ព័ត៌មានថ្មីៗ

តាមដានយើងតាមរយៈ FacebookTwitter
អត្ថបទខ្លីៗ
សហគមន៍​ជាច្រើន​​នៅ​ខេត្ត​សៀម​រាប ​ប្រមូល​ផ្តុំ​គ្នា​ស្វែង​រក​ដំណោះ​ស្រាយពី​បញ្ហា​ជម្លោះ​ដី​ធ្លី​

ថ្ងៃ២២ ខែឧសភា ឆ្នាំ២០១៥ នាព្រឹក​នេះ ប្រជាពលរដ្ឋ​ប្រមាណ​ ៧០០នាក់ មកពី​សហគមន៍​មួយ​ចំនួន​ដែល​រងគ្រោះ​ដោយ​ជម្លោះ​ដី​ធ្លី បាន​ប្រមូល​ផ្តុំ​គ្នា​នៅ​ទី​ក្រុង​សៀម​រាប​ ហើយ​ធ្វើ​ការ​ហែ​ក្បួន​ និង​ដាក់​ញត្តិ​ទៅ​កាន់​លោក​អភិបាល​ខេត្ត​សៀម​រាប។ នគរបាល និង​កង​រាជ​អាវុធ​ហត្ថ​ប្រមាណ ១០០នាក់ បាន​រារាំង​ក្រុម​ប្រជាពលរដ្ឋ​ពី​ការ​ដើរ​ហែ​ក្បួន ដោយ​បាន​និយាយ​ថា​ការ​ដើរ​ក្បួន​នឹងអាច​​បង្ក​ឲ្យ​មាន​ការ​កក​ស្ទះ​ចរាចរណ៍​ និង​អះ​អាងថា​លោក​អភិបាល​ខេត្តមិន​នៅ​ក្នុង​ការិយាល័យ​នោះ​ទេ។ នា​ថ្ងៃ​រសៀល​នេះ អ្នក​តំណាង​សហគមន៍​ចំនួន​ ១៧នាក់ ត្រូវ​បាន​អនុញ្ញាត​ឲ្យ​ជួប​លោក​អភិបាល​ខេត្ត​ នៅ​ខណៈ​ដែល​សមាជិក​សហគមន៍​ផ្សេង​ទៀត​កំពុង​រង់​ចាំ​នៅ​ខាង​ក្រៅ។

នៅ​ក្នុង​ញត្តិ​ បាន​រៀប​រាប់​នូវ​ករណី​ដី​ធ្លី​ចំនួន​ ១០​ករណី ដែល​បាន​កើត​ឡើង​នៅ​ក្នុង​ស្រុក​ចំនួន ៧ ហើយ​បាន​រៀប​រាប់​លំអិត​អំពី​ចំនួន​គ្រួសារ​ដែល​រង​ផល​ប៉ះ​ពាល់ និង​ទីតាំង​នៃ​ជម្លោះ​ដី​ធ្លី។ នៅ​ក្នុង​លិខិត​នោះ ក៏​បាន​បញ្ជាក់​ឈ្មោះ​ភាគី​ដែល​មាន​ជម្លោះ​ដី​ធ្លី​ជាមួយ​សហគមន៍​ផង​ដែរ ដែល​រួម​មាន​អាជ្ញាធរ​អប្សរា ក្រុមហ៊ុន​ឯក​ជន​មួយ​ចំនួន និងកង​ទាហានមួយ​ចំនួន។

របាយការណ៍ ដំណើរឃ្លាត​ចេញពី​អ៊ីនធឺណិត? ការគម្រាមកំហែង​ចំពោះ​សេរីភាព​លើប្រព័ន្ធ​អ៊ីនធឺណិត​ដែលទើបរកឃើញ​ថ្មីនៅ​កម្ពុជា

ថ្ងៃ១៧ ខែឧសភា ឆ្នាំ២០១៥

នៅក្នុង​ទិវាពិភពលោក​ស្តីពី​​ព័ត៌មាន​សង្គម អង្គការ លីកាដូ បាន​ចេញ​នូវ​របាយ​ការណ៍​​មួយ​​ដែល​មាន​ចំណងជើង​ថា៖ “ដំណើរ​ឃ្លាត​ចេញ​ពី​អ៊ីនធឺណិត? ការគម្រាម​កំហែង​ចំពោះ​​សេរីភាព​លើប្រព័ន្ធ​អ៊ីនធឺណិត​​ដែល​រក​ឃើញថ្មី​នៅ​កម្ពុជា” ដោយ​ពិពណ៌នា​អំពី​សារសំខាន់​នៃ​អ៊ីនធឺណិត​សម្រាប់​សេរីភាព​ក្នុង​ការ​បញ្ចេញមតិ​នៅក្នុង​​ប្រទេស​កម្ពុជា និង​ការ​គម្រាម​កំហែង​ដែល​កំពុង​កើត​មាន​ឡើង​​លើ​មធ្យោបាយ​ក្នុង​ការ​បញ្ចេញ​មតិ​​ប្រភេទ​នេះ។

សេចក្តីថ្លែងការណ៍ កម្ពុជា៖ បញ្ឈប់សេចក្តី​ព្រាង​ច្បាប់​ស្តីពី​សមាគម និង​បង្កើត​នីតិវិធី​ពង្រាង​ច្បាប់​ឲ្យមាន​តម្លាភាព

ថ្ងៃ១១ ខែឧសភា ឆ្នាំ២០១៥audio available

ថ្ងៃនេះ អង្គការសហព័ន្ធសិទ្ធិមនុស្សអន្តរជាតិ (FIDH) និង​​អង្គការ​​ដែល​ជា​សមាជិក​​រួម​​មាន​​​សមាគម​​​អាដ​ហុក​​​ការពារ​​សិទិ្ធ​​មនុស្ស និង​​​អភិវឌ្ឍន៍​​នៅ​​​កម្ពុជា (ADHOC) និង​​អង្គការ​​​សម្ព័ន្ធ​​​ខ្មែរ​​ជំរឿន និង​​ការពារ​​​សិទ្ធិ​​មនុស្ស លីកាដូ (LICADHO) បាន​​​លើក​​​ឡើង​​ថា រាជ​​​រដ្ឋាភិ​បាល​​កម្ពុជា​​​ត្រូវ​​តែ​​​បញ្ឈប់​​​សេច​ក្តី​​​ព្រាង​​ច្បាប់​​ស្តី​​ពី​​​សមាគម និង​​អង្គការ​​​មិន​មែន​​​រដ្ឋាភិ​បាល (LANGO) និង​​​បង្កើត​នីតិ​​វិធី​​ព្រាង​​ច្បាប់​​​ក្នុង​​ប្រទេស​​​ឲ្យ​​មាន​​​តម្លា​ភាព។

សៀវភៅរូបថត ការ​ប្រារព្ធទិវាពល​កម្មអន្តរជាតិអហិង្សា​ក្នុងរាជធានីភ្នំពេញ ឆ្នាំ២០១៥

ថ្ងៃ៥ ខែឧសភា ឆ្នាំ២០១៥

នៅព្រឹក ថ្ងៃទី១ ខែឧសភា ឆ្នាំ២០១៥ក្នុង​ការប្រាទិវាពល​កម្មអន្តរជាតិ មានក្បួនដង្ហែរ និង​ការ​ជួបជុំគ្នាត្រូវ​បានធ្វើឡើង​នៅ៣កន្លែង ក្នុងរាជធានី​ភ្នំពេញ ដើ ម្បីស្នើតម្លើងប្រាក់​ឈ្នួលទៅដល់ ១៧៧ដុល្លាសហរដ្ឋអាមេរិក ឲ្យគោរពសិទ្ធ​កម្មករឲ្យបាន​ល្អប្រសើរ សេរីភាពក្នុង​ការបញ្ចេញមតិ និងអំពាវនាវសុំ​ឲ្យរដ្ឋាភិបាល​បញ្ឈប់សេចក្តីព្រាង​ច្បាប់ស្តីពីសហជីព និងសេចក្តីព្រាងច្បាប់​ស្តីពីសមាគម និងអង្គការ​មិនមែនរដ្ឋាភិបាល។

សេចក្តីថ្លែងការណ៍ កម្ពុជាគួរតែ​ចុះបញ្ជី និង​មិនត្រូវ​បញ្ជូនអ្នក​ស្នើរសុំ​សិទ្ធិជ្រកកោន​ជនជាតិ​វៀតណាម​ត្រលប់​ទៅវិញទេ

ថ្ងៃ១ ខែឧសភា ឆ្នាំ២០១៥audio available

ថ្ងៃនេះអង្គការ លីកាដូ និងអង្គការ​ឃ្លាំមើល​សិទ្ធិ​មនុស្ស​អន្តរជាតិ Human Rights Watch បាន​លើក​ឡើងថា ការបដិសេធ​របស់​កម្ពុជា​ក្នុងការ​អនុញ្ញាត​ឲ្យអ្នកស្នើរ​សុំសិទ្ធិ​ជ្រកកោន​មកពី​ប្រទេស​វៀតណាម​ចុះបញ្ជី​ឈ្មោះ និងស្វែង​​រកឋានៈ​ជាជនភៀស​ខ្លួន បាន​បង្ហាញ​ពីការ​មិនបាន​បំពេញ​កាតព្វកិច្ច​គោរពនូវ​ច្បាប់ស្តីពី​ជនភៀស​ខ្លួន​អន្តរជាតិ។ រយៈពេល​បួនខែ​ចុងក្រោយ​នេះ កម្ពុជា​បាន​និរទេស​អ្នកស្នើរ​សុំសិទ្ធិ​ជ្រកកោន​ជាជនជាតិ​វៀតណាម​ចំនួន ៥៤​នាក់​ដោយបង្ខំ ហើយ​គ្រោង​នឹង​និរទេស​ចំនួន ៤០នាក់​បន្ថែម​ទៀត។

