ចំណងជើង

សិទិ្ធមនុស្សទូទៅ

សេចក្តីថ្លែងការណ៍
អង្គការ​លីកាដូ​សំណូមពរ​ឱ្យ​ចាត់វិធានការ​ឱ្យបាន​ឆាប់រហ័ស ក្រោយពី​ទារក​ម្នាក់ស្លាប់ដោយសាររស់នៅជាមួយម្ដាយ​ក្នុងពន្ធនាគារ

ថ្ងៃទី​១៨ ខែកុម្ភៈ ឆ្នាំ២០២០audio available

ទារកអាយុ៥ខែម្នាក់​រស់នៅ​ជាមួយម្ដាយ​ ដែល​កំពុង​ជាប់ឃុំ​ក្នុង​មណ្ឌលអប់រំ​កែប្រែទី២​ (ព្រៃសរ)​ បាន​ស្លាប់​កាលពី​ថ្ងៃអាទិត្យ​ ទី២៦​​ ខែមករា​ នៅមន្ទីរពេទ្យ​ មិត្តភាពខ្មែរ-សូវៀត​ ក្នុង​រាជធានីភ្នំពេញ។​ ការស្លាប់​ដ៏ខ្លោចផ្សារ​នេះបង្ហាញពី​ តម្រូវការ​ចាំបាច់​សម្រាប់​អាជ្ញាធរ​ក្នុងការ​ផ្ដល់អាទិភាព​សិទ្ធិ​នៅក្រៅឃុំ​បណ្ដោះអាសន្ន​សម្រាប់​ស្ត្រី​ដែលមានកូនតូច​នៅជាមួយ។ ​ ស្រ្តីជាម្ដាយ​ក្មេងរងគ្រោះ​ ត្រូវបាន​បញ្ជូនទៅ​ឃុំខ្លួន​ក្នុងពន្ធនាគារ​បណ្ដោះអាសន្ន​រង់ចាំ​សវនាការ​ កាលពី​ពាក់កណ្ដាល​ឆ្នាំ២០១៩​ បន្ទាប់ពី​រងការ​ចោទប្រកាន់​ពីអាជ្ញាធរថា​បានកាន់កាប់​កញ្ចប់ថ្នាំញៀន​ប្រភេទ​មេតាហ្វេតាមីន​ដែលមានតម្លៃ​ត្រឹមតែមួយ​ម៉ឺនរៀល​ ឬ២.៥ដុល្លារ។​ អ្នកស្រី​មិនត្រូវ​បាន​ផ្ដល់​មេធាវី​ការពារក្ដីទេ​ ហើយក៏​មិនបាន​ដឹងពី​សិទ្ធិក្នុងការ​ស្នើសុំ​នៅក្រៅឃុំ​ផងដែរ។​ អ្នកស្រី​មានផ្ទៃពោះ​៨ខែ ​នៅពេល​ត្រូវបាន​បញ្ជូនទៅ​ឃុំខ្លួន​ក្នុង​ពន្ធនាគារ។​

អត្ថបទខ្លីៗ
សហជីពកម្មករ​អំពាវនាវស្វែងរក​យុត្តិធម៌​ករណី​ឃាតកម្ម​លើប្រធាន​សហជីព​កាលពី១៦ឆ្នាំមុន

ថ្ងៃទី​២២ ខែមករា ឆ្នាំ២០២០ អំឡុងពេល​ប្រារព្ធពិធីរំលឹក​ខួប១៦ឆ្នាំ​នៃការបាញ់សម្លាប់​លោក ជា​ វិជ្ជា​ នៅខាងក្រៅ​វត្តលង្កា ​ក្នុងរាជធានី​ភ្នំពេញ​ មនុស្សប្រមាណ​ជា១០០នាក់​ រួមមាន​សហជីព​ គ្រួសារ​ជនរងគ្រោះ ​និងតំណាង​សង្គមស៊ីវិល​ បានអំពាវនាវ​ទៅកាន់អាជ្ញាធរ​ដើម្បីឱ្យបើកការ​ស៊ីបអង្កេត​ឡើងវិញ​លើករណី​អតីតប្រធាន​សហជីពរូបនេះ ​ដែលមិនទាន់​ត្រូវបាន​ដោះស្រាយ។ ​

