សាលាឧទ្ធរណ៍សម្រេចតម្កល់សាលក្រមសំណុំរឿងកុបកម្មរបស់សាលាដំបូងរាជធានីភ្នំពេញ
ចេញផ្សាយ ថ្ងៃទី១០ ខែឧសភា ឆ្នាំ២០១៨
នៅព្រឹកថ្ងៃនេះ សាលាឧទ្ធរណ៍ បានតម្កល់សាលក្រមផ្តន្ទាទោសមន្ត្រី និងអ្នកគាំទ្រគណបក្សសង្គ្រោះជាតិចំនួន ១១រូប ពីបទល្មើសកុបកម្ម ពាក់ព័ន្ធនឹងការតវ៉ាមួយ ដែលមានការប៉ះទង្គិចដោយហិង្សារវាងកងសន្តិសុខខណ្ឌ និងអ្នកតវ៉ា កាលពីថ្ងៃទី១៥ ខែកក្កដា ឆ្នាំ២០១៤។ សាលដីកានេះ ដែលត្រូវបានប្រកាសតែក្នុងរយៈពេល ៣នាទី ប៉ុណ្ណោះនោះ បានសម្រេចរក្សាទោសជាប់ពន្ធនាគារពី ៧ឆ្នាំ ដល់ ២០ឆ្នាំនៅដដែល។
សាលដីកានេះ ត្រូវបានធ្វើឡើង បន្ទាប់ពីបានអនុវត្តនីតិវិធីបណ្តឹងឧទ្ធរណ៍យ៉ាងយូរ ដែលត្រូវបានចាប់ផ្តើមតាំងពីឆ្នាំ ២០១៦ ហើយត្រូវបានបញ្ចប់នៅក្នុងសវនាការរយៈពេល ៣ថ្ងៃ គឺពីថ្ងៃទី២៣ ដល់ ២៥ ខែមេសា នាឆ្នាំនេះ។ អំឡុងពេលសវនាការឧទ្ធរណ៍ ការផ្តល់សក្ខីកម្មដោយផ្ទាល់ គឺត្រូវបានគេកម្រិតយ៉ាងខ្លាំង។ ភាគីដើមបណ្តឹង មិនបានចំណាំថា ជនជាប់ចោទទាំងនោះជាអ្នកប្រព្រឹត្តអំពើហិង្សាលើរូបគាត់ឬទេ ហើយបានសារភាពថាមានបុគ្គលផ្សេងទៀត បានសរសេរពាក្យបណ្តឹងជំនួសអ្នកទាំងនោះ។
សេចក្តីថ្លែងហេតុបន្ថែម និងស្ទើរតែដូចគ្នាទាំងស្រុងរបស់សមាជិកសន្តិសុខខណ្ឌដូនពេញ ដែលអវត្តមានផ្សេងទៀតចំនួន ៤០ នាក់ ត្រូវបានថតទុក និងអានជំនួស ដែលនេះជាការរារាំងមិនឲ្យមាននីតិវិធីសួរដេញដោលពីសំណាក់មេធាវីជនជាប់ចោទ។
ភស្តុតាងជាវីដេអូ ដែលត្រូវបានដាក់ជូនតុលាការ បានបង្ហាញថាជនជាប់ចោទមួយចំនួន មានភាពសកម្ម នៅក្នុងការព្យាយាមរារាំងមិនឲ្យមានអំពើហិង្សាកើតឡើង ហើយបានជួយការពារសមាជិកសន្តិសុខខណ្ឌដែលរងរបួសទៀតផង។
ភ្លាមៗ បន្ទាប់ពីការប្រកាសសាលដីកា ជនជាប់ចោទទាំង ១១នាក់ ត្រូវបានបញ្ជូនទៅកាន់ពន្ធនាគារ ម១ ដើម្បីបន្តអនុវត្តទោស ដែលនៅសេសសល់របស់អ្នកទាំងនោះ។ អ្នកទាំងនោះ បានជាប់ពន្ធនាគារ អស់រយៈពេល ១.០០០ ថ្ងៃមកហើយ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ អំពើនៅទីលានប្រជាធិបតេយ្យ ២០១៤