សេចក្តីថ្លែងការណ៍ អង្គការ លីកាដូ បង្ហាញ​ទិន្នន័យ​ដីសម្បទាន​របស់ខ្លួន និង​ស្នើសុំ​យ៉ាងទទូច​នូវទិន្នន័យ​ដែលមាន​តម្លាភាព​ពីរាជារដ្ឋាភិបាល

ថ្ងៃ៣០ ខែមិនា ឆ្នាំ២០១៥audio available

នាថ្ងៃនេះ អង្គការសម្ព័ន្ធខ្មែរជំរឿន និង​​ការពារ​​សិទិ្ធ​​មនុស្ស “លីកាដូ” នឹងធ្វើការ​ចេញ​ផ្សាយ​​ជា​សាធារណៈ​នូវ​​ទិន្នន័យ​អំពី​​ដីសម្បទាន​របស់ខ្លួន ហើយ​សូម​​អំពាវនាវ​​ដល់​រាជ​រដ្ឋាភិបាល សូម​លោក​​មេត្តា​​អនុវត្ត​តាមពាក្យសុំ​​ក្នុងការ​បង្ហាញ​ជា​សាធារណៈ​នូវព័ត៌​មាន​លំអិត​​នៃ​ដីសម្បទាន​ទាំងអស់​ដែល​ត្រូវ​បាន​​ផ្តល់​នៅក្នុង​​ប្រទេស​កម្ពុជា។ ព័ត៌មាន​ដែល​ចេញ​​ផ្សាយ​នេះ គឺត្រូ​វ​បាន​​ចងក្រង​ក្នុង​​រយៈពេល ៥ឆ្នាំ​​នៃការ​ស៊ើបអង្កេត​​ទៅ​លើ​វិស័យ​នេះ។

សេចក្តីថ្លែងការណ៍ ដំណោះស្រាយ​សម្រាប់​រយៈពេលវែង គឺចាំបាច់​សម្រាប់​សុខុមាលភាព​កូន​របស់ម្តាយ​ជាប់ពន្ធនាគារ

ថ្ងៃ១៨ ខែមិនា ឆ្នាំ២០១៥audio available

ក្រោយ​ពីមានការដោះលែង​ស្ត្រីចំនួន ២២នាក់ ពីក្នុងពន្ធនាគារ អង្គការ លីកាដូ ក៏សូម​ស្វាគមន៍​​ចំពោះ​​ព័ត៌មាន​អំពី​ការ​នឹង​ពិភាក្សា​បន្តរក​​ដំណោះ​ស្រាយ​រយៈ​ពេល​វែង​របស់​​ក្រសួង​យុត្តិធម៌ ដើម្បី​ធានា​​នូវ​​សុខុមាលភាព​របស់​កុមារ​ដែល​មាន​ម្តាយ​ជាប់នៅ​ក្នុង​ពន្ធនាគារ។

ថ្មីៗនេះ អង្គការ លីកាដូ ​បានធ្វើការ​ស្រាវ​ជ្រាវ1លំអិត​មួយ​ពាក់​ព័ន្ធ​នឹង​ការ​ចាប់ខ្លួន និង​ផ្តន្ទា​ទោស​​ម្តាយ​​​ដែល​មាន​កូនតូច​នៅជាមួយ ហើយ​បាន​រក​ឃើញ​ថា​សុខុមាលភាព​​របស់​កុមារ គឺកម្រ​នឹង​​ត្រូវ​បាន​គេ​​យក​ចិត្ត​ទុកដាក់​ណាស់ នៅពេល​ដែល​​ម្តាយត្រូវ​បាន​ដាក់​ឲ្យនៅ​ក្នុង​ការ​ឃុំឃាំង​បណ្តោះ​​អាសន្ន​រង់ចាំ​​សវនាការ ឬ​ផ្តន្ទាទោស​ដាក់​ពន្ធនាគារ។ ស្ត្រី​ជាច្រើន​ដែល​ត្រូវបាន​​គេ​សម្ភាស បាន​​ប្រាប់​អង្គការ លីកាដូ ថា ចៅក្រម​​ថែមទាំង​មិនដែល​បានសួរ​​អ្នក​ទាំងនោះ​ថាតើ​ពួកគេ​មានកូន ឬ​គ្មាន​​នោះ​ទេ មុនពេល​​បញ្ជូនអ្នក​ទាំងនោះ​ទៅ​កាន់​ពន្ធនាគារ។