ដោយឈរជួបជុំគ្នា​នៅចម្ងាយប៉ុន្មាន​ម៉ែត្រពីទីតាំងដែល​លោក ជា វិជ្ជា​ ត្រូវបាន​បាញ់សម្លាប់​ ប្រធានសហជីព​មួយចំនួន​ក៏បានជំរុញ​ឱ្យកម្មករ​ទូទាំងប្រទេស​ តស៊ូ​ការពារ​សិទ្ធិកម្មករ​បន្ត​ពីលោក​ ជា វិជ្ជា ​តទៅទៀត​ និងបាន​ព្រមានថា​ ដំណើរការនៃ​ការដកហូត​ ប្រព័ន្ធ​អនុគ្រោះពន្ធ​លើទំនិញ​គ្រប់មុខ​លើកលែង​តែសព្វាវុធ​ (EBA)​ ជាមួយ​សហភាព​អឺរ៉ុប​ អាចនឹង​ធ្វើឱ្យមានការ​ប៉ះពាល់​យ៉ាងធ្ងន់ធ្ងរ​ចំពោះ​កម្មករ​ និងគ្រួសារ​អ្នកទាំងនោះ។ ​ការប្រារព្ធ​ទិវាបែប​ព្រះពុទ្ធសាសនា​ដោយសន្តិវិធីនេះ ​បានប្រព្រឹត្តទៅ​ដោយស្ថិតនៅ​ក្រោមការ​ត្រួតពិនិត្យ​របស់នគរបាល​ មន្ត្រីស្លៀកពាក់ស៊ីវិល​ និងកងសន្ដិសុខ​ខណ្ឌដូនពេញ​ ប្រមាណជាង៦០នាក់៕

អតីតប្រធាន​សហជីពសេរី​កម្មករ​នៃព្រះរាជាណាចក្រកម្ពុជា​ លោក ជា វិជ្ជា​ ត្រូវបាន​ឃាតករបាញ់​សម្លាប់នៅ​កណ្ដាលថ្ងៃ ​កាលពីថ្ងៃទី២២​ ខែមករា​ ​ឆ្នាំ២០០៤​ នៅខាងមុខ​តូបលក់កាសែត​មួយកន្លែង​នៅខាងក្រៅ​វត្តលង្កា។ ​អស់រយៈពេល​ជាង១ទសវត្សរ៍​មកហើយ​ ឃាតករ​មិនត្រូវបាន​យកមកផ្ដន្ទាទោស​នៅឡើយទេ។​ ផ្ទុយទៅវិញ​ បុរសគ្មានកំហុស​ពីររូប​គឺលោក ​ប៊ន សំណាង ​និងលោក សុខ​ សំអឿន​ បែរជា​ត្រូវបាន​កាត់ទោស​ និងផ្ដន្ទាទោស​ឱ្យជាប់ពន្ធនាគារ​រយៈពេល៥ឆ្នាំ​ដោយមិនត្រឹមត្រូវ​ មុនពេល​តុលាការ​បដិសេធ​ការផ្ដន្ទាទោសនេះ​ចោលវិញ។​

សេចក្តីថ្លែងការណ៍
សវនាការ​អតីត​ប្រធាន​គណបក្ស​ជំទាស់​ គួរត្រូវបាន​អនុញ្ញាតឱ្យ​មានការចូលរួម​ពីក្រុមគ្រួសារ​ អ្នកសារព័ត៌មាន​ និងអង្គការ​សង្គមស៊ីវិល​

