អ្នកស្រី ទេព វន្នី ត្រូវបានផ្ដន្ទាទោសម្ដងទៀត ខណៈដែលក្រុមសន្ដិសុខ បានប្រើប្រាស់អំពើហិង្សាទៅលើអ្នកគាំទ្រអ្នកស្រី
ចេញផ្សាយ ថ្ងៃទី២៣ ខែកុម្ភៈ ឆ្នាំ២០១៧; ក្រុមសង្គមស៊ីវិលយើងខ្ញុំ ជាអង្គការសង្គមស៊ីវិលដែលមានរាយនាមដូចខាងក្រោម សូមសម្ដែងការសោកស្ដាយជាខ្លាំងចំពោះការផ្ដន្ទាទោសអ្នកស្រី ទេព វន្នី ឲ្យជាប់ពន្ធនាគារដោយអយុត្តិធម៌ និងអំពើហិង្សាយ៉ាងអាក្រក់ដែលប្រព្រឹត្តដោយក្រុមសន្ដិសុខទៅលើអ្នកគាំទ្ររបស់អ្នកស្រី នៅខាងក្រៅសាលាដំបូងរាជធានីភ្នំពេញ។
នាព្រឹកនេះ សកម្មជនដីធ្លី និងតំណាងសហគមន៍បឹងកក់ អ្នកស្រី ទេព វន្នី ត្រូវបានផ្ដន្ទាទោសពីបទហិង្សាដោយចេតនាដែលមានស្ថានទម្ងន់ទោស ហើយត្រូវបានផ្ដន្ទាទោសឲ្យជាប់ពន្ធនាគាររយៈពេល ២ឆ្នាំកន្លះ ពាក់ព័ន្ធនឹងការតវ៉ាមួយ កាលពីឆ្នាំ២០១៣។ អ្នកស្រីក៏ត្រូវតម្រូវឲ្យបង់ប្រាក់ពិន័យចំនួន ៥លានរៀល (ប្រហែលជា ១២៥០ ដុល្លាសហរដ្ឋអាមេរិក) និងសំណងជាប្រាក់ចំនួន ៤លានរៀល (ប្រហែលជា ១០០០ ដុល្លារសហរដ្ឋអាមេរិក) ឲ្យទៅដើមបណ្ដឹងទី១ និង៥លានរៀល ឲ្យទៅដើមបណ្ដឹងទី២ ដែលដើមបណ្ដឹងទាំងពីរនាក់នេះគឺជាសន្ដិសុខខណ្ឌដូនពេញ។ មិនមានភ័ស្ដុតាងណាមួយដើម្បីអះអាងបញ្ជាក់ក្នុងការទាមទារសំណងទាំងនោះទេ។
បន្ទាប់ពីសវនាការរបស់អ្នកស្រី ទេព វន្នី ត្រូវបានផ្អាកអស់រយៈពេលជិត៣សប្ដាហ៍ សវនាការរបស់អ្នកស្រី ត្រូវបានបន្តជំនុំជម្រះនៅព្រឹកនេះ ប៉ុន្តែមិនមានភ័ស្ដុតាងណាមួយត្រូវបានលើកមកបង្ហាញពីការចោទប្រកាន់អ្នកស្រី ឬបញ្ជាក់ពីអំពើហិង្សាដែលអ្នកស្រីធ្វើទៅលើក្រុមសន្ដិសុខនោះទេ។ ការតវ៉ានៅពេលនោះបានបញ្ចប់ទៅជាមួយនឹងការបង្ក្រាបយ៉ាងហិង្សាជាងគេក្នុងចំណោមការបង្រ្កាបផ្សេងៗទៀតពីសំណាក់ នគរបាល កម្លាំងប្រដាប់អាវុធ និងក្រុមសន្ដិសុខ ទៅលើសហគមន៍ ដែលបណ្ដាលឲ្យមនុស្ស៥នាក់រងរបួស ដោយក្នុងនោះមានអ្នកខ្លះបានបាក់ឆ្អឹងផងដែរ។ ទាំងសាក្សីដាក់បន្ទុកនិងដើមចោទ មិនបានបង្ហាញខ្លួនដើម្បីបញ្ជាក់អះអាងនៅក្នុងសវនាការទាំងពីររបស់អ្នកស្រី ទេព វន្នី នោះទេ ដែលនាំឲ្យមេធាវីការពារក្ដីរបស់អ្នកស្រី គ្មានឱកាសដើម្បីសួរដេញដោលបាន។ ផ្ទុយទៅវិញ ក្រឡាបញ្ជីគ្រាន់តែបានអានកំណត់ហេតុ ដែលអះអាងថាបានសរសេរដោយ សាក្សីដាក់បន្ទុកនិងដើមចោទតែប៉ុណ្ណោះ។ ទោះបីជាយ៉ាងណាក៏ដោយ បន្ទាប់ពីបានពិភាក្សាយ៉ាងខ្លី ចៅក្រមជំនុំជម្រះ លោក ឡុង កេសភារម្យ នៅតែអាចសម្រេចផ្ដន្ទាទោសអ្នកស្រី ទេព វន្នី ឲ្យជាប់ពន្ធនាគារ។ បន្ទាប់ពីការប្រកាសសាលក្រម នគរបាលបង្រ្កាបបាតុកម្ម បានចូលទៅក្នុងអគារតុលាការ និងបានរារាំងស្រ្តីបឹងកក់មួយចំនួនដែលបានបង្ហាញខ្លួនក្នុងនាមជាសាក្សីការពារចុងចោទ មិនឲ្យស្រែកតវ៉ានៅក្នុងអគារតុលាការ។
