បុគ្គលិកណាហ្គាវើលដ៍ធ្វេីកូដកម្ម ទោះតុលាកាចេញដីកាសម្រេចរក្សាកាពាររថាកូដកម្មនេះខុសច្បាប់
ចេញផ្សាយ ថ្ងៃទី១៨ ខែធ្នូ ឆ្នាំ២០២១
បុគ្គលិក និងអតីតបុគ្គលិកណាហ្គាវើលដ៍ជាង៧០០នាក់បានធ្វើកូដកម្មនាថ្ងៃនេះនៅមុខកាស៊ីណូណាហ្គាវើល ទោះជាសាលាដំបូងរាជធានីភ្នំពេញបានចេញដីកាសម្រេចរក្សាការពារថាការធ្វើកូដកម្មនេះខុសច្បាប់។ កូដកម្មបានផ្អាកនៅត្រឹមម៉ោង៥រសៀលនេះ បន្ទាប់ពីមានការគំរាមកំហែងជាច្រើនពីសំណាក់អាជ្ញាធរ ដែលពួកគេអាចប្រឈមនឹងចាប់ខ្លួន។ ប៉ុន្តែពួកគេបានគ្រោងបន្តធ្វើកូដកម្មនៅថ្ងៃស្អែក ខណៈដែលការទាមទាររបស់ពួកគេនៅមិនទាន់បានទទួលដំណោះស្រាយ។
បុគ្គលិកជាសមាជិកនៃសហភាពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍(LRSU) ត្រូវបានឡោមព័ទ្ធដោយនគរបាល កងសន្តិសុខ និងបុគ្គលិកសន្តិសុខឯកជនរបស់ក្រុមហ៊ុនរាប់រយនាក់ ខណៈដែលពួកគេបានប្រមូលផ្តុំគ្នានាថ្ងៃនេះ ដើម្បីរក្សាការទាមទារទាំងប្រាំបួនចំនុច រួមទាំងទាមទារឱ្យក្រុមហ៊ុន ទទទួលយកបុគ្គលិក ៣៦៥នាក់ ចូលធ្វើការវិញ ដែលពួកគេស្ថិតក្នុងចំណោមបុគ្គលិកជាង១.៣០០នាក់ ដែលត្រូវបានបញ្ឈប់ដោយក្រុមហ៊ុនកាលពីខែមេសាឆ្នាំ២០២១។
ការបញ្ឈប់ការងារបុគ្គលិកដោយអយុត្តិធម៌នេះ ត្រូវបានគេផ្តោតលើភាពជាសមាជិកសហជីព និងមេដឹកនាំសហជីព។ មេដឹកនាំសហជីពបានដាក់ពាក្យបណ្តឹងទៅកាន់ក្រសួងការងារ និងក្រុមប្រឹក្សាអាជ្ញាកណ្តាល ដោយបានលើកហេតុផលថាក្រុមហ៊ុនបានបំពានច្បាប់ និងអនុសញ្ញា ILO មួយចំនួនទៀតផងដែរ។ ជារឿយៗ ការបញ្ឈប់ការងារក៏ត្រូវបានអមដោយការផ្តល់សំណងមិនសមរម្យផងដែរ បើយោងតាមការលើកឡើងរបស់មេដឹកនាំសហជីព " LRSU" នៅក្នុងសេចក្តីប្រកាសព័ត៌មានមួយថា ការគាំទ្រសម្រាប់សកម្មភាពកូដកម្មនេះ មាន៩៧% នៃសមាជិក ១,៦៥៣ នាក់ដែលបានចូលរួមបោះឆ្នោត។
បុគ្គលិកដែលបានធ្វើកូដកម្ម មានប្រតិកម្មនឹងការអានដីការបស់មន្ត្រីតុលាការក្រុងភ្នំពេញ ពីដីកាសម្រេចរក្សាការពារថាការធ្វើកូដកម្មនេះខុសច្បាប់ ។ ដីកាដែលចុះហត្ថលេខាដោយចៅក្រម រស់ ពិសិដ្ឋ ក៏បានកត់សម្គាល់ផងដែរថា ក្រុមហ៊ុនមានការព្រួយបារម្ភថា បុគ្គលិកដែលធ្វេីកូដកម្ម នឹងអាចបង្កនូវ “ភាពអសន្តិសុខដល់សង្គម និងក្រុមហ៊ុន” ។ ក្រុមហ៊ុនរកឃើញថាមានបុគ្គលិកមួយចំនួនដែលកំពុងធ្វើការ បានចូលរួមធ្វេីកូដកម្មនោះផងដែរ បេីមិនចូលធ្វើការវិញក្នុងចន្លោះរយៈពេល៤៨ម៉ោងទេ គឺចាត់ទុកបាន "ប្រព្រឹត្តកំហុសធ្ងន់ធ្ងរ" ៕
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិការងារ
