កូវីដ-១៩
របាយការណ៍សង្ខេប | សេចក្ដីសង្ខេបផ្នែកច្បាប់អំពី ច្បាប់កូវីដ-១៩ ត្រូវបានប្រើដើម្បីធ្វើទុក្ខបុកម្នេញអ្នកការពារសិទ្ធិមនុស្ស និងសកម្មជនដទៃទៀត
ថ្ងៃទី២៩ ខែកញ្ញា ឆ្នាំ២០២២
ច្បាប់ប្រឆាំងជំងឺកូវីដ-១៩ ដែលមានលក្ខណៈរឹតត្បិត បានបណ្តាលឱ្យមានការរំលោភសិទ្ធិមនុស្សយ៉ាងធ្ងន់ធ្ងរលើអ្នកការពារសិទ្ធិមនុស្ស អ្នកតវ៉ាសិទ្ធិដីធ្លី សហជីព និងប្រជាពលរដ្ឋផ្សេងទៀត នៅរយៈពេលមួយឆ្នាំចុងក្រោយនេះ ដោយសារការអនុវត្តបែបរើសអើងរបស់អាជ្ញាធរលើវិសាលភាព និងអំណាចដ៏ទូលំទូលាយនៃច្បាប់នេះ និងការដាក់ទណ្ឌកម្មធ្ងន់ធ្ងរហួសហេតុមួយចំនួន ។ អាជ្ញាធរអាចចោទប្រកាន់បុគ្គលដោយយោងតាមច្បាប់នេះ យ៉ាងមានប្រសិទ្ធភាព និងគ្រប់ពេលវេលា ទោះបីជាករណីកូវីដ-១៩ ថយចុះក៏ដោយ ។ ការប្រើប្រាស់ច្បាប់ដោយមិនត្រឹមត្រូវដែលអាចកើតមាន ក្នុងគោលបំណងគាបសង្កត់ការរិះគន់ និងសេរីភាពជាមូលដ្ឋាន គឺជាការគំរាមកំហែង ដែលកំពុងតែកើតឡើងជាបន្តបន្ទាប់ ហើយនេះបង្ហាញជាឧទាហរណ៍នៃភាពគ្រោះថ្នាក់ដែលបណ្តាលមកពី ការបង្កើតច្បាប់ថ្មីប្រញាប់ប្រញាល់ពេក ដែលផ្ដល់សិទ្ធិអំណាចមិនសមស្របទៅរដ្ឋាភិបាល ។
សេចក្តីថ្លែងការណ៍ | សេចក្ដីសង្ខេបផ្លូវច្បាប់អំពី ច្បាប់កូវីដ-១៩ ត្រូវបានប្រើដើម្បីធ្វើទុក្ខបុកម្នេញអ្នកការពារសិទ្ធិមនុស្ស និងសកម្មជនដទៃទៀត
ថ្ងៃទី២៩ ខែកញ្ញា ឆ្នាំ២០២២
ច្បាប់ប្រឆាំងជំងឺកូវីដ-១៩ ដែលមានលក្ខណៈរឹតត្បិត បានបណ្តាលឱ្យមានការរំលោភសិទ្ធិមនុស្សយ៉ាងធ្ងន់ធ្ងរលើអ្នកការពារសិទ្ធិមនុស្ស អ្នកតវ៉ាសិទ្ធិដីធ្លី សហជីព និងប្រជាពលរដ្ឋផ្សេងទៀត នៅរយៈពេលមួយឆ្នាំចុងក្រោយនេះ ដោយសារការអនុវត្តបែបរើសអើងរបស់អាជ្ញាធរលើវិសាលភាព និងអំណាចដ៏ទូលំទូលាយនៃច្បាប់នេះ និងការដាក់ទណ្ឌកម្មធ្ងន់ធ្ងរហួសហេតុមួយចំនួន ។ អាជ្ញាធរអាចចោទប្រកាន់បុគ្គលដោយយោងតាមច្បាប់នេះ យ៉ាងមានប្រសិទ្ធភាព និងគ្រប់ពេលវេលា ទោះបីជាករណីកូវីដ-១៩ ថយចុះក៏ដោយ ។ ការប្រើប្រាស់ច្បាប់ដោយមិនត្រឹមត្រូវដែលអាចកើតមាន ក្នុងគោលបំណងគាបសង្កត់ការរិះគន់ និងសេរីភាពជាមូលដ្ឋាន គឺជាការគំរាមកំហែង ដែលកំពុងតែកើតឡើងជាបន្តបន្ទាប់ ហើយនេះបង្ហាញជាឧទាហរណ៍នៃភាពគ្រោះថ្នាក់ដែលបណ្តាលមកពី ការបង្កើតច្បាប់ថ្មីប្រញាប់ប្រញាល់ពេក ដែលផ្ដល់សិទ្ធិអំណាចមិនសមស្របទៅរដ្ឋាភិបាល ។
ថ្ងៃទី២៤ ខែកុម្ភៈ ឆ្នាំ២០២២
យើងខ្ញុំ ជាអង្គការសង្គមស៊ីវិល សហគមន៍មូលដ្ឋាន និងសហជីព មានរាយនាមដូចខាងក្រោម សូមសម្ដែងការសោកស្ដាយយ៉ាងខ្លាំង ចំពោះហេតុការណ៍ថ្មីៗនេះ ទាក់ទងនឹងអំពើហិង្សាដែលបង្កឡើងដោយអាជ្ញាធររដ្ឋ ដែលរួមមានការបៀតបៀនផ្លូវភេទទៅលើស្ត្រីមួយចំនួន ដែលចូលរួមក្នុងការជួបជុំ និងធ្វើកូដកម្មដោយសន្តិវិធី ។ ជាពិសេស សមាជិកសហជីពទ្រទ្រង់សិទិ្ធការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៏ (LRSU) ដែលភាគច្រើនជាស្ត្រី បានទទួលរងនូវអំពើហិង្សា ការចាប់ដាក់ពន្ធនាគារ និងការអនុវត្តវិធានការកូវីដ១៩ ដោយមិនត្រឹមត្រូវ ក្នុងការឆ្លើយតបទៅនឹងការធ្វើកូដកម្មដោយសន្តិវិធីរបស់អ្នកទាំងនោះ ចាប់តាំងពីខែធ្នូ ឆ្នាំ២០២១ មក ។
