យន្តការដាក់ពាក្យបណ្ដឹងសម្រាប់អ្នករងការរំលោភបំពានក្នុងវិស័យមីក្រូហិរញ្ញវត្ថុ
ចេញផ្សាយ ថ្ងៃទី៣០ ខែសីហា ឆ្នាំ២០២៣
នាថ្ងៃនេះ អង្គការលីកាដូ សូមណែនាំយន្តការមួយសម្រាប់ប្រជាពលរដ្ឋខ្មែរ ដែលចង់ដាក់ពាក្យបណ្ដឹងអំពីការរំលោភបំពាន និងកេងប្រវ័ញ្ច ពីសំណាក់គ្រឹះស្ថានមីក្រូហិរញ្ញវត្ថុ ឬធនាគារ ។
ពាក្យបណ្ដឹងនេះ អាចដាក់ដោយបុគ្គលណាម្នាក់ ដែលរងផលប៉ះពាល់ និងជួបការរំលោភបំពាន នៅក្នុងវិស័យមីក្រូហិរញ្ញវត្ថុ ។ ការរំលោភបំពានទាំងនោះ មានដូចជា ការលក់ដីដោយបង្ខំ ពលកម្មកុមារ ចំណាកស្រុកខុសច្បាប់ ភាពអត់ឃ្លាន ការគំរាមកំហែង និងការបង្ខិតបង្ខំ ព្រមទាំងផលប៉ះពាល់ផ្សេងទៀត ។
ការចូលរួមរបស់អ្នក អាចជួយធ្វើឱ្យប្រសើរឡើងនៃវិស័យមីក្រូហិរញ្ញវត្ថុនៅកម្ពុជា ជាពិសេសប្រជាពលរដ្ឋអ្នកខ្ចីប្រាក់ដែលរងគ្រោះដោយសារការរំលោភបំពានទាំងនេះអស់រយៈពេលជាច្រើនឆ្នាំ ដោយគ្មានដំណោះស្រាយ ។ គ្រឹះស្ថានមីក្រូហិរញ្ញវត្ថុ ឬធនាគារជាច្រើន គួរតែគោរពតាមស្ដង់ដារអនុវត្តរបស់សាជីវកម្មហិរញ្ញវត្ថុអន្តរជាតិ ដើម្បីធានាពីការគោរពសិទ្ធិជាមូលដ្ឋានរបស់អ្នកខ្ចីប្រាក់ ៕
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ គ្រឹះស្ថានមីក្រូហិរញ្ញវត្ថុ និងបញ្ហាបំណុល
