“យើងត្រូវតែរឹងមាំ និងក្លាហាន”៖ កូដករជាស្ត្រីលើកឡើងប្រឆាំងនឹងការរំលោភបំពាន
ចេញផ្សាយ ថ្ងៃទី៨ ខែមីនា ឆ្នាំ២០២២សកម្មជនសហជីពជាស្ត្រី បានប្រឈមនឹងការធ្វើទុក្ខបុកម្នេញ ក្នុងការព្យាយាមគំរាមកំហែងពួកគេឱ្យបញ្ឈប់ការធ្វើកូដកម្ម ។ អង្គការលីកាដូ កំពុងចេញផ្សាយវីដេអូមួយ ដែលបង្ហាញពីស្ដ្រីក្លាហានមួយចំនួនទាំងនេះ ដើម្បីប្រារព្ធទិវាសិទ្ធិនារីអន្តរជាតិ ។
ថ្នាក់ដឹកនាំ និងសមាជិកសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (LRSU) បានចាប់ផ្តើមធ្វើកូដកម្មអហិង្សា កាលពីខែធ្នូ ឆ្នាំ២០២១ បន្ទាប់ពីមានការបញ្ឈប់បុគ្គលិកទ្រង់ទ្រាយធំ នៅក្នុងកាស៊ីណូណាហ្គាវើលដ៍ ។ បុគ្គលិកជាស្ត្រី បាននិងកំពុងឈរនៅជួរមុខគេ ទោះបីជាត្រូវបានដាក់គោលដៅពីសំណាក់អាជ្ញាធរដូចជា ការបំភិតបំភ័យ ការប្រើប្រាស់អំពើហិង្សា ការចាប់ដាក់ពន្ធនាគារ ការបៀតបៀនផ្លូវភេទ ការបៀតបៀនតាមអនឡាញ ការអនុវត្តវិធានការកូវីដ-១៩ដោយរំលោភបំពាន និងរូបភាពផ្សេងទៀតក៏ដោយ ។
សិទ្ធិស្ត្រី និងស្រ្តីជាអ្នកការពារសិទ្ធិមនុស្ស គួរត្រូវបានគោរព ។