ចំណងជើង

បញ្ហាស្ត្រី

មាតិកា​សំឡេង
បំបែក​ភាពស្ងៀមស្ងាត់​ដើម្បីបញ្ចប់និទណ្ឌភាព​លើការរំលោភ​សេពសន្ថវៈ​ក្នុងប្រព័ន្ធ​យុត្តិធម៌កម្ពុជា

ថ្ងៃទី​៦ ខែមករា ឆ្នាំ២០១៧audio available

ខ្សែអាត់សំឡេងនេះ​មានរួមបញ្ចូល​នូវកិច្ចសន្ទនា​នៅក្នុងកម្មវិធីវិទ្យុ​ចំនួនពីរ ដែលនិយាយ​អំពីប្រព័ន្ធ​យុត្តិធម៌​នៅកម្ពុជា ឆ្លើយតបទៅនឹង​ករណីរំលោភសេពសន្ថវៈ។ ដំបូងឡើយ កិច្ចសន្ទនានេះ​ត្រូវបាន​ផ្សព្វផ្សាយ អំឡុងពេល​យុទ្ធនាការ ១៦ថ្ងៃឆ្នាំ២០១៦ ដើម្បីទប់ស្កាត់​អំពើហិង្សាផ្លូវភេទ​លើស្ត្រីនិងកុមារី។ នៅក្នុងខ្សែអាត់​ទាំងពីរ មានកុមារម្នាក់​ដែលជាជនរងគ្រោះ​នៃអំពើរំលោភសេពសន្ថវៈ  និងឪពុករបស់​ជនរងគ្រោះម្នាក់ទៀត​នៃអំពើរំលោភសេពសន្ថវៈ  បានលើកឡើង​ពីបទពិសោធន៍​របស់​អ្នកទាំងនោះ​នៅក្នុងប្រព័ន្ធ​យុត្តិធម៌កម្ពុជា និងមានកិច្ចពិភាក្សា​ជាចម្បងស្ដីពី លទ្ធផលនៃរបាយការណ៍​ចុងក្រោយ​របស់​អង្គការលីកាដូ ពាក់ព័ន្ធទៅនឹង​ករណីរំលោភសេពសន្ថវៈ “បច្ចុប្បន្នភាព​ឆ្នាំ២០១៦៖ ការរួចខ្លួន​ពីបទល្មើស” ដោយបានរំលឹកឡើងវិញ​នូវលទ្ធផល​នៃករណីរំលោភសេពសន្ថវៈ ដែល​អង្គការ​លីកាដូបានធ្វើការ​ស៊ើបអង្កេតក្នុង​ឆ្នាំ២០១៥។

របាយការណ៍សង្ខេប
បច្ចុប្បន្ន​ភាព​ឆ្នាំ​២០១៦​៖ ​ការ​រួច​ខ្លួន​ពី​បទ​ល្មើស​

ថ្ងៃទី​២៨ ខែវិច្ឆិកា ឆ្នាំ២០១៦audio available

កាល​​ពី​១​ឆ្នាំ​មុន​ អង្គការ​សម្ព័ន្ធ​ខ្មែរ​ជំរឿន​និង​ការពារ​សិទ្ធិ​មនុស្ស​-លីកាដូ​ បាន​ចេញ​ផ្សាយ​របាយការណ៍​មួយ​ស្ដីពី​ “ការរួ​ច​ខ្លួន​ពីបទ​ល្មើស​៖ ​ការ​អនុវត្ត​ច្បាប់​​ចំពោះ​បទ​ល្មើស​រំលោភ​​សេព​សន្ថវៈ​ក្នុង​ប្រព័ន្ធ​តុលាការ​​កម្ពុជា”​ ដើម្បី​ប្រារព្ធ​យុទ្ធនាការ​ ១៦ថ្ងៃ​ ឆ្នាំ​២០១៥​ ទប់​ស្កាត់​អំពើ​ហិង្សា​ផ្លូវភេទ​លើស្រ្តី។​ ​របាយការណ៍​នេះ​ត្រូវ​បាន​ធ្វើ​ឡើង​ដោយ​ផ្អែក​លើ​សំ­ណុំ​រឿង​ជា​ច្រើន​ដែល​អង្គការ​លីកាដូ​បាន​ធ្វើការ​ស៊ើប​អង្កេត​ក្នុង​ឆ្នាំ​២០១២​ ២០១៣​ និង​២០១៤​ ហើយ​បាន​រកឃើញ​ថា ​ការផ្តន្ទា​ទោស​លើ​សំណុំរឿង​រំលោភ​សេពសន្ថវៈ​នៅក្នុង​ប្រទេស​កម្ពុជា​មាន​កំហុស​ឆ្គងធ្ងន់ធ្ងរ​និង​ជា​លក្ខណៈ​ជាប្រព័ន្ធ​ ដែល​បណ្ដាល​ឲ្យ​ការផ្ដន្ទាទោស​លើ​សំណុំរឿង​ទាំង​នេះ​នៅមាន​ចំនួន​ទាប​គួរ​ឲ្យ​ព្រួយ​បារម្ភ​។​ នេះ​អាច​មក​ពី​មូល​ហេតុ​មួយ​ចំនួន​ដូចជា​៖​ ការ​ប្រើ​ប្រាស់​ប្រាក់​សំណង​ដើម្បី​ដោះ​ស្រាយ​បញ្ចប់​រឿងក្ដី​ ​ការ​រីករាល​ដាល​នៃ​អំពើ​ពុក​រលួយ​នៅ​ក្នុង​ស្ថាប័ន​នគរបាល​និង​ប្រព័ន្ធ​តុលាការ​ ចៅក្រម​នៅខ្វះ​ការ​យល់ដឹង​និង​ការ​អនុវត្តច្បាប់​ និង​អាកប្ប​កិរិយា​រើស​អើស​ចំពោះ​ស្រ្តី​ភេទ។