ជាថ្មីម្ដងទៀត ទង្វើរបស់អាជ្ញាធរដែលកំពុងតែដាក់ទោសអ្នកស្រី ទេព វន្នី ដោយសារភាពសកម្មរបស់អ្នកស្រី គឺជាសារមួយសបញ្ជាក់យ៉ាងច្បាស់ ទៅកាន់អ្នកដែលក្លាហានហ៊ានរិះគន់រាជរដ្ឋាភិបាលថា សំឡេងជំទាស់មិនត្រូវអត់ឱនឲ្យទេនៅក្នុងប្រទេសកម្ពុជា
នេះគឺជាសំណុំរឿងមួយក្នុងចំណោមសំណុំរឿងបីរបស់អ្នកស្រី ទេព វន្នី ដែលត្រូវបានសើរើឲ្យដំណើរការសារជាថ្មី នៅក្នុងខែសីហា ឆ្នាំ២០១៦ អំឡុងពេលអ្នកស្រីកំពុងត្រូវបានឃុំខ្លួនរង់ចាំសវនាការ ពាក់ព័ន្ធនឹងការតវ៉ាក្នុងយុទ្ធនាការអហិង្សាថ្ងៃច័ន្ទពណ៌ខ្មៅ។ មកទល់ពេលនេះ អ្នកស្រីត្រូវបានឃុំខ្លួនរយៈពេល១៩២ ថ្ងៃហើយ បន្ទាប់ពីត្រូវបានចាប់ខ្លួន កាលពីថ្ងៃទី១៥ ខែសីហា ឆ្នាំ២០១៦។
អ្នកនាង ណាលី ពីឡូក នាយិការងផ្នែកតស៊ូមតិនៃសម្ព័ន្ធខ្មែរជំរឿននិងការពារសិទ្ធិមនុស្សលីកាដូ បានមានប្រសាសន៍ថា៖ “ជាថ្មីម្ដងទៀត ទង្វើរបស់អាជ្ញាធរដែលកំពុងតែដាក់ទោសអ្នកស្រី ទេព វន្នី ដោយសារភាពសកម្មរបស់អ្នកស្រី គឺជាសារមួយសបញ្ជាក់យ៉ាងច្បាស់ ទៅកាន់អ្នកដែលក្លាហានហ៊ានរិះគន់រាជរដ្ឋាភិបាលថា សំឡេងជំទាស់មិនត្រូវអត់ឱនឲ្យទេនៅក្នុងប្រទេសកម្ពុជា”។
ចាប់តាំងពីម៉ោង ៨និង៣០នាទី ព្រឹកនេះ ប្រជាពលរដ្ឋប្រមាណជា៦០នាក់ បានប្រមូលផ្ដុំគ្នានៅខាងក្រៅតុលាការដើម្បីបង្ហាញការគាំទ្រដល់អ្នកស្រី ទេព វន្នី។ នៅម៉ោងប្រហែល ៩និង៣០នាទី ក្រុមសន្តិសុខខណ្ឌ៧មករាបានធ្វើការបំបែកយ៉ាងហិង្សាទៅលើស្រ្តីនិងក្មេងៗប្រមាណជា៣៥នាក់ ដែលមកពីសហគមន៍នានាក្នុងរាជធានីភ្នំពេញ ខណៈពេលដែលអ្នកទាំងនោះកំពុងអង្គុយជួបជុំគ្នាដោយសន្ដិវិធីនៅខាងក្រៅតុលាការ។ ក្រុមសន្ដិសុខបានព្យាយាមរុញច្រានអ្នកគាំទ្រយ៉ាងបង្ខំដើម្បីឲ្យចាកចេញពីខាងមុខតុលាការ។ នៅពេលដែលអ្នកទាំងនោះមិនព្រមចាកចេញដោយសារសកម្មភាពហិង្សានោះ ក្រុមសន្ដិសុខបានប្រើអំពើហិង្សា និងរុញច្រានអ្នកទាំងនោះឆ្លងកាត់ថ្នល់ ដែលបណ្ដាលឲ្យស្រី្តបីនាក់រងរបួស (ស្រ្តីពីរនាក់មកពីសហគមន៍បឹងកក់ និងម្នាក់ទៀតមកពីសហគមន៍បុរីកីឡា)។
អំឡុងពេលបំបែកយ៉ាងហិង្សាដែលមានមនុស្សជាច្រើននាក់បានស្រែកទៅកាន់ក្រុមសន្ដិសុខ សូមឲ្យបញ្ឈប់អំពើហិង្សាទៅលើស្រ្តីទាំងនោះ លោក ម៉ៅ សុជាតិ សកម្មជនគណបក្សសង្គ្រោះជាតិ បានរត់ចូលទៅកាន់ផ្សារទំនើបស៊ីធីម៉ល នៅទល់មុខតុលាការ ដោយសារក្រុមសន្ដិសុខប្រមាណជា៨នាក់ បាននិយាយតាមរយៈវិទ្យុទាក់ទង (អាយកូម) ឲ្យបក្ខពួកដេញតាមលោក។ ភា្លមៗនោះ ក្រុមសន្ដិសុខបានហ៊ុមព័ទ្ធ ទាត់ ដាល់មុខនិងក្បាលរបស់លោកជាច្រើនកន្លែង ដែលធ្វើឲ្យមានការភ្ញាក់ផ្អើលជាខ្លាំងដល់អ្នកដើរផ្សារ ។ សមាជិកសហគមន៍មួយចំនួនបានចូលទៅធ្វើអន្តរាគមដើម្បីការពារលោក។ ក្រុមសន្ដិសុខបានបង្ខំអ្នកតវ៉ាចូលទៅក្នុងផ្សារទំនើបនោះ ហើយបានចាក់សោរឲ្យអ្នកទាំងនោះនៅខាងក្នុង។
កញ្ញា សុង ស្រីលាភ ដែលស្ថិតក្នុងចំណោមអ្នករងរបួសដោយក្រុមសន្ដិសុខថ្ងៃនេះ បានមានប្រសាសន៍ថា៖ “ម្ដងហើយ ម្ដងទៀត! យើងជាអ្នករងរបួសនៅលើផ្លូវដោយក្រុមសន្ដិសុខ ប៉ុន្តែអ្នកស្រី ទេព វន្នី បែរជាត្រូវបានគេចោទដោយមិនត្រឹមត្រូវថា ជាអ្នកប្រព្រឹត្តអំពើហិង្សានិងត្រូវជាប់ពន្ធនាគារទៅវិញ”។ កញ្ញាបន្តទៀតថា៖ “ប្រព័ន្ធតុលាការគឺអសមត្ថភាពទាំងស្រុងហើយ ក្នុងការផ្ដល់យុត្តិធម៌សម្រាប់ប្រជាពលរដ្ឋ”។
ជាថ្មីម្ដងទៀត យើងខ្ញុំសូមសម្ដែងការសោកស្ដាយចំពោះការផ្ដន្ទាទោសអ្នកស្រី ទេព វន្នី ដោយគ្មានមូលដ្ឋាននិងសូមសំណូមពរដោយទទូចឲ្យអាជ្ញាធរពាក់ព័ន្ធចាត់វិធានការផ្លូវច្បាប់ចំពោះអ្នកប្រព្រឹត្តអំពើហិង្សានៅថ្ងៃនេះ ដើម្បីធានាយុត្តិធម៌ដល់ជនរងគ្រោះ។
សេចក្ដីថ្លែងការណ៍នេះគាំទ្រដោយសង្គមស៊ីវិលដូចខាងក្រោម៖
1. សហគមន៍កៅពីរ
2. ក្រុមការងារដើម្បីដោះស្រាយទំនាស់ (ACT)
3. សហគមន៍បន្ទាយស្រី
4. សហគមន៍បឹងប្រាំ
5. សហគមន៍បឹងឈូក
6. សហគមន៍បឹងកក់
7. សហគមន៍បឹងស្រឡៅ
8. សហគមន៍បឹងត្របែក
9. សហគមន៍បុរីកីឡា
10. អង្គការព្រះពុទ្ធសាសនាសម្រាប់សន្តិភាព (BPO)
11. អនាគតយុវជនកម្ពុជាអាស៊ាន
12. សម្ព័ន្ធសហជីពកម្ពុជា (CATU)
13. មជ្ឈមណ្ឌលសិទ្ធិមនុស្សកម្ពុជា (CCHR)
14. មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM)
15. បណ្តាញកម្មករការងារតាមផ្ទះកម្ពុជា (CDWN)
16. សហព័ន្ធសហជីព កម្មករចំណីអាហារ និងសេវាកម្មកម្ពុជា (CFSWF)
17. សមាគមអាដហុក (ADHOC)
18. សមាគមមន្រ្តីរាជការកម្ពុជា (CICA)
19. សមាគមគ្រូបង្រៀនកម្ពុជាឯករាជ្យ (CITA)
20. សមាគមកម្ពុជា កម្មករសេដ្ឋកិច្ចក្រៅប្រព័ន្ធ (CIWA)
21. សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO)
22. សហព័ន្ធសហជីពវិស័យទេសចរណ៍សេវកម្មកម្ពុជា (CTSWF)
23. បណ្តាញយុវជនកម្ពុជា (CYN)
24. គណៈកម្មាធិការនៃអង្គការមិនមែនរដ្ឋាភិបាលដើម្បី លុបបំបាត់រាល់ទម្រង់រើសអើង លើស្រ្តីភេទ (NGO-CEDAW)
25. មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)