កាលពីថ្ងៃទី២២ ខែកុម្ភៈ ឆ្នាំ២០២២ អាជ្ញាធរបានចាប់រុញ ទាញ និងសែង កូដករអហិង្សាទាំងនោះ ដោយបង្ខំឱ្យចូលទៅក្នុងរថយន្តក្រុងមុនពេលបញ្ជូនពួកគេ ទៅមណ្ឌលធ្វើចត្តាឡីស័កជំងឺកូវីដ១៩ មួយកន្លែង នៅខណ្ឌព្រែកព្នៅ រាជធានីភ្នំពេញ ។ សមត្ថកិច្ចជាបុរសម្នាក់ បានចាប់និងច្របាច់ដោះរបស់ស្ត្រីម្នាក់ ខណៈពេលដែល នាងត្រូវបានបង្ខំឱ្យចូលទៅក្នុងរថយន្តក្រុង ។ ស្រដៀងគ្នានេះដែរ នៅថ្ងៃ២៩ ខែធ្នូ ឆ្នាំ២០២១ អាជ្ញាធររដ្ឋបានប្រើភាសាអាសគ្រាមបំពារបំពានផ្លូវភេទមិនសមរម្យទៅលើកូដករ។ យើងបានកត់សម្គាល់ថា ទង្វើនៃការបៀតបៀនផ្លូវភេទស្រដៀងគ្នានេះ ក៏ធ្លាប់កើតមានចំពោះស្រ្តីវ័យក្មេងដែលជាសកម្មជនបរិស្ថានកន្លងមកដែរ ។
ថ្ងៃទី២១ ខែកុម្ភៈ ឆ្នាំ២០២២
អាជ្ញាធរបានចាប់បង្ខំឱ្យកូដករចំនួន ៦៤នាក់ មកពីសហជីពទ្រទ្រង់សិទិ្ធការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍(LRSU) ធ្វើចត្តាឡីស័កនារសៀលនេះ នៅពេលអ្នកទាំងនោះចាប់ផ្តើមបន្តធ្វើកូដកម្មអហិង្សានៅក្បែអគារណាហ្គាវើល៍ ដោយបានចាប់បង្ខំស្រ្តី ៥៦នាក់ និងបុរស ៨នាក់ អោយចូលក្នុងរថយន្តក្រុង និងបាននាំពួកគេទៅកាន់មណ្ឌលធ្វើចត្តាឡីស័កជំងឺកូវីដ១៩ ដែលទើបសាងសង់ថ្មី និងមានឈ្មោះថាសមាគមនារីកម្ពុជាដើម្បីសន្តិភាព និងអភិវឌ្ឍន៍ នៅខណ្ឌព្រែកព្នៅ ភាគខាងជើងក្នុងរាជធានីភ្នំពេញ។
ការប្រើប្រាស់វិធានការរដ្ឋបាលអំឡុងពេលជំងឺកូវីដ១៩ ដើម្បីបង្រ្កាបទៅលើក្រុមកូដករសមាជិកសហជីពណាហ្គាវើលដ៍ ត្រូវបានធ្វើឡើងអស់រយៈពេលជាច្រើនសប្តាហ៍មកហើយ ប៉ុន្តែវិធានការសុខាភិបាលសាធារណៈដូចគ្នានេះ មិនឃើញត្រូវបានអនុវត្តចំពោះក្រុមប្រជាពលរដ្ឋផ្សេងទៀតក្នុងអំឡុងពេលដូចគ្នានេះនោះទេ ។ កូដកររាប់រយនាក់បានបញ្ជាក់ពីការធ្វើតេស្តជំងឺកូវីដ១៩ ជាច្រើនដង និងបានបញ្ចប់វិធានការធ្វើចត្តាឡីស័កនៅផ្ទះដែលតម្រូវដោយអាជ្ញាធររដ្ឋ មុនពេលមានការចាប់ខ្លួននៅថ្ងៃនេះ ។ កាលពីថ្ងៃទី៩ ខែកុម្ភៈ កូដករចំនួន ៣នាក់ត្រូវបានចោទប្រកាន់ក្រោមច្បាប់កូវីដ១៩ ពីបទរារាំងវិធានការអនុវត្តជំងឺកូវីដ១៩ ដែលធ្វើអោយសមាជិកសហជីព និងថ្នាក់ដឹកនាំសរុបចំនួន ១១នាក់ ត្រូវបានចោទប្រកាន់និងដាក់ពន្ធនាគារចាប់តាំងពីកូដកម្មបានចាប់ផ្តើមក្នុងខែធ្នូ ឆ្នាំ២០២១ ។ កូដករ ៨នាក់ក្នុងចំណោមអ្នកទាំង ១១ ត្រូវបានចោទប្រកាន់ពីបទញ៉ុះញ៉ង់ ។
កាលពីថ្ងៃទី១៦ ខែកុម្ភៈ អ្នករាយការណ៍ពិសេសរបស់អង្គការសហប្រជាជាតិចំនួន ៥នាក់ បានលើកឡើងជាសាធារណៈ អំពីការប្រើប្រាស់វិធានការអនុវត្តជំងឺកូវីដ១៩ មកលើអ្នកធ្វើកូដកម្ម ដោយកត់សម្គាល់ពី “ភាពមិនស៊ីសង្វាក់គ្នាទូទៅ និងកង្វះតម្លាភាព” នៅក្នុងវិធានការអនុវត្តជំងឺកូវីដ១៩ របស់ប្រទេសកម្ពុជា ដោយហៅការចាប់ខ្លួនទាំងបីនេះថា “មិនសមហេតុផល មិនចាំបាច់ និងមិនសមាមាត្រ” ។
ថ្ងៃទី៩ ខែកុម្ភៈ ឆ្នាំ២០២២
សកម្មជនសហជីពមកពីសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (សហជីពណាហ្គាវើលដ៍) ត្រូវបានចោទប្រកាន់ នាថ្ងៃពុធនេះ ពីបទរារាំងការអនុវត្តវិធានការសុខាភិបាលរបស់អាជ្ញាធរ និងត្រូវបានបញ្ជូនទៅឃុំខ្លួនក្នុងពន្ធនាគារបណ្ដោះអាសន្នរង់ចាំសវនាការ នៅពន្ធនាគាររាជធានីភ្នំពេញ (PJ) ។ ព្រះរាជអាជ្ញារង សេង ហៀង ក៏បានចេញ “ដីកាបញ្ជាឱ្យចូលខ្លួន” សម្រាប់សមាជិកសហជីពណាហ្គាវើលដ៍ចំនួន៤នាក់ផ្សេងទៀតដែរ ដែលអនុញ្ញាតឱ្យអាជ្ញាធរ នាំខ្លួនពួកគេដោយបង្ខំ ដើម្បីធ្វើការសាកសួរ ។