អត្ថបទ ស្ត្រី​កម្ពុជា​ដែល​ឈរជួរមុខ៖ រឿងរ៉ាវត​ស៊ូ​របស់ស្ត្រី​ប្រាំមួយនាក់

ថ្ងៃ១៣ ខែមិនា ឆ្នាំ២០១៥audio available

ដើម្បីអបអរសាទរទិវា​សិទិ្ធនារី​អន្តរជាតិ​នាឆ្នាំ ២០១៥ អង្គការ លីកាដូ រួមជា​មួយ​អង្គការ​សមាគម​ខ្មែរលើ​កម្ពុជា បាន​រៀបចំ​វេទិកា​សាធារណៈ​នៅទីក្រុង​បានលុង ខេត្ត​រតនគិរី សម្រាប់​ប្រជាពលរដ្ឋ​ដែល​ទទួល​រងផល​ប៉ះពាល់​ដោយសារ​ការរំលោភ​យកដីធ្លី។ វេទិកានេះ ត្រូវបាន​ចូលរួម​ដោយ​អ្នក​តំណាង​​ប្រមាណ​ជាង ១០០ នាក់ មកពី​សហគមន៍​ជនជាតិ​ដើម​ភាគតិច​ខុសៗគ្នា​ចំនួន ៨​សហគមន៍ នៅក្នុង​ខេត្ត​រតនគិរី និង​សកម្មជន​ដីធ្លី​មួយចំនួន​មកពី​ខេត្តនានា​ក្នុងប្រទេស​កម្ពុជា។ ប្រធាន​បទ​​នៃវេទិកានេះ គឺផល​ប៉ះពាល់​នៃជម្លោះ​ដីធ្លី​មកលើ​ស្ត្រី ហើយ​ភាគច្រើន​នៃអ្នក​ចូលរួម គឺជា​ស្ត្រី។ អ្នក​​ចូលរួម​​បានចែក​រំលែក​បទ​ពិសោធន៍ និង​គំនិត​របស់​អ្នកទាំងនោះ ហើយ​អ្នកចូលរួម​មួយចំនួន​បាន​ច្រៀង​ចម្រៀង​ដែល​អ្នកទាំងនោះ​បានតែង​ឡើង​ដែល​រៀបរាប់​អំពី​ដំណើរ​រឿង​ជម្លោះ​ដីធ្លី​របស់​អ្នក​ទាំង​នោះ។ អត្ថបទខាង​ក្រោម​នេះ យើងខ្ញុំ​បាន​ចងក្រង​ឡើង​នូវជីវ​ប្រវត្តិ​សង្ខេប​នៃ​ស្ត្រី​ចំនួន ៦នាក់ ដែល​បាន​ចូលរួម​ក្នុងវេទិកា​នេះ។ រឿងរ៉ាវរបស់​អ្នក​ទាំងនោះ បានបង្ហាញ​អំពី​ការ​លំបាក​វេទនា​ជាច្រើន​ ដែល​ស្ត្រីដែល​រងផល​ប៉ះពាល់​ដោយ​ជម្លោះដីធ្លី​ជាច្រើន បាន​ជួបប្រទះ ក៏ដូចជា​ជំនឿចិត្ត និង​ភាពក្លៀវក្លា​របស់អ្នក​ទាំងនោះ។

សេចក្តីថ្លែងការណ៍ អង្គការ លីកាដូ លុប​ចោល​កម្មវិធីទិ​វាសិទិ្ធនារី​អន្តរជាតិ​នៅក្នុង​ពន្ធនាគារ ដោយសារ​ការរឹតត្បិតរបស់​រាជរដ្ឋាភិបាល

ថ្ងៃ៥ ខែមិនា ឆ្នាំ២០១៥audio available

នេះជាការ​សោកស្តាយយ៉ាង​ខ្លាំង ដែលអង្គការ លីកាដូ បាន​ប្រកាស​ថានឹង​មិន​ប្រារព្ធកម្មវិធីប្រចាំឆ្នាំ​របស់ខ្លួន​នៅក្នុងពន្ធនាគារ​កម្ពុជា​នាឆ្នាំនេះនោះទេ ក្នុងឱកាស​ទិវាសិទិ្ធនារី​អន្តរជាតិ ដែល​ជារៀងរាល់ឆ្នាំ​តែងតែប្រារព្ធធ្វើឡើង​នៅថ្ងៃទី៨ ខែមិនា។

អស់រយៈពេល ១៥ឆ្នាំមកហើយ ដែលអង្គការ លីកាដូ បានប្រារព្ធកម្មវីធី​នៅក្នុង​ពន្ធនាគារ​កម្ពុជា នាថ្ងៃទិ​វាសិទិ្ធនារី​អន្តរជាតិ (IWRD) ដើម្បីផ្តល់​នូវកញ្ចប់សម្ភារៈចាំបាច់​បន្ថែមទៅ​អ្នកជាប់ពន្ធនាគារ​ជាស្ត្រី ឆ្មាំពន្ធនាគារ​ជាស្ត្រី និងកុមារជាច្រើន ដែលរស់​នៅជាមួយ​ម្តាយក្នុងពន្ធនាគារ។ នៅក្នុងរយៈ​ពេល ១០ឆ្នាំ ចុងក្រោយនេះ អង្គការ លីកាដូ បានរៀបចំ​កម្មវិធីសប្បាយៗ​ពិសេសនៅក្នុង​ពន្ធនាគារ រួមមានការថ្លែងសុន្ទរកថា ល្បែងកំសាន្ត ការរាំរបាំប្រពៃណី និង​ការសំដែង​របស់អ្នកជាប់​ពន្ធនាគារផង​ដែរ។ សកម្មភាព​ទាំងនេះ ត្រូវបានទទួល​ស្វាគមន៍យ៉ាងល្អ​ដោយអ្នកជាប់ពន្ធនាគារ​ជាច្រើន និងធ្លាប់​ត្រូវ​បានគាំទ្រដោយ​អាជ្ញាធរពន្ធនាគារ​ផងដែរ។

សេចក្តីថ្លែងការណ៍ របាយការណ៍​បង្ហាញ​ពីការ​នៅតែ​មិនបាន​អនុវត្តនូវ​អនុ​សញ្ញា ICCPR របស់​រាជ​រដ្ឋាភិបាល​កម្ពុជា

ថ្ងៃ៣ ខែមិនា ឆ្នាំ២០១៥audio available

អង្គការ FIDH និងសមាជិក​​រួមមាន សមាគម​ការពារ​សិទិ្ធ​​មនុស្ស និង​អភិវឌ្ឍន៍​នៅ​កម្ពុជា (ADHOC) និងសម្ព័ន្ធខ្មែរ​ជំរឿន និង​ការពារ​សិទិ្ធមនុស្ស "លីកាដូ" (LICADHO)បាន​លើក​ឡើងនៅ​ក្នុង​របាយការណ៍​ស្រមោល​រួម​មួយ​ដែល​ត្រូវ​បាន​ដាក់​ទៅ​កាន់​គណកម្មាធិការ​សិទិ្ធមនុស្ស​នៃ​អង្គការ​សហប្រជាជាតិ (HRC) ថា៖ រាជរដ្ឋាភិបាល​កម្ពុជា មិន​ទាន់​បាន​អនុវត្ត​នូវ​កាតព្វកិច្ច​របស់​ខ្លួន​ក្នុង​ការ​គោរព​សិទិ្ធ​ពលរដ្ឋ និង​សិទិ្ធនយោបាយ នៅឡើយ​នោះទេ។

សេចក្តីថ្លែងការណ៍ ការដោះលែង​ស្ត្រីមានផ្ទៃពោះ និង​ស្ត្រីដែលមានកូន​នៅជាមួយ​ក្នុងពន្ធនាគារ ផ្តល់​នូវភាពធូរស្រាល ប៉ុន្តែ​មិនទាន់បាន​ដោះស្រាយ​បញ្ហាជាចំបងនានា​នៅឡើយទេ

ថ្ងៃ២ ខែមិនា ឆ្នាំ២០១៥audio available

កាលពី​ចុងសប្តាហ៍មុន គណកម្មាកា​ដែលដឹកនាំ​ដោយក្រសួង​យុត្តិធម៌ បាន​ប្រកាសថា ស្ត្រីដែលជាប់ពន្ធនាគារ​ចំនួន ១៦នាក់ ដែលក្នុងនោះ​រួមមាន ១៥ នាក់ ជាស្ត្រី​ដែលមានកូន​រស់នៅជាមួយ​ក្នុងពន្ធនាគារ និង​ម្នាក់ជាស្ត្រីដែលមាន​ផ្ទៃពោះ នឹងត្រូវបានដោះ​លែង នៅ​មុនទិវាសិទិ្ធនារីអន្តរជាតិនា​ថ្ងៃទី៨ ខែមិនា ឆ្នាំ២០១៥។ គណកម្មាកានោះ ក៏បានជូនដំណឹងថា​រាជរដ្ឋា​ភិបាល ក៏មានផែនការដោះលែង​ស្ត្រីមានផ្ទៃពោះ និង​ស្ត្រីដែលមានកូន​នៅជាមួយក្នុង​ពន្ធនាគារ​ជារៀងរាល់ឆ្នាំ។

