះអ្នកស្រី ហ្វូគូសាវ៉ា មិនមានលិខិតឆ្លងដែននៅក្នុងដៃឡើយ។ នៅប្រហែលម៉ោង៨:៣០នាទីល្ងាច រថយន្តប៉ូលីសមួយបានមកដល់ភូមិបុស ហើយលោកស្រី ហ្វូគូសាវ៉ា និងលោក លីដា បានស្ម័គ្រចិត្តទៅកាន់ប៉ុស្តិ៍ប៉ូលីសខេត្ត។ មន្ត្រីប៉ូលីសមិនបានប្រាប់ពួកគេពីមូលហេតុនៃការឃុំខ្លួន ហើយក៏មិនមានដីការចាប់ខ្លួនដីការចាប់ខ្លួនដែរ។
ពួកគេត្រូវបានដាក់ក្នុងបន្ទប់ឃុំឃាំងរបស់ប៉ូលីស និងសាកសួរអំពីសកម្មភាពស្រាវជ្រាវរបស់ពួកគេអស់រយះពេលជាង៣ម៉ោង បន្ទាប់មកលោកលីដា ត្រូវបានដោះលែង។ ប៉ុន្តែលោកនៅតែជ្រើសរើសនៅក្នុងបន្ទប់នោះជាមួយសហការីរបស់គាត់ដើម្បីធ្វើជាអ្នកបកប្រែ និងផ្តល់ការគាំទ្រដល់លោកស្រីដែលបន្តនៅក្នុងបន្ទប់ឃុំឃាំង។ នៅស្ថានីយ៍ប៉ូលីស អ្នកស្រីហ្វូគូសាវ៉ា បានព្យាយាមបង្ហាញលិខិតឆ្លងដែនដែល គេបានផ្ញើរមកក្នុងទូរសព្ទដៃរបស់លោក លីដាទៅកាន់ លោក ឡុង សុគន្ធ និងជំនួយការរបស់គាត់។មន្ត្រីប៉ូលីស បានប្រាប់អ្នកស្រី ហ្វូគូសាវ៉ា ទាំងពីរលើកថា វាមិនចាំបាច់បង្ហាញឯកសារទាំងនេះឡើយ។
លោកស្រី ហ្វូគូសាវ៉ា នៅបន្តក្នុងឃុំខ្លួនក្នុងបន្ទប់ឃុំឃាំងពេញមួយយប់ ហើយត្រូវបានដឹកទៅនាយកដ្ឋានអន្តោប្រវេសន៍នៅទីក្រុងភ្នំពេញនៅពេលរសៀលថ្ងៃបន្ទាប់។ បន្ទាប់ពីការសម្ភាសន៍មួយមន្រ្តីនាយកដ្ឋានអន្តោប្រវេសន៍បានបញ្ចប់ លោកស្រី ហ្វូគូសាវ៉ា ត្រូវបានដោះលែងពីបន្ទប់ឃុំឃាំងវេលាម៉ោង៣.៣០ រសៀលថ្ងៃដ៏ដែល។
នគរបាលបានប្រាប់ថា ពួកគេបានស្នើសុំអោយអ្នកស្រាវជ្រាវចាកចេញពីភូមិដើម្បីសុវត្ថិភាពផ្ទាល់ខ្លួនពីព្រោះភូមិនេះជាភូមិដាច់ស្រយាល។ ទាំងលោកស្រី ហ្វូគូសាវ៉ា និងលោក លីដា មានការព្រួយបារម្ភពីសុវត្ថិភាពរបស់ខ្លួនខណៈពេលធ្វើការសិក្សាស្រាវជ្រាវក្នុងភូមិនេះ។ សមាជិកសហគមន៍គោរព និងទទួលរាក់ទាក់អ្នកចុះមកភូមិនេះខ្លាំងណាស់។ ប៉ុន្តែបន្ទាប់ពីការឃុំខ្លូនពីសំណាក់នគរបាល អ្នកស្រី ហ្វូគូសាវ៉ា និងលោក លីដាមានអារម្មណ៍ថាសុវត្ថិភាពរបស់គាត់ស្ថិតក្នុងភាពគ្រោះថ្នាក់។
ប៉ុន្តែ អាជ្ញាធរបានបញ្ជាក់ថា លោកស្រី ហ្វូគូសាវ៉ា ត្រូវបានឃុំខ្លួនពីព្រោះគាត់មិនបានបង្ហាញ លិខិតឆ្លងដែនរបស់គាត់ ពេលដែលសាកសួរដោយមន្រ្តី ប៉ូលីសនៅក្នុងខេត្តឧត្តរមានជ័យ។ ប៉ុន្តែគ្មាន ការចោទប្រកាន់ និងការផាកពិន័យចំពោះគាត់ ឡើយ។