លោក ជួប ចាន់ណាត លោក សៅ សម្បត្តិ និងលោក សេង វណ្ណារិទ្ធ ត្រូវបានចោទប្រកាន់តាមបញ្ញត្តិមាត្រា១១ នៃច្បាប់ស្ដីពីវិធានការទប់ស្កាត់ការឆ្លងរីករាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ពី “បទរារាំងដល់ការអនុវត្តវិធានការ” ។ បទចោទនេះចែងពីការផ្ដន្ទាទោសដាក់ពន្ធនាគារពី ៦ខែ ដល់ ៣ឆ្នាំ និងពិន័យជាប្រាក់រហូតដល់ ១០លានរៀល ប៉ុន្តែការផ្ដន្ទាទោសដាក់ពន្ធនាគារ អាចកើនឡើងទៅចន្លោះពី ២ឆ្នាំ ដល់ ៥ឆ្នាំ និងពិន័យជាប្រាក់រហូតដល់ ២០លានរៀល កាលបើអំពើនេះ បណ្ដាលឱ្យមានការចម្លងជំងឺកូវីដ-១៩ ដល់អ្នកដទៃ ឬប៉ះពាល់ធ្ងន់ធ្ងរ ដល់សុខភាពសាធារណៈ ។
បុរសទាំង៣នាក់ ត្រូវបានចាប់ខ្លួនកាលពីថ្ងៃសៅរ៍ សប្ដាហ៍មុន នៅវេលាម៉ោងប្រមាណ ៧និង៣០នាទីល្ងាច ខណៈពេលដែលពួកគេកំពុងធ្វើដំណើរតាមម៉ូតូកង់បីចាកចេញពីទីតាំងធ្វើតេស្តកូវីដ-១៩ នៅតំបន់កោះពេជ្រ ។ នៅមុនពេលចាប់ខ្លួននោះ អាជ្ញាធរបានបញ្ជាឱ្យក្រុមកូដករនៃសហជីពណាហ្គាវើលដ៍ ឡើងរថយន្តក្រុង ដើម្បីទៅធ្វើតេស្តនៅមណ្ឌលធ្វើតេស្តកូវីដ-១៩ ។ ក្រុមកូដករ បានអនុវត្តតាមបញ្ជានោះ ក្នុងនោះរួមមានបុរសទាំង៣នាក់ ផងដែរ ដែលបានធ្វើតេស្តអវិជ្ជមានទាំង៣នាក់ ។ មនុស្សសរុបចំនួន៦នាក់ ត្រូវបានចាប់ខ្លួននៅល្ងាចថ្ងៃនោះ ប៉ុន្តែក្រោយមក មាន៣នាក់ត្រូវបានដោះលែងវិញ ។
ថ្ងៃទី២៨ ខែសីហា ឆ្នាំ២០២១
នាថ្ងៃនេះ តំណាងសហគមន៍ដីធ្លីចំនួនពីរនាក់ នៅខេត្តស្វាយរៀង ត្រូវបានបញ្ជូនទៅឃុំខ្លួនបណ្តោះអាសន្នរង់ចាំសវនាការ ក្រោមការចោទប្រកាន់ពី “បទមិនគោរពវិធានការរដ្ឋបាល” និង “បទរារាំងការអនុវត្តវិធានការ” តាមបញ្ញត្តិមាត្រា ១០ និងមាត្រា១១ នៃច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ ១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ដែលទើបតែអនុម័តនាដើមឆ្នាំនេះ ដោយបទល្មើសទាំងពីរអាចធ្វើឲ្យអ្នកទាំងពីរជាប់ពន្ធនាគាររហូតដល់ ៥ ឆ្នាំ និងពិន័យជាប្រាក់រហូតដល់ ២០លានរៀលក្នុងម្នាក់ៗ ។
អ្នកស្រី យស់ សោភ័ណ្ឌ និងអ្នកស្រី ឥន សូត្រ តំណាងសហគមន៍សាមគ្គីចេកមាសនៅក្នុងស្រុកស្វាយជ្រំ ត្រូវបាននគរបាលខេត្តកោះហៅសាកសួរកាលពីព្រឹកថ្ងៃសុក្រ ហើយត្រូវបានចាប់ខ្លួនបន្ទាប់ពីមកដល់ប៉ុស្តិ៍នគរបាល ។ ការកោះហៅអ្នកទាំងពីរ ពាក់ព័ន្ធនឹងការតវ៉ាដោយអហិង្សារបស់សហគមន៍នៅលើវាលស្រែ ដែលមានការចូលរួមពីអ្នកភូមិប្រមាណ ១០០នាក់ កាលពីថ្ងៃទី០២ ខែសីហា ឆ្នាំ២០២១ ។ អំឡុងពេលតវ៉ា អាជ្ញាធរបានចោទប្រកាន់អ្នកទាំងពីរ ថាមិនគោរពតាមវិធានការសុខាភិបាលឲ្យបានត្រឹមត្រូវ និងបានពិន័យអ្នកទាំងពីរជាប្រាក់ចំនួន ២ លានរៀល ក្នុងម្នាក់ៗ ។ អភិបាលស្រុកស្វាយជ្រំ បានប្រាប់កាសែតក្នុងស្រុកថា ប្រសិនបើអ្នកទាំងពីរមិនព្រមបង់ប្រាក់ពិន័យក្នុងរយៈពេលមួយខែទេ អ្នកទាំងពីរនឹងប្រឈមមុខនឹងវិធានការច្បាប់បន្ថែមទៀត ។
អ្នកជំនាញអង្គការសហប្រជាជាតិជាច្រើន កាលពីខែមេសា បានលើកឡើងពីការព្រួយបារម្ភមួយចំនួន ទាក់ទងនឹងការប្រើប្រាស់ “ទោសជាប់ពន្ធនាគារ និងពិន័យធ្ងន់ធ្ងរហួសហេតុ” នៅក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ ១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ដែលរាជរដ្ឋាភិបាលទើបតែបានអនុម័ត ដោយមិនមានការពិគ្រោះយោបល់ឲ្យបានត្រឹមត្រូវ កាលពីខែមីនា ឆ្នាំ២០២១ ។
ថ្ងៃទី២៨ ខែមិថុនា ឆ្នាំ២០២១