អត្ថបទខ្លីៗ
ការប្រារព្ធទិវាសិទិ្ធនារី​អន្តរជាតិ ត្រូវ​បាន​រំខាន

ថ្ងៃទី​៨ ខែមិនា ឆ្នាំ២០១៦ នាព្រឹកនេះ នគរបាល និងកងសន្តិសុខ នៅរាជធានី​ភ្នំពេញ ត្រូវបាន​ដាក់​ពង្រាយ​ដើម្បីរារាំង​ការហែក្បួន​ដោយ​ជិះកង់​អបអរសាទរទិវា​សិទិ្ធ​នារី​អន្តរជាតិ ដែលជា​ថ្ងៃឈប់​សម្រាក​​ជាតិ​នៅក្នុង​ប្រទេស​កម្ពុជា។​

ប្រជាពលរដ្ឋប្រមាណ ២០០នាក់ រួមមាន​សហជីព កម្មករ​រោងចក្រ​កាត់ដេរ សមាគម អង្គការ​មិនមែន​រដ្ឋាភិបាល និង​ក្រុម​ប្រជាពលរដ្ឋ​ផ្សេង​ទៀត បាន​ប្រមូល​ផ្តុំគ្នា​នៅមុខ​ក្រសួង​កិច្ចការនារី ដើម្បី​ចូលរួម​ប្រារព្ធ​ទិវាសិទិ្ធ​នារី​អន្តរជាតិ​ដោយ​ជិះកង់​ចម្ងាយ ៩ គ.ម ទៅកាន់​វិមាន​រដ្ឋសភា​ជាតិក្នុង​រាជធានី​ភ្នំពេញ។ ការប្រមូល​ផ្តុំនេះ មាន​គោលបំណង​ដើម្បី​អបអរសាទរ​ការសម្រេច​បាន​ក្នុង​ផ្នែកនយោបាយ សង្គម និង​សេដ្ឋកិច្ច​របស់ស្ត្រី​នៅក្នុង​ប្រទេស ប៉ុន្តែ​ក៏ដើម្បី​អំពាវនាវ​ឲ្យរាជ​រដ្ឋាភិបាល​មានវិធានការ​បន្ថែម​ទៀតដើម្បី​លុបបំបាត់​វិសមភាព​ក្នុងការ​ទទួល​ស្គាល់ និងពង្រឹង​សិទិ្ធ​ស្ត្រីនៅ​ទូទាំង​ប្រទេស។

ក៏ប៉ុន្តែ នៅពេលដែលអ្នកចូលរួមចាប់ផ្តើមជិះកង់ចេញពីក្រសួងកិច្ចការនារី ដោយ​ព្យាយាម​ជិះចេញ​ក្នុង​ទម្រង់​តែមួយ​ជួរនោះ អ្នកអស់ទាំងនោះ​ត្រូវបាន​កង​សន្តិសុខ​ចម្រុះ​ប្រមាណ ៦០នាក់ បាន​រារាំងភ្លាមៗ។ សន្តិសុខ​ទាំងនោះបាន​បិទផ្លូវ​ទាំងសង​ខាង ដែល​ធ្វើឲ្យមាន​ការកក​ស្ទះចរាចរណ៍​យ៉ាងខ្លាំង។ ហេតុផល​ដែលត្រូវបាន​លើកឡើង​ដោយអាជ្ញាធរ​ដើម្បីរារាំង​ការជិះកង់ គឺ​ដើម្បីការពារ​មិនឲ្យមានការ​ស្ទះ​ចរាចរណ៍។ នគរបាល និង​កងសន្តិសុខ បានព័ទ្ធ​អ្នកចូលរួម​ទាំងអស់ ដោយ​មិនឲ្យ​ចេញទៅណា ដែល​ធ្វើឲ្យ​អ្នកចូលរួមទាំង​នោះស្ថិត​នៅខាងមុខ​ក្រសួងកិច្ចការ​នារី​អស់រយៈពេល ៣ម៉ោង មុនពេល​អ្នកទាំងនោះ​ត្រូវបាន​អនុញ្ញាត​ឲ្យចាកចេញ​ត្រលប់​ទៅផ្ទះវិញ។

ឯកសារទាក់ទង:

សំឡេង
ការរួច​ខ្លួនពី​បទ​ល្មើស៖ ការអនុវត្ត​ច្បាប់​ចំពោះ​បទល្មើស​រំលោភ​សេពសន្ថវៈ ក្នុងប្រព័ន្ធ​តុលាការ​កម្ពុជា

ថ្ងៃទី​៧ ខែមិនា ឆ្នាំ២០១៦

នៅ​ថ្ងៃ​ស្អែក​គឺជា​ទិវា សិទិ្ធ​នារី អន្តរ​ជាតិ។ ដើម្បី​ប្រារព្ធ​ទិវានេះ​អង្គការ​លីកាដូ​នឹង​ចេញ​ផ្សាយ​នូវ​កម្រងសម្លេង​ថ្មីមួយ​និងសម្លេង​ស្តី​ពី​សេចក្តី​សង្ខេប​នៃរបាយ​ការណ៍​អំពី​ការរួច​ខ្លួន​ពីបទ​ល្មើស៖ ការ​អនុវត្តច្បាប់​ចំពោះ​បទ​ល្មើស​រំលោភ​សេព​សន្ថវៈ ក្នុង​ប្រព័ន្ធ​តុលាការ​កម្ពុជា។ ទាំង​កម្រង​សម្លេង និង​សម្លេងអំពី​សេចក្តីសង្ខេប​នៃរបាយ​ការណ៍ បង្ហាញ​ពីភស្តុតាង​នៃភាព​ទន់ខ្សោយ​យ៉ាង​ខ្លាំងនៃ​ប្រព័ន្ធតុលាការកម្ពុជា ក្នុងការ​ស៊ើបអង្កេត និងចាត់​ការលើ​ករណី​រំលោភ​សេពសន្ថវៈ​លើស្ត្រី និងកុមារ ឲ្យបានត្រឹមត្រូវ។ កម្រង​សម្លេង​ស្តីពី​របាយការណ៍​នេះ ផ្តល់នូវ​ព័ត៌មាន​លំអិត​អំពីកំហុសជា​លក្ខណៈប្រព័ន្ធដូចជា៖ អំពើពុក​រលួយ អាកប្បកិរិយា​រើសអើស​ទៅលើស្ត្រី​និងក្មេងស្រី ការបក​ស្រាយ​ច្បាប់ដោយមិន​ត្រឹមត្រូវ និងកង្វះ​ខាត​ធនធានជាច្រើន ដែលកត្តា​ទាំងនេះ​ធ្វើឲ្យជន​ល្មើសជា​ច្រើន​ក្នុងករណីរំលោភ​សេពសន្ថវៈទទួល​នូវទោស​កម្រិត​ស្រាល​យ៉ាងខ្លាំង ឬក៏មិន​ទទួលទោស​ទាំងស្រុង​ថែម​ទៀតផង។

មាតិកា​សំឡេង
កម្មវិធី​វិទ្យុ៖ រួមគ្នា​បញ្ចប់​និទណ្ឌភាព លើ​ការរំលោភ​សេពសន្ថវៈនៅ​កម្ពុជា

ថ្ងៃទី​១១ ខែមករា ឆ្នាំ២០១៦audio available

ចងក្រងនូវ​ចំណុចសំខាន់ៗ នៃកម្មវិធី​វិទ្យុដែលបានផ្សាយផ្ទាល់ ក្នុងកំឡុងឆ្នាំ២០១៥ នៃយុទ្ធនាការ ១៦ថ្ងៃ នៃសកម្មភាព​ប្រឆាំងអំពើហិង្សា ផ្លូវភេទលើស្ត្រី។ កម្មវិធីផ្សាយដែលមាន​ចំណងជើងថា៖ "រួមគ្នា​បញ្ចប់​និទណ្ឌភាព លើ​ការរំលោភ​សេពសន្ថវៈនៅ​កម្ពុជា" ស្របពេលនៃការ​ចេញផ្សាយ​នូវ របាយការណ៍ជាសាធារណៈ​របស់អង្គការ​លីកាដូ "ការរួចខ្លួនពីបទល្មើស៖ ការអនុវត្តច្បាប់​ចំពោះបទល្មើសរំលោភ​សេពសន្ថវៈ ក្នុងប្រព័ន្ធតុលាការ​កម្ពុជា" និងរួមបញ្ចូលនូវកិច្ចពិភាក្សា​អំពីការរកឃើញ និងអនុសាសន៍នានា​នៃរបាយការណ៍ ក៏ដូចជាបទសម្ភាសន៍​ជាមួយឪពុកកុមារ​រងគ្រោះ ដោយការរំលោភ សេពសន្ថវៈ។

កម្រង​រូបភាព
ប្រជាពលរដ្ឋរាប់ពាន់នាក់ ទាមទារយុត្តិធម៌​ក្នុង​ការប្រារព្ធ​ទិវា​សិទិ្ធ​មនុស្ស​អន្តរជាតិ

ថ្ងៃទី​១៧ ខែធ្នូ ឆ្នាំ២០១៥

ក្នុងការប្រារព្ធទិវាសិទិ្ធមនុស្សអន្តរជាតិ ពលរដ្ឋ​ប្រមាណ ១ម៉ឺននាក់ មកពី​សហគមន៍​ជនបទ និង​ទីក្រុង បាន​ចូលរួម​ដើរក្បួន និង​ប្រារព្ធ​ទិវានេះ​នៅ​ទីតាំង​ចំនួន ២០កន្លែង ទូទាំង​ប្រទេស​ចាប់ពី​ថ្ងៃទី៦ ដល់​ថ្ងៃទី១០ ខែធ្នូ។ ការប្រារព្ធទិវា​នេះ ត្រូវបាន​រៀបចំ​ឡើង​ដោយ​បណ្តាញ​ក្រៅ​ប្រព័ន្ធ ក្រុម​មិត្ត ១០ធ្នូ ដែល​រួម​មាន ក្រុម​យុវជន សហគមន៍​ដីធ្លី សមាគម កសិករ ព្រះសង្ឃ និង​អង្គការ​មិនមែន​រដ្ឋាភិបាល។ នៅថ្ងៃទី១០ ខែធ្នូ ពលរដ្ឋជា​ច្រើន​ក្រុម បាន​ដើរក្បួន​ដោយ​អហិង្សា​ពីទីកន្លែង​ខុសៗ​គ្នានៅ​ក្នុង​រាជធានី​ភ្នំពេញ ឆ្ពោះ​ទៅកាន់​ក្រសួង​យុត្តិធម៌ ដើម្បី​ទាមទារ​ឲ្យរាជ​រដ្ឋាភិបាល​ដោះស្រាយ​ជម្លោះ​ដីធ្លី​ដ៏រ៉ាំរ៉ៃ​នៅក្នុង​ប្រទេស​កម្ពុជា កែទម្រង់​ប្រព័ន្ធ​តុលាការ និង​ដោះលែង​សកម្មជន​និង​អ្នក​ការពារ​សិទិ្ធ​មនុស្ស ដំឡើង​ប្រាក់ឈ្នួល​អប្បបរមា​និង​គោរព​សិទិ្ធ​ការងារ បញ្ឈប់​អំពើ​ហិង្សា​ដែល​គាំទ្រ​ដោយ​អាជ្ញាធររដ្ឋ និង​គោរព​សេរីភាព​ក្នុងការ​បញ្ចេញ​មតិ ជួបជុំ និង​ប្រមូលផ្តុំ​ដោយ​អហិង្សា។ ប្រធាន​បទ​សម្រាប់​ទិវា​សិទិ្ធ​មនុស្ស​នាឆ្នាំ​នេះ គឺ “យុត្តិធម៌”។

របាយការណ៍
ការរួច​ខ្លួនពី​បទ​ល្មើស៖ ការអនុវត្ត​ច្បាប់​ចំពោះ​បទល្មើស​រំលោភ​សេពសន្ថវៈ ក្នុងប្រព័ន្ធ​តុលាការ​កម្ពុជា

ថ្ងៃទី​២៩ ខែវិច្ឆិកា ឆ្នាំ២០១៥

អង្គការ ​លីកាដូ ​បានចេញផ្សាយ​នូវ​របាយការណ៍​ថ្មីមួយ​​ដែល​មាន​​ចំណង​ជើង​ថា៖​“ការ​រួចខ្លួន​ពី​បទ​ល្មើស​៖ការអនុវត្ត​ច្បាប់​ចំពោះ​បទល្មើស​រំលោភ​សេពសន្ថវៈ​​ក្នុងប្រព័ន្ធ​តុលាការ​កម្ពុជា”។ របាយការណ៍​នេះ ​បង្ហាញ​នូវ​ភស្តុតាង​​នៃ​ការមិន​បាន​​អនុវត្តឲ្យ​​បានត្រឹមត្រូវ​​នៅក្នុង​​ប្រព័ន្ធ​​យុត្តិធម៌​​កម្ពុជា ក្នុងការស៊ើប​​អង្កេត ​និងផ្តន្ទាទោស​​ឲ្យបាន​​ត្រឹមត្រូវ​លើករណី​​ជាច្រើន​​នៃ​បទល្មើស​​រំលោភ​​សេពសន្ថវៈ ដែល​ពាក់​ព័ន្ធ​នឹង​ស្ត្រី ​និង​កុមារ។ ​របាយការណ៍​​នេះ ​ផ្តល់នូវ​ព័ត៌មាន​​លំអិត​នៃ​​កំហុស​ឆ្គង​ជាច្រើន​​ដែល មានលក្ខណៈ​​ជាប្រព័ន្ធ ​(អំពើ​ពុក​រលួយ​ អាកប្ប​កិរិយា​​រើសអើង​​លើស្ត្រី ​និង​ក្មេង​ស្រី ​ការ​បកស្រាយច្បាប់​មិន​ត្រូវ ​និង​កង្វះ​ខាត​ធនធាន​​នានា) ​ដែល​រួមគ្នា​​ធ្វើឲ្យ​​ជនល្មើស​​នៃ​អំពើ​​រំលោភ​សេពសន្ថវៈ​​ត្រឹមតែ​ទទួល​​រងទណ្ឌកម្ម​​ស្រាល​​ខ្លាំង​ប៉ុណ្ណោះ ​ឬអាច​​នឹងរួច​ពី​ការដាក់​​ទណ្ឌកម្ម​​ទាំងស្រុង​​ថែមទៀត​ផង។

