សូមទម្លាក់ចោលរាល់ការចោទប្រកាន់ចំពោះតំណាងសហគមន៍ដីធ្លីទាំងអស់ និងដោះលែងតំណាងសហគមន៍ ៣នាក់
ចេញផ្សាយ ថ្ងៃទី១៤ ខែមករា ឆ្នាំ២០២១យើងខ្ញុំជាក្រុមសង្គមស៊ីវិល សហជីព និងសហគមន៍ដែលមានរាយនាមដូចខាងក្រោម សូមសម្ដែងការសោកស្ដាយ និងព្រួយបារម្ភយ៉ាងខ្លាំងចំពោះការចាប់និងឃុំខ្លួនតំណាងសហគមន៍ដីធ្លីចំនួន៣នាក់ ក៏ដូចជាការចោទប្រកាន់ទៅលើតំណាងសហគមន៍ដីធ្លីជាង៥០នាក់ទៀត កាលពីពេលថ្មីៗកន្លងមកនេះ និងសូមស្នើសុំឱ្យតុលាការទម្លាក់ចោលការចោទប្រកាន់ និងដោះលែងអ្នកទាំងនោះឱ្យមានសេរីភាពវិញ ។
លោក ផុន សុផល តំណាងសហគមន៍ដីធ្លីឃុំជាំក្រវៀន ត្រូវបានកម្លាំងនគរបាលចាប់ខ្លួន នៅច្រកផ្លូវចូលទៅក្រុមហ៊ុន យិះ ជៀ ស្ថិតនៅឃុំរាម ស្រុកព្រៃនប់ ខេត្តព្រះសីហនុ កាលពីព្រឹកថ្ងៃពុធ ទី៣០ ខែធ្នូ ឆ្នាំ២០២០ បន្ទាប់ពីលោកត្រលប់ពីចូលរួមកិច្ចប្រជុំឆ្លុះបញ្ជាំងសកម្មភាពការងារប្រចាំឆ្នាំ២០២០ ជាមួយ សមាគមសម្ព័ន្ធកសិករកម្ពុជា ដែលប្រារព្ធឡើងនៅសហគមន៍ថ្មធំព្រែកត្របែក ភូមិអណ្តូងត្របែក ឃុំរាម ស្រុករៃនប់ ខេត្តព្រះសីហនុ ។ ការចាប់ខ្លួននេះធ្វើឡើងតាមរយៈដីកាបង្គាប់ឲ្យចាប់ខ្លួនលេខ០៣ ចុះថ្ងៃទី២៨ ខែធ្នូ ឆ្នាំ២០២០ ដោយចោទប្រកាន់ពីបទសមគំនិតក្នុងអំពើញុះញង់ឲ្យប្រព្រឹត្ត អំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ប្រព្រឹត្តតាមបណ្តាញសង្គម ក្នុងភូមិសាស្ត្រ ខេត្តត្បូងឃ្មុំ កាលពីថ្ងៃទី២២ ខែសីហា ដល់ថ្ងៃទី២២ ខែតុលា ឆ្នាំ២០២០ ចេញដោយចៅក្រមស៊ើបសួរសាលាដំបូងខេត្តត្បូងឃ្មុំ ។ លោកក៏ត្រូវបាននាំខ្លួនពីខេត្តព្រះសីហនុ មកឃុំខ្លួនបណ្តោះអាសន្នក្នុងពន្ធនាគារខេត្តត្បូងឃ្មុំ កាលពីរសៀលថ្ងៃទី៣១ ខែធ្នូ ឆ្នាំ២០២០ ដោយមិនបានផ្តល់ព័ត៌មានដល់ក្រុមគ្រួសាររបស់គាត់ឱ្យស្របទៅតាមនីតិវិធីឡើយ ។ ក្រោយមកទើបក្រុមគ្រួសារបានដឹងព័ត៌មានតាមរយៈ មន្ត្រីពន្ធនាគារបានធ្វើការទាក់ទងទៅពួកគាត់ ។ តាមការចោទប្រកាន់នេះលោក ផុន សុផល អាចត្រូវប្រឈមការផ្តន្ទាទោសជាប់ពន្ធនាគារចំនួនពី៦ខែ ទៅ២ឆ្នាំ តាមបញ្ញត្តិមាត្រា៤៩៤និងមាត្រា៤៩៥ នៃក្រមព្រហ្មទណ្មនៃព្រះរាជាណាចក្រកម្ពុជា ។ លោក ផុន សុផល ជាតំណាងសហគមន៍ដីធ្លីជាំក្រវៀន ខេត្តត្បូងឃ្មុំ តែងតែធ្វើសកម្មភាព ក្នុងការជួយជ្រោមជ្រែងការពារសិទ្ធិដីធ្លីជូនប្រជាពលរដ្ឋក្នុងសហគមន៍ និងតែងតែឈឺឆ្អាលចូលរួមតស៊ូមតិដោយសន្តិវិធី ពីបញ្ហាអយុត្តិធម៌សង្គម និងព្រឹត្តិកាណ៍សង្គមនានា ស្របតាមច្បាប់សិទ្ធិមនុស្សជាតិ និងអន្តរជាតិ ។
