វីដេអូ
ថ្ងៃទី៧ ខែមីនា ឆ្នាំ២០២៤
ចូលរួមជាមួយពួកយើង ដើម្បីបញ្ឈប់អំពើហិង្សា ការរើសអើង និងការរំលោភបំពាន មកលើស្ត្រី អ្នកការពារសិទិ្ធមនុស្ស និងអ្នកស្រលាញ់ភេទដូចគ្នា!
ដើម្បីប្រារព្ធទិវាអន្តរជាតិនៃសិទិ្ធនារី ខួបលើកទី ១១៣ ឆ្នាំ ២០២៤ សូមលោកអ្នក អញ្ជើញទស្សនាវីដេអូខ្លីមួយនេះ ដែលត្រូវបានបង្កើតឡើង ដើម្បីលើកទឹកចិត្តដល់ស្ត្រីទាំងឡាយ ដែលបានប្រឹងប្រែងឱ្យមានការគោរពនូវសិទិ្ធមនុស្សរបស់ពួកគេ ។
វីដេអូនេះបង្ហាញនូវយុវតី និងយុវជនមួយចំនួន ដែលមានការប្តេជ្ញាចិត្ត និងការលះបង់ខ្ពស់ ដើម្បីលើកកម្ពស់ និងការពារសិទិ្ធមនុស្ស ។ យុវតី និងយុវជនទាំងនោះ ក៏បង្ហាញពីការឱ្យតម្លៃ និងលើកឡើងនូវសារៈសំខាន់នៃការចូលរួមរបស់ស្ត្រី នៅក្នុងការទទួលបាននូវការទទួលស្គាល់ និងគោរពនូវសិទិ្ធមនុស្សរបស់ស្ត្រី ។
ស្ត្រីនៅក្នុងប្រទេស នៅតែបន្តប្រឈមមុខនឹងការរើសអើង និងអំពើហិង្សាដោយផ្អែកលើយេនឌ័រ ។ មិនតែប៉ុណ្ណោះទទួលបានសេវាយុត្តិធម៌ចំពោះស្ត្រី ទៅលើបញ្ហាទាំងនេះ នៅមានកម្រិតនៅឡើយ ។ យើងខ្ញុំឈរជាមួយស្ត្រីទាំងឡាយ និងបន្តគាំទ្រពួកគេ ដើម្បីជំរុញឱ្យមានយុត្តិធម៌ សមភាព និងភាពស្មើគ្នារវាងបុរស និងស្ត្រី ។
“សំឡេងរបស់អ្នក គឺជាអំណាច!”
ថ្ងៃទី៦ ខែមីនា ឆ្នាំ២០២៤
ថ្ងៃទី២៩ ខែវិច្ឆិកា ឆ្នាំ២០២៣
ម៉ាក់ កាក់ គឺជាសមាជិកនៃសមាគមអ្នកធ្វើការងារតាមផ្ទះ (ADW) ។ អ្នកស្រីបញ្ចេញមតិ ដើម្បីតវ៉ាទៅនឹងការប្រព្រឹត្តិអំពើហិង្សា និងកង្វះខាតការការពារផ្នែកច្បាប់ ដែលប៉ះពាល់ដល់សិទិ្ធសេរីភាព និងសុខុមាលភាពរបស់កម្មករដែលធ្វើការងារតាមផ្ទះ ។
ថ្ងៃទី២៩ ខែវិច្ឆិកា ឆ្នាំ២០២៣
សុវណ្ណ វ៉ារី គឺជាអ្នករត់រ៉ឺម៉ក់កង់បី ជាអ្នកដឹកនាំប្រចាំខណ្ឌ និងជាប្រធានគណៈកម្មាធិការស្រ្តី នៅក្នុងសមាគមសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) ។ អ្នកស្រីបានតស៊ូដើម្បីសិទិ្ធរបស់កម្មករនៃសេដ្ឋកិច្ចក្រៅប្រព័ន្ធ និងការទទួលបានកិច្ចគាំពារសង្គមជាមូលដ្ឋាននានារបស់កម្មករក្នុងវិស័យក្រៅប្រព័ន្ធ ។
ថ្ងៃទី២៩ ខែវិច្ឆិកា ឆ្នាំ២០២៣
អ៊ុក ឆាយ៉ាវី គឺជាប្រធានសមាគមគ្រូបង្រៀនកម្ពុជាឯករាជ្យ (CITA) ។ អ្នកស្រីបន្តធ្វើការបញ្ចេញមតិ ដើម្បីសិទិ្ធសេរីភាពរបស់គ្រូបង្រៀន ទោះបីជាអ្នកស្រីទទួលរងការគម្រាមកំហែងលើអាយុជីវិត និងការប្រើប្រាស់អំពើហិង្សាលើអ្នកស្រីយ៉ាងណាក៏ដោយ ។