មតិ
ការ​ស្វែងរក​យុត្តិធម៌​សម្រាប់​ស្ត្រី​និង​កុមារ ដែលជា​ជន​រង​គ្រោះ​នៃអំពើ​រំលោភ​ផ្លូវភេទ

ថ្ងៃទី​១២ ខែសីហា ឆ្នាំ២០១៥

ការ​ឆ្លើយ​តប​ចំពោះ​អត្ថបទ​នៃ​កាសែត​ភ្នំពេញ​ប៉ុស្តិ៍ ចុះ​ថ្ងៃ​ទី១១ ខែសីហា ឆ្នាំ២០១៥ ក្រោម​ចំណង​ជើង​ថា “មន្ត្រី​នគរបាល​ម្នាក់​បន្ត​ធ្វើ​ការ​ក្នុង​តួនាទី​រ​​បស់​ខ្លួន បើ​ទោះ​ជា​ត្រូវ​បាន​ផ្តន្ទា​ទោស​ក៏​ដោយ”

អង្គការ​លីកាដូ​សូម​កោត​សរសើរ​លោក យ៉ុង ប៊ុនលី ចំពោះ​ភាព​ក្លាហាន និង​គោល​ជំហរ​របស់​លោក ក្នុង​ការ​ប្តឹង​លោក កង សុផាត ជា​មន្ត្រី​នគរបាល​ដែល​ត្រូវ​បាន​ផ្តន្ទាទោស​ពី​បទ​រំលោភ​សេព​សន្ថវៈ​ទៅ​លើ​កូន​ស្រី​របស់​លោក អាយុ ១១ ឆ្នាំ កាល​ពី​ឆ្នាំ២០១០។ ភ្លាមៗ​បន្ទាប់​ពី​បាន​ប្រព្រឹត្តិ​បទល្មើស​នោះ​ហើយ លោក សុផាត បានផ្តល់​ថវិកា​មួយ​ចំនួន​ធំ​ជូន​ទៅ​លោក ប៊ុនលី និងគ្រួសារ ដើម្បីឲ្យលោក ប៊ុន លី និងគ្រួសារ ដក​ពាក្យ​បណ្តឹង​ចោទ​ប្រកាន់​រូប​លោក។ ប៉ុន្តែ គ្រួសារ​របស់​លោក ប៊ុនលី ជា​ជាង​ទទួល​ថវិកា​នេះ បាន​សម្រេច​ចិត្ត​ប្តឹង លោក សុផាត ទៅ​តុលាការ​តទៅ​ទៀត។ រយៈពេល ៥ ឆ្នាំ ក្រោយ​មក គ្រួសារ​របស់​លោក ប៊ុនលី នៅ​តែ​មិន​ទាន់​បាន​ទទួល​ជោគ​ជ័យ​នៅ​ឡើយ​ទេ តាមរយៈ​ប្រព័ន្ធ​តុលាការ​កម្ពុជា ដោយ​សារ​លោក សុផាត នៅ​តែ​បន្ត​មាន​សេរីភាព​ធម្មតា ហើយ​សំណង​ជម្ងឺចិត្ត​ចំនួន ១០.០០០ ដុល្លារ ក៏មិន​ទាន់​បាន​ឃើញ​តុលាការ​បញ្ជា​ឲ្យ​ផ្តល់​ជូន​ទៅ​គ្រួសារ​របស់​លោក ប៊ុន លី នៅ​ឡើយ​ដែរ។

សេចក្តីថ្លែងការណ៍
ដំណោះស្រាយ​សម្រាប់​រយៈពេលវែង គឺចាំបាច់​សម្រាប់​សុខុមាលភាព​កូន​របស់ម្តាយ​ជាប់ពន្ធនាគារ

ថ្ងៃទី​១៨ ខែមិនា ឆ្នាំ២០១៥audio available

ក្រោយ​ពីមានការដោះលែង​ស្ត្រីចំនួន ២២នាក់ ពីក្នុងពន្ធនាគារ អង្គការ លីកាដូ ក៏សូម​ស្វាគមន៍​​ចំពោះ​​ព័ត៌មាន​អំពី​ការ​នឹង​ពិភាក្សា​បន្តរក​​ដំណោះ​ស្រាយ​រយៈ​ពេល​វែង​របស់​​ក្រសួង​យុត្តិធម៌ ដើម្បី​ធានា​​នូវ​​សុខុមាលភាព​របស់​កុមារ​ដែល​មាន​ម្តាយ​ជាប់នៅ​ក្នុង​ពន្ធនាគារ។