ក្រៅពីនេះ តំណាងសហគមន៍២នាក់នៅសហគមន៍ស្រែប្រាំងក្នុងខេត្តត្បូងឃ្មុំ ត្រូវបានចាប់ខ្លួន ខណៈដែលសមាជិកសហគមន៍របស់ពួកគាត់ជាង៣០នាក់ផ្សេងទៀតត្រូវបានរងការចោទប្រកាន់ពីបទល្មើសព្រហ្មទណ្ឌជាច្រើន ដោយសារភាពសកម្មរបស់អ្នកទាំងនោះក្នុងការព្យាយាមការពារដីធ្លីសហគមន៍របស់ពួកគាត់ ។ ក្នុងនោះមាន លោក សែម សាង ដែលត្រូវបានចាប់ខ្លួនកាលពីខែតុលា ឆ្នាំ២០១៩ និងលោក ហឿន ស៊ីនាត ដែលត្រូវបានចាប់ខ្លួនកាលពីខែសីហា ឆ្នាំ២០២០ ។ អ្នកទាំងពីរ ត្រូវបានប្រឈមនឹងបទចោទជាច្រើន ពាក់ព័ន្ធនឹងជម្លោះដីធ្លីមួយរវាង ក្រុមហ៊ុនចិនចំការកៅស៊ូ ហាម៉ឹនី វីន អ៊ិនវេសមេន និងសហគមន៍មួយចំនួននៅស្រុកតំបែរ ខេត្តត្បូងឃ្មុំ ។
នៅខេត្តកោះកុងឯណោះវិញ មានតំណាងសហគមន៍ដីធ្លីចំនួន ១៣នាក់ ត្រូវបានសាលាដំបូងខេត្តកោះកុងចោទប្រកាន់ពី “បទបរិហារបង្កាច់កេរ្តិ៍” “បទញុះញង់ឲ្យប្រព្រឹត្តអំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម” និង “បទបរិហារកេរ្តិ៍ជាសាធារណៈ” តាមបញ្ញត្តិ មាត្រា៣១១ មាត្រា៣១២ មាត្រា៤៩៤និងមាត្រា៤៩៥ និងមាត្រា៣០៥នៃក្រមព្រហ្មទណ្ឌ ហើយត្រូវបានដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ដោយសារការប្រើប្រាស់សិទ្ធិសេរីភាពជាមូលដ្ឋានក្នុងការការពារដីធ្លីរបស់ពួកគាត់។
តាមការឃ្លាំមើលលើបញ្ហាការរំលោភសិទ្ធិមនុស្សនៅកម្ពុជា មួយរយៈចុងក្រោយនេះ យើងខ្ញុំទាំងអស់គ្នាជាអង្គការ សមាគម សហជីព និងសហគមន៍ សង្កេតឃើញថា មានការធ្វើទុក្ខបុកម្នេញពីសំណាក់អាជ្ញាធរ និងការចោទប្រកាន់ និងចាប់ខ្លួនសកម្មជនដីធ្លី សកម្មជនបរិស្ថាន ជាច្រើនដោយចោទប្រកាន់ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ ញុះញង់ឲ្យមានភាពវឹកវរដល់សន្តិសុខសង្គម និងបទល្មើសផ្សេងទៀត ។ ការចាប់ និងឃុំខ្លួន លោក ផុន សុផល លោក ហឿន ស៊ីនាត លោក សែម សាង ជាតំណាងសហគមន៍ដីធ្លី អ្នកស្រី អេង វ៉ាន់ (តាមសាលដីការតុលាការកំពូល)ជាសកម្មជនដីធ្លីដ៍ឆ្នើម គឺជាការគំរាមកំហែងដោយផ្ទាល់ និងប្រយោល ចំពោះសហគមន៍ដីធ្លីទូទាំងប្រទេស ព្រោះពួកគាត់តែងតែជួយការពារសិទ្ធិពលរដ្ឋក្នុងសហគមន៍ និងចូលរួមកិច្ចការសង្គមយ៉ាងសកម្មជាច្រើននាពេលកន្លងមកនេះ តែបែរជាត្រូវបានអាជ្ញាធរចាប់ខ្លួន ដោយគ្រាន់តែប្រើប្រាស់សិទ្ធិរបស់ខ្លួន ទាំងដែលសិទ្ធិទាំងនេះត្រូវបានធានាដោយរដ្ឋធម្មនុញ្ញ នៃព្រះរាជាណាចក្រកម្ពុជា និងកតិកាសញ្ញាអន្តរជាតិស្ដីពីសិទ្ធិមនុស្សជាច្រើនទៀត ដែលមិនគួរត្រូវបានប្រឈមនឹងការភ័យខ្លាចចំពោះការចាប់ខ្លួនពីសំណាក់សមត្ថកិច្ច ក៏ដូចជាការជាប់ពន្ធនាគារជាច្រើនឆ្នាំនោះទេ ។
យើងខ្ញុំសង្ឃឹមថា រាជរដ្ឋាភិបាល នឹងគោរពកាតព្វកិច្ចរបស់ខ្លួន ដើម្បីធានាសិទ្ធិក្នុងការបញ្ចេញមតិ ផ្អែកតាមរដ្ឋធម្មនុញ្ញ និងច្បាប់សិទ្ធិមនុស្សអន្តរជាតិ ។ យើងខ្ញុំក៏សង្ឃឹមផងដែរថា សាលាដំបូងខេត្តត្បូងឃ្មុំ និងសាលាដំបូងខេត្តកោះកុង នឹងទម្លាក់ចោលរាល់ការចោទប្រកាន់ទៅលើតំណាងសហគមន៍ដីធ្លីទាំងអស់ ព្រមទាំងដោះលែងតំណាងសហគមន៍ទាំង៣នាក់គឺ លោក ផុន សុផល លោក ហឿន ស៊ីនាត និងលោក សែម សាង ដែលកំពុងជាប់ឃុំ ឱ្យមានសេរីភាពវិញ ដើម្បីបានជួបជុំក្រុមគ្រួសារ និងបម្រើ ការងារសង្គមក្នុងពេលដ៏ឆាប់នាពេលខាងមុខនេះវិញ ៕