សេចក្តីថ្លែងការណ៍ ការដកមន្រ្តីកង​កម្លាំង​ប្រដាប់​អាវុធ និង​មន្រ្តី​តុលាការ​​ចេញពី​ជួរ​ដឹកនាំ​គណបក្ស នយោយបាយ ក្នុង​ការ​ធ្វើ​សកម្មភាព​គាំទ្រ និង​ប្រឆាំង​គណបក្ស​ណាមួយ ដើម្បី​ពង្រឹង នីតិរដ្ឋ និង​លទ្ធិ​ប្រជា​ធិបតេយ្យ​នៅ​កម្ពុជា

ថ្ងៃ២៦ ខែកុម្ភៈ ឆ្នាំ២០១៥audio available

យើងខ្ញុំជាក្រុមសម្ព័ន្ធ​កំណែ​ទម្រង់​ការ​​បោះឆ្នោត (ERA) និង​ក្រុមអង្គការ​សង្គម​ស៊ីវិល ថ្កោលទោស​ចំពោះ​គណបក្ស​នយោបាយ​ដែល​បាន ឬនឹង​បញ្ចូល​​មន្រ្តី​តុលាការ និងមន្រ្តី​នៃ​​កង​កម្លាំង​​ ប្រដាប់​អាវុធ​ទៅក្នុង​ជួរដឹកនាំ​គណបក្ស​នយោបាយ​របស់ខ្លួន ដើម្បី​​ចូលរួម​សកម្ម​ភាព​​គាំទ្រ​​គណបក្ស​​ខ្លួន ឬនិង​ប្រឆាំង​គណបក្ស​ផ្សេងៗ។ ការបញ្ចូល​នេះ គឺ​រំលោភ​លើ​រដ្ឋ​ធម្មនុញ្ញ នីតិរដ្ឋ​ គោល​ការណ៍​ប្រជា​ធិបតេយ្យ ពិសេស​ការ​បោះឆ្នោត​ដោយ​សេរី និងយុត្តិធម៌។

អត្ថបទ ការ​ផ្តោតទៅលើ​អ្នកទាំង ១៩៖ អ្នក​ដែល​ត្រូវគេ​ចោទថា “បង្កកុបកម្ម” នៅ​ទីលាន​ប្រជាធិបតេយ្យ

ថ្ងៃ២៤ ខែកុម្ភៈ ឆ្នាំ២០១៥

សវនាការ​លើ​សំណុំ​រឿង​សមាជិក​និង​អ្នក​គាំ​ទ្រ​គណបក្ស​សង្គ្រោះ​ជាតិ​ចំនួន ១១នាក់​ គ្រោង​នឹង​ត្រូវ​ប្រព្រឹត្ត​ទៅ​នា​ម្សិលមិញ ​វេលាម៉ោង​ ៨ព្រឹក​ នៅសាលា​ដំបូង​រាជ​ធានី​ភ្នំពេញ។ នៅ​ថ្ងៃ​ព្រហស្បតិ៍​ ដោយ​មាន​ការ​ជូន​ដំណឹង​ភ្លាមៗ​ មេធាវី​តំណាង​ឲ្យ​អ្នក​ទាំង ១១ ត្រូវបាន​គេ​ប្រាប់​ថា សវនាការ​ត្រូវ​បានពន្យា​ពេល។ អ្នក​ទាំង​អស់​ ត្រូវ​បាន​គេចោទ​ប្រកាន់​ពីបទ​ល្មើស​ដែល​ត្រូវ​បាន​គេអះ​អាងថា អ្នក​ទាំង​នោះបាន​ប្រព្រឹត្ត​អំឡុង​ពេលមានអំពើហិង្សា ដែលបាន​កើត​ឡើង​នៅ​ទីលាន​ប្រជាធិប​តេយ្យ កាល​ពីថ្ងៃ​ទី១៥ ខែកក្កដា ឆ្នាំ២០១៤។ នេះជាលើក​ទី​បី​ហើយ​ ដែល​សវនា​ការ​ព្រហ្មទណ្ឌ​នេះ​ត្រូវ​បាន​ពន្យា​ពេល។ ប្រាំ​នាក់ ក្នុងចំណោមអ្នកទាំងនោះ មាន៖ លោក មាជ សុវណ្ណារ៉ា, ស៊ុំ ​ពុទ្ធី​, ទេព ​ណារិន, អ៊ុក ពេជ្យ​ សំណាង​និង​ កែ ​ឃីម ​ស្ថិត​ក្នុង​ចំណោម​ “ជន​ជាប់​ចោទ​ទាំង ​១៩ ​នាក់” ដែល​ត្រូវ​បាន​ឃុំ​ខ្លួននៅ​មណ្ឌល​អប់រំកែ​ប្រែទី ១ និង ទី២ នៅ​ពន្ធនា​គារ​ ព្រៃស។ ក្នុង​ចំណោម​អ្នក​ទាំង​ ១៩​នាក់ ​ក៏រួម​មាន​ កញ្ញា​ លី សៀវមិញសកម្មជនដីធ្លីតំបន់បឹង​កក់​ចំនួន ​១០នាក់ និង​ព្រះសង្ឃ​ខ្មែរ​ក្រោម​ ៣អង្គ​ ផង​ដែរ។