សិទ្ធិទទួលបានការអនុគ្រោះ គឺជាការស្នើសុំឱ្យចាត់វិធានការជាបន្ទាន់ពីសំណាក់អ្នកផ្ដល់កម្ចីឥណទានខ្នាតតូច ទាំងគ្រឹះស្ថានមីក្រូហិរញ្ញវត្ថុ និងធនាគារ ក៏ដូចជាអ្នកវិនិយោគទុនអន្តរជាតិ ដែលរួមមានធនាគារអភិវឌ្ឍន៍របស់រដ្ឋ នៅសហភាពអឺរ៉ុប និងសហរដ្ឋអាមេរិក ដើម្បីស៊ើបអង្កេតទៅលើទំហំនៃការរំលោភសិទ្ធិមនុស្ស និងផ្ដល់ការអនុគ្រោះចំពោះអ្នកខ្ចីប្រាក់ដែលបានរងគ្រោះដោយការផ្ដល់កម្ចី និងការប្រមូលឥណទានបែបកេងចំណេញ ។ ការសិក្សាស្រាវជ្រាវនេះ ធ្វើឡើងនៅក្នុងខេត្តចំនួន ៨ ដោយកម្រងព័ត៌មានសហគមន៍នីមួយៗ មានបង្ហាញព័ត៌មានអំពីការបង្កើតសហគមន៍ ដើម្បីឆ្លើយតបទៅនឹងវិវាទដីធ្លី និងការគំរាមកំហែងចំពោះសុវត្ថិភាពកម្មសិទ្ធិដីធ្លី និងបញ្ហាសិទ្ធិមនុស្សផ្សេងទៀត ដែលបង្កឡើងដោយភាពជំពាក់បំណុលច្រើនលើសលុប ។
គេហទំព័របង្ហាញពីផ្នែកសំខាន់ៗនៃកម្រងព័ត៌មានសហគមន៍ចំនួន១៤ ខណៈដែលរបាយការណ៍ជាទម្រង់ PDF បង្ហាញព័ត៌មានលម្អិតជាង ក៏ដូចជាព័ត៌មានបន្ថែមអំពីការសិក្សាស្រាវជ្រាវនេះ ។
ថ្ងៃទី១០ ខែមិថុនា ឆ្នាំ២០២១
យើងខ្ញុំជាតំណាងសហភាពសហជីព សហព័ន្ធសហជីព សមាគម សហគមន៍ និងអង្គការសង្គមស៊ីវិលដែលធ្វើការលើកកម្ពស់សិទ្ធិមនុស្ស និងសិទ្ធិការងារនៅក្នុងព្រះរាជាណាចក្រកម្ពុជាមានការសោកស្តាយជាខ្លាំងអំពីចេតនា និងការប៉ុនប៉ងរំលាយរចនាសម្ព័ន្ធថ្នាក់ដឹកនាំសហជីព និងគម្រោងកាត់បន្ថយបុគ្គលិកជាលក្ខណៈប្រព័ន្ធដោយមិនមានហេតុផលសមស្រប និងមិនអាចទទួលយកបាននៅក្នុងពេលមានវិបត្តិ ជំងឺកូវីដ-១៩។
កាលពីថ្ងៃទី៨ ខែមេសា ឆ្នាំ២០២១ តំណាង ក្រុមហ៊ុន ណាហ្គាវើលដ៍ លីមីធីត បានប្រកាសគម្រោងកាត់បន្ថយបុគ្គលិកចំនួន១.៣២៩នាក់ ក្នុងចំណោមបុគ្គលិកសរុបប្រមាណជាង៨០០០នាក់ ដោយហេតុផលវិបត្តិកូវីដ-១៩។ នៅចុងខែមេសា តំណាងក្រុមហ៊ុនបានធ្វើការបញ្ជាក់ថា ចំនួនបុគ្គលិកដែលត្រូវបានកាត់នោះ ក្រុមហ៊ុននឹងធ្វើការបញ្ជូនសារទៅបុគ្គលិកម្នាក់ៗដោយផ្ទាល់ ព្រមទាំងកោះហៅឲ្យចូលរួមប្រជុំផ្ទាល់នៅអគាររបស់ក្រុមហ៊ុន។
សេចក្តីថ្លែងការណ៍ | កុមារមិនគួរត្រូវបានមើលរំលងក្នុងការឆ្លើយតបនឹងជំងឺកូវីដ១៩
ថ្ងៃទី១ ខែមិថុនា ឆ្នាំ២០២១
រាជរដ្ឋាភិបាល គួរចាប់ផ្ដើមចាត់ទុកសិទ្ធិ និងសុខុមាលភាពរបស់កុមារ ជាបញ្ហាស្នូលមួយ ក្នុងការបន្តកិច្ចខិតខំប្រឹងប្រែង ដើម្បីគ្រប់គ្រងនិងទប់ស្កាត់ការរីករាលដាលជាសកលនៃជំងឺកូវីដ១៩ ។ ការរស់នៅរបស់កុមារ ត្រូវបានកែប្រែយ៉ាងខ្លាំង ដោយការបន្តបិទការសិក្សាដោយផ្ទាល់ និងវិធានការបិទខ្ទប់ធ្ងន់ធ្ងរ ហើយយន្តការជាច្រើនទៀតគួរត្រូវបានធ្វើឡើង ដើម្បីគាំទ្រ និងការពារសិទ្ធិនិងតម្រូវការរបស់កុមារ ។
នាថ្ងៃប្រារព្ធទិវាសិទ្ធិកុមារអន្តរជាតិនេះ សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (“អង្គការលីកាដូ”) កំពុងចេញផ្សាយជាបន្តបន្ទាប់នូវសម្រង់សម្ដីពីកុមារ និងគ្រួសាររបស់ពួកគេ ដែលការរស់នៅរបស់ពួកគេ ត្រូវបានទទួលរងផលប៉ះពាល់ដោយវិធានការឆ្លើយតបទៅនឹងជំងឺកូវីដ១៩ ។ ពួកគេបានសម្រេចចិត្ត ចែករំលែកបទពិសោធន៍របស់ខ្លួន និងពិពណ៌នាលម្អិតពីវិធានការទប់ស្កាត់វិបត្តិជាសកលនេះ ដែលបានធ្វើឱ្យប៉ះពាល់ដល់ការសិក្សា សុខភាពផ្លូវកាយ និងផ្លូវចិត្តរបស់ពួកគេ ជាពិសេសកុមារដែលជាប់នៅក្នុងតំបន់បិទខ្ទប់ដ៏គួរឱ្យភ័យខ្លាច ។
ថ្ងៃទី១ ខែមិថុនា ឆ្នាំ២០២១
នាថ្ងៃប្រារព្ធទិវាសិទ្ធិកុមារអន្តរជាតិនេះ អង្គការលីកាដូ កំពុងចេញផ្សាយជាបន្តបន្ទាប់នូវសម្រង់សម្ដីពីកុមារ និងគ្រួសារ ដែលការរស់នៅរបស់ពួកគេ ត្រូវបានទទួលរងផលប៉ះពាល់ដោយវិធានការឆ្លើយតបទៅនឹងជំងឺកូវីដ១៩ ។ ពួកគេបានសម្រេចចិត្ត ចែករំលែកបទពិសោធន៍របស់ខ្លួន និងពិពណ៌នាលម្អិតពីវិធានការទប់ស្កាត់វិបត្តិជាសកលនេះ ដែលបានធ្វើឱ្យប៉ះពាល់ដល់ការសិក្សា សុខភាពផ្លូវកាយ និងផ្លូវចិត្តរបស់ពួកគេ ជាពិសេសកុមារដែលជាប់នៅក្នុងតំបន់បិទខ្ទប់ដ៏គួរឱ្យភ័យខ្លាច ។
សេចក្តីថ្លែងការណ៍ | ការលើកកម្ពស់ និងការពារសេរីភាពសារព័ត៌មានគឺជាការធានានូវព័ត៌មានដែលជាប្រយោជន៍សាធារណៈ
ថ្ងៃទី៣ ខែឧសភា ឆ្នាំ២០២១
ក្នុងឱកាសទិវាសេរីភាពសារព័ត៌មានពិភពលោក យើងខ្ញុំជាអង្គការសង្គមស៊ីវិលដែលមានរាយនាមខាងក្រោម សូមក្រើនរម្លឹកឡើងវិញថាសេរីភាពខាងការបញ្ចេញមតិ រួមមានសិទ្ធិប្រព័ន្ធផ្សព្វផ្សាយដែលសេរីនិងឯករាជ្យ ក៏ដូចជាសិទ្ធិសេរីភាពក្នុងការប្រកាន់មតិដោយគ្មានការជ្រៀតជ្រែក សិទ្ធិសេរីភាពក្នុងការស្វែងរក ការទទួល និងការផ្សព្វផ្សាយព័ត៌មាន និងគំនិតនានា ។ សារព័ត៌មានដើរតួនាទីយ៉ាងសំខាន់ក្នុងការធានានូវលទ្ធិប្រជាធិបតេយ្យដែលមានវិបុលភាពនិងល្អប្រសើរ ។ យើងខ្ញុំជាអង្គការសង្គមស៊ីវិលមានការព្រួយបារម្ភយ៉ាងខ្លាំង ចំពោះការបន្តធ្លាក់ចុះនូវបរិយាកាសមិនល្អនៃប្រព័ន្ធផ្សព្វផ្សាយនៅកម្ពុជា ហើយយើងខ្ញុំសូមជំរុញឱ្យរាជរដ្ឋាភិបាលកម្ពុជា (“រដ្ឋាភិបាល”) បញ្ឈប់នូវការយាយីនានាដែលកំពុងបន្តកើតមានចំពោះប្រព័ន្ធផ្សព្វផ្សាយឯករាជ្យ និងអ្នកសារព័ត៌មានដែលបានអនុវត្តសិទ្ធិមូលដ្ឋានចំពោះសេរីភាពខាងការបញ្ចេញមតិរបស់ខ្លួន ។ យើងខ្ញុំក៏សូមជំរុញឱ្យរដ្ឋាភិបាលធ្វើការលុបបំបាត់នូវអំពើនិទណ្ឌភាពប្រឆាំងនឹងអ្នកសារព័ត៌មាន ដែលត្រូវបានវាយប្រហារ និងធ្វើឃាតផងដែរ ។ យើងខ្ញុំសូមជំរុញឱ្យរដ្ឋាភិបាលលុបចោល នូវច្បាប់ដែលមានលក្ខណៈគាបសង្កត់ ដែលធ្វើឱ្យប៉ះពាល់ដល់សេរីភាពមូលដ្ឋាន ក៏ដូចជាសេរីភាពសារព័ត៌មាន ហើយត្រូវធានាថារាល់ការតាក់តែងច្បាប់នានាក្នុងពេលខាងមុខនឹងត្រូវបានព្រាងឡើងឱ្យស្របតាមកាតព្វកិច្ចសិទ្ធិមនុស្សរបស់ប្រទេសកម្ពុជា ប្រកបដោយតម្លាភាព និងមានការពិគ្រោះយោបល់ជាមួយសង្គមស៊ីវិល ។
ថ្ងៃទី១៧ ខែមេសា ឆ្នាំ២០២១
យើងខ្ញុំជាអង្គការសង្គមស៊ីវិលដែលមានរាយនាមដូចខាងក្រោម មានការព្រួយបារម្ភយ៉ាងខ្លាំងចំពោះការកើនឡើងនៃអំពើហិង្សាលើយេនឌ័រ ក្នុងខណៈពេលនៃការរីករាលដាលនៃជំងឺកូវីដ១៩នេះ ។ យើងខ្ញុំសូមអំពាវនាវដល់រាជរដ្ឋាភិបាលនៃប្រទេសកម្ពុជា សូមមេត្តាបង្កើនការយកចិត្តទុកដាក់ និង ចាត់វិធានការក្នុងការការពារទប់ស្កាត់រាល់ទម្រង់ទាំងឡាយនៃអំពើហិង្សាលើស្រ្តី កុមារ និងក្រុមអ្នកស្រលាញ់ភេទដូចគ្នា ដែលអាចកើតមានឡើងនៅក្នុងអំឡុងពេលនៃការធ្វើចត្តាឡីស័កនិងនៅតំបន់បិទខ្ទប់ ។
នៅថ្ងៃទី០៩ ខែមេសា រាជរដ្ឋាភិបាលបានសម្រេចបិទខ្ទប់តំបន់មួយចំនួននៅក្នុងខណ្ឌមានជ័យ ខណ្ឌសែនសុខ ខណ្ឌពោធិ៍សែនជ័យ និងសម្រេចបិទខ្ទប់រាជធានីភ្នំពេញ និងក្រុងតាខ្មៅទាំងមូលនៅម៉ោង ០០ ចូលថ្ងៃទី១៥ ខែមេសា ឆ្នាំ២០២១ ។ ចំណាត់ការនេះបានបន្តអនុវត្តនៅសង្កាត់មួយចំនួននៅក្រុងសៀមរាបផងដែរ ។ ប្រជាជនទាំងអស់ត្រូវបានស្នើសុំឲ្យអនុវត្តវិធានការ “៣ការពារ ៣កុំ” និងព្យាយាមកុំចេញក្រៅផ្ទះ ប្រសិនបើគ្មានករណីចាំបាច់ ដើម្បីចូលរួមទប់ស្កាត់ការរីករាលដាលនៃជំងឺកូវីដ ១៩ ។