សេចក្ដីថ្លែងការណ៍នេះ គាំទ្រដោយ៖
១ សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា អាដហុក (ADHOC)
២ សមាគមសម្ព័ន្ធសហគមន៍កសិករកម្ពុជា (CCFC)
៣ អង្គការគាំទ្របច្ចេកវិទ្យាជនបទក្នុងប្រទេសកម្ពុជា(RCTSO)
៤ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
៥ អង្គការពន្លឺនៃក្ដីសង្ឃឹម (PNKS)
៦ ក្រុមកិច្ចការពិសេសសិទ្ធិមនុស្សកម្ពុជា (CHRTF)
៧ គណ:កម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (COMFREL)
៨ សហព័ន្ធសហជីពកម្មករចំណីអាហារ និងសេវាកម្មកម្ពុជា (CFSWF)
៩ សមាគមមន្រ្តីរាជការឯករាជ្យកម្ពុជា (CICA)
១០ អង្គការពន្លកខ្មែរ (PKH)
១១ មជ្ឈមណ្ឌលសិទ្ធិមនុស្សកម្ពុជា (CCHR)
១២ សមាគមបណ្ដាញយុវជនកម្ពុជា (CYN)
១៣ អង្គការសមាគមធាងត្នោត (STT)
១៤- អង្គការសមធម៌កម្ពុជា (EC)
១៥ សម្ព័ន្ធខ្មែរជំរឿននិងការពារសិទ្ធិមនុស្សលីកាដូ (LICADHO)
១៦ អង្គការវិទ្យាស្ថានប្រជាធិបតេយ្យកម្ពុជា (CID)
១៧ សម្ព័ន្ធការពារសិទ្ធិមនុស្សកម្ពុជា(CHRAC)
១៨ សហព័ន្ធសហជីពកម្មករនិយោជិតវិស័យទេសចរណ៍កម្ពុជា (CTWUF)
១៩ សហព័ន្ធសហជីពកម្មករសំណង់ និងព្រៃឈើកម្ពុជា (BWTUC)
២០ សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (CCAWDU)
២១ សហព័ន្ធសហជីពជាតិកម្ពុជា (CATU)
២២ មជ្ឍមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)
២៣ យុវកសិករដើម្បីសកម្មភាពសង្គម (YPS)
២៤ សម្ព័ន្ធភាពប្រជាជនដើម្បីអធិបតេយ្យភាពស្បៀងនៅអាស៊ី (PCFS-ASIA)
២៥ សម្ព័ន្ធកសិករអាស៊ី(APC)
២៦ សមាគមកសិករដើម្បីអភិវឌ្ឍន៍ជីវភាព (FALD)
២៧ អង្គការកម្មវិធីអភិវឌ្ឍន៍ធនធានយុវជន(YRDP)
២៨ សហគមន៍កសិករកាពារសិទ្ធិដីធ្លីក្រុម១៧៥ ខេត្តកោះកុង
២៩ សហគមន៍កសិករកាពារសិទ្ធិដីធ្លីក្រុម១៩៧ ខេត្តកោះកុង
៣០ សហគមន៍កសិករកាពារសិទ្ធិដីធ្លីក្រុម៨៤៣ ខេត្តកោះកុង
៣១ សហគមន៍កសិករកាពារសិទ្ធិដីធ្លីក្រុម១២៩ ខេត្តកោះកុង
៣២ សហគមន៍កសិករកាពារសិទ្ធិដីធ្លីតានូន ខេត្តកោះកុង
៣៣ សហគមន៍កសិករក្រីក្រក្រុម៧៦៦ ខេត្តកោះកុង
៣៤ សហគមន៍កសិករកាពារសិទ្ធិដីធ្លីរស្មីសាមគ្គី ខេត្តកំពង់ស្ពឺ
៣៥ សហគមន៍កសិករកាពារសិទ្ធិដីធ្លីចំបក់ ត្រាង ខេត្តកំពង់ស្ពឺ
៣៦ សហគមន៍កសិករកាពារសិទ្ធិដីធ្លីត្រពាំងជោរ ខេត្តកំពង់ស្ពឺ
៣៧ សហគមន៍កសិករកាពារសិទ្ធិដីធ្លីអមលាំង ខេត្តកំពង់ស្ពឺ
៣៨ សហគមន៍ប្រើសក្អក ខេត្តព្រះវិហ៊ារ
៣៩ សហគមន៍សង្កែរពីរមានរិទ្ធិ ខេត្តព្រះវិហ៊ារ
៤០ សហគមន៍ភូមិបុស្ស ខេត្តព្រះវិហ៊ារ
៤១ សហគមន៍ដីធ្លីអូររំដួល ខេត្តព្រះវិហ៊ារ
