ស្វែងរក
កម្រងរូបភាព | ប្រជាពលរដ្ឋរាប់ពាន់នាក់ ទាមទារយុត្តិធម៌ក្នុងការប្រារព្ធទិវាសិទិ្ធមនុស្សអន្តរជាតិថ្ងៃទី១៧ ខែធ្នូ ឆ្នាំ២០១៥
ក្នុងការប្រារព្ធទិវាសិទិ្ធមនុស្សអន្តរជាតិ ពលរដ្ឋប្រមាណ ១ម៉ឺននាក់ មកពីសហគមន៍ជនបទ និងទីក្រុង បានចូលរួមដើរក្បួន និងប្រារព្ធទិវានេះនៅទីតាំងចំនួន ២០កន្លែង ទូទាំងប្រទេសចាប់ពីថ្ងៃទី៦ ដល់ថ្ងៃទី១០ ខែធ្នូ។ ការប្រារព្ធទិវានេះ ត្រូវបានរៀបចំឡើងដោយបណ្តាញក្រៅប្រព័ន្ធ ក្រុមមិត្ត ១០ធ្នូ ដែលរួមមាន ក្រុមយុវជន សហគមន៍ដីធ្លី សមាគម កសិករ ព្រះសង្ឃ និងអង្គការមិនមែនរដ្ឋាភិបាល។
នៅថ្ងៃទី១០ ខែធ្នូ ពលរដ្ឋជាច្រើនក្រុម បានដើរក្បួនដោយអហិង្សាពីទីកន្លែងខុសៗគ្នានៅក្នុងរាជធានីភ្នំពេញ ឆ្ពោះទៅកាន់ក្រសួងយុត្តិធម៌ ដើម្បីទាមទារឲ្យរាជរដ្ឋាភិបាលដោះស្រាយជម្លោះដីធ្លីដ៏រ៉ាំរ៉ៃនៅក្នុងប្រទេសកម្ពុជា កែទម្រង់ប្រព័ន្ធតុលាការ និងដោះលែងសកម្មជននិងអ្នកការពារសិទិ្ធមនុស្ស ដំឡើងប្រាក់ឈ្នួលអប្បបរមានិងគោរពសិទិ្ធការងារ បញ្ឈប់អំពើហិង្សាដែលគាំទ្រដោយអាជ្ញាធររដ្ឋ និងគោរពសេរីភាពក្នុងការបញ្ចេញមតិ ជួបជុំ និងប្រមូលផ្តុំដោយអហិង្សា។ ប្រធានបទសម្រាប់ទិវាសិទិ្ធមនុស្សនាឆ្នាំនេះ គឺ “យុត្តិធម៌”។
ថ្ងៃទី៥ ខែតុលា ឆ្នាំ២០១៥
នាព្រឹកនេះ សមាជិកសហគមន៍ ព្រះសង្ឃ និងក្រុមប្រជាពលរដ្ឋមូលដ្ឋាន ជាង ១.៤០០ នាក់ មកពីខេត្តជាច្រើននៅទូទាំងប្រទេសកម្ពុជា បានប្រមូលផ្តុំគ្នានៅរាជធានីភ្នំពេញ ដើម្បីប្រារព្ធទិវាសិទិ្ធលំនៅដ្ឋានពិភពលោកលើកទី ៣០ និងអំពាវនាវដល់អាជ្ញាធរក្នុងការគោរពនូវសិទិ្ធទទួលបានលំនៅដ្ឋានរបស់ប្រជាពលរដ្ឋកម្ពុជា។
ថ្ងៃទី២៨ ខែវិច្ឆិកា ឆ្នាំ២០១៤
នៅវេលាម៉ោងប្រហែល ៨ និង ៣០នាទី ព្រឹកនេះ អ្នកហាត់ការម្នាក់មកពីអង្គការមិនមែនរដ្ឋាភិបាលក្នុងស្រុក សមាគមន៍ធាងត្នោត (STT)និងអ្នកបើកបររ៉ឺម៉កកង់បីម្នាក់ត្រូវបានចាប់ខ្លួននៅក្បែររដ្ឋសភា និងត្រូវបានឃុំខ្លួនដោយអាជ្ញាធរខណ្ឌចំការមន នៅវត្តទួលទំពូង។ អ្នកហាត់ការរបស់សមាគន៍ធាងត្នោត និងអ្នកបើកបររ៉ឺម៉កកង់បីបានកំពុងចូលរួមបាតុកម្មជាមួយនឹងព្រះសង្ឃ និងសកម្មជនដីធ្លីប្រមាណជាង ២៥០ នាក់ដែលធ្វើការអំពាវនាវស្នើសុំឲ្យដោះលែងសកម្មជន និងព្រះសង្ឃដែលបានចាប់ខ្លួនកាលពីពេលថ្មីៗនេះ ហើយបច្ចុប្បន្នអ្នកទាំងនោះត្រូវបានគេឃុំខ្លួននៅមណ្ឌលអប់រំកែប្រែទី១ និងទី២ នៅពន្ធនាគារព្រៃសរ។ អាជ្ញាធរក៏បានដកហូតយកឧបករណ៍បំពង់សម្លេងមួយផងដែរ។
សកម្មជនដីធ្លីមកពី បឹងកក់ បុរីកីឡា ព្រះវិហារ ឡពាង និងព្រះសង្ឃ បានធ្វើការជួបជុំគ្នានៅមុខវិទ្យាស្ថានពុទ្ធិសាស្រ្តនបណ្ឌិត បន្ទាប់មកអ្នកទាំងនោះដើរហែក្បួនឆ្ពោះទៅកាន់រដ្ឋសភាដើម្បីដាក់ញតិ។
អ្នកតវ៉ាអហិង្សាទាំងនោះបានប្រឈមមុខជាមួយនឹងកងកម្លាំងសន្តិសុខប្រមាណជា ១០០នាក់ ដែលធ្វើការគំរាមកំហែងប្រើប្រាស់អំពើហិង្សាដោយអ្នកទាំងនោះបានបិតផ្លូវមិនឲ្យធ្វើដំណើរឆ្ពោះទៅកាន់រដ្ឋសភាខណៈពេលដែលនាយករដ្ឋមន្រ្តីចូលរួមប្រជុំនៅទីនោះ។ បន្ទាប់ពីមានការបំបែកពីសំណាក់កងកម្លាំងសន្តិសុខ អ្នកតវ៉ាចំនួន ១០០នាក់បានដើហែក្បួនទៅកាន់ក្រសួងយុត្តិធម៌ដើម្បីធ្វើការដាក់ញតិបន្តទៀត។
ថ្ងៃទី២៩ ខែសីហា ឆ្នាំ២០១៤
នាថ្ងៃនេះ នៅម៉ោងប្រហែល ៤រសៀល អ្នកភូមិ ឡពាង ៥ នាក់ ដែលត្រូវបានចាប់ និងឃុំខ្លួនកាលពីខែមុន ត្រូវបានដោះលែងឲ្យនៅក្រៅឃុំបណ្តោះអាសន្នរង់ចាំសវនាការ ដោយសាលាដំបូងខេត្តកំពង់ឆ្នាំង។ អ្នកភូមិបីនាក់ក្នុងចំនោមអ្នកទាំងនោះ ត្រូវបានចាប់ខ្លួន នៅអំឡុងពេលដើរហែរក្បួនអហិង្សាចម្ងាយ ៦០ គីឡូម៉ែត ពីខេត្តកំពង់ឆ្នាំងមកកាន់រាជធានីភ្នំពេញ។ ការដើរហែក្បួន ត្រូវបានធ្វើឡើងដើម្បីអំពាវនាវឲ្យមានដំណោះស្រាយលើជម្លោះដីធ្លីដ៏រ៉ាំរ៉ៃរវាងក្រុមហ៊ុន K.D.C និងអ្នកភូមិឡពាង ហើយក៏អំពាវនាវសុំឲ្យមានការដោះលែងសមាជិកសហគមន៍ពីរនាក់ ដែលត្រូវបានចាប់ខ្លួនប៉ុន្មានសប្តាហ៍មុននេះផងដែរ។
អ្នកភូមិទាំង ៥នាក់ ត្រូវបានដោះលែង និងដាក់ឲ្យស្ថិតនៅក្រោមការត្រួតពិនិត្យរបស់តុលាការដោយភ្ជាប់ជាមួយលក្ខខណ្ឌ ៣យ៉ាងគឺ៖ ទីមួយ ត្រូវចូលខ្លួនមុខតុលាការនៅពេលមានដីកាកោះហៅ ទីពីរ មិនត្រូវផ្លាស់ប្តូរទីកន្លែងស្នាក់នៅដោយមិនមានការជូនដំណឹងដល់អាជ្ញាធរ និងទីបី ត្រូវបង្ហាញខ្លួនដល់នគរបាលប៉ុស្តិ៍ក្នុងតំបន់ជារៀងរាល់ខែ។
ការដោះលែងនេះ ត្រូវបានធ្វើឡើង បន្ទាប់ពីមានការព្យាយាមដាក់ញត្តិទៅកាន់ស្ថាប័នរាជរដ្ឋាភិបាលនានាដោយអ្នកភូមិ ឡពាង ទាក់ទងនឹងជម្លោះដីធ្លីរបស់អ្នកទាំងនោះជាមួយក្រុមហ៊ុន K.D.C។
ថ្ងៃទី២២ ខែសីហា ឆ្នាំ២០១៤
នាព្រឹកនេះ សកម្មជនដីធ្លីប្រមាណជាង ១០០ នាក់ មកពីតំបន់សហគមន៍បុរីកីឡា ឡពាង និងបឹងកក់ បានដើរហែក្បួនទៅកាន់ទីស្តីការគណរដ្ឋមន្ត្រី ដើម្បីដាក់ញត្តិស្វែងរកដំណោះស្រាយបញ្ហាដីធ្លីរបស់អ្នកទាំងនោះ។
ការជួបជុំដោយអហិង្សារបស់អ្នកទាំងនោះ ត្រូវបានរំខានដោយកងនគរបាលបង្ក្រាបបាតុកម្មនិងកងសន្តិសុខខណ្ឌ ៧ មករា ដែលក្រោយមក ៣នាក់ក្នុងចំណោមអ្នកទាំងនោះត្រូវបានឃាត់ខ្លួនក្នុងអំឡុងពេលព្យាយាមបំបែកអ្នកទាំងនោះ។
នាព្រឹកនេះ សម្តេចនាយករដ្ឋមន្ត្រី មានគម្រោងនឹងចូលប្រជុំគណរដ្ឋមន្ត្រីជាមួយនឹងមន្ត្រីជាន់ខ្ពស់ជាច្រើននាក់ ដើម្បីពិភាក្សាអំពីបញ្ហាដីធ្លីដែលមិនទាន់ដោះស្រាយនៅទូទាំងប្រទេស។
ថ្ងៃទី១២ ខែសីហា ឆ្នាំ២០១៤
អង្គការ លីកាដូ មានការមិនពេញចិត្តជាខ្លាំង ចំពោះការបំបែកយ៉ាងហិង្សាទៅលើអ្នកភូមិជាង ៥០នាក់ មកពីសហគមន៍ ឡ ពាង ក្នុងខេត្តកំពង់ឆ្នាំង ដែលបានចាប់ផ្តើមដង្ហែក្បួន ដោយអហិង្សា ចម្ងាយ ៦០គីឡូម៉ែត្រ មកកាន់រាជធានីភ្នំពេញ ដើម្បីអំពាវនាវរកដំណោះស្រាយសម្រាប់ទំនាស់ដីធ្លីដ៏រ៉ាំរ៉ៃរបស់អ្នកទាំងនោះ។ អំឡុងពេលបំបែក អ្នកភូមិចំនួន ៣នាក់ (រួមទាំងប្តីរបស់តំណាងសហគមន៍ ឡ ពាង អ្នកស្រី អ៊ុំ សុភី) ត្រូវបានចាប់ខ្លួន និងបញ្ជូនទៅកាន់សាលាដំបូងខេត្ត។
ថ្ងៃទី២៩ ខែកញ្ញា ឆ្នាំ២០០៩
On August 27, 2009, the Phnom Penh municipal court sentenced Toch Ly, a village chief from Kompong Chhnang, to 16 months imprisonment after she was found guilty of forging thumbprints in an ongoing land dispute. She was also ordered to pay a fine of 1 million riel (USD$250) and compensation of 5 million riel (USD$1250) to the private company KDC International. Toch Ly was accused of forging a thumbprinted document in which 77 families denied that they sold their land to KDC International. The company is owned by Chea Kheng, the wife of Suy Sem, the Minister of Industry, Mines and Energy. Despite testimony from community members supporting the authenticity of the document, the court ruled that some of thumbprints did not belong to the people named on the document, but were instead made by their relatives.