26. សហគមន៍ជ័យជំនះ
27. សម្ព័ន្ធសហគមន៍កសិករកម្ពុជា (CCFC)
28. សម្ព័ន្ធសហជីពចលនាកម្មករ (CUMW)
29. គណៈកម្មាធិការ ដើម្បីការបោះឆ្នោតដោយសេរី និងយុត្តិធម៌នៅកម្ពុជា (COMFREL)
30. បណ្តាញកសាងសន្តិភាព (CPN)
31. បណ្តាញសហគមន៍ក្នុងសកម្មភាព (ស៊ីអ៊ិនអេ)
32. សមធម៌កម្ពុជា (EC)
33. សមាគមកសិករដើម្បីសន្តិភាព និងការអភិវឌ្ឍន៍ (FAPD)
34. អង្គការធ្វើការងារលើប្រទេសក្រីក្រ
35. បណ្ដាញសហគមន៍អតីតស្រ្តីបឹងកក់
36. អង្គការយេនឌ័រ និងអភិវឌ្ឍន៍ដើម្បីកម្ពុជា (GADC)
37. ក្រុមការងារពិសេសសិទ្ធិលំនៅឋាន (HRTF)
38. សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
39. យុវជនជនជាតិដើមភាគតិច ឃុំប្រមេ ស្រុកត្បែងមានជ័យ ខេត្តព្រះវិហារ
40. សមាគមយុវជនខ្មែរ (KYA)
41. សហគមន៍ដីធ្លី ភូមិ១ ក្រុងព្រះសីហនុ
42. សហគមន៍ដីធ្លី ភូមិព្រែកជីក ខេត្តកោះកុង
43. សហគមន៍ឡពាង
44. អង្គការមាតាធម្មជាតិ (MN)
45. អង្គការស្ពានសន្តិភាព (PBO)
46. សហគមន៍ភ្នំបាត
47. សហគមន៍ភូមិ២១
48. សហគមន៍ភូមិ២២
49. សហគមន៍ភូមិ២៣
50. អង្គការពន្លកខ្មែរ
51. សហគមន៍ព្រៃឡង់
52. បណ្ដាញសហគមន៍ជនជាតិដើមភាគតិច ខេត្តព្រះវិហារ
53. សហគមន៍ផ្លូវរថភ្លើង
54. សហគមន៍សាមគ្គី៤
55. សមាគមធាងត្នោត (STT)
56. សហគមន៍ SOS ព្រលានយន្តហោះអន្តរជាតិភ្នំពេញ
57. អង្គការស្ត្រីខ្មែរ
58. សហគមន៍ថ្មគោល
59. សហគមន៍ទួលរ៉ាដា
60. សហគមន៍ទួលសង្កែB
61. សហគមន៍ត្រពាំងអញ្ចាញថ្មី
62. សហគមន៍ទំនប់ពីរ
63. អង្គការកម្មវិធីអភិវឌ្ឍន៍ធនធានយុវជន (YRDP)
សេចក្តីថ្លែងការណ៍នេះគាំទ្រដោយ៖
១. 92 Community
២. Alliance for Conflict Transformation (ACT)
៣. Banteay Srey Community
៤. Beung Pram Land Community
៥. Boeung Chhouk Community
៦. Boeung Kak Community
៧. Boeung Sralao Community
៨. Boeung Trabek Community
៩. Borei Keila Community
១០. Buddhism for Peace Organization (BPO)
១១. CamASEAN Youth
១២. Cambodian Alliance of Trade Unions (CATU)
១៣. Cambodian Center for Human Rights (CCHR)
១៤. Cambodian Center for Independent Media (CCIM)
១៥. Cambodian Domestic Workers Network (CDWN)
១៦. Cambodian Food and Service Workers' Federation (CFSWF)
១៧. Cambodian Human Rights and Development Association (ADHOC)
១៨. Cambodian Independent Civil-Servants Association (CICA)
១៩. Cambodian Independent Teachers Association (CITA)
២០. Cambodian Informal Economic Workers Association (CIWA)
២១. Cambodian League for the Promotion & Defense of Human Rights (LICADHO)
២២. Cambodian Tourism and Service Workers Federation (CTSWF)
២៣. Cambodian Youth Network (CYN)
២៤. Cambodian NGO Committee on CEDAW (NGO-CEDAW)
២៥. Center for Alliance of Labor and Human Rights (CENTRAL)
២៦. Chey Chomnas Community
២៧. Coalition of Cambodian Farmer Community (CCFC)
២៨. Collective Union of Movement of Workers (CUMW)
២៩. Committee for Free and Fair Election in Cambodia (COMFREL)
៣០. Community Peace-Building Network (CPN)
៣១. Community Network in Action (CNA)
៣២. Equitable Cambodia (EC)
៣៣. Farmer Association for Peace and Development (FAPD)
៣៤. Focus on the Global South
៣៥. Former Boeung Kak Women Network Community
៣៦. Gender and Development for Cambodia (GADC)
៣៧. Housing Rights Task Force (HRTF)
៣៨. Independent Democracy of Informal Economy Association (IDEA)
៣៩. Indigenous Youth at Brome Commune, Preah Vihear Province
៤០. Khmer Youth Association (KYA)
៤១. Land Community, I Village Preah Sihanouk Province
៤២. Land Community, Prek Chik Village, Koh Kong Province
៤៣. Lor Peang Community
៤៤. Mother Nature (MN)
៤៥. Peace Bridges Organization (PBO)
៤៦. Phnom Bat Community
៤៧. Phum 21 Community
៤៨. Phum 22 Community
៤៩. Phum 23 Community
៥០. Ponlok Khmer
៥១. Prey Lang Community
៥២. Preah Vihear Indigenous Community Network
៥៣. Railway Community
៥៤. Samaky 4 Community
៥៥. Sahmakum Teang Tnaut (STT)
៥៦. SOS International Airport Community
៥៧. Strey Khmer
៥៨. Thmor Kol Community (TK)
៥៩. Toul Rada Community
៦០. Toul Sangke B Community
៦១. Trapaing Anhchanh Thmey Community
៦២. Tumnop II Community
៦៣. Youth Resource Development Program
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ឯកសារទាក់ទង
- ចំណងជើង & មូលបទ
- តុលាការ និង នីតិរដ្ឋ សិទិ្ធបញ្ចេញមតិ និងចូលរួម សិទ្ធិដីធ្លី