៤២ សហគមន៍ប្រមេរ ខេត្តព្រះវិហ៊ារ
៤៣ សហគមន៍ដក់ពរ ខេត្តតាកែវ
៤៤ សហគមន៍កន្លែងខ្លា ខេត្តតាកែវ
៤៥ សហគមន៍កុកតារៀ ខេត្តតាកែវ
៤៦ សហគមន៍ត្រាពាំងក្រសាំង ខេត្តតាកែវ
៤៧ សហគមន៍កសិករកណ្ដាល ខេត្តតាកែវ
៤៨ លើកស្ទួយសិទ្ទិមនុស្ស និងដីធ្លី ខេត្តកណ្ដាល
៤៩ សហគមន៍ចេកមាស ខេត្តស្វាយរៀង
៥០ សហគមន៍មានជ័យ ខេត្តស្វាយរៀង
៥១ សហគមន៍អភិរក្សព្រៃឈើកំពង់អំពិល ខេត្តស្វាយរៀង
៥២ សហគមន៍សាមគ្គីរមាសហែក ខេត្តស្វាយរៀង
៥៣ សហគមន៍ដីធ្លីអណ្ដូងត្របែក ខេត្តស្វាយរៀង
៥៤ សហគមន៍ចុងអំពិល ខេត្តព្រៃវែង
៥៥ សហគមន៍ស៊ាងឃ្វាង ខេត្តព្រៃវែង
៥៦ សហគមន៍ប្រស្រែ ខេត្តព្រៃវែង
៥៧ សហគមន៍ស្ពានឆេះ ខេត្តព្រះសីហនុ
៥៨ សហគមន៍អូរកម្ពុជា ខេត្តព្រះសីហនុ
៥៩ សហគមន៍បាតខ្ទះ ខេត្តព្រះសីហនុ
៦០ សហគមន៍ព្រែកត្រែង ខេត្តព្រះសីហនុ
៦១ សហគមន៍អណ្ដូងថ្ម ខេត្តព្រះសីហនុ
៦២ សហគមន៍សេអ៊ីប្រាំ ខេត្តព្រះសីហនុ
៦៣ សហគមន៍អូរត្រជាក់ចិត្ត ខេត្តព្រះសីហនុ
៦៤ សហគមន៍ក្បាលហុងទឹក ខេត្តព្រះសីហនុ
៦៥ សហគមន៍អូរដំរី ខេត្តព្រះសីហនុ
៦៦ សហគមន៍ថ្មធំ ខេត្តព្រះសីហនុ
៦៧ សហគមន៍អូរខ្សាច់ ខេត្តព្រះសីហនុ
៦៨ សហគមន៍កសិករអង្គស្វាយ ខេត្តកំពត
៦៩ សហគមន៍ស្រែប្រាំង ខេត្តត្បូងឃ្មុំ
៧០ សហគមន៍កំប្រើស ខេត្តត្បូងឃ្មុំ
៧១ សហគមន៍បុស្សស្នោ ខេត្តត្បូងឃ្មុំ
៧២ សហគមន៍ប្រឡោះ ខេត្តត្បូងឃ្មុំ
៧៣ សហគមន៍ខ្នងក្រពើ ខេត្តត្បូងឃ្មុំ
៧៤ សហគមន៍យើងខ្ញុំ ខេត្តត្បូងឃ្មុំ
៧៥ សហគមន៍កសិករមូលដ្ឋានប្រម៉ា ខេត្តក្រចេះ
៧៦ មជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP Center)
៧៧ អង្គការតម្លាភាពកម្ពុជា (TI-Cambodia)
៧៨ សហគមន៍ព្រែកតាគង់ ៦០ម៉ែត្រ ភ្នំពេញ
៧៩ សហគមន៍៩២ ភ្នំពេញ
៨០ សហគមន៍ឬស្សីស្រស់ ភ្នំពេញ
៨១ សហគមន៍ស្រ្តីឃ្លាំងសាំង ភ្នំពេញ
៨២ សហគមន៍ភូមិ២៣ ភ្នំពេញ
៨៣ សហគមន៍បឹងឈូក ភ្នំពេញ
៨៤ សហគមន៍ទួលសង្កែរអេ ភ្នំពេញ
៨៥ សហគមន៍ទួលសង្កែរប៊ី ភ្នំពេញ
៨៦ សហគមន៍ផ្លូវរថភ្លើង ភ្នំពេញ
៨៧ សហគមន៍ចំរើន ភ្នំពេញ
៨៨ អង្គការយុវកសិករដើម្បីអធិបតេយ្យភាពស្ពៀងនៅអាស៊ី(YFS- ASIA)
៨៩ សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៏
សេចក្តីថ្លែងការណ៍នេះគាំទ្រដោយ៖
១. The Cambodian Human Rights & Development Association (ADHOC)
២. Coalition of Cambodia Farmers Community (CCFC)
៣. Rural Technology Support Organization in Cambodia (RCTSO)
៤. Independent Democratic Association of Informal Economy (IDEA)
៥. Ponleu Ney Kdey Sangkhum (PNKS)
៦. Cambodia Human Rights Task Force (CHRTF)
៧. Committee for Free and Fair Elections in Cambodia (COMFREL)
៨. Cambodian Food and Service Workers Federation (CFSWF)