ថ្ងៃទី២៩ ខែវិច្ឆិកា ឆ្នាំ២០២៣
សុខ ស្រីលាភ គឺជាបុគ្គលិកយុទ្ធនាការនៃអង្គការបណ្ដាញការងារស្ត្រីរួបរួមគ្នា (WNU) ។ អ្នកស្រីតស៊ូដើម្បីទាមទារឱ្យបញ្ឈប់ការរើសអើង អំពើហិង្សា និងការរំលោភបំពាន មកលើអ្នកប្រកបរបរផ្លូវភេទ និងសេវាកំសាន្តនានា ។
ថ្ងៃទី៣០ ខែសីហា ឆ្នាំ២០២៣
នាថ្ងៃនេះ អង្គការលីកាដូ សូមណែនាំយន្តការមួយសម្រាប់ប្រជាពលរដ្ឋខ្មែរ ដែលចង់ដាក់ពាក្យបណ្ដឹងអំពីការរំលោភបំពាន និងកេងប្រវ័ញ្ច ពីសំណាក់គ្រឹះស្ថានមីក្រូហិរញ្ញវត្ថុ ឬធនាគារ ។
ពាក្យបណ្ដឹងនេះ អាចដាក់ដោយបុគ្គលណាម្នាក់ ដែលរងផលប៉ះពាល់ និងជួបការរំលោភបំពាន នៅក្នុងវិស័យមីក្រូហិរញ្ញវត្ថុ ។ ការរំលោភបំពានទាំងនោះ មានដូចជា ការលក់ដីដោយបង្ខំ ពលកម្មកុមារ ចំណាកស្រុកខុសច្បាប់ ភាពអត់ឃ្លាន ការគំរាមកំហែង និងការបង្ខិតបង្ខំ ព្រមទាំងផលប៉ះពាល់ផ្សេងទៀត ។
ថ្ងៃទី៣ ខែមករា ឆ្នាំ២០២៣
កាលពីថ្ងៃទី៩ ខែមករា ឆ្នាំ២០២៣ មន្ត្រីនគរបាលនៃស្នងការដ្ឋាននគរបាលរាជធានីភ្នំពេញ បានជម្រាបមកនាយកទទួលបន្ទុកកិច្ចការទូទៅនៃអង្គការលីកាដូ អំឡុងពេលសាកសួរថា ប្រសិនបើអង្គការ លីកាដូ មិនយល់ព្រមលុបវីដេអូចម្រៀងដែលមានចំណងជើងថា “ឈាមបាតុករ” ពីបណ្តាញសង្គម និងគេហទំព័ររបស់អង្គការនោះទេ នោះអាជ្ញាធរនឹងមានវិធានការផ្លូវច្បាប់បន្ត ។
ដើម្បីជៀសវាងពីការទទួលរងនូវវិធានការផ្លូវច្បាប់បន្ត អង្គការ លីកាដូ សម្រេចចិត្តលុបវីដេអូចម្រៀងចេញពីបណ្តាញសង្គមរបស់អង្គការកាលពីយប់មិញ និងចេញពីគេហទំព័រនៅព្រឹកនេះ ។
.jpg)
ថ្ងៃទី២៧ ខែធ្នូ ឆ្នាំ២០២២
អង្គការលីកាដូ ត្រូវបានបង្កើតឡើងក្នុងឆ្នាំ១៩៩២ ដើម្បីឃ្លាំមើលការបោះឆ្នោតជាតិរៀបចំដោយអង្គការសហប្រជាជាតិក្នុងឆ្នាំ១៩៩៣ ។ ក្រោយមក លីកាដូ បានក្លាយជាអង្គការឃ្លាំមើលសិទ្ធិមនុស្សមួយ ។ បន្ទាប់ពីការលើកកម្ពស់ និងការពារសិទ្ធិមនុស្ស អស់រយៈពេល ៣០ឆ្នាំមក លីកាដូ នៅតែឈរជាមួយប្រជាពលរដ្ឋ ដើម្បីតស៊ូប្រឆាំងនឹងការរំលោភសិទ្ធិមនុស្ស និងដើម្បីយុត្តិធម៌សង្គម ។
ថ្ងៃទី១៣ ខែធ្នូ ឆ្នាំ២០២២
ថ្ងៃទី២៩ ខែវិច្ឆិកា ឆ្នាំ២០២២