ថ្ងៃទី៦ ខែមេសា ឆ្នាំ២០២១
យើងខ្ញុំ ជាក្រុមសង្គមស៊ីវិលមានរាយនាមដូចខាងក្រោម សូមស្នើសុំឱ្យរាជរដ្ឋាភិបាល ដាក់ចេញជាវិធានការណែនាំដល់គ្រឹះស្ថានមីក្រូហិរញ្ញវត្ថុ និងធនាគារទាំងអស់ នៅក្នុងប្រទេសកម្ពុជា ដើម្បីផ្អាកការបង់សងប្រាក់កម្ចី និងការប្រាក់បង្គរទាំងអស់ សម្រាប់រយៈពេលយ៉ាងតិច ៣ខែ ដើម្បីផ្ដល់ឱ្យអ្នកខ្ចីប្រាក់នូវឱកាសក្នុងការស្នាក់នៅផ្ទះ និងរក្សាសុវត្ថិភាព អំឡុងពេលផ្ទុះឡើងនៃវីរុសកូវីដ ១៩ ដែលពួកគេមិនគួរត្រូវភ័យខ្លាចក្នុងការបាត់បង់ដីធ្លី ឬ ផ្ទះសម្បែង ប្រសិនបើពួកគេគ្មានលទ្ធភាពសងប្រាក់វិញទេនោះ ។
អត្ថបទ | រឿងរ៉ាវរបស់ស្រ្តី និងក្មេងស្រី នៅក្នុងពន្ធនាគារ
ថ្ងៃទី៨ ខែមីនា ឆ្នាំ២០២១
នាថ្ងៃទិវាសិទ្ធិនារីអន្តរជាតិនេះ សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (អង្គការលីកាដូ) សូមស្នើសុំឱ្យមានការកែលម្អឱ្យបានឆាប់រហ័ស ទៅលើលក្ខខណ្ឌដែលប្រឈមដោយស្ត្រី និងក្មេងស្រី ដែលកំពុងជាប់ឃុំនៅក្នុងពន្ធនាគារ ដែលមានស្ថានភាពលំបាក និងចង្អៀតណែនខ្លាំង ។
កាលពីខែមុន ស្រ្តីចំនួន៩នាក់ បានចែករំលែករឿងរ៉ាវរបស់ពួកគាត់ជាមួយអង្គការលីកាដូអំពីជីវិតនៅក្នុងមណ្ឌលអប់រំកែប្រែទី២ (ម២) ដែលជាពន្ធនាគារតែមួយគត់នៅកម្ពុជា បង្កើតឡើងសម្រាប់ស្រ្តី និងអនីតិជន ។ ក្នុងនោះ មានស្រ្តី៥នាក់ រួមមាន សុខា បុប្ផា សុភារី ស្រីល័ក្ខ និងច័ន្ទមុនី ដែលបច្ចុប្បន្នកំពុងត្រូវបានឃុំខ្លួនក្នុងពន្ធនាគារ ឬត្រូវបានដោះលែងកាលពីពេលថ្មីៗនេះ ។ ឈ្មោះរបស់ពួកគាត់ទាំង៥នាក់ ត្រូវបានប្ដូរ ដើម្បីបិទបាំងអត្តសញ្ញាណរបស់ពួកគាត់ ។ រីឯអ្នកផ្សេងទៀតគឺជាសមាជិកគ្រួសារនៃស្រ្តីជាអ្នកការពារសិទ្ធិមនុស្សដែលកំពុងជាប់ឃុំក្នុងពន្ធនាគារដូចជា អ្នកស្រី ឈឿន ដារ៉ាវី កញ្ញា អេង ម៉ាឡៃ (សូ មេត្តា) កញ្ញា ឡុង គន្ធា និងកញ្ញា ភួន កែវរស្មី ។
ស្រ្តីទាំងអស់នេះ បានកំពុងប្រឈមនឹងស្ថានភាពលំបាកនៅក្នុងពន្ធនាគារ ។ ការរំលោភបំពានសិទ្ធិនៅក្នុងពន្ធនាគារមិនគួរត្រូវបានមើលរំលងទេ ហើយនេះជាទំនួលខុសត្រូវរបស់រាជរដ្ឋាភិបាល ក្នុងការដោះស្រាយវិបត្តិនេះឱ្យបានឆាប់ ដោយការអនុវត្តដ៏ល្អផ្អែកតាមបទប្បញ្ញតិ្តនិងច្បាប់ជាតិនិងអន្តរជាតិ ។
ថ្ងៃទី៩ ខែធ្នូ ឆ្នាំ២០២០
អង្គការលើកលែងទោសអន្តរជាតិ (Amnesty International) អង្គការឃ្លាំមើលសិទ្ធិមនុស្ស (Human Rights Watch) និងសម្ព័ន្ធខ្មែរជំរឿននិងការពារសិទ្ធិមនុស្ស លីកាដូ (LICADHO) សូមស្នើសុំដោយទទូចឱ្យ រាជរដ្ឋាភិបាលកម្ពុជា ចាត់វិធានការឱ្យបានឆាប់ ដើម្បីការពារសិទ្ធិទទួលបានសេវាសុខភាពរបស់អ្នកជាប់ឃុំក្នុងពន្ធនាគារ មន្រ្តីពន្ធនាគារ និងសហគមន៍នៅខាងក្រៅ ដោយការធ្វើតេស្តរកមេរោគកូវីដ១៩ដោយប្រុងប្រយ័ត្នសម្រាប់អ្នកដែលនៅក្នុងពន្ធនាគារ អនុវត្តវិធានការអនាម័យនិងរក្សាគម្លាតសង្គមនៅក្នុងពន្ធនាគារប្រកបដោយប្រសិទ្ធភាព និងចាត់វិធានការភ្លាមៗដើម្បីកាត់បន្ថយភាពចង្អៀតណែននៅក្នុងពន្ធនាគារ ។
សេចក្តីថ្លែងការណ៍ | សូមអាជ្ញាធរកម្ពុជាដោះលែងអ្នកជាប់ឃុំមួយចំនួន អំឡុងពេលមានវិបត្តិកូវីដ១៩
ថ្ងៃទី២៣ ខែកក្កដា ឆ្នាំ២០២០