ថ្មីៗនេះ អង្គការ លីកាដូ ​បានធ្វើការ​ស្រាវ​ជ្រាវ1លំអិត​មួយ​ពាក់​ព័ន្ធ​នឹង​ការ​ចាប់ខ្លួន និង​ផ្តន្ទា​ទោស​​ម្តាយ​​​ដែល​មាន​កូនតូច​នៅជាមួយ ហើយ​បាន​រក​ឃើញ​ថា​សុខុមាលភាព​​របស់​កុមារ គឺកម្រ​នឹង​​ត្រូវ​បាន​គេ​​យក​ចិត្ត​ទុកដាក់​ណាស់ នៅពេល​ដែល​​ម្តាយត្រូវ​បាន​ដាក់​ឲ្យនៅ​ក្នុង​ការ​ឃុំឃាំង​បណ្តោះ​​អាសន្ន​រង់ចាំ​​សវនាការ ឬ​ផ្តន្ទាទោស​ដាក់​ពន្ធនាគារ។ ស្ត្រី​ជាច្រើន​ដែល​ត្រូវបាន​​គេ​សម្ភាស បាន​​ប្រាប់​អង្គការ លីកាដូ ថា ចៅក្រម​​ថែមទាំង​មិនដែល​បានសួរ​​អ្នក​ទាំងនោះ​ថាតើ​ពួកគេ​មានកូន ឬ​គ្មាន​​នោះ​ទេ មុនពេល​​បញ្ជូនអ្នក​ទាំងនោះ​ទៅ​កាន់​ពន្ធនាគារ។

អត្ថបទ
ស្ត្រី​កម្ពុជា​ដែល​ឈរជួរមុខ៖ រឿងរ៉ាវត​ស៊ូ​របស់ស្ត្រី​ប្រាំមួយនាក់

ថ្ងៃទី​១៣ ខែមិនា ឆ្នាំ២០១៥audio available

ដើម្បីអបអរសាទរទិវា​សិទិ្ធនារី​អន្តរជាតិ​នាឆ្នាំ ២០១៥ អង្គការ លីកាដូ រួមជា​មួយ​អង្គការ​សមាគម​ខ្មែរលើ​កម្ពុជា បាន​រៀបចំ​វេទិកា​សាធារណៈ​នៅទីក្រុង​បានលុង ខេត្ត​រតនគិរី សម្រាប់​ប្រជាពលរដ្ឋ​ដែល​ទទួល​រងផល​ប៉ះពាល់​ដោយសារ​ការរំលោភ​យកដីធ្លី។ វេទិកានេះ ត្រូវបាន​ចូលរួម​ដោយ​អ្នក​តំណាង​​ប្រមាណ​ជាង ១០០ នាក់ មកពី​សហគមន៍​ជនជាតិ​ដើម​ភាគតិច​ខុសៗគ្នា​ចំនួន ៨​សហគមន៍ នៅក្នុង​ខេត្ត​រតនគិរី និង​សកម្មជន​ដីធ្លី​មួយចំនួន​មកពី​ខេត្តនានា​ក្នុងប្រទេស​កម្ពុជា។ ប្រធាន​បទ​​នៃវេទិកានេះ គឺផល​ប៉ះពាល់​នៃជម្លោះ​ដីធ្លី​មកលើ​ស្ត្រី ហើយ​ភាគច្រើន​នៃអ្នក​ចូលរួម គឺជា​ស្ត្រី។ អ្នក​​ចូលរួម​​បានចែក​រំលែក​បទ​ពិសោធន៍ និង​គំនិត​របស់​អ្នកទាំងនោះ ហើយ​អ្នកចូលរួម​មួយចំនួន​បាន​ច្រៀង​ចម្រៀង​ដែល​អ្នកទាំងនោះ​បានតែង​ឡើង​ដែល​រៀបរាប់​អំពី​ដំណើរ​រឿង​ជម្លោះ​ដីធ្លី​របស់​អ្នក​ទាំង​នោះ។ អត្ថបទខាង​ក្រោម​នេះ យើងខ្ញុំ​បាន​ចងក្រង​ឡើង​នូវជីវ​ប្រវត្តិ​សង្ខេប​នៃ​ស្ត្រី​ចំនួន ៦នាក់ ដែល​បាន​ចូលរួម​ក្នុងវេទិកា​នេះ។ រឿងរ៉ាវរបស់​អ្នក​ទាំងនោះ បានបង្ហាញ​អំពី​ការ​លំបាក​វេទនា​ជាច្រើន​ ដែល​ស្ត្រីដែល​រងផល​ប៉ះពាល់​ដោយ​ជម្លោះដីធ្លី​ជាច្រើន បាន​ជួបប្រទះ ក៏ដូចជា​ជំនឿចិត្ត និង​ភាពក្លៀវក្លា​របស់អ្នក​ទាំងនោះ។

សេចក្តីថ្លែងការណ៍
អង្គការ លីកាដូ លុប​ចោល​កម្មវិធីទិ​វាសិទិ្ធនារី​អន្តរជាតិ​នៅក្នុង​ពន្ធនាគារ ដោយសារ​ការរឹតត្បិតរបស់​រាជរដ្ឋាភិបាល