៩. Cambodia’s Independent Civil Servants Association (CICA)
១០. Ponlok Khmer Organization (PKH)
១១. Cambodian Center for Human Rights (CCHR)
១២. Cambodian Youth Network (CYN)
១៣. Sahmakum Teang Tnaut (STT)
១៤. Equitable Cambodia (EC)
១៥. Cambodian League for the Promotion and Defense of Human Rights (LICADHO)
១៦. Cambodian Institute for Democratic (CID)
១៧. Cambodian Human Rights Action Committee (CHRAC)
១៨. Cambodian Tourism Workers Union Federation (CTWUF)
១៩. Building and Wood Workers Trade Union Federation of Cambodia (BWTUC)
២០. Coalition of Cambodian Apparel Workers Democratic Union (CCAWDU)
២១. Cambodian Alliance of Trade Unions (CATU)
២២. Center for Alliances of Labor and Human Rights (CENTRAL)
២៣. Young Farmers for Social Action (YPS)
២៤. People's Coalition on Food Sovereignty in Asia (PCFS-ASIA)
២៥. Asian Peasant Coalition (APC)
២៦. Farmers Livelihood Development (FLD)
២៧. Youth Resource Development Program (YRDP)
២៨. Farmer Community Protecting Land Rights Group 175, Koh Kong Province
២៩. Farmer Community Protecting Land Rights, Group 197, Koh Kong Province
៣០. Farmer Community Protecting Land Rights Group 843, Koh Kong Province
៣១. Farmer Community Protecting Land Rights Group 129, Koh Kong Province
៣២. Tanon Land Farmer Community Protecting Land Rights, Koh Kong Province
៣៣. Poor Farmer Community Protecting Land Rights Group 766, Koh Kong Province
៣៤. Reaksmey Samaki Farmer Community Protecting Land Rights, Kampong Speu Province
៣៥. Chambok Trang Farmer Community Protecting Land Rights, Kampong Speu Province
៣៦. Trapeang Chor Farmer Community Protecting Land Rights, Kampong Speu Province
៣៧. Omlaing Farmer Community Protecting Land Rights, Kampong Speu Province
៣៨. Brae Sakak community, Preah Vihear province
៣៩. Sangke Pi Mean Rith Community, Preah Vihear Province
៤០. Phum Bos Community, Preah Vihear province
៤១. O'Romduol Land Community, Preah Vihear Province
៤២. Premre Community, Preah Vihear Province
៤៣. Dok Por Community, Takeo Province
៤៤. Konleang Khla Community, Takeo Province
៤៥. Kok Ta Rie Community, Takeo Province