សេចក្តីថ្លែងការណ៍ ការកើនឡើងជា​ថ្មីនៃ​ជម្លោះដីធ្លី គួរតែ​ត្រូវបាន​ដោះស្រាយ​ជាបន្ទាន់

ថ្ងៃ១៩ ខែកុម្ភៈ ឆ្នាំ២០១៥audio available

អង្គការ សម្ព័ន្ធខ្មែរជំរឿន និងការពារ​សិទិ្ធ​មនុស្ស “លីកាដូ” មានការ​ព្រួយ​បារម្ភ​ជាខ្លាំង​អំពី​​ការកើន​ឡើង​នៃ​ជម្លោះដីធ្លី ដែល​តាមរយៈ​ការ​ចងក្រង​ឯកសារ​ពីការិយាល័យ​តាម​បណ្តា​ខេត្ត​នានា​របស់​ខ្លួននៅក្នុង​ឆ្នាំ ២០១៤ ឃើញថា មានការ​កើន​ឡើង​បីដង​នៃចំនួន​គ្រួសារ​ដែល​ទើបទទួល​រង​ផល​ប៉ះពាល់​ថ្មី​ដោយសារ​ជម្លោះដីធ្លី​នៅក្នុង​អំឡុងឆ្នាំ​២០១៤ ដោយ​ប្រៀបធៀប​ទៅនឹង​ឆ្នាំ ២០១៣។

សេចក្តីថ្លែងការណ៍ ក្រុម​សង្គមស៊ីវិល សោកស្តាយ​ការ​មិន​បន្តទិដ្ឋាការដល់​សកម្មជន​ដ៏ល្បីឈ្មោះម្នាក់

ថ្ងៃ១៧ ខែកុម្ភៈ ឆ្នាំ២០១៥audio available

យើងខ្ញុំ ជាក្រុម​សង្គមស៊ីវិល​ដែលមានរាយនាមដូច​ខាងក្រោម មានការ​សោកស្តាយ​ជាខ្លាំងចំពោះសេចក្តី​សម្រេច​បដិសេធការ​បន្តទិដ្ឋាការដល់​សកម្មជនបរិស្ថាន​ដ៏ល្បីឈ្មោះ លោក អាឡិច ហ្គូហ្សាឡិច ដេវិដសុន (អាឡិច)។ លោក អាឡិច បាន​ឈរជួរមុខ​ក្នុងយុទ្ធនាការ​មួយនៃអង្គការ​មិនមែនរដ្ឋាភិបាល​ក្នុងស្រុកមួយ​ឈ្មោះ “មាតាធម្មជាតិ” ដើម្បី​បញ្ឈប់គម្រោង​សាងសង់​ទំនប់វារីអគ្គីសនីដ៏​ចម្រូងចម្រាស​នៅក្នុង​តំបន់អារ៉ែង ខេត្តកោះកុង។

របាយការណ៍ កុមារភាព​នៅក្នុង​ពន្ធនាគារ ការ​ចម្រើនវ័យ​ក្នុង​ពន្ធនាគារ​កម្ពុជា៖ រឿងរ៉ាវ​របស់ដារ៉ា