ថ្ងៃទី​១៦ ខែមករា ឆ្នាំ២០២០audio available

យើងខ្ញុំ​ ជាអង្គការ​សង្គមស៊ីវិល​មានរាយនាម​ដូចខាងក្រោម​ សូមស្នើសុំ​ឱ្យសាលា​ដំបូងរាជធានី​ភ្នំពេញ​ ធានាថា ​សវនាការ​របស់​ឯកឧត្តម​ កឹម សុខា​អតីត​ប្រធាន​គណបក្ស​ជំទាស់​ដែលត្រូវបាន​រង់ចាំអស់​រយៈពេល​ជាយូរមកហើយ​ គួរតែ​បើកទូលាយ​ដល់​សាធារណជន​ ​សារព័ត៌មាន​ ​និងការចូលរួម​ពេញលេញ​ពីសំណាក់​អង្គការ​សង្គមស៊ីវិល។​ យើងខ្ញុំ​ក៏ស្នើសុំ​ដល់តុលាការ​ឱ្យផ្ដិត​យកទិដ្ឋភាព​ និងផ្សាយបន្ត​ផ្ទាល់ពី​ដំណើរការ​សវនាការនេះ ​ដូចដែលបាន​ធ្វើឡើង​កាលពីលើកមុន​។ សវនាការ​របស់ឯកឧត្តម​ កឹម សុខា​ លើការ​ចោទប្រកាន់​ពី “បទសន្ទិដ្ឋិភាព​ជាមួយ​បរទេស”​ មិនទាន់បាន​បង្ហាញ​ជាសាធារណៈ​នូវភស្ដុតាង​គួរឱ្យជឿទុកចិត្ត​ណាមួយ​នៅឡើយទេ​ ហើយករណី​នេះអាចប្រឈម​នឹងការផ្ដន្ទាទោស​ឱ្យជាប់ពន្ធនាគារ​រហូតដល់​៣០ឆ្នាំ ​ដែលមានការ​ចាប់អារម្មណ៍យ៉ាងខ្លាំង​ពីសំណាក់​សាធារណជន​ទាំងក្នុង​ និងក្រៅប្រទេស។

អត្ថបទ
គ្រួសារជន​រងគ្រោះ​ និង​សកម្មជន​សិទ្ធិមនុស្ស​ ប្រារព្ធ​ខួបលើកទី៦​នៃអំពើហិង្សា​នៅផ្លូវវេងស្រេង​

ថ្ងៃទី​៣ ខែមករា ឆ្នាំ២០២០audio available

នាព្រឹកនេះ​ មនុស្ស​ប្រមាណ​ជា៧០នាក់​ រួមមាន​សកម្មជនដីធ្លី​ កម្មករ​ និងសកម្មជន​សិទ្ធិមនុស្ស​ បានជួបជុំគ្នា​នៅរាជធានី​ភ្នំពេញ​ ដើម្បីប្រារព្ធ​ខួបលើកទី៦​នៃវាយប្រហារ​ពីសំណាក់​កងកម្លាំង​ប្រដាប់អាវុធ​ទៅលើហ្វូង​កម្មករ​ដែលកំពុង​ធ្វើកូដកម្ម​នៅលើ​មហាវិថី​វេងស្រេងក្នុង​រាជធានីភ្នំពេញ​ កាលពីថ្ងៃទី៣​ ខែមករា​ ឆ្នាំ២០១៤​ ដែលបណ្ដាល​ឱ្យមានមនុស្ស​៤នាក់ស្លាប់​បាត់បង់ជីវិត​ ម្នាក់បាត់ខ្លួន​ និងរាប់សិបនាក់​ផ្សេងទៀត​រងរបួស។