៤៦. Trapeang Krasaing Community, Takeo province
៤៧. Kandal Farmer Community, Takeo Province
៤៨. Promote Human Rights and Land, Kandal Province
៤៩. Chek Meas Community, Svay Rieng Province
៥០. Meanchey Community, Svay Rieng Province
៥១. Kampong Ampil Forest Conservation Community, Svay Rieng Province
៥២. Samaki Romeas Hek Community, Svay Rieng Province
៥៣. Andong Trabek Land Community, Svay Rieng Province
៥៤. Chong Ampil Community, Prey Veng Province
៥៥. Sang Kwang Community, Prey Veng Province
៥៦. Prasre Community, Prey Veng Province
៥៧. Spean Cheh Community, Sihanoukville Province
៥៨. O Kampuchea Community, Sihanoukville Province
៥៩. Bat Khteah Community, Sihanoukville Province
៦០. Prek Treng Community, Sihanoukville Province
៦១. Andong Thmor Community, Sihanoukville Province
៦២. Se Ai Pram Community, Sihanoukville Province
៦៣. O Tracheak Chet Community, Sihanoukville Province
៦៤. Kbal Hong Teuk Community, Sihanoukville Province
៦៥. O Damrey Community, Sihanoukville Province
៦៦. Thmor Thom Community, Sihanoukville Province
៦៧. O Khsach Community, Sihanoukville Province
៦៨. Ang Svay Farmer Community, Kampot Province
៦៩. Srae Prang Community, Tbong Khmum Province
៧០. Kambrae Community, Tbong Khmum Province
៧១. Bos Snaor Community, Tbong Khmum Province
៧២. Bro Laoh Community, Tbong Khmum Province
៧៣. Khnong Krapeu Community, Tbong Khmum Province
៧៤. Yeay Khnom community, Tbong Khmum province
៧៥. Proma Local Farmer Community, Kratie Province
៧៦. People Center for Development and Peace (PDP Center)
៧៧. Transparency International Cambodia (TI-Cambodia)
៧៨. Prek Ta Kong Community Road 60m, Phnom Penh
៧៩. 92 Community, Phnom Penh
៨០. Oysai Sros Community, Phnom Penh
៨១. Women Khleang Sang Community Phnom Penh
៨២. Phum 23 Community, Phnom Penh
៨៣. Boeung Chhouk Community, Phnom Penh
៨៤. Toul Sangke A Community Phnom Penh
៨៥. Toul Sangke B Community Phnom Penh
៨៦. Phnom Penh Railway Community, Phnom Penh
៨៧. Chamroeun Community, Phnom Penh
៨៨. Young Farmers for Sovereignty in Asia (YFS-ASIA)
៨៩. Labour Rights Supported Union of Khmer Employees of NagaWorld
PDF៖ ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