ការដាក់របាយការណ៍ទៅក្រុមការងារគណកម្មាធិការសិទិ្ធមនុស្ស ដើម្បីដាក់ចូលក្នុងបញ្ជីនៃការរំលោភសិទិ្ធមនុស្សនៅកម្ពុជា
ចេញផ្សាយ ខែកក្កដា ឆ្នាំ២០១៤ ទាញយករបាយការណ៍នេះ (PDF, 267.36 KBs) |
នាសប្តាហ៍នេះ នៅខណៈដែលសមាជិកគណបក្សជំទាស់ទាំង ៨ នាក់ ត្រូវបានដោះលែងបណ្តោះអាសន្ន ពីពន្ធនាគារ ប៉ុន្តែនៅរក្សាការចោទប្រកាន់លើបទល្មើសដឹកនាំកុបកម្ម និងញុះញង់ឲ្យមានអំពើហិង្សានោះ ក្រុមការងារគណកម្មាធិការសិទិ្ធមនុស្ស (Human Rights Committee’s Task Force) ជួបជុំគ្នាដើម្បីលើកឡើងពីបញ្ហាដែលនឹងត្រូវពិចារណាដោយគណកម្មាធិការសិទិ្ធមនុស្ស នៅខែមិនា ឆ្នាំ២០១៥ នៅពេលដែលមានការពិនិត្យលើការអនុវត្តរបស់ប្រទេសកម្ពុជាទៅលើអនុសញ្ញាស្តីពីសិទិ្ធពលរដ្ឋ និងនយោបាយ ជាលើកដំបូងចាប់តាំងពីឆ្នាំ ១៩៩៨។
ដើម្បីជួយដល់ការសម្រេចចិត្តរបស់ក្រុមការងារសិទិ្ធមនុស្ស អង្គការ លីកាដូ រួមជាមួយនឹងអង្គការ FIDH បានដាក់នូវរបាយការណ៍រួមមួយកាលពីខែមេសា ឆ្នាំ២០១៤ ដោយលំអិតនូវស្ថានភាពនៃការរំលោភយ៉ាងធ្ងន់ធ្ងរ និងជាបន្តបន្ទាប់ទៅលើសិទិ្ធ ដែលត្រូវបានធានាដោយអនុសញ្ញាស្តីពីសិទិ្ធពលរដ្ឋ និងនយោបាយ រួមទាំងសិទិ្ធរស់រានមានជីវិត សេរីភាពក្នុងការបញ្ចេញមតិ និងការជួបជុំ និងសិទិ្ធទទួលបានការជំនុំជម្រះដោយយុត្តិធម៌ ហើយនិងការហាមឃាត់ការធ្វើទារុណកម្ម និងការឃុំខ្លួនដោយខុសច្បាប់។
- ចំណងជើង & មូលបទ
- សិទិ្ធមនុស្សទូទៅ