អ្នកចូលរួម​បានរៀបចំ​ពិធីតាមបែប​ព្រះពុទ្ធសាសនា​ និងជាការ​រំលឹកដល់ការ​ស្លាប់របស់​ជនរងគ្រោះ ​នៅមជ្ឈមណ្ឌល​សម្ព័ន្ធភាពការងារ​ និងសិទ្ធិមនុស្ស ​(សង់ត្រាល់)​ ដោយមាន​ការចូលរួម​ពីគ្រួសារ​ជនរងគ្រោះ​ដែលត្រូវបាន​បាញ់សម្លាប់​ និងបាត់ខ្លួន​ផងដែរ។

វីដេអូ
ជីវិតជាម្ដាយក្នុងពន្ធនាគារ

ថ្ងៃទី​៩ ខែធ្នូ ឆ្នាំ២០១៩audio available

ដេីម្បី​ចូលរួម​​ប្រារព្ធ​យុទ្ធនាការ​​ ១៦​ ថ្ងៃ​​ ប្រឆាំង​នឹង​​អំពើ​ហឹង្សា​​លេី​ស្ត្រី​​ អង្គការ​​ លីកាដូ​​ ចេញ​ផ្សាយ​​កម្រង​វីដេអូ​ខ្លីៗ​​ ស្តីពី​ស្ថានភាព​​របស់​ស្ត្រី​​មាន​ផ្ទៃពោះ​​ និ​ងម្តាយ​​ជា​មួយ​​កូន​តូច​​ ដែលជាប់​​ក្នុង​ពន្ធនាគារ​​នៅ​កម្ពុជា​។​

ជីវិតគឺ​ពិតជា​ពិបាក​ខ្លាំងណាស់​សម្រាប់​អ្នកជាប់ឃុំ​ក្នុងពន្ធនាគារ​នៅប្រទេស​កម្ពុជា​។ ការរំលោភ​សិទ្ធិមនុស្ស​ជាមូលដ្ឋាន​ដូចជា​ កង្វះខាត​នៃអាហារ​ហូបចុក​ ទឹកស្អាត​ ពេលវេលា​នៅក្រៅ​បន្ទប់ឃុំឃាំង​ និង​ការការពារ​ផ្លូវច្បាប់​ ដែលកើតមាន​ឡើងជា​ច្រើនករណី​ ហើយជីវិតពិត​នៅក្នុង​ពន្ធនាគារ​គឺ ប្រសិនបើ​អ្នកជាប់ឃុំ​គ្មានប្រាក់បង់ទេ​ អ្នកទាំងនោះក៏​មិនទទួលបាន​សារៈសំខាន់​មូលដ្ឋាន​ទាំងនេះ​ផងដែរ។​

វីដេអូ
ជីវិតជាម្ដាយក្នុងពន្ធនាគារ

ថ្ងៃទី​២ ខែធ្នូ ឆ្នាំ២០១៩audio available

ដេីម្បី​ចូលរួម​​ប្រារព្ធ​យុទ្ធនាការ​​ ១៦​ ថ្ងៃ​​ ប្រឆាំង​នឹង​​អំពើ​ហឹង្សា​​លេី​ស្ត្រី​​ អង្គការ​​ លីកាដូ​​ ចេញ​ផ្សាយ​​កម្រង​វីដេអូ​ខ្លីៗ​​ ស្តីពី​ស្ថានភាព​​របស់​ស្ត្រី​​មាន​ផ្ទៃពោះ​​ និ​ងម្តាយ​​ជា​មួយ​​កូន​តូច​​ ដែលជាប់​​ក្នុង​ពន្ធនាគារ​​នៅ​កម្ពុជា​។​

ជីវិតគឺ​ពិតជា​ពិបាក​ខ្លាំងណាស់​សម្រាប់​អ្នកជាប់ឃុំ​ក្នុងពន្ធនាគារ​នៅប្រទេស​កម្ពុជា​។ ការរំលោភ​សិទ្ធិមនុស្ស​ជាមូលដ្ឋាន​ដូចជា​ កង្វះខាត​នៃអាហារ​ហូបចុក​ ទឹកស្អាត​ ពេលវេលា​នៅក្រៅ​បន្ទប់ឃុំឃាំង​ និង​ការការពារ​ផ្លូវច្បាប់​ ដែលកើតមាន​ឡើងជា​ច្រើនករណី​ ហើយជីវិតពិត​នៅក្នុង​ពន្ធនាគារ​គឺ ប្រសិនបើ​អ្នកជាប់ឃុំ​គ្មានប្រាក់បង់ទេ​ អ្នកទាំងនោះក៏​មិនទទួលបាន​សារៈសំខាន់​មូលដ្ឋាន​ទាំងនេះ​ផងដែរ។​