ថ្ងៃទី​៥ ខែមិនា ឆ្នាំ២០១៥audio available

នេះជាការ​សោកស្តាយយ៉ាង​ខ្លាំង ដែលអង្គការ លីកាដូ បាន​ប្រកាស​ថានឹង​មិន​ប្រារព្ធកម្មវិធីប្រចាំឆ្នាំ​របស់ខ្លួន​នៅក្នុងពន្ធនាគារ​កម្ពុជា​នាឆ្នាំនេះនោះទេ ក្នុងឱកាស​ទិវាសិទិ្ធនារី​អន្តរជាតិ ដែល​ជារៀងរាល់ឆ្នាំ​តែងតែប្រារព្ធធ្វើឡើង​នៅថ្ងៃទី៨ ខែមិនា។

អស់រយៈពេល ១៥ឆ្នាំមកហើយ ដែលអង្គការ លីកាដូ បានប្រារព្ធកម្មវីធី​នៅក្នុង​ពន្ធនាគារ​កម្ពុជា នាថ្ងៃទិ​វាសិទិ្ធនារី​អន្តរជាតិ (IWRD) ដើម្បីផ្តល់​នូវកញ្ចប់សម្ភារៈចាំបាច់​បន្ថែមទៅ​អ្នកជាប់ពន្ធនាគារ​ជាស្ត្រី ឆ្មាំពន្ធនាគារ​ជាស្ត្រី និងកុមារជាច្រើន ដែលរស់​នៅជាមួយ​ម្តាយក្នុងពន្ធនាគារ។ នៅក្នុងរយៈ​ពេល ១០ឆ្នាំ ចុងក្រោយនេះ អង្គការ លីកាដូ បានរៀបចំ​កម្មវិធីសប្បាយៗ​ពិសេសនៅក្នុង​ពន្ធនាគារ រួមមានការថ្លែងសុន្ទរកថា ល្បែងកំសាន្ត ការរាំរបាំប្រពៃណី និង​ការសំដែង​របស់អ្នកជាប់​ពន្ធនាគារផង​ដែរ។ សកម្មភាព​ទាំងនេះ ត្រូវបានទទួល​ស្វាគមន៍យ៉ាងល្អ​ដោយអ្នកជាប់ពន្ធនាគារ​ជាច្រើន និងធ្លាប់​ត្រូវ​បានគាំទ្រដោយ​អាជ្ញាធរពន្ធនាគារ​ផងដែរ។

សេចក្តីថ្លែងការណ៍
ការដោះលែង​ស្ត្រីមានផ្ទៃពោះ និង​ស្ត្រីដែលមានកូន​នៅជាមួយ​ក្នុងពន្ធនាគារ ផ្តល់​នូវភាពធូរស្រាល ប៉ុន្តែ​មិនទាន់បាន​ដោះស្រាយ​បញ្ហាជាចំបងនានា​នៅឡើយទេ

ថ្ងៃទី​២ ខែមិនា ឆ្នាំ២០១៥audio available

កាលពី​ចុងសប្តាហ៍មុន គណកម្មាកា​ដែលដឹកនាំ​ដោយក្រសួង​យុត្តិធម៌ បាន​ប្រកាសថា ស្ត្រីដែលជាប់ពន្ធនាគារ​ចំនួន ១៦នាក់ ដែលក្នុងនោះ​រួមមាន ១៥ នាក់ ជាស្ត្រី​ដែលមានកូន​រស់នៅជាមួយ​ក្នុងពន្ធនាគារ និង​ម្នាក់ជាស្ត្រីដែលមាន​ផ្ទៃពោះ នឹងត្រូវបានដោះ​លែង នៅ​មុនទិវាសិទិ្ធនារីអន្តរជាតិនា​ថ្ងៃទី៨ ខែមិនា ឆ្នាំ២០១៥។ គណកម្មាកានោះ ក៏បានជូនដំណឹងថា​រាជរដ្ឋា​ភិបាល ក៏មានផែនការដោះលែង​ស្ត្រីមានផ្ទៃពោះ និង​ស្ត្រីដែលមានកូន​នៅជាមួយក្នុង​ពន្ធនាគារ​ជារៀងរាល់ឆ្នាំ។

របាយការណ៍
កុមារភាព​នៅក្នុង​ពន្ធនាគារ ការ​ចម្រើនវ័យ​ក្នុង​ពន្ធនាគារ​កម្ពុជា៖ រឿងរ៉ាវ​របស់ដារ៉ា