ឃ្លាំង សុបិន្ត គឺជាអគ្គលេខាធិការនៃសហជីពទ្រទ្រង់សិទិ្ធការងារ បុគ្គលិក កម្មករខ្មែរនៃក្រុមហ៊ុនណាហ្គាវើលដ៏ (LRSU) ។ អ្នកស្រីនៅតែតាំងចិត្តខ្ពស់ក្នុងការពារសិទិ្ធរបស់បុគ្គលិកកាស៊ីណូ ទោះជាក្រោយពេលអ្នកស្រីត្រូវបានគេបញ្ឈប់ពីការងារ ហើយក្រោយមកត្រូវបានគេចាប់ដាក់ពន្ធនាគារអស់ជាងពីរខែក៏ដោយ អំឡុងពេលសហជីពរបស់អ្នកស្រីកំពុងធ្វើកូដកម្ម ។
ថ្ងៃទី២៧ ខែវិច្ឆិកា ឆ្នាំ២០២២
សារិន សុវណ្ណនី គឺជាអ្នកចងក្រងកម្មករនៅក្នុងខេត្តកំពង់ស្ពឺ របស់សហព័ន្ធសហជីពកម្ពុជា (CATU) ។ នាងត្រូវបានគេបញ្ឈប់ពីការងារក្នុងរោងចក្រ ដោយសារភាពសកម្មនិយមរបស់នាង ។ ទោះជាយ៉ាងនេះក្តី នាងនៅតែបន្តឈរនៅជួរមុខក្នុងការតស៊ូ ដើម្បីសិទិ្ធកម្មករនៅក្នុងរោងចក្រ ។
ថ្ងៃទី៥ ខែតុលា ឆ្នាំ២០២២
បឹង និងតំបន់ដីសើម នៅជុំវិញរាជធានីភ្នំពេញ គឺជាលំនៅឋានរបស់ប្រជាពលរដ្ឋរាប់ពាន់នាក់ និងមានសារៈសំខាន់ខ្លាំងសម្រាប់ជីវភាពរស់នៅ ការការពារទឹកជំនន់ និងការគ្រប់គ្រងទឹកកខ្វក់ ។ ការបំផ្លិចបំផ្លាញបឹងដើម្បីធ្វើគម្រោងអភិវឌ្ឍន៍ កំពុងតែធ្វើឱ្យមានការបណ្ដេញចេញ បាត់បង់ប្រាក់ចំណូល និងអសន្ដិសុខស្បៀង ព្រមទាំងបណ្ដាលឱ្យរាជធានីភ្នំពេញ ទទួលរងនូវការជន់លិចយ៉ាងអាក្រក់ ។
ថ្ងៃទី២៥ ខែសីហា ឆ្នាំ២០២២
ការយល់ដឹងអំពីសកម្មភាពរំលោភបំពាន និងសិទ្ធិដែលមានចែងក្នុងច្បាប់មួយចំនួន ទាក់ទងនឹងបំណុលជាមួយធនាគារនិងគ្រឹះស្ថានមីក្រូហិរញ្ញវត្ថុ អាចជួយកូនបំណុល ក្នុងការការពារសិទិ្ធ និងផលប្រយោជន៍របស់ខ្លួនស្របទៅតាមច្បាប់ ។
ថ្ងៃទី១ ខែសីហា ឆ្នាំ២០២២
បណ្ដាញកម្ចីប្រាក់អនឡាញ កំពុងដាក់គោលដៅលើស្រ្តីខ្មែរ នៅលើបណ្ដាញសង្គមហ្វេសប៊ុក និងថេលេក្រាម ដោយទាញអ្នកទាំងនោះឱ្យធ្លាក់ក្នុងបំណុលវ័ណ្ឌក និងការជំរិតទារប្រាក់ តាមរយៈការប្រើប្រាស់រូបភាព និងវីដេអូអាក្រាតរបស់ជនរងគ្រោះ ។ ក្រុមហ៊ុនប្រព័ន្ធផ្សព្វផ្សាយសង្គម និងអាជ្ញាធរ មិនទាន់បានចាត់វិធានការលើរឿងនេះទេ ដោយទុកឱកាសឱ្យក្រុមជំរិតទារប្រាក់ទាំងនេះ កេងប្រវ័ញ្ចលើស្រ្តីមួយចំនួនដោយនិទណ្ឌភាព ។
