អំពើទារុណកម្ម និងការធ្វើបាបៈ ការផ្តល់ចម្លើយពីខាងក្នុងពន្ធនាគារ និងប៉ុស្តិ៍នគរបាលរបស់កម្ពុជា
ចេញផ្សាយ ខែមិថុនា ឆ្នាំ២០១៤ ទាញយករបាយការណ៍នេះជាភាសាខ្មែរ (PDF, 2.76 MBs) | |
ទាញយករបាយការណ៍នេះជាភាសាអង់គ្លេស (PDF, 2.74 MBs) |
នៅថ្ងៃទី២៦ ខែមិថុនា ដែលជាទិវាអន្តរជាតិការពារជនរងគ្រោះនៃអំពើទារុណកម្ម អង្គការ លីកាដូ បានចេញនូវរបាយការណ៍ ដែលជាការផ្តល់សក្ខីកម្មថ្មីមួយ និងការវិភាគលើការប្រើប្រាស់អំពើទារុណកម្ម និងការធ្វើបាបក្នុងពន្ធនាគារ និងប៉ុស្តិ៍នគរបាលនៅក្នុងប្រទេសកម្ពុជា រួមទាំងការរំលោភបំពានទៅលើអ្នកជាប់ពន្ធនាគារជាស្ត្រី និងអនីតិជន ហើយនឹងអ្នកដែលជួបប្រទះបញ្ហាសុខភាពផ្លូវចិត្ត។
តាមការសិក្សាស្រាវជ្រាវរបស់អង្គការ លីកាដូ បញ្ជាក់ថា មិនមានការផ្លាស់ប្តូរជាក់ស្តែងនូវប្រភេទភាពញឹកញាប់ និងភាពធ្ងន់ធ្ងរនៃការរំលោភបំពាន ដែលត្រូវបានរាយការណ៍កាលពីប៉ុន្មានឆ្នាំថ្មីៗមកនេះទេ។ អ្នក ទោសទាំងនោះបន្តរៀបរាប់ពីសកម្មភាពដែលខ្លួនត្រូវបានវាយដំ ទាត់ ទះ ឬដាល់ជារឿយៗរហូតដល់អ្នកទាំង នោះហូរឈាម និងសន្លប់។ ឧបករណ៍ដែលត្រូវបានប្រើប្រាស់ក្នុងការវាយដំនោះមានៈ កាំភ្លើង ដំបងឈើ ដំបង ដែក និងដំបងឆក់។ មួយក្នុងចំណោមគោលបំណងសំខាន់នៃការរំលោភបំពាន គឺនៅតែជាការបង្ខំឲ្យអ្នកទាំង នោះផ្តល់ចម្លើយសារភាព ឬថវិកា។
- ឯកសារទាក់ទង
- ចំណងជើង & មូលបទ
- បញ្ហាពន្ធនាគារ រំលោភសេពសន្ថវៈ វាយប្រហារទឹកអាស៊ីត និងទារុណកម្ម