អង្គការសមធម៌កម្ពុជា សូមថ្កោលទោសចំពោះការឃុំខ្លួនដោយគ្មានមូលដ្ឋាន លើបុគ្គលិករបស់ខ្លួនទាំងពីររូបនៅខេត្តឧត្តរមានជ័យ និងនៅភ្នំពេញ។ ការខកខានមិនបានបង្ហាញលិខិតឆ្លងដែន តាមស្នើសុំរបស់នគរបាល វាមិនអាចឈានដល់បទឧក្រិដ្ឋនោះទេ។ លើសពីនោះទៀត គឺគ្មានបុគ្គលណាមួយបានពាក់ព័ន្ធក្នុង សកម្មភាពខុសច្បាប់ឡើយ។ ក្នុងករណីនេះ គ្មានមូលដ្ឋានសមស្របទៅនឹង ការឃុំខ្លួនរបស់លោកស្រី ហ្វូគូសាវ៉ា និងលោកលីដា នៅក្នុងបន្ទប់ឃុំឃាំងទេ ហើយអ្នកទាំងពីរនោះបានឃុំខ្លួនអស់រយៈពេលជិត២៤ម៉ោង។ មន្រ្តីប៉ូលីស និងមន្រ្តី អន្តោប្រវេសន៍បានរំលោភលើសិទ្ធិធម្មនុញ្ញរបស់លោកស្រីហ្វូគូសាវ៉ា និងលោក លីដាដោយគ្មានដីការ និងមូលហេតុសមស្របដើម្បីឃុំខ្លួន ដែលបុគ្គលគ្រប់រូបមិនត្រូវបាន ឃុំខ្លួនដោយគ្មានមូលដ្ឋាន និងដកហូតសេរីភាព ដោយមិនមានមូលហេតុត្រឹមត្រូវ2។
យើងសូមចុះហត្ថលេខាថ្កោលទោសចំពោះការបន្តគំរាមកំហែង និងការរំលោភបំពានអ្នកការពារសិទ្ធិមនុស្សនៅកម្ពុជា។ យើងសូមអំពាវនាវអាជ្ញាធរមានសមត្ថកិច្ចបើកការស៊ើបអង្កេត និង កាត់ទោស ចំពោះជនដែលបានចេញបទបញ្ជាការឃុំខ្លួនមិនស្របច្បាប់ និងការឃុំខ្លួនមិនសមស្រប លើលោកស្រី ហ្វូគូសាវ៉ា និងលោក លីដា ។
---------------------------------------------
សេចក្តីថ្លែងការណ៍នេះត្រូវបានចេញផ្សាយដោយអង្គការសមធម៌កម្ពុជា, អង្គការអភិវឌ្ឍន៍ សម្លេងសហគមន៍ (BCV), ក្រុមការងារពិសេសសិទ្ធិលំនៅដ្ឋាន (HRTF), បណ្តាញកសាងសន្តិភាព (CPN) សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ, មជ្ឈមណ្ឌលអប់រំច្បាប់សម្រាប់សហគមន៍ (CLEC), និង អង្គការ អភិវឌ្ឍន៍ដោយមានការចូលរួមអន្តរជាតិ (IDI), អង្គការធ្វើការងារលើប្រទេសក្រីក្រ, អង្គការវេទិការស្តីពីកម្ពុជា (NGOF), សហព័ន្ធកម្មករសេវាកម្ម និងម្ហូបអាហារកម្ពុជា (CFSWF), សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA), សម្ព័ន្ធសហគមន៍កសិករកម្ពុជា (CCFC), សមាគមន៍សិទ្ធិមនុស្ស និងអភិវឌ្ឍន៍ អាដហុក, សមាគមន៍ធាងត្នោត (SST), មជ្ឍមណ្ឌលសិទ្ធិមនុស្សកម្ពុជា(CCHR) និងបណ្តាញ យុវជនកម្ពុជា (CYN) , សកម្មភាពសង្គមដើម្បីការផ្លាស់ប្តូរ (SAC)។
សម្រាប់ព័ត៌មានបន្ថែម សូមទាក់ទងទៅកាន់៖
លោក អៀង វុទ្ធី នាយកប្រតិបត្តិ
អង្គការសមធម៌កម្ពុជា (EC)
ទូរស័ព្ទ: (+855) 12 791 700
អ៊ីម៉ែល: vuthy@equitablecambodia.org
លោក យ៉េង វីរៈ នាយកប្រតិបត្តិ
មជ្ឈមណ្ឌល អប់រំច្បាប់សម្រាប់សហគមន៍
ទូរស័ព្ទ: (+855) 12 801 235
អ៊ីម៉ែល: virakyeng@clec.org.kh
កញ្ញា ណាលី ពីឡូក នាយិកា
សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ
ទូរស័ព្ទ: (+855) 12 803 650
អ៊ីម៉ែល: director@licadho-cambodia.org
អ្នកស្រី ព្រី ផល្លីភួង នាយកប្រតិបត្តិ
អង្គការអភិវឌ្ឍន៍សម្លេងសហគមន៍ (BCV)
ទូរស័ព្ទ: (+855) 89 885 625
អ៊ីម៉ែល: phuongbcv@gmail.com
លោក សេង សុខហេង អ្នកសម្របសម្រួលលេខាធិការ
បណ្តាញកសាងសន្តិភាព (CPN)
ទូរស័ព្ទ: (+855) 92 324 668
អ៊ីម៉ែល: seng.sokheng@gmail.com
លោក សៀ ភារម្យ នាយក
ក្រុមការងារពិសេសិទ្ធិលំនៅដ្ឋាន (HRTF)
ទូរស័ព្ទ: (+855) 60 313 451
អ៊ីម៉ែល: sd@hrtfcambodia.org
លោក ដេវិត ប្រេដ នាយក
អង្គការអភិវខ្ឍន៍ដោយមានការចូលរួមអន្តរជាតិ (IDI)
ទូរស័ព្ទ: +1 (917) 280-2705
អ៊ីម៉ែល: david@inclusivedevelopment.net
អ្នកស្រី ហ្សាម៉ាលី ហ្គតតាល (Ms. Shalmali Guttal), បុគ្គលិក
អង្គការធ្វើការងារលើប្រទេសក្រីក្រ
ទូរស័ព្ទ: (+66-2) 218 7363/4/5
អ៊ីម៉ែល: s.guttal@focusweb.org
លោក នី ចរិយា, ប្រធានផ្នែកសិទ្ធិមនុស្ស និងជំនួយផ្នែកច្បាប់,
សមាគមន៍សិទ្ធិមនុស្ស និងអភិវឌ្ឍន៍ អាដហុក
ទូរស័ព្ទ: (+855) 011 274 959
អ៊ីម៉ែល: adhoc@forum.org.kh
លោក តឹក វណ្ណារ៉ា នាយកប្រតិបត្តិ
អង្គការវេទិការស្តីពីកម្ពុជា (NGOF)
ទូរស័ព្ទ: (+855) 23 214 429, Ext. 106
អ៊ីម៉ែល: vannara@ngoforum.org.kh
លោក សរ ម៉ូរ៉ា ប្រធាន
សហព័ន្ធកម្មករសេវាកម្ម និងម្ហូបអាហារកម្ពុជា (CFSWF)
ទូរស័ព្ទ: (+855) 23 455 9991
អ៊ីម៉ែល: contact@cfswf.org
លោក ថេង សាវឿន, អ្នកសម្របសម្រួល
សម្ព័ន្ធសហគមន៍កសិករកម្ពុជា (CCFC)
ទូរស័ព្ទ: (+855) 12 707 381
អ៊ីម៉ែល: ccfc.cambodia@gmail.com
លោក ហេង សំអ៊ន
សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
អ៊ីម៉ែល: samorn63@gmail.com
លោក ទឹម ម៉ាឡៃ ប្រធាន
បណ្តាញយុវជនកម្ពុជា (CYN)
ទូរស័ព្ទ: (+855) 17 990 689
អ៊ីម៉ែល: malaytim@gmail.com
លោក អែ សារ៉ុម នាយកប្រតិបត្តិស្តីទី
សមាគមន៍ធាងត្នោត (STT)
ទូរស័ព្ទ: (+855) 89 666 036
អ៊ីម៉ែល: sarom@teangtnaut.com
លោកស្រី ចក់ សុភាព នាយកប្រតិបត្តិ
មជ្ឈមណ្ឌលសិទ្ធិមនុស្សកម្ពុជា (CCHR)
ទូរស័ព្ទ: (855)11 943 213
អ៊ីម៉ែល: chaksopheap@cchrcambodia.org
លោកស្រី លី ពិសី អ្នកសំរបសំរួល
សកម្មភាពសង្គមដើម្បីការផ្លាស់ប្តូរ (SAC)
ទូរស័ព្ទ: (+855) 012 697 641
អ៊ីម៉ែល: forcechange@gmail.com
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី
