ចំណងជើង

បញ្ហាពន្ធនាគារ

អត្ថបទខ្លីៗ
អ្នកគាំទ្រ​ដាក់​ញត្តិស្នើសុំអន្តរាគមន៍​ដើម្បី​​​ឱ្យ​ដោះ​លែង​អ្នកស្រី​ ទេព វន្នី បន្ទាប់​ពី​ត្រូវ​បាន​ឃុំ​ខ្លួនអស់​​រយៈពេល​១ឆ្នាំ​

ថ្ងៃទី​១៥ ខែសីហា ឆ្នាំ២០១៧ អ្នកគាំទ្រ​របស់​សកម្មជន​ដីធ្លី​និង​អ្នកការពារ​សិទ្ធិ​មនុស្ស​ អ្នកស្រី ​ទេព វន្នី បាន​រំលឹក​ខួប​១ឆ្នាំ​នៃ​ការ​ឃុំខ្លួន​អ្នកស្រី​ដ៏អយុត្តិធម៌ ដោយ​បាន​ធ្វើការ​អំពាវនាវដល់​អន្តរជាតិ​ឱ្យជួយ​អន្តរាគមន៍ ដើម្បី​ឱ្យ​មានការ​ដោះលែង​អ្នកស្រី​មកវិញ។

ប្រជាពលរដ្ឋ​មួយចំនួន​មកពី​សហគមន៍​បឹងកក់​ បាន​ដាក់ញត្តិ​ទៅកាន់​ស្ថានទូត​​និង​អង្គការ​អន្តរជាតិ​មួយចំនួន ដែល​ចាប់ផ្ដើម​ពីថ្ងៃច័ន្ទម្សិលមិញ​ នៅ​ការិយាល័យ​ឧត្ដម​ស្នងការនៃអង្គការ​សហប្រជាជាតិ​​ទទួលបន្ទុក​ផ្នែក​សិទ្ធិមនុស្ស​នៅ​កម្ពុជានិង​ស្ថានទូត​នៃប្រទេស​សមាជិក​អាស៊ាន​ចំនួន​៦​។ នៅ​ថ្ងៃ​អង្គារ៍នេះ អ្នក​ទាំងនោះ​បាន​បន្ត​ដាក់​ញត្តិ​ទៅ​ស្ថានទូត​នៃបណ្ដា​ប្រទេស​នៅសហគមន៍​អ៊ឺរ៉ុប​ចំនួន​៩ផ្សេងទៀត​ រួមមាន​ ស្ថានទូត​សហរដ្ឋ​អាមេរិក​ ជប៉ុន ​អាឡឺម៉ង់ ​និង​ស្ថានទូត​អ៊ឺរ៉ុប​ផងដែរ​។

អ្នកស្រី ​ទេព វន្នី​ ត្រូវ​បាន​ចាប់​ខ្លួននិងចោទប្រកាន់​រយៈពេល​១ឆ្នាំមក​ហើយ​ ដោយសារ​អ្នកស្រី​​ចូលរួម​ក្នុង​ការតវ៉ា​ដោយ​សន្តិវិធី ដើម្បី​ទាមទារ​ឱ្យ​មានការ​ដោះ​លែង​អ្នក​ការពារ​សិទ្ធិ​មនុស្ស​ទាំង៥នាក់​ដែលនៅ​ពេលនោះ​កំពុងតែ​ជាប់ឃុំ ​(អ្នក​ទាំង៥​នាក់​ត្រូវបាន​ដោះលែង​ឱ្យនៅក្រៅ​​ឃុំវិញហើយ)។ សាលា​ដំបូង​រាជធានីភ្នំពេញបាន​​ផ្តន្ទាទោសអ្នក​ស្រីពីបទ​ ‘ប្រមាថមន្ត្រី​រាជការ​​សាធារណៈ’ និងត្រូវជាប់​ពន្ធនាគារ​រយៈពេល​ប្រាំ​មួយ​ថ្ងៃ។ ប៉ុន្តែអ្ន​កស្រីមិន​ត្រូវបាន​​ដោះ​លែងវិញ​ទេ​ក្រោយពីបាន​អនុវត្ត​ទោស​​រួច​ ដោយ​អាជ្ញាធរ​បានសើរើ​សំណុំរឿង​ចាស់​ចំនួន៣​ផ្សេងទៀត​ពាក់ព័ន្ធ​នឹងការ​តវ៉ា​អហិង្សា​រឿង​បញ្ហា​ដីធ្លី​ នៅក្នុង​សវនាការ​ដែល​ប្រជាពលរដ្ឋ​មួយចំនួន​យល់ថា មាន​ចរិត​លក្ខណៈ​នយោបាយ​និង​មាន​ភាព​ខ្វះចន្លោះ​ក្នុងការ​អនុវត្តតាម​បទដ្ឋាន​ច្បាប់។ ​បច្ចុប្បន្ន​ អ្នកស្រី​កំពុង​អនុវត្ត​ទោស​នៃការ​ផ្តន្ទាទោស​ឱ្យ​អ្នកស្រី​ជាប់​ពន្ធនាគារ​រយៈពេល​៣០ខែ។ ការ​ផ្តន្ទាទោស​ឱ្យ​អ្នកស្រី​ជាប់​ពន្ធនាគារ​រយៈពេល​៦ខែ​ផ្សេង​ទៀត មិនទាន់​អាច​អនុវត្ត​ទេដោយ​ត្រូវរង់​ចាំសាលក្រម​ស្ថាពរពី​តុលាការ​កំពូល ហើយ​​នៅ​ពេល​នេះ​អ្នកស្រី​កំពុង​ដំណើរការ​សំណុំរឿងទី​៣ដែល​ត្រូវ​បាន​សើរើឡើងវិញ។

នៅល្ងាចថ្ងៃ​អង្គារ៍នេះ តំណាង​សហគមន៍​បឹងកក់​និង​អង្គការ​មិនមែន​រដ្ឋា​ភិបាល​និង​សង្គមស៊ីវិល​មួយចំនួន​ទៀត ​នឹង​ធ្វើការ​អុជ ​ទាន ធូប និង​បួងសួង​ នៅក្នុង​សហគមន៍​បឹងកក់​ ចាប់ផ្ដើមពីម៉ោង៥ល្ងាចដើម្បី​រំលឹកខួប​មួយឆ្នាំ​នៃ​ការ​ឃុំខ្លួន​អ្នកស្រី​ និង​ស្នើសុំ​ឱ្យមាន​ការដោះ​លែងអ្នកស្រី​ឱ្យមាន​សេរីភាព​វិញ។ ​

ការ​អំពាវនាវ​របស់​អ្នកទាំង​នោះក៏​ទទួលបាន​ការគាំទ្រ​នៅក្នុង​សេចក្ដី​ថ្លែងការណ៍​រួមពី​សំណាក់ អង្គការ​សង្គម​ស៊ីវិល​ជាតិនិង​អន្តរជាតិចំនួន​៦៥ ក៏ដូចជា​សេចក្ដី​ថ្លែងការណ៍​រួម​និង​សកម្មភាព​តស៊ូមតិ​ផ្សេងទៀត​ពីសំណាក់​អង្គការ​អន្តរជាតិ​និងអង្គការអន្តរជាតិ​​ក្នុង​តំបន់

ឯកសារទាក់ទង:

សេចក្តីថ្លែងការណ៍
សង្គម​ស៊ីវិលស្នើ​​ដោះ​លែង​អ្នក​ស្រី ទេព​ វន្នី​ ឱ្យមាន​សេរីភាព​វិញ នៅ​ថ្ងៃគម្រប់ខួប​​មួយ​ឆ្នាំ​នៃ​ការ​ឃុំខ្លួនអ្នក​ស្រីយ៉ាង​អយុត្តិធម៌

ថ្ងៃទី​១៥ ខែសីហា ឆ្នាំ២០១៧audio available

អ្នកស្រី ទេព វន្នី ​សកម្ម​ជន​ដីធ្លីនិង​អ្នក​ការ​ពារ​សិទ្ធិ​មនុស្ស​ម្នាក់ក្នុង​ចំណោម​អ្នក​ការពារ​សិទ្ធិ​មនុស្ស ​លេចធ្លោ​ជា​ច្រើន​​​ទៀត​នៅ​កម្ពុជា នឹង​ត្រូវបាន​ជាប់ឃុំ​ក្នុង​ពន្ធនាគារ​អស់​រយៈពេល ១ ឆ្នាំហើយ​ គិតត្រឹមថ្ងៃទី១៥ ខែសីហា ស្អែកនេះ ដោយ​សារ​​កិច្ច​ការ​ពារ​សហគមន៍​ និង​ការ​អនុវត្ត​សិទ្ធិ​មនុស្ស​របស់​អ្នកស្រី​។ យើង​ខ្ញុំ​ ​ដែលជា​អង្គការ​សង្គមស៊ីវិល​មាន​រាយ​នាម​ខាងក្រោម ខក​ចិត្ត​​​​​ចំពោះ​ការ​បន្ត​ឃុំ​ខ្លួនអ្នក​ស្រី។ យើង​ខ្ញុំ​សូមស្នើ​ឱ្យ​អាជ្ញាធរ​បដិសេធ​​សេចក្តី​សម្រេច​ផ្តន្ទាទោស​លើ​អ្នក​ស្រី ព្រម​ទាំង​​ទម្លាក់​ចោល​រាល់​បទ​ចោទ​​ដែល​មាន​ចរិត​លក្ខណៈ​នយោបាយ​ និងពុំ​មាន​​ភស្តុ​តាងជាក់លាក់​ណាមួយ​ ដែល​កើត​មាន​ជា​បន្ត​បន្ទាប់លើ​អ្នក​ស្រី​ និង​ស្នើ​ឱ្យ​ដោះ​លែង​អ្នក​ស្រី​ឱ្យមាន​សេរីភាព​វិញ​​។

សេចក្តីថ្លែងការណ៍
អង្គការ​សង្គម​ស៊ីវិល​ សំណូមពរ​ដោយ​ទទូច​ឲ្យ​សាលា​ឧទ្ធរណ៍​បដិសេធ​ការផ្ដន្ទា​ទោស​ដ៏​អយុត្តិធម៌លើ​ អ្នកស្រី ​ទេព វន្នី ដើម្បី​បញ្ចប់​​ការ​ធ្វើ​ទុក្ខ​បុកម្នេញ​តាម​ផ្លូវ​ច្បាប់​មក​លើ​អ្នកស្រី និង​ដោះលែង​អ្នកស្រី​ឲ្យមាន​សេរីភាព​វិញ ​ #ដោះលែង​ទេពវន្នី

