តុលាការកំពូលបដិសេធបណ្ដឹងសុំនៅក្រៅឃុំរបស់អ្នកការពារសិទ្ធិមនុស្សដែលកំពុងជាប់ឃុំ
ចេញផ្សាយ ថ្ងៃទី៣០ ខែវិច្ឆិកា ឆ្នាំ២០១៦នាព្រឹកនេះ អ្នកស្រី លឹម មុនី លោក នី សុខា លោក ណៃ វ៉ង់ដានិង លោក យី សុខសាន្ត ជាបុគ្គលិកសមាគមការពារសិទ្ធិមនុស្សនិងអភិវឌ្ឍន៍នៅកម្ពុជា (អាដហុក) និង លោក នី ចរិយា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) ត្រូវបានសវនាការនៃតុលាការកំពូលសម្រេចបដិសេធចោលនូវបណ្ដឹងសុំនៅក្រៅឃុំ ដែលបានជំនុំជម្រះដោយលោកចៅក្រម គីម សូថាវី កាលពីសប្ដាហ៍មុន។
អ្នកការពារសិទ្ធិមនុស្សទាំង៥នាក់ ត្រូវបានឃុំខ្លួនពីបទសូកប៉ាន់សាក្សី កាលពីថ្ងៃទី២ ខែឧសភា ខណៈដែលមានការរិះគន់ជាសាធារណៈពីសំណាក់មតិជាតិ និងអន្តរជាតិ។ ប្រសិនបើអ្នកទាំងនោះត្រូវបានផ្តន្ទាទោស នោះអ្នកទាំងនោះនឹងត្រូវជាប់ពន្ធនាគារចន្លោះពី ៥ឆ្នាំ ទៅ ១០ឆ្នាំ។
សាលដីកានៅថ្ងៃនេះ បានសម្រេចតម្កល់ទៅតាមសាលដីការបស់សាលាឧទ្ធរណ៍កាលពីដើមសប្ដាហ៍នេះ ដើម្បីបដិសេធចោលនូវបណ្ដឹងសុំនៅក្រៅឃុំរបស់អ្នកទាំងប្រាំដែលបានប្ដឹងជំទាស់ទៅនឹងសាលក្រមរបស់សាលាដំបូងរាជធានីភ្នំពេញ ដែលបានសម្រេចបន្តឃុំខ្លួនបណ្ដោះអាសន្នលើអ្នកទាំងនោះចំនួន៦ខែថែមទៀត បន្ថែមលើរយៈពេលកំណត់នៅក្នុងច្បាប់កម្ពុជា។ រហូតមកដល់ពេលនេះ អ្នកទាំង៥ ត្រូវបានឃុំខ្លួនអស់រយៈពេលជិត៨ខែមកហើយ។
- ឯកសារទាក់ទង
- ចំណងជើង & មូលបទ
- យុទ្ធនាការថ្ងៃច័ន្ទពណ៌ខ្មៅ តុលាការ និងនីតិរដ្ឋ