វីដេអូ
ជីវិតជាម្ដាយក្នុងពន្ធនាគារ

ថ្ងៃទី​២៥ ខែវិច្ឆិកា ឆ្នាំ២០១៩audio available

ដេីម្បី​ចូលរួម​​ប្រារព្ធ​យុទ្ធនាការ​​ ១៦​ ថ្ងៃ​​ ប្រឆាំង​នឹង​​អំពើ​ហឹង្សា​​លេី​ស្ត្រី​​ អង្គការ​​ លីកាដូ​​ ចេញ​ផ្សាយ​​កម្រង​វីដេអូ​ខ្លីៗ​​ ស្តីពី​ស្ថានភាព​​របស់​ស្ត្រី​​មាន​ផ្ទៃពោះ​​ និ​ងម្តាយ​​ជា​មួយ​​កូន​តូច​​ ដែលជាប់​​ក្នុង​ពន្ធនាគារ​​នៅ​កម្ពុជា​។​

ជីវិតគឺ​ពិតជា​ពិបាក​ខ្លាំងណាស់​សម្រាប់​អ្នកជាប់ឃុំ​ក្នុងពន្ធនាគារ​នៅប្រទេស​កម្ពុជា​។ ការរំលោភ​សិទ្ធិមនុស្ស​ជាមូលដ្ឋាន​ដូចជា​ កង្វះខាត​នៃអាហារ​ហូបចុក​ ទឹកស្អាត​ ពេលវេលា​នៅក្រៅ​បន្ទប់ឃុំឃាំង​ និង​ការការពារ​ផ្លូវច្បាប់​ ដែលកើតមាន​ឡើងជា​ច្រើនករណី​ ហើយជីវិតពិត​នៅក្នុង​ពន្ធនាគារ​គឺ ប្រសិនបើ​អ្នកជាប់ឃុំ​គ្មានប្រាក់បង់ទេ​ អ្នកទាំងនោះក៏​មិនទទួលបាន​សារៈសំខាន់​មូលដ្ឋាន​ទាំងនេះ​ផងដែរ។​

