ឈប់រៀនសូត្រហើយធ្វើការងារ៖ រឿងរ៉ាវរបស់កុមារីដែលត្រូវបានបណ្តេញចេញ
ចេញផ្សាយ ថ្ងៃទី១០ ខែមិថុនា ឆ្នាំ២០១៤
នៅក្នុងទិវាអន្តរជាតិប្រឆាំងពលកម្មកុមារដែលនឹងឈានមកដល់នាពេលខាងមុខ អង្គការលីកាដូ បានចេញផ្សាយនូវខ្សែវីដេអូរូបភាពចំនួនពីរ ដែលរៀបរាប់អំពីទំនាក់ទំនងរវាងពលកម្មកុមារ និងបញ្ហាផ្សេងៗដូចជាភាពក្រីក្រ អត្រាបោះបង់ចោលការសិក្សា និងការបណ្តេញចេញពីដីធ្លីរបស់អ្នកទាំងនោះដោយបង្ខំ។ ខ្សែវីដេអូទីមួយ ត្រូវបានចេញផ្សាយកាលពីថ្ងៃច័ន្ទម្សិលមិញ ទី៩ ខែមិថុនា ហើយខ្សែវីដេអូទីពីរ នឹងចេញផ្សាយនាថ្ងៃអង្គារ៍ ទី១០ ខែមិថុនា។ អង្គការ លីកាដូ នឹងធ្វើការចេញផ្សាយសេចក្តីថ្លែងការណ៍នៅថ្ងៃទី ១១ មួយថ្ងៃមុនទិវាអន្តរជាតិប្រឆាំងពលកម្មកុមារ ដែលត្រូវនឹងថ្ងៃទី១២ ខែមិថុនា។
នៅចុងឆ្នាំ ២០០៦ និងដើមឆ្នាំ ២០០៧ ក្រុមគ្រួសាររបស់កំពាង គឺជាគ្រួសារមួយក្នុងចំណោមគ្រួសារទាំង ៥១គ្រួសារ ដែលត្រូវបានបណ្តេញចេញដោយបង្ខំ ពីសំណាក់អាជ្ញាធរ ក្នុងសង្កាត់ អូត្រេះ ខេត្តព្រះសីហនុ នៅក្នុងអំឡុងពេលមានជម្លោះដីធ្លីជាមួយក្រុមហ៊ុនមួយ និងម្ចាស់ដីឯកជនម្នាក់។ គ្រួសារជាច្រើន បានអះអាងថាអ្នកទាំងនោះ បានរស់នៅលើតំបន់នោះតាំងពីឆ្នាំ ១៩៩៣។ ក្រុមគ្រួសាររបស់កំពាង បានរើទៅតាំងទីលំនៅថ្មី នៅចម្ងាយ ២គីឡូម៉ែត ពីទីតាំងដែលត្រូវបានគេបណ្តេញចេញ។ ប៉ុន្តែក្រុមគ្រួសាររបស់នាងបានបាត់បង់លទ្ធភាពចិញ្ចឹមជីវិតឲ្យបានសមរម្យ ការចំណាយលើថ្លៃធ្វើដំណើរមានកម្រិតខ្ពស់ ហើយការធ្លាក់ខ្លួនឈឺរបស់ម្តាយនាង បានបង្ខំឲ្យកំពាង បោះបង់ចោលការសិក្សារ និងចាប់ផ្តើមធ្វើការងារចម្លែកៗ ដើម្បីជួយផ្គត់ផ្គង់គ្រួសារ។ នាងសង្ឃឹមថានឹងអាចបញ្ចប់ការសិក្សា និងធ្វើឲ្យជីវិតរបស់នាងកាន់តែប្រសើរ។
- ឯកសារទាក់ទង
- ចំណងជើង & មូលបទ
- សិទ្ធិកុមារ សិទ្ធិដីធ្លី