ថ្ងៃទី​២៧ ខែកក្កដា ឆ្នាំ២០១៧audio available

យើងខ្ញុំ ជា​អង្គការ​សង្គមស៊ីវិល​ដែល​មាន​រាយនាម​ដូច​ខាង​ក្រោម សូម​សំណូមពរ​ដោយទទូច​​ឲ្យ​សាលា​ឧទ្ធរណ៍​បដិសេធ​ចោល​សាលក្រម​របស់​សាលា​ដំបូង​រាជធានី​ភ្នំពេញ​ចុះ​ថ្ងៃ​ទី២៣ ខែ​កុម្ភៈ ឆ្នាំ២០១៧ ​ ដែលបាន​សម្រេច​​ផ្តន្ទា​ទោស​ដ៏​អយុត្តិធម៌​មក​លើ​អ្នកស្រី ​ទេព វន្នី​ ពីបទ​ប្រព្រឹត្ត​អំពើ​ហិង្សា​ដោយ​ចេតនា ​មាន​ស្ថាន​ទម្ងន់​ទោស​ និងត្រូវ​ជាប់​ពន្ធនាគារ​រយៈពេល​ ២ឆ្នាំ​កន្លះ ដោយសារ​សកម្មភាព​តវ៉ា​អហិង្សា​របស់​អ្នកស្រី​ កាលពីឆ្នាំ​២០១៣។ ​សាលា​ឧទ្ធរណ៍​នឹង​បើក​​សវនាការ​បណ្ដឹង​ឧទ្ធរណ៍​របស់​ ​អ្នកស្រី ទេព​ វន្នី ប្រឆាំង​នឹង​ការ​ផ្តន្ទា​ទោសនេះ​ ​នៅ​ថ្ងៃ​ស្អែក​ ទី២៧ ​ខែកក្កដា​ ឆ្នាំ២០១៧​។ នៅ​ថ្ងៃ​ទី១៥ ខែសីហា​ ឆ្នាំ២០១៧​ ខាងមុខ​នេះ​ គឺ​ជា​ខួបមួយ​ឆ្នាំ​ ដែល​អ្នកស្រី​ ទេព​ វន្នី​ ត្រូវ​បាន​​ជាប់​ក្នុង​ពន្ធនាគារ​ ​ ហើយ​ការ​ជាប់​ពន្ធនាគារ​របស់​អ្នក​ស្រី​​ ទំនងជា​ការ​ប៉ុនប៉ង​ ក្នុង​ការ​បំបិទ​សំឡេង​​អ្នកការពារ​សិទ្ធិ​មនុស្ស​ដែល​ហ៊ាន​និយាយ​រិះគន់​មិន​សំចៃមាត់​នៅ​កម្ពុជា ​​មុនពេល​​ការ​បោះឆ្នោត​ថ្នាក់​ជាតិ​ខែកក្កដា​ ឆ្នាំ២០១៨​ ចូល​មក​ដល់​។

សេចក្តីថ្លែងការណ៍
អង្គការ​សង្គម​ស៊ីវិល សម្ដែង​ការ​មិនពេញ​ចិត្ត​ចំពោះ​ការ​បដិសេធ​បែប​រើស​អើង​ចំពោះ​ការ​ផ្ដល់​សេវា​ថែទាំ​សុខភាព​ដល់​អ្នក​ជាប់​ឃុំ​ក្នុង​​ពន្ធនាគារ

ថ្ងៃទី​២៨ ខែមិថុនា ឆ្នាំ២០១៧audio available

យើង​ខ្ញុំ ជាអង្គការ​សង្គម​ស៊ីវិល ដែល​មាន​រាយ​នាម​ខាង​ក្រោម សូម​សម្ដែង​ការ​មិន​ពេញ​ចិត្ត​ចំពោះ​ការបដិសេធ​ដោយមិនត្រឹមត្រូវ និង​បែប​រើសអើង​ចំពោះ​សិទ្ធិ​ទទួល​បាន​ការ​ថែទាំ​សុខភាព​របស់អ្នកជាប់ឃុំ​ទាំង៣ ក្នុង​ចំណោម​អ្នក​ជាប់​ឃុំ​ទាំង​៥ នៅ​មណ្ឌល​អប់រំ​កែប្រែទី ១ ឬ​ ម.១ (ព្រៃស) នៅរាជធានី​ភ្នំពេញ។ ចុងក្រោយ​នេះ​ លោក នី​ សុខា លោក ​ណៃ​ វ៉ង់ដា និង​លោក យី សុខសាន្ត ត្រូវ​បាន​អនុញ្ញាត​ឲ្យទទួលបាន​ការ​ថែទាំព្យាបាល​ពីសំណាក់​ក្រុម​គ្រូ​ពេទ្យ​របស់អង្គការ​សម្ព័ន្ធខ្មែរ​ជំរឿននិង​ការពារ​សិទ្ធិមនុស្ស​ លីកាដូ (អង្គការ​លីកាដូ) បន្ទាប់​ពី​មានការ​រឹតបន្តឹង​លើ​ការ​ចូល​សួរ​សុខទុក្ខ​និង​ការផ្ដល់​សេវា​ថែទាំ​សុខភាព​ កាល​ពី​ខែ​មេសា​ ឆ្នាំ​២០១៧។ អ្នក​ជាប់ឃុំ​ទាំង ៣ នាក់​មាន​បញ្ហា​សុខភាព​ធ្លាក់​ដុនដាប​ អំឡុង​ពេល​ដែល​មាន​ការ​រឹត​បន្តឹង​នោះ។ ពួកគាត់​ និង​សហការី​ដែល​ធ្វើ​ការ​នៅ​សមាគម​ការ​ពារ​សិទ្ធិ​មនុស្ស​និង​អភិវឌ្ឍន៍​ (អាដហុក)​ ដូចជា​ អ្នកស្រី​ លឹម​ មុន្នី ព្រម​ទាំង​អគ្គលេខាធិការ​រងនៃគណៈកម្មាធិការ​ជាតិ​រៀប​ចំ​ការបោះឆ្នោត​ និងជា​អតីត​បុគ្គលិក អាដហុក លោក នី ចរិយា​ ត្រូវបាន​ជាប់ឃុំ​បណ្តោះ​អាសន្ន​រង់ចាំ​សវនាការ​ក្នុង​ពន្ធ​នា​គារ​​អស់​រយៈពេល​ ៤២៦​ ថ្ងៃ មក​ហើយ។

កម្រង​រូបភាព
ប្រជាពលរដ្ឋរាប់ពាន់នាក់ ទាមទារយុត្តិធម៌​ក្នុង​ការប្រារព្ធ​ទិវា​សិទិ្ធ​មនុស្ស​អន្តរជាតិ

ថ្ងៃទី​១៧ ខែធ្នូ ឆ្នាំ២០១៥

ក្នុងការប្រារព្ធទិវាសិទិ្ធមនុស្សអន្តរជាតិ ពលរដ្ឋ​ប្រមាណ ១ម៉ឺននាក់ មកពី​សហគមន៍​ជនបទ និង​ទីក្រុង បាន​ចូលរួម​ដើរក្បួន និង​ប្រារព្ធ​ទិវានេះ​នៅ​ទីតាំង​ចំនួន ២០កន្លែង ទូទាំង​ប្រទេស​ចាប់ពី​ថ្ងៃទី៦ ដល់​ថ្ងៃទី១០ ខែធ្នូ។ ការប្រារព្ធទិវា​នេះ ត្រូវបាន​រៀបចំ​ឡើង​ដោយ​បណ្តាញ​ក្រៅ​ប្រព័ន្ធ ក្រុម​មិត្ត ១០ធ្នូ ដែល​រួម​មាន ក្រុម​យុវជន សហគមន៍​ដីធ្លី សមាគម កសិករ ព្រះសង្ឃ និង​អង្គការ​មិនមែន​រដ្ឋាភិបាល។ នៅថ្ងៃទី១០ ខែធ្នូ ពលរដ្ឋជា​ច្រើន​ក្រុម បាន​ដើរក្បួន​ដោយ​អហិង្សា​ពីទីកន្លែង​ខុសៗ​គ្នានៅ​ក្នុង​រាជធានី​ភ្នំពេញ ឆ្ពោះ​ទៅកាន់​ក្រសួង​យុត្តិធម៌ ដើម្បី​ទាមទារ​ឲ្យរាជ​រដ្ឋាភិបាល​ដោះស្រាយ​ជម្លោះ​ដីធ្លី​ដ៏រ៉ាំរ៉ៃ​នៅក្នុង​ប្រទេស​កម្ពុជា កែទម្រង់​ប្រព័ន្ធ​តុលាការ និង​ដោះលែង​សកម្មជន​និង​អ្នក​ការពារ​សិទិ្ធ​មនុស្ស ដំឡើង​ប្រាក់ឈ្នួល​អប្បបរមា​និង​គោរព​សិទិ្ធ​ការងារ បញ្ឈប់​អំពើ​ហិង្សា​ដែល​គាំទ្រ​ដោយ​អាជ្ញាធររដ្ឋ និង​គោរព​សេរីភាព​ក្នុងការ​បញ្ចេញ​មតិ ជួបជុំ និង​ប្រមូលផ្តុំ​ដោយ​អហិង្សា។ ប្រធាន​បទ​សម្រាប់​ទិវា​សិទិ្ធ​មនុស្ស​នាឆ្នាំ​នេះ គឺ “យុត្តិធម៌”។

សេចក្តីថ្លែងការណ៍
អង្គការលីកាដូ បានសម្រេច​ផ្អាកការ​ប្រារព្ធ​ទិវា​សិទ្ធិ​មនុស្ស​អន្តរជាតិ​នៅពន្ធនាគារ​ជា​លើកដំបូង ក្នុង​រយៈពេល​ ២០ឆ្នាំនេះ​ដោយសារ​មានការ​រឹតត្បិត​ជាងមុន

ថ្ងៃទី​៦ ខែធ្នូ ឆ្នាំ២០១៥audio available

អង្គការលីកាដូ មិន​អាច​ប្រារព្ធ​ទិវាសិទ្ធិ​មនុស្ស​អន្តរជាតិ​ទៅតាម​គម្រោង​នៅពន្ធនាគារ​ចំនួន ១៨ កន្លែង នៅថ្ងៃទី​១០ ខែ​ធ្នូ ឆ្នាំ​២០១៥ បានឡើយ ដោយ​សារ​មាន​លក្ខខណ្ឌ​ហាមឃាត់​មួយចំនួន​ជា​លាយ​លក្ខអក្សរ​ពីអគ្គនាយកដ្ឋាន​ពន្ធនាគារ​នៃក្រសួង​មហាផ្ទៃ។

សេចក្តីថ្លែងការណ៍
នៅក្នុងទិវា​សិទិ្ធកុមារ​អន្តរជាតិ អង្គការ លីកាដូ សូម​អំពាវនាវ​ដល់រាជរដ្ឋាភិបាល មេត្តាជួយគាំទ្រ​សិទិ្ធរបស់កុមារ និងមេត្តា​ការពារយុវជន​នៅក្នុងពន្ធនាគារ

ថ្ងៃទី​៣១ ខែឧសភា ឆ្នាំ២០១៥audio available

ការិយាល័យសិទិ្ធកុមាររបស់អង្គការ លីកាដូ ដោយ​មាន​សហការ​ជាមួយ​បណ្តាញ​ក្រុមការពារកុមារ (CPG) នឹងប្រារព្ធ​ទិវា​​កុមារអន្តរជាតិឆ្នាំ ២០១៥ នៅទី​កន្លែង​មួយចំនួន។ នៅថ្ងៃទី​២៨ ខែឧសភា ការប្រារព្ធពិធីនេះ បានធ្វើឡើងនៅក្នុងអនុវិទ្យាល័យដង្កោ រាជ​ធានី​ភ្នំពេញ។ នៅថ្ងៃទី​១ ខែមិថុនា ដែលជាថ្ងៃនៃទិវាកុមារអន្តរជាតិ ការប្រារព្ធទិវានេះនឹងធ្វើឡើង​នៅ​ពេលព្រឹក (ម៉ោង ៨ និង ៣០នាទី ដល់ម៉ោង ១១ ព្រឹក) នៅសង្កាត់នគរធំនៃ​ខេត្តសៀមរាប សាល​មហោស្រព​​នៃខេត្តកោះកុង និងនៅអគារនៃសាកលវិទ្យាល័យ​បៀលប្រាយ ក្នុង​ខេត្តព្រះសីហនុ។ នៅតាម​ទីកន្លែង​ទាំង​នេះ ការិយាល័យសិទិ្ធកុមាររបស់អង្គការ លីកាដូ និងក្រុម​ការពារ​កុមារ នឹងធ្វើការ​រៀបចំ​វេទិការសាធារណៈ និងការសំដែង​ល្ខោនអប់រំបែបចូលរួមស្តីពីសិទិ្ធកុមារ។ ហើយក្នុងឱកាស​នោះ​ដែរ យើងក៏នឹងចែកចាយជំនួយ​ជាតម្រូវការចាំបាច់មួយចំនួន​ទៅ​ដល់គ្រួសារ​របស់កុមារ​ និង​យុវជនដែល​ងាយ​រង​គ្រោះ។ មនុស្សប្រមាណ ២.៣៥០ នាក់ នឹងគ្រោងមកចូលរួម​ក្នុងកម្មវិធីនេះ។

របាយការណ៍
ម្តាយនៅក្នុង​ពន្ធនាគារ៖ ផលប៉ះពាល់​នៃការឃុំខ្លួន​ស្ត្រី និងកូន​របស់​អ្នក​ទាំង​នោះ

ថ្ងៃទី​២៦ ខែឧសភា ឆ្នាំ២០១៥

នាថ្ងៃនេះ អង្គការ លីកាដូ ចេញផ្សាយនូវ​របាយ​ការណ៍​មួយ​ស្តីពី “ម្តាយ​នៅ​ក្នុង​ពន្ធនាគារ៖ ផល​ប៉ះពាល់​នៃ​ការ​​ឃុំខ្លួន​ស្ត្រី និង​កូន​របស់​​អ្នក​ទាំងនោះ” ក្នុងបំណង​បង្កើន​​ការ​យល់ដឹង​អំពី​ផល​ប៉ះពាល់​អវិជ្ជមាន​យ៉ាង​ខ្លាំង​​អាចធ្លាក់​ទៅលើ​កូនៗ ដោយសារ​តែ​ការ​ឃុំខ្លួន​ម្តាយ​ក្នុង​ពន្ធនាគារ។

របាយការណ៍នេះ បានរកឃើញថា​​​អាជ្ញាធរ​នានា ជាពិសេស​ចៅក្រម និង​ព្រះរាជ​អាជ្ញា​មួយ​ចំនួន អាចធ្វើ​ឲ្យ​ជីវិត​កុមារ​​ជាច្រើន​នាក់​ល្អ​ប្រសើរ ដោយ​គ្រាន់តែ​​អនុវត្ត​តាម​នីតិវិធី​ច្បាប់​ដែល​មាន​ស្រាប់ឲ្យ​បាន​​ត្រឹមត្រូវ ដើម្បី​កាត់បន្ថយ​ចំនួន​ម្តាយ​​ដែល​ត្រូវបាន​ឃុំខ្លួន​នៅក្នុង​ពន្ធនាគារ​ដោយ​​មិនមាន​ភាព​ចាំបាច់។

សេចក្តីថ្លែងការណ៍
ដំណោះស្រាយ​សម្រាប់​រយៈពេលវែង គឺចាំបាច់​សម្រាប់​សុខុមាលភាព​កូន​របស់ម្តាយ​ជាប់ពន្ធនាគារ

ថ្ងៃទី​១៨ ខែមិនា ឆ្នាំ២០១៥audio available

ក្រោយ​ពីមានការដោះលែង​ស្ត្រីចំនួន ២២នាក់ ពីក្នុងពន្ធនាគារ អង្គការ លីកាដូ ក៏សូម​ស្វាគមន៍​​ចំពោះ​​ព័ត៌មាន​អំពី​ការ​នឹង​ពិភាក្សា​បន្តរក​​ដំណោះ​ស្រាយ​រយៈ​ពេល​វែង​របស់​​ក្រសួង​យុត្តិធម៌ ដើម្បី​ធានា​​នូវ​​សុខុមាលភាព​របស់​កុមារ​ដែល​មាន​ម្តាយ​ជាប់នៅ​ក្នុង​ពន្ធនាគារ។

ថ្មីៗនេះ អង្គការ លីកាដូ ​បានធ្វើការ​ស្រាវ​ជ្រាវ1លំអិត​មួយ​ពាក់​ព័ន្ធ​នឹង​ការ​ចាប់ខ្លួន និង​ផ្តន្ទា​ទោស​​ម្តាយ​​​ដែល​មាន​កូនតូច​នៅជាមួយ ហើយ​បាន​រក​ឃើញ​ថា​សុខុមាលភាព​​របស់​កុមារ គឺកម្រ​នឹង​​ត្រូវ​បាន​គេ​​យក​ចិត្ត​ទុកដាក់​ណាស់ នៅពេល​ដែល​​ម្តាយត្រូវ​បាន​ដាក់​ឲ្យនៅ​ក្នុង​ការ​ឃុំឃាំង​បណ្តោះ​​អាសន្ន​រង់ចាំ​​សវនាការ ឬ​ផ្តន្ទាទោស​ដាក់​ពន្ធនាគារ។ ស្ត្រី​ជាច្រើន​ដែល​ត្រូវបាន​​គេ​សម្ភាស បាន​​ប្រាប់​អង្គការ លីកាដូ ថា ចៅក្រម​​ថែមទាំង​មិនដែល​បានសួរ​​អ្នក​ទាំងនោះ​ថាតើ​ពួកគេ​មានកូន ឬ​គ្មាន​​នោះ​ទេ មុនពេល​​បញ្ជូនអ្នក​ទាំងនោះ​ទៅ​កាន់​ពន្ធនាគារ។

សេចក្តីថ្លែងការណ៍
អង្គការ លីកាដូ លុប​ចោល​កម្មវិធីទិ​វាសិទិ្ធនារី​អន្តរជាតិ​នៅក្នុង​ពន្ធនាគារ ដោយសារ​ការរឹតត្បិតរបស់​រាជរដ្ឋាភិបាល

ថ្ងៃទី​៥ ខែមិនា ឆ្នាំ២០១៥audio available

នេះជាការ​សោកស្តាយយ៉ាង​ខ្លាំង ដែលអង្គការ លីកាដូ បាន​ប្រកាស​ថានឹង​មិន​ប្រារព្ធកម្មវិធីប្រចាំឆ្នាំ​របស់ខ្លួន​នៅក្នុងពន្ធនាគារ​កម្ពុជា​នាឆ្នាំនេះនោះទេ ក្នុងឱកាស​ទិវាសិទិ្ធនារី​អន្តរជាតិ ដែល​ជារៀងរាល់ឆ្នាំ​តែងតែប្រារព្ធធ្វើឡើង​នៅថ្ងៃទី៨ ខែមិនា។

អស់រយៈពេល ១៥ឆ្នាំមកហើយ ដែលអង្គការ លីកាដូ បានប្រារព្ធកម្មវីធី​នៅក្នុង​ពន្ធនាគារ​កម្ពុជា នាថ្ងៃទិ​វាសិទិ្ធនារី​អន្តរជាតិ (IWRD) ដើម្បីផ្តល់​នូវកញ្ចប់សម្ភារៈចាំបាច់​បន្ថែមទៅ​អ្នកជាប់ពន្ធនាគារ​ជាស្ត្រី ឆ្មាំពន្ធនាគារ​ជាស្ត្រី និងកុមារជាច្រើន ដែលរស់​នៅជាមួយ​ម្តាយក្នុងពន្ធនាគារ។ នៅក្នុងរយៈ​ពេល ១០ឆ្នាំ ចុងក្រោយនេះ អង្គការ លីកាដូ បានរៀបចំ​កម្មវិធីសប្បាយៗ​ពិសេសនៅក្នុង​ពន្ធនាគារ រួមមានការថ្លែងសុន្ទរកថា ល្បែងកំសាន្ត ការរាំរបាំប្រពៃណី និង​ការសំដែង​របស់អ្នកជាប់​ពន្ធនាគារផង​ដែរ។ សកម្មភាព​ទាំងនេះ ត្រូវបានទទួល​ស្វាគមន៍យ៉ាងល្អ​ដោយអ្នកជាប់ពន្ធនាគារ​ជាច្រើន និងធ្លាប់​ត្រូវ​បានគាំទ្រដោយ​អាជ្ញាធរពន្ធនាគារ​ផងដែរ។

សេចក្តីថ្លែងការណ៍
ការដោះលែង​ស្ត្រីមានផ្ទៃពោះ និង​ស្ត្រីដែលមានកូន​នៅជាមួយ​ក្នុងពន្ធនាគារ ផ្តល់​នូវភាពធូរស្រាល ប៉ុន្តែ​មិនទាន់បាន​ដោះស្រាយ​បញ្ហាជាចំបងនានា​នៅឡើយទេ

ថ្ងៃទី​២ ខែមិនា ឆ្នាំ២០១៥audio available

កាលពី​ចុងសប្តាហ៍មុន គណកម្មាកា​ដែលដឹកនាំ​ដោយក្រសួង​យុត្តិធម៌ បាន​ប្រកាសថា ស្ត្រីដែលជាប់ពន្ធនាគារ​ចំនួន ១៦នាក់ ដែលក្នុងនោះ​រួមមាន ១៥ នាក់ ជាស្ត្រី​ដែលមានកូន​រស់នៅជាមួយ​ក្នុងពន្ធនាគារ និង​ម្នាក់ជាស្ត្រីដែលមាន​ផ្ទៃពោះ នឹងត្រូវបានដោះ​លែង នៅ​មុនទិវាសិទិ្ធនារីអន្តរជាតិនា​ថ្ងៃទី៨ ខែមិនា ឆ្នាំ២០១៥។ គណកម្មាកានោះ ក៏បានជូនដំណឹងថា​រាជរដ្ឋា​ភិបាល ក៏មានផែនការដោះលែង​ស្ត្រីមានផ្ទៃពោះ និង​ស្ត្រីដែលមានកូន​នៅជាមួយក្នុង​ពន្ធនាគារ​ជារៀងរាល់ឆ្នាំ។

របាយការណ៍
កុមារភាព​នៅក្នុង​ពន្ធនាគារ ការ​ចម្រើនវ័យ​ក្នុង​ពន្ធនាគារ​កម្ពុជា៖ រឿងរ៉ាវ​របស់ដារ៉ា

ថ្ងៃទី​១៥ ខែកុម្ភៈ ឆ្នាំ២០១៥

នាថ្ងៃនេះ អង្គការ លីកាដូ ធ្វើការចេញផ្សាយ​នូវរបាយការណ៍​ចុង​ក្រោយ និង​លើកទីពីរ​របស់ខ្លួន ដែល​ជាស៊េរីនៃ​ករណីសិក្សាជា​ច្រើន ដែលវាយតម្លៃទៅ​លើផល​ប៉ះពាល់​លើ​កុមារ​​ដែលចម្រើនលូតលាស់នៅ​ក្នុងពន្ធនាគារ​កម្ពុជា។ នៅ​ត្រឹមខែមករា ឆ្នាំ២០១៥ កុមារចំនួន ៣៩នាក់ អាយុចន្លោះពី ១ខែ ដល់ ៤ឆ្នាំ កំពុង​រស់នៅ​ជាមួយម្តាយ​របស់អ្នកទាំងនោះ​នៅក្នុង​ពន្ធនាគារ​កម្ពុជាចំនួន ១៨កន្លែង ដែល​ត្រូវបាន​តាមដានដោយ​អង្គការ លីកាដូ។ យ៉ាងតិចណាស់ ចំនួនពាក់កណ្តាលនៃ​អ្នកទាំងនោះ បានចាប់​កំណើតនៅ​ក្នុងពន្ធនាគារ ហើយស្ទើរតែទាំងអស់​នៃអ្នក​ទាំងនោះ​មិនដែលធ្លាប់ ឬចងចាំពីជីវិតរស់​នៅក្រៅរបង​ពន្ធនាគារនោះទេ។

របាយការណ៍
សិទ្ធិនៅលើការ​ទិញ​ដូរ៖ ជីវិត​នៅ​ក្នុង​ពន្ធនាគារ​កម្ពុជា

ថ្ងៃទី​២០ ខែមករា ឆ្នាំ២០១៥

អង្គការ លីកាដូ នឹងចេញ​ផ្សាយ​នូវរបាយ​ការណ៍​ថ្មីមួយ​ស្តីអំពី​ស្ថានភាព​បច្ចុប្បន្ន​នៃ​ពន្ធនាគារ​កម្ពុជា និង​សិទ្ធិ​មនុស្ស ដែល​ជាប់ទាក់​ទង​លើការ​ជំនុំ​ជម្រះ​សកម្មជន​ទាំង ១០នាក់ និង​ព្រះ​សង្ឃ​មួយ​អង្គ នៅមុន​ពេល​បើក​សវនាការ​សាលា​ឧទ្ធរណ៍ នៅ​សប្តាហ៍នេះ​លើ​ករណី​អ្នកទាំង​នោះ ដែល​គ្រប់ការ​ផ្តន្ទា​ទោស និងការ​ឃុំខ្លួន​ក្នុង​ពន្ធនាគារ ដោយ​មិន​ត្រឹមត្រូវ​នៅក្នុង​ការ​ជំនុំ​ជម្រះ​ដោយ​អយុត្តិធម៌ ។

របាយការណ៍ស្តី​អំពី “សិទ្ធិ​នៅលើ​ការទិញ​ដូរ៖ ជីវិត​នៅ​ក្នុង​ពន្ធនាគារ​កម្ពុជា” រៀបរាប់​យ៉ាង​លម្អិត​លើ​ការ​រំលោភ​បំពាន ការរើស​អើង ការ​កេង​ប្រវ័ញ្ច និង​អំពើ​ពុករលួយ ដែល​កំពុង​បន្ត​កើត​មាន​ឡើង និងជា​លក្ខណៈ​ប្រព័ន្ធ​ក្នុង​ប្រព័ន្ធ​ពន្ធនាគារ​ក្នុង​ប្រទេស​កម្ពុជា ហើយ​បាន​កត់​សម្គាល់ថា​ទោះបី​ជា​បាន​ចាប់ផ្តើម​ជំហាន​ក្នុងការ​កែទម្រង់​ក៏​ដោយ ក៏ឧបសគ្គ​មួយ​ចំនួន​នៅតែ​មាន ដូចជា​ភាព​ចង្អៀត​ណែន​ក្នុង​ពន្ធនាគារ រចនា​សម្ព័ន្ធ​គ្រប់គ្រង​នៅមាន​ភាព​ខ្វះខាត ខ្វះ​មធ្យោបាយ​ធ្វើ​ដំណើរ​ទៅ​សាលា​ឧទ្ធរណ៍ ខ្វះខាត​ក្នុងការ​អនុវត្ត​ច្បាប់ និងកង្វះ​សមត្ថភាព​ខាង​ចំណេះដឹង​ក្នុង​ចំណោម​មន្រ្តី​ពន្ធនាគារ​មួយ​ចំនួន។

សេចក្តីថ្លែងការណ៍
តំណាង​យុវជន​គណបក្ស​សង្រ្គោះ​ជាតិ​ត្រូវ​បាន​​បដិសេធ​​សិទ្ធិ​ទទួល​ការ​សួរសុខ​ទុកពីក្រុមគ្រួសារ

ថ្ងៃទី​២០ ខែសីហា ឆ្នាំ២០១៤audio available

អង្គការ លីកាដូ អំពាវនាវសើ្នសុំ​ជា​បន្ទាន់​ដើម្បី​ឲ្យ​ក្រុម​គ្រួសារ​អាច​ចូល​ទៅ​សួរ​សុខ​ទុក្ខ​តំណាង​យុវជន​របស់​ គណបក្ស​សង្រ្គោះ​ជាតិ​ទាំង​បី​នាក់​ដែល​ត្រូវ​បាន​គេ​ឃុំ​ខ្លួន​នា​ពេល​ថ្មីៗ​នេះ​នៅ​មណ្ឌល​អប់​រំ​កែ​ប្រែ​ទី១ ពន្ធនា​គារ​ព្រៃសរ។​ លោក ឃិន ជំរឿន លោក នាង សុឃុន និងលោក សាន គីមហេង បច្ចុប្បន្ន​ត្រូវ​បាន​គេ​ឃុំ​ខ្លួន​បណ្តោះ​អាសន្ន​រង់​ចាំ​សវនា​ការ​អស់​រយៈ​ ១៨​ថ្ងៃ ហើយ​ក្រុម​គ្រួសារ​របស់​អ្នក​ទាំង​នោះ​ មិន​ត្រូវ​បាន​អនុញ្ញាត​ឲ្យ​ចួល​ទៅ​សួរ​សុខ​ទុក្ខ​នៅ​ឡើយ​ទេ។

របាយការណ៍
អំពើ​ទារុណកម្ម និង​ការ​ធ្វើបាបៈ ការ​ផ្តល់​ចម្លើយ​ពី​ខាងក្នុងពន្ធនាគារ និងប៉ុស្តិ៍​នគរបាល​របស់​កម្ពុជា

ថ្ងៃទី​២៦ ខែមិថុនា ឆ្នាំ២០១៤

នៅថ្ងៃទី២៦ ខែមិថុនា ដែលជា​ទិវាអន្តរជាតិ​ការពារ​ជនរងគ្រោះ​នៃអំពើ​ទារុណកម្ម អង្គការ លីកាដូ បាន​ចេញ​នូវរបាយការណ៍ ដែលជា​ការផ្តល់​សក្ខីកម្ម​ថ្មីមួយ និងការវិភាគ​លើការប្រើប្រាស់​អំពើទារុណកម្ម និងការធ្វើ​បាប​ក្នុងពន្ធនាគារ និងប៉ុស្តិ៍​នគរបាលនៅក្នុង​ប្រទេសកម្ពុជា រួមទាំង​ការរំលោភ​បំពាន​ទៅលើអ្នក​ជាប់​ពន្ធនាគារ​ជាស្ត្រី និង​អនីតិជន ហើយនឹងអ្នក​ដែលជួបប្រទះ​បញ្ហាសុខភាព​ផ្លូវចិត្ត។