កម្រង​រូបភាព
កងកម្លាំង​ប្រដាប់​អាវុធ​ត្រូវបានដាក់​ពង្រាយ​នៅទូទាំងប្រទេស​កម្ពុជា

ថ្ងៃទី​៧ ខែវិច្ឆិកា ឆ្នាំ២០១៩

ទាហាន កងរាជអាវុធ​ហត្ថនិងនគរបាល​ជាច្រើន​ បានប្រមូលផ្ដុំគ្នា​នៅទូទាំងប្រទេស​កម្ពុជា​ក្នុងសប្ដាហ៍នេះ មុនថ្ងៃគ្រោងធ្វើ​មាតុភូមិនិវត្តន៍​របស់ថ្នាក់ដឹកនាំ​អតីតគណបក្ស​សង្គ្រោះជាតិ​ ដែលត្រូវបានរំលាយ​ដោយតុលាការកំពូល។ ​នៅតាមខេត្តជាច្រើន​ មាន​​ការដង្ហែក្បួនជា​សាធារណៈនៃ​កងកម្លាំងប្រដាប់អាវុធ​នៅតាម​ផ្លូវធំ​ៗ​ ដោយពេលខ្លះក្មេងៗ​ឈរហែហមជាជួរៗតាមដងផ្លូវ​ និងកម្លាំង​ប្រដាប់អាវុធទាំងនោះ​ ដែលបានរៀបចំ​ដោយសាលារៀន។​ ប្រព័ន្ធផ្សព្វផ្សាយ​ដែលមាននិន្នាការ​គាំទ្ររដ្ឋាភិបាល​ និងទំព័រហ្វេសប៊ុក​ បានចែករំលែក​វីដេអូនៃកងកម្លាំងប្រដាប់អាវុធ​​ជាមួយកាំភ្លើងយន្តមានជើងទម្រ​​ កាំភ្លើងគ្រាប់បែក ​កាំភ្លើងធំ​ កាំភ្លើងស្វ័យប្រវត្តិ និងកាំភ្លើងបាញ់​ស៊ីបជាច្រើន។​ អង្គការលីកាដូ​បានរកឃើញថា​ ក្បួនដង្ហែនៃកងកម្លាំង​ប្រដាប់អាវុធ​ទាំងនេះ​បាន​ធ្វើឡើងតាមផ្លូវសាធារណៈ​ក្នុងខេត្តបន្ទាយមានជ័យ​ បាត់ដំបង ​កំពង់ធំ ​កោះកុង​ និងខេត្តស្វាយរៀង។ ​ការដាក់ពង្រាយកងកម្លាំងប្រដាប់អាវុធនេះ​ កើតឡើង​ចំពេលដែល​មានការចាប់ខ្លួន​អតីតសមាជិក​គណបក្ស​ជំទាស់យ៉ាងតិចណាស់​៥០រូប ចាប់តាំងពីខែសីហា ឆ្នាំ២០១៩នេះមក។

វីដេអូ
លក់ដីដើម្បីដោះបំណុលមីក្រូហិរញ្ញវត្ថុ

ថ្ងៃទី​១៩ ខែសីហា ឆ្នាំ២០១៩audio available

ជារឿយៗ​ កសិករ​ជំពាក់​បំណុល​មីក្រូហិរញ្ញ​វត្ថុ​ ប៉ុន្តែ​ក្រោយមក​ ជួបភាព​លំបាក​ជាខ្លាំង​ក្នុងការ​ដោះបំណុល​វិញ ​ដោយសារ​តែ​តម្លៃទីផ្សារ​​ផលិតផល​កសិកម្មទាប​ ឬទទួលបាន​ទិន្នផលទាប។​ ជួលកាល​ ការលក់ដី​គឺជាមធ្យោបាយ​តែមួយគត់​ ដែលអាច​ឱ្យពួកគាត់​សងប្រាក់​កម្ចី​មីក្រូហិរញ្ញវត្ថុ។​

វីដេអូ
វដ្ដនៃបំណុល

ថ្ងៃទី​៨ ខែសីហា ឆ្នាំ២០១៩audio available

ទំហំមធ្យម​នៃកម្ចីខ្នាតតូច​នៅកម្ពុជា​ពេលនេះ ​គឺខ្ពស់​ជាងគេ​នៅលើ​ពិភពលោក។​ កសិករ​ជាច្រើន​បានធ្លាក់ខ្លួន​ចូលក្នុង​វដ្ដនៃបំណុល​ ដែលត្រូវ​បង្ខំចិត្ត​ខ្ចីប្រាក់​បន្ថែម​ច្រើនឡើងៗ​ ដើម្បី​រស់នៅ។ ​មើលវីដេអូ​ខាងក្រោម​ ដើម្បី​ស្វែងយល់​បន្ថែមពី​រឿងរ៉ាវ​របស់​បុរសម្នាក់៕​

សេចក្តីថ្លែងការណ៍
ការ​ធ្វើ​ឱ្យខូច​ខាត​ទ្រព្យ​ដាក់​បញ្ចាំ៖ ការ​បាត់​បង់​​ដី​ធ្លី​ និង​​ការ​រំលោភ​បំពាន​ក្នុងវិស័យមីក្រូហិរញ្ញវត្ថុ​នៅ​កម្ពុជា