អង្គការលើកលែងទោសអន្តរជាតិ និងសម្ព័ន្ធខ្មែរជំរឿន និងការពារសិទ្ធិមនុស្ស លីកាដូ សង្ឃឹមថា រាជរដ្ឋាភិបាលកម្ពុជា អាចអនុវត្តការប្ដេជ្ញាចិត្តក្នុងការដោះស្រាយបញ្ហាចង្អៀតណែននៅក្នុងពន្ធនាគារ ដោយការដោះលែងអ្នកជាប់ឃុំដែលត្រូវបានចោទប្រកាន់ពីបទល្មើសបែបអហិង្សា ក្នុងនោះមានអ្នកជាប់ឃុំដែលប្រឈមនឹងហានិភ័យខ្ពស់នៃការឆ្លងរីរុសកូវីដ១៩ និងអ្នកជាប់ឃុំដទៃទៀតដែលបានប្រព្រឹត្តបទល្មើសស្រាល ក៏ដូចជាស្ត្រីជាប់ឃុំដែលមានកូនតូចនៅជាមួយ ព្រមទាំងអ្នកជាប់ឃុំជាអនីតិជនផងដែរ ។
កាលពីខែឧសភា រដ្ឋមន្ត្រីថ្មីនៃក្រសួងយុត្តិធម៌ ឯកឧត្ដម កើត រិទ្ធ បានប្រកាសអំពី ការកែទម្រង់ជាច្រើននៃប្រព័ន្ធយុត្តិធម៌នៅក្នុងប្រទេសកម្ពុជា ។ កំណែទម្រង់ដែលបានសន្យាទាំងនេះ ធ្វើឡើងក្នុងគោលបំណងដោះស្រាយបញ្ហាកកស្ទះសំណុំរឿងជាច្រើន ដែលមិនទាន់បានជំនុំជម្រះនៅតាមតុលាការនានា និងដោះស្រាយបញ្ហាចង្អៀតណែនខ្លាំងនៅក្នុងពន្ធនាគារ តាមរយៈការពង្រីកមធ្យោបាយផ្សេងទៀតក្រៅពីការឃុំឃាំងដូចជា ការដោះលែងឱ្យនៅក្រៅឃុំ និងការព្យួរទោសជាដើម បន្ថែមពីលើការដោះលែងមុនពេលកំណត់ និងដោយមានលក្ខខណ្ឌ សម្រាប់អ្នកជាប់ឃុំ បច្ចុប្បន្ននេះ ។
ថ្ងៃទី៣០ ខែមិថុនា ឆ្នាំ២០២០
កម្មករ កម្មការិនីរោងចក្រកាត់ដេរ រាប់ម៉ឺននាក់ នៅក្នុងប្រទេសកម្ពុជា នឹងជួបការលំបាកជាខ្លាំង ក្នុងការសងបំណុលមីក្រូហិរញ្ញវត្ថុ នៅពេលដែលពួកគាត់ត្រូវបានបញ្ឈប់ពីការងារ ហើយរោងចក្រដែលពួកគាត់ធ្វើការ ត្រូវផ្អាកដំណើរការដោយសារបញ្ហាកូវីដ១៩ ។ បញ្ហានេះបង្កើតឱ្យមានវិបត្តិរំលោភសិទ្ធិមនុស្សជាច្រើន ដែលនាំឱ្យពួកគាត់ជួបការលំបាកខ្លាំងក្នុងការផ្គត់ផ្គង់ជីវភាពគ្រួសារ និងធ្វើឱ្យការកាន់កាប់ដីធ្លីរបស់ពួកគាត់ត្រូវរងសម្ពាធយ៉ាងខ្លាំងពីសំណាក់គ្រឹះស្ថានមីក្រូហិរញ្ញវត្ថុ ។ ប្រសិនបើគ្មានកម្មវិធីសម្រាលបន្ទុកបំណុលភ្លាមៗទេ នោះកម្មករ កម្មការិនីទាំងនេះ នឹងត្រូវប្រឈមនឹងការលក់ដីឬផ្ទះ កាត់បន្ថយការបរិភោគអាហារ ឬខ្ចីប្រាក់កម្ចីកាន់តែច្រើនឡើង ដើម្បីយកទៅសងបំណុលដែលមានស្រាប់ ។
នៅក្នុងរបាយការណ៍ “ការធ្វើការងាររហូតជំពាក់បំណុលវ័ណ្ឌក” ដែលជារបាយការណ៍សង្ខេបរួមគ្នាមួយ រវាងសម្ព័ន្ធសហជីពកម្ពុជា (CATU) មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) និងសម្ព័ន្ធខ្មែរជំរឿន និងការពារសិទ្ធិមនុស្ស លីកាដូ អ្នកស្រាវជ្រាវបានធ្វើការស្ទង់មតិជាមួយកម្មករ កម្មការិនី ច្រើនជាង១៥០នាក់ (ភាគច្រើនជាស្ដ្រី) មកពីរោងចក្រកាត់ដេរចំនួន៣ផ្សេងគ្នា ក្នុងរាជធានីភ្នំពេញ និងខេត្តកំពង់ឆ្នាំង ដើម្បីសិក្សាពីផលលំបាកនៃការជាប់ជំពាក់បំណុលរបស់ពួកគាត់ ខណៈដែលរោងចក្ររាប់រយបានផ្អាកដំណើរការ ដោយសារការរីករាលជាសកលនៃវីរុសកូវីដ១៩នេះ ។
ថ្ងៃទី១៨ ខែឧសភា ឆ្នាំ២០២០
យើងខ្ញុំ ជាក្រុមសង្គមស៊ីវិល ដែលមានរាយនាមដូចខាងក្រោម សូមស្នើសុំដល់រាជរដ្ឋាភិបាលកម្ពុជា សូមមេត្តាទម្លាក់ចោលការចោទប្រកាន់ចំពោះ អ្នកសារព័ត៌មានដែលកំពុងជាប់ឃុំក្នុងពន្ធនាគារ លោក សុខ ឧត្តម និងលោក សុវណ្ណ រឹទ្ធី និងបញ្ឈប់ការធ្វើទុក្ខបុកម្នេញចំពោះអ្នកសារព័ត៌មានមិនស្ថិតក្នុងការឃុំឃាំងផ្សេងទៀត ដែលប្រឈមមុខនឹងការផ្ដន្ទាទោសដោយសារការងាររាយការណ៍ព័ត៌មានរបស់ពួកគាត់ ។ យើងខ្ញុំ ក៏សង្ឃឹមយ៉ាងមុតមាំថា រាជរដ្ឋាភិបាលនឹងប្រគល់អាជ្ញាប័ណ្ណវិទ្យុ និងគេហទំព័រផ្សាយព័ត៌មាន ដែលត្រូវបានដកហូតកន្លងមកនិងក្នុងរយៈពេលចុងក្រោយនេះ ដល់ម្ចាស់អាជ្ញាប័ណ្ណទាំងអស់នោះឱ្យបានដំណើរការឡើងវិញ ។
កាលពីថ្ងៃពុធសប្ដាហ៍នេះ នគរបាលបានចាប់ខ្លួនម្ចាស់ស្ថានីយវិទ្យុក្នុងស្រុកមួយនៅខេត្តកំពង់ឆ្នាំងគឺលោក សុខ ឧត្តម ដោយចោទប្រកាន់ពី “បទញុះញង់ឱ្យប្រព្រឹត្តបទឧក្រិដ្ឋ ជាអាទិ៍” ។ ជាញឹកញាប់ លោក ឧត្តម បានរាយការណ៍ពីជម្លោះដីធ្លីដែលបានអូសបន្លាយពេលជាយូរមកហើយរវាង សហគមន៍កសិករមូលដ្ឋាន និងមន្ត្រីថ្នាក់ស្រុកដ៏មានអំណាច ។ មុនពេលចាប់ខ្លួនលោក ឧត្តម មួយថ្ងៃ ក្រសួងព័ត៌មានបានលុបចោលអាជ្ញាប័ណ្ណផ្សាយព័ត៌មានរបស់លោកគឺ ស្ថានីយវិទ្យុរឹទ្ធីសែន និងគេហទំព័ររបស់វិទ្យុនេះ ទោះបីជា លោក ឧត្តម មិនទាន់ត្រូវបានចោទប្រកាន់ពីបទល្មើសណាមួយនៅពេលនោះក៏ដោយ ។ លោកកំពុងត្រូវបានឃុំខ្លួនបណ្ដោះអាសន្នរង់ចាំសវនាការ ។
ថ្ងៃទី១០ ខែឧសភា ឆ្នាំ២០២០
សមាជិកក្រុមយុវជនចំនួន៦នាក់នៃខ្មែរថាវរៈ ក្នុងនោះមានសកម្មជនសិទ្ធិមនុស្ស លោក ហ៊ុន វណ្ណៈ ត្រូវបានឃាត់ខ្លួន នៅខេត្តបាត់ដំបង កាលពីយប់មិញ ខណៈដែលកំពុងធ្វើដំណើរត្រឡប់មកពីតវ៉ាដោយអហិង្សាដើម្បីស្នើសុំឱ្យធនាគារ និងគ្រឹះស្ថានមីក្រូហិរញ្ញវត្ថុ ផ្អាកការបង់សងប្រាក់កម្ចី អំឡុងពេលមានវិបត្តិសេដ្ឋកិច្ចបង្កឡើងដោយការរីករាលដាលជាសាកលនៃវីរុសកូវីដ១៩។ ព្រះសង្ឃ៥អង្គដែលបានចូលរួមក្នុងការតវ៉ានេះ ក៏ត្រូវបានរងការគំរាមកំហែងបណ្ដេញចេញពីវត្តផងដែរ លុះត្រាតែព្រះអង្គផ្ដិតមេដៃលើកិច្ចសន្យាមួយថា នឹងបញ្ឈប់ភាពសកម្មរបស់ព្រះអង្គ ជំនួសអ្នកខ្ចីប្រាក់តទៅទៀត។
អ្នកតវ៉ាត្រូវបាននគរបាលឃាត់ខ្លួននៅតាមដងផ្លូវខាងក្រៅវត្តដំរីស នៅពេលពួកគាត់កំពុងធ្វើដំណើរមកពីការដើរហែក្បួនដែលមានផ្សាយផ្ទាល់នៅលើបណ្ដាញសង្គម នៅចំពីមុខគ្រឹះស្ថានមីក្រូហិរញ្ញវត្ថុមួយចំនួនដូចជា ប្រាសាក់ និងអេអឹមខេ (AMK) ជាដើម។
សេចក្តីថ្លែងការណ៍ | សូមបញ្ឈប់ការធ្វើទុក្ខបុកម្នេញចំពោះតំណាងសហគមន៍ជុំវិញការដាក់ញត្តិស្នើសុំជំនួយ អំឡុងពេលរីករាលដាលវីរុសកូវីដ១៩
ថ្ងៃទី៤ ខែឧសភា ឆ្នាំ២០២០
យើងខ្ញុំ ជាសង្គមស៊ីវិលមានរាយដូចខាងក្រោម សូមសម្ដែងការសោកស្តាយយ៉ាងខ្លាំងចំពោះការធ្វើទុក្ខបុកម្នេញទៅលើតំណាងសហគមន៍មកពីខេត្ត-រាជធានីផ្សេងៗទូទាំងប្រទេស កាលពីថ្ងៃអង្គារ ទី២៨ ខែមេសា ឆ្នាំ២០២០ ។ តំណាងសហគមន៍ទាំងនេះ ត្រូវបានឃាត់ខ្លួនដោយមិនត្រឹមត្រូវអស់រយៈពេលប្រមាណជា៧ម៉ោង និងត្រូវបានហៅទៅសួរចម្លើយអំឡុងពេលព្យាយាមដាក់ញត្តិស្នើសុំជំនួយពីរាជរដ្ឋាភិបាលបន្ថែមទៀតដល់សហគមន៍ងាយរងគ្រោះ ក្នុងពេលប្រឈមនឹងវិបត្តិវីរុសកូវីដ១៩ ។
ប្រជាសហគមន៍ជាង៣០នាក់មកពីខេត្ត-រាជធានីផ្សេងៗទូទាំងប្រទេសបានជួបជុំគ្នាក្នុងរាជធានីភ្នំពេញ ដើម្បីដាក់ញត្តិ ដែលមានការស្នើសុំឱ្យជួយទ្រទ្រង់ជីវភាពរស់នៅដូចជា សំណូមពរឱ្យរាជរដ្ឋាភិ-បាលជួយផ្ដល់ការគាំទ្រផ្នែកសុខាភិបាលចំពោះសហគមន៍ងាយរងគ្រោះ ការផ្អាកបំណុលគ្រឺះស្ថានមីក្រូហិរញ្ញវត្ថុនិងអ្នកផ្ដល់ប្រាក់កម្ចីឯកជន និងផ្ដល់ជំនួយសេដ្ឋកិច្ចផ្ទាល់ដូចជា ការពន្យាពេលបង់ថ្លៃជួលសម្រាប់អ្នកក្រីក្រ និងកម្មករប្រកបរបរក្នុងវិស័យទាំងក្នុងនិងក្រៅប្រព័ន្ធ ក៏ដូចជាការឧបត្ថម្ភប្រាក់អំឡុងពេលស្នាក់នៅផ្ទះជាដើម ។
