ទាញយក​របាយការណ៍សង្ខេប  (PDF, 195.56 KBs)

ប៉ុន្មានឆ្នាំថ្មីៗនេះមន្ត្រីជាន់ខ្ពស់របស់រដ្ឋាភិបាលជាច្រើនព្រម ទាំងលោកនាយករដ្ឋមន្ត្រីហ៊ុន សែន បានលើកឡើងពីឆន្ទៈរបស់រដ្ឋាភិបាលក្នុងការបង្កើតច្បាប់ស្តីពីការបង្កើតសមាគម និង អង្គការមិនមែនរដ្ឋាភិបាល ហៅកាត់ថា “ច្បាប់ អង្គការ មិនមែន រដ្ឋាភិបាល”។ នៅចុងខែកញ្ញា ឆ្នាំ២០០៨ លោកនាយករដ្ឋមន្ត្រី បានប្រកាសថា ច្បាប់ស្តីពីអង្គការមិនមែនរដ្ឋាភិបាល គឺជាច្បាប់មួយក្នុងចំណោមច្បាប់សំខាន់ៗទាំងបី ដែលនឹងត្រូវបានអនុម័ត ។

ប៉ុន្តែក្នុងខណះពេលដែល មន្រ្តីជាច្រើន បានអះអាងពីតម្រូវការក្នុងការដោះស្រាយបទល្មើស និង អំពើពុករលួយមួយផ្នែកនៃអង្គការមិនមែនរដ្ឋាភិបាល មន្ត្រីទាំងនោះបានលើកហេតុផលមួយចំនួនថា ការបង្កើតច្បាប់នេះគឺដើម្បីឲ្យ មានការផ្លាស់ប្តូរពិតប្រាកដ។ សេចក្តីព្រាងច្បាប់នេះ គឺមានគោលបំណងរឹតបណ្តឹងសកម្មភាពស្របច្បាប់នៃអង្គការសង្គមស៊ីវិលនៅក្នុងប្រទេសកម្ពុជា។