អ្នកការពារសិទ្ធិមនុស្ស សកម្មជន និងសិល្បករ ចំនួន១៩នាក់ ត្រូវបានឃុំខ្លួនក្នុងពន្ធនាគារ ចាប់តាំងពីខែកក្កដា ដោយសារការប្រើប្រាស់សិទ្ធិសេរីភាពក្នុងការបញ្ចេញមតិ និងជួបជុំគ្នាដោយសន្តិវិធី ដែលមានចែងក្នុងរដ្ឋធម្មនុញ្ញ ។ ការធ្វើទុក្ខបុកម្នេញជាបន្តបន្ទាប់នេះ បានចាប់ផ្ដើមបន្ទាប់ពីការចាប់ខ្លួនលោក រ៉ុង ឈុន ប្រធានសហជីព ក្រោយពីលោកចេញសេចក្ដីថ្លែងការណ៍ និងផ្ដល់បទសម្ភាសន៍ជាមួយវិទ្យុមួយ បន្ទាប់ពីចុះទៅសួរសុខទុក្ខប្រជាពលរដ្ឋនៅតាមបណ្ដោយព្រំដែនកម្ពុជា-វៀតណាម ។ រយៈពេលជាង១ខែកន្លះក្រោយមក សកម្មជនដែលបានអំពាវនាវជាសាធារណៈឱ្យដោះលែងលោក រ៉ុង ឈុន ត្រូវបានចាប់ខ្លួន និងឃុំខ្លួនបណ្ដោះអាសន្នរង់ចាំសវនាការ ។ អ្នកទាំងនេះ ប្រឈមនឹងការជាប់ពន្ធនាគាររហូតដល់២ឆ្នាំ ប្រសិនបើរកឃើញថាមានទោស ។
ក្រៅពីសកម្មជនអំពាវនាវឱ្យដោះលែងលោក រ៉ុង ឈុន ការធ្វើទុក្ខបុកម្នេញនេះ ក៏បានកើតមានឡើងចំពោះអ្នកផ្សេងទៀតផងដែរ ។ សកម្មជនបរិស្ថាន អ្នកចំរៀងរ៉េបវ័យក្មេង និងព្រះសង្ឃកាន់ព្រះពុទ្ធសាសនា ត្រូវបានចាប់ខ្លួន ដោយសារតែការសម្ដែងមតិអំពីបញ្ហាដែលប៉ះពាល់ដល់ប្រទេសជាតិ និងសហគមន៍របស់ខ្លួន ។ សមាជិកអតីតគណបក្សជំទាស់ដែលត្រូវបានរំលាយ ត្រូវចាប់និងឃុំខ្លួនក្នុងពន្ធនាគារ ។ តំណាងស្ថាប័នអន្តរជាតិជាច្រើនបានថ្កោលទោសការចាប់ខ្លួនទាំងនេះ ឬអំពាវនាវជាសាធារណៈឱ្យដោះលែងអ្នកការពារសិទ្ធិមនុស្សដែលកំពុងជាប់ឃុំទាំងនេះពីពន្ធនាគារដែលមានភាពចង្អៀតណែនខ្លាំងវិញ ។ បុរស និងស្រ្តី ទាំងនេះ បានបាត់បង់សិទ្ធិសេរីភាព ដោយសារតែការប្រើប្រាស់សិទ្ធិជាមូលដ្ឋានរបស់ខ្លួន ។
ថ្ងៃទី៣១ ខែកក្កដាថ្ងៃទី២០ ខែកញ្ញា ពាក់ព័ន្ធនឹងការ អំពាវនាវឱ្យដោះលែងអ្នកទោសនយោបាយ
ពាក់ព័ន្ធនឹងការ សម្ដែងមតិលើបញ្ហាសង្គម
ពាក់ព័ន្ធនឹងភាពសកម្ម ក្នុងកិច្ចការពារបរិស្ថាន
ពាក់ព័ន្ធនឹងភាពសកម្ម ក្នុងកិច្ចការនយោបាយ
MP3 format: ស្តាប់សំឡេងជាភាសាខ្មែរ
