សវនាការ លោក ឈូក បណ្ឌិត អតីតអភិបាលក្រុងបាវិត ត្រូវពន្យាលើកពេល
ចេញផ្សាយ ថ្ងៃទី២១ ខែឧសភា ឆ្នាំ២០១៣នៅព្រឹកថ្ងៃនេះ លោក ឈូក បណ្ឌិត ជាអតីតអភិបាលក្រុងបាវិត ដែលត្រូវ បានចោទ ប្រកាន់ពីបទបាញ់ប្រហារនៅលើកម្មការីរោងចក្រកាត់ដេរបីនាក់ ក្នុងកំឡុងពេលមានការ តវ៉ាកាលពី ឆ្នាំមុននោះ មិនបានបង្ហាញខ្លួននៅក្នុងសវនាការក្នុងខេត្តស្វាយរៀងឡើយ។ យោងទៅតាមការស្នើសុំ របស់មេធាវី លោក បណ្ឌិត តុលាការខេត្តស្វាយរៀងបានយល់ ព្រមពន្យាលើកពេល សវនាការទៅថ្ងៃទី១២ ខែមិថុនា ដើម្បី “គោរពដល់សិទ្ធិរបស់ជនជាប់ ចោទ” និងធានានូវវត្តមាន លោក បណ្ឌិត នៅពេលសវនាការ។ មានអ្នកតំណាង មកពីបណ្តាសហជីព អង្គការផ្សេងៗ និងអង្គការសហប្រជាជាតិប្រមាណជា ៦០នាក់ ដែលមានវត្តមានក្នុងថ្ងៃ សវនាការនេះ។
លោក បណ្ឌិត បានឆ្លើយសារភាពថា លោកបានបាញ់ដោយប្រើកាំភ្លើងរបស់គាត់ ហើយសាក្សីម្នាក់ដែលជា នគរបាលប៉ុស្តិ៍ បានឃើញ លោក បណ្ឌិត តម្រង់ កាំភ្លើងខ្លីរបស់គាត់ ទៅកាន់ហ្វូងកម្មករទាំងនោះ ។ ទោះបីជា យ៉ាងនេះក្តី ក៏លោក បណ្ឌិតនៅតែជាមនុស្សដែលមានសេរីភាព។
ថ្ងៃសវនាការថ្មីនឹងប្រព្រឹត្តទៅនៅថ្ងៃទី១២ ខែមិថុនា វេលាម៉ោង ៨ព្រឹក នៅខេត្តស្វាយរៀង។
- ឯកសារទាក់ទង
- ចំណងជើង & មូលបទ
- ឈូក បណ្ឌិត តុលាការ និងនីតិរដ្ឋ