ថ្ងៃទី​១៥ ខែកុម្ភៈ ឆ្នាំ២០១៥

នាថ្ងៃនេះ អង្គការ លីកាដូ ធ្វើការចេញផ្សាយ​នូវរបាយការណ៍​ចុង​ក្រោយ និង​លើកទីពីរ​របស់ខ្លួន ដែល​ជាស៊េរីនៃ​ករណីសិក្សាជា​ច្រើន ដែលវាយតម្លៃទៅ​លើផល​ប៉ះពាល់​លើ​កុមារ​​ដែលចម្រើនលូតលាស់នៅ​ក្នុងពន្ធនាគារ​កម្ពុជា។ នៅ​ត្រឹមខែមករា ឆ្នាំ២០១៥ កុមារចំនួន ៣៩នាក់ អាយុចន្លោះពី ១ខែ ដល់ ៤ឆ្នាំ កំពុង​រស់នៅ​ជាមួយម្តាយ​របស់អ្នកទាំងនោះ​នៅក្នុង​ពន្ធនាគារ​កម្ពុជាចំនួន ១៨កន្លែង ដែល​ត្រូវបាន​តាមដានដោយ​អង្គការ លីកាដូ។ យ៉ាងតិចណាស់ ចំនួនពាក់កណ្តាលនៃ​អ្នកទាំងនោះ បានចាប់​កំណើតនៅ​ក្នុងពន្ធនាគារ ហើយស្ទើរតែទាំងអស់​នៃអ្នក​ទាំងនោះ​មិនដែលធ្លាប់ ឬចងចាំពីជីវិតរស់​នៅក្រៅរបង​ពន្ធនាគារនោះទេ។

អត្ថបទ
សូមដោះលែង​ ១៩ នាក់៖ លី សៀវមិញ

ថ្ងៃទី​២៨ ខែមករា ឆ្នាំ២០១៥

កញ្ញា លី សៀវមិញ មានអាយុ ២៣ឆ្នាំ និង​រស់នៅជាមួយ​ម្តាយឳពុក ហើយ​និងប្អូនប្រុស​របស់នាង នៅ​ខណ្ឌទូលគោក រាជធានីភ្នំពេញ។ គ្រួសារ​របស់នាង បាន​រស់នៅលើដី​នេះអស់រយៈពេល ៣៥ឆ្នាំហើយ ហើយ​ទោះបីជាមាន​ភស្តុតាងនៃការកាន់​កាប់ដីនេះរយៈពេល​យូរក៏ដោយ ក៏គ្រួសាររបស់​នាងនៅតែជាប់​ពាក់ព័ន្ធនឹងជម្លោះដីធ្លីដ៏រ៉ាំរ៉ៃមួយ​ជាមួយសាលា​រាជធានីភ្នំពេញ និង​ក្រុមហ៊ុន ឃុន សៀ ដោយ​សាលារាជធានី​បានលក់ដីនោះទៅ​ឲ្យក្រុមហ៊ុននៅឆ្នាំ ២០១០។ ពីដំបូង ប្រជាពលរដ្ឋ​ចំនួន ៦គ្រួសារទៀត ក៏មានជាប់​ពាក់ព័ន្ធនឹងជម្លោះដីធ្លីដែរ ប៉ុន្តែឥឡូវអ្នក​ទាំងនោះបានទទួល​យកសំណង និង​បានចាកចេញពីទីនោះ​ហើយ បន្ទាប់ពីប្រឈម​មុខនឹងការ​បំភិតបំភ័យជាប់ៗ​គ្នាជាច្រើនដង​ពីក្រុមហ៊ុន។

មាតិកា​សំឡេង
“ភរិយាល្អ” ស្រ្តី​ដែលជា​សកម្មជន​ដីធ្លី​ចំនួន ៤នាក់​រៀបរាប់​អំពីរឿងរ៉ាវរបស់​ខ្លួន

ថ្ងៃទី​៨ ខែមករា ឆ្នាំ២០១៥audio available

មាតិកាសម្លេង​ជាភាសាខ្មែរ​មួយនេះ​រួមមានទាំង​ការផ្សាយ​កម្មវិធីវិទ្យុ​ចំនួនពីរដែល​ត្រូវបានផ្សាយ​មុនគេនៅអំឡុង យុទ្ធនាការ ១៦ ថ្ងៃ ប្រឆាំង​នឹងអំពើ​ហិង្សា​ផ្នែកយែនឌ័រ ក្នុងឆ្នាំ២០១៤។ ការផ្សាយ​ទាំងអស់នោះ​រួមមានទាំង របាយការណ៍ “ភរិយាល្អ” អ្នក​ធ្វើយុទ្ធនាការ​ដីធ្លីជា​ស្ត្រី និងផលប៉ះពាល់នៃ​ភាពសកម្មនិយម​សិទ្ធិមនុស្ស ហើយរួម​បញ្ចូលទាំងការ​សម្ភាសជាមួយនឹង​ស្រ្តីដែលជាសកម្មកជន​សិទ្ធិដីធ្លីចំនួន ៤នាក់ ដែល​ពិភាក្សាស្តី​អំពីជីវិតដែល​ត្រូវបានផ្លាស់ប្តូរដោយ​សារសកម្មនិយមរបស់​អ្នកទាំងនោះ និងការចែករំលែក​បទពិសោធន៍របស់​អ្នកទាំងនោះ​ស្តីអំពីអំពើហិង្សា​ក្នុងគ្រួសារ និង​ការបែកបាក់​ក្រុមគ្រួសារ។