ថ្ងៃ១៥ ខែកុម្ភៈ ឆ្នាំ២០១៥

នាថ្ងៃនេះ អង្គការ លីកាដូ ធ្វើការចេញផ្សាយ​នូវរបាយការណ៍​ចុង​ក្រោយ និង​លើកទីពីរ​របស់ខ្លួន ដែល​ជាស៊េរីនៃ​ករណីសិក្សាជា​ច្រើន ដែលវាយតម្លៃទៅ​លើផល​ប៉ះពាល់​លើ​កុមារ​​ដែលចម្រើនលូតលាស់នៅ​ក្នុងពន្ធនាគារ​កម្ពុជា។ នៅ​ត្រឹមខែមករា ឆ្នាំ២០១៥ កុមារចំនួន ៣៩នាក់ អាយុចន្លោះពី ១ខែ ដល់ ៤ឆ្នាំ កំពុង​រស់នៅ​ជាមួយម្តាយ​របស់អ្នកទាំងនោះ​នៅក្នុង​ពន្ធនាគារ​កម្ពុជាចំនួន ១៨កន្លែង ដែល​ត្រូវបាន​តាមដានដោយ​អង្គការ លីកាដូ។ យ៉ាងតិចណាស់ ចំនួនពាក់កណ្តាលនៃ​អ្នកទាំងនោះ បានចាប់​កំណើតនៅ​ក្នុងពន្ធនាគារ ហើយស្ទើរតែទាំងអស់​នៃអ្នក​ទាំងនោះ​មិនដែលធ្លាប់ ឬចងចាំពីជីវិតរស់​នៅក្រៅរបង​ពន្ធនាគារនោះទេ។

សេចក្តីថ្លែងការណ៍ អង្គការ​សង្គម​ស៊ីវិលសូម​​អំពាវនាវ​ឲ្យ​រដ្ឋាភិបាល និង​គណបក្ស​នយោបាយ​​គោរព​សេរីភាព​ខាងការបញ្ចេញ​មតិ​

ថ្ងៃ៥ ខែកុម្ភៈ ឆ្នាំ២០១៥audio available

យើងខ្ញុំជាក្រុមអង្គការ​សង្គមស៊ីវិលដែលមានរាយនាម​ខាងក្រោម​ មាន​ការព្រួយបារម្ភ​យ៉ាង​ខ្លាំង​​​ចំពោះ​​​ការលើក​ឡើង​​​វិធានការ​ថ្មី​ដែល​​ហាមឃាត់​​បុគ្គលិក​អង្គការ​សង្គមស៊ីវិល​​​ក្នុង​ការ​ផ្ដល់​បទ​សម្ភាសន៍​ជាមួយប្រព័ន្ធ​ផ្សព្វផ្សាយ​​​ ឬ​​​​ថ្លែងការណ៍ផ្សេងៗ​​​​ដែលអាច “​ជេរប្រមាថ” ដល់គណបក្ស​នយោបាយ​ក្នុង​អំឡុង​ពេល​បោះ​ឆ្នោត។ ការ​រឹតបន្តឹង​បែប​នេះ​ស្មើ​នឹង​ការ​រំលោភបំពាន​​សេរីភាពខាង​ការ​​បញ្ចេញ​មតិ​។

អត្ថបទ សូមដោះលែង​ ១៩ នាក់៖ លី សៀវមិញ

ថ្ងៃ២៨ ខែមករា ឆ្នាំ២០១៥

កញ្ញា លី សៀវមិញ មានអាយុ ២៣ឆ្នាំ និង​រស់នៅជាមួយ​ម្តាយឳពុក ហើយ​និងប្អូនប្រុស​របស់នាង នៅ​ខណ្ឌទូលគោក រាជធានីភ្នំពេញ។ គ្រួសារ​របស់នាង បាន​រស់នៅលើដី​នេះអស់រយៈពេល ៣៥ឆ្នាំហើយ ហើយ​ទោះបីជាមាន​ភស្តុតាងនៃការកាន់​កាប់ដីនេះរយៈពេល​យូរក៏ដោយ ក៏គ្រួសាររបស់​នាងនៅតែជាប់​ពាក់ព័ន្ធនឹងជម្លោះដីធ្លីដ៏រ៉ាំរ៉ៃមួយ​ជាមួយសាលា​រាជធានីភ្នំពេញ និង​ក្រុមហ៊ុន ឃុន សៀ ដោយ​សាលារាជធានី​បានលក់ដីនោះទៅ​ឲ្យក្រុមហ៊ុននៅឆ្នាំ ២០១០។ ពីដំបូង ប្រជាពលរដ្ឋ​ចំនួន ៦គ្រួសារទៀត ក៏មានជាប់​ពាក់ព័ន្ធនឹងជម្លោះដីធ្លីដែរ ប៉ុន្តែឥឡូវអ្នក​ទាំងនោះបានទទួល​យកសំណង និង​បានចាកចេញពីទីនោះ​ហើយ បន្ទាប់ពីប្រឈម​មុខនឹងការ​បំភិតបំភ័យជាប់ៗ​គ្នាជាច្រើនដង​ពីក្រុមហ៊ុន។

ទំព័របន្ទាប់ >>