កាលពីឆ្នាំមុន អង្គការលីកាដូ បានផ្ដល់សេវាមួយចំនួនដល់ស្ត្រីបីនាក់ ដែលរងការបៀតបៀនដោយអ្នកផ្ដល់កម្ចីមិនផ្លូវការ ។ ស្ត្រីម្នាក់ៗជួបប្រទះរឿងរ៉ាវស្រដៀងគ្នា ដោយដំបូងពួកគេ បានខ្ចីប្រាក់ប្រមាណ ៥០ដុល្លារពីក្រុមហ៊ុនដែលផ្សព្វផ្សាយនៅលើហ្វេសប៊ុក ដើម្បីផ្គត់ផ្គង់ការចំណាយប្រចាំថ្ងៃ ឬព្យាបាលជំងឺ ប៉ុន្តែចុងក្រោយត្រូវបានក្រុមហ៊ុនគំរាមហែកកេរ្ដិ៍ និងជំរិតទារប្រាក់ បន្ទាប់ពីបានផ្ញើរូបភាព និងវីដេអូអាក្រាត នៅពេលពួកគេព្យាយាមគេចចេញពីបំណុលវ័ណ្ឌក ។
.PNG)
ថ្ងៃទី៨ ខែមីនា ឆ្នាំ២០២២
សកម្មជនសហជីពជាស្ត្រី បានប្រឈមនឹងការធ្វើទុក្ខបុកម្នេញ ក្នុងការព្យាយាមគំរាមកំហែងពួកគេឱ្យបញ្ឈប់ការធ្វើកូដកម្ម ។ អង្គការលីកាដូ កំពុងចេញផ្សាយវីដេអូមួយ ដែលបង្ហាញពីស្ដ្រីក្លាហានមួយចំនួនទាំងនេះ ដើម្បីប្រារព្ធទិវាសិទ្ធិនារីអន្តរជាតិ ។
ថ្ងៃទី៤ ខែមករា ឆ្នាំ២០២២
ថ្ងៃទី២២ ខែតុលា ឆ្នាំ២០២១
អាជ្ញាធររុញច្រាន និងរំលោភបំពានគ្រួសារសមាជិកអតីតគណបក្សជំទាស់ដែលជាប់ឃុំខ្លួន
ថ្ងៃទី១៧ ខែតុលា ឆ្នាំ២០២១
ក្នុងរយៈពេលពីរឆ្នាំចុងក្រោយ អំឡុងពេលរីករាលដាលនៃជំងឺកូវីដ ១៩ ការរំលោភយកដីធ្លីនៅក្នុងប្រទេស មិនមានសញ្ញាថមថយនោះទេ ហើយប្រជាពលរដ្ឋប្រមាណជាង ៥.០០០ គ្រួសារ ទទួលរងផលប៉ះពាល់ ។ លើសពីនេះ ការចាប់ខ្លួន និងឃុំខ្លួនដាក់ពន្ធនាគារនៃសមាជិកសហគមន៍ និងសកម្មជនដីធ្លី កាន់តែមានការកើនឡើង ។ គិតត្រឹមខែតុលានេះ សមាជិកសហគមន៍ និងសកម្មជនដីធ្លី យ៉ាងតិចណាស់ចំនួន ២១ នាក់ត្រូវបានឃាត់ខ្លួន ហើយក្នុងនោះ ១០ នាក់ កំពុងជាប់ឃុំក្នុងពន្ធនាគារនៅឡើយ ។
ដើម្បីប្រារព្ធទិវាសិទ្ធិលំនៅឋានពិភពលោកឆ្នាំ២០២១នេះ អង្គការលីកាដូ ចេញផ្សាយវីដេអូមួយ លើកឡើងពីផលប៉ះពាល់នៃជំងឺកូវីដ ១៩ ទៅលើសមាជិកសហគមន៍ និងសកម្មជនដីធ្លី ក៏ដូចជាការតស៊ូរបស់អ្នកទាំងនោះ ក្នុងការប្រើប្រាស់សិទ្ធិសេរីភាពជាមូលដ្ឋានរបស់ពួកគេ ដើម្បីទាមទារឱ្យមានការគោរពសិទ្ធិដីធ្លី ៕
ថ្ងៃទី២៨ ខែមិថុនា ឆ្នាំ២០២១
នេះជា សំឡេង និងរឿងរ៉ាវរបស់ប្រជាពលរដ្ឋសហគមន៍ ដែលកំពុងប្រឈមនឹងផលវិបាកនៃបំណុលឥណទានខ្នាតតូច ក៏ដូចជាការរំលោភយកដីធ្លីរបស់ពួកគេ ។ ផលវិបាកនៃបំណុលឥណទានខ្នាតតូចទាំងនោះរួមមាន ការលក់ដីដោយបង្ខំ ពលកម្មកុមារ ចំណាកស្រុក ភាពអត់ឃ្លាន និងការរំលោភសិទ្ធិមនុស្សជាច្រើនទៀត ដែលបានលើកឡើងនៅក្នុងរបាយការណ៍រួមស្ដីពី “សិទ្ធិទទួលបានការអនុគ្រោះ៖ សំឡេងសហគមន៍ដីធ្លីជាប់ជំពាក់បំណុល” ។