ថ្ងៃទី​៧ ខែសីហា ឆ្នាំ២០១៩audio available

បច្ចុប្បន្ននេះ ប្រជាពលរដ្ឋ​កម្ពុជា​ជាង​ ២​លាន​នាក់​បាន​ខ្ចី​ប្រាក់​ពីគ្រឹះស្ថាន​មីក្រូ​ហិរញ្ញ​វត្ថុ​។ ដោយ​យោង​តាម​របាយ​ការណ៍​រួម​របស់​​អង្គការ​ លីកាដូ និង​សមាគម​ធាង​ត្នោត បាន​រក​ឃើញ​ថា ប៉ុន្មាន​ឆ្នាំ​ចុងក្រោយ​នេះ​ កម្រិត​នៃ​បំណុល​របស់​ប្រជាពល​រដ្ឋ​​បាន​កើន​ឡើង​កាន់​តែខ្លាំង​ឡើងៗ​ ដែលនេះបណ្តាល​ឱ្យ​​អាចកើតមាន​ការ​រំលោភ​បំពាន​សិទ្ធិ​មនុស្ស​ជាច្រើន​ រួម​មាន​​ការ​បង្ខំ​ឱ្យ​លក់​ដី ​ការ​កេង​ប្រវ័ញ្ច​កំលាំង​ពលកម្ម​កុមារ ការ​ធ្វើចំណាក​ស្រុក​ដោយ​សារ​​បំណុល និង​ការ​បញ្ចាំ​ខ្លួន​ដើម្បី​ដោះ​បំណុល។ ​ការធ្វើឱ្យខូចខាតទ្រព្យដាក់បញ្ចាំ៖ ការបាត់បង់ដីធ្លី និងការរំលោភបំពានក្នុងវិស័យមីក្រូហិរញ្ញវត្ថុ នៅកម្ពុជា ផ្តល់​ព័ត៌មាន​លម្អិត​អំពី​ទំហំ​និង​វិសាលភាព​នៃ​វិស័យ​មីក្រូ​ហិរញ្ញវត្ថុ​នៅ​កម្ពុជា និង​បង្ហាញ​ពី​ការរំលោភ​បំពាន​សិទ្ធិ​មនុស្ស​ដែល​អ្នក​ស្រាវជ្រាវ​បាន​រក​ឃើញ។ ការ​សិក្សា​ស្រាវជ្រាវ​នេះ​ធ្វើ​ឡើង​ក្នុង​ឃុំ​ចំនួន​១០ ក្នុង​ខេត្ត​ចំនួន ៤ រួម​ទាំង​រាជ​ធានីភ្នំ​ពេញ​ ហើយ​ការ​សិក្សា​ស្រាវជ្រាវ​នេះ​រួម​បញ្ចូល​ទាំង​ ករណី​សិក្សា​លម្អិត​ចំនួន​៧ នៃការ​រំលោភ​បំពាន​សិទ្ធិ​មនុស្ស បន្ទាប់​ពីអ្នកស្រាវជ្រាវ​បាន​សម្ភាសន៍​ជាមួយ​នឹង​អតិថិជន​ចំនួន២៨​នាក់​របស់គ្រឹះស្ថាន​មីក្រូហិរញ្ញ​វត្ថុ។

វីដេអូ
ការ​ធ្វើ​ឱ្យខូច​ខាត​ទ្រព្យ​ដាក់​បញ្ចាំ៖ ការ​បាត់​បង់​​ដី​ធ្លី​ និង​​ការ​រំលោភ​បំពាន​ក្នុងវិស័យមីក្រូហិរញ្ញវត្ថុ​នៅ​កម្ពុជា

ថ្ងៃទី​៧ ខែសីហា ឆ្នាំ២០១៩audio available

បច្ចុប្បន្ននេះ ប្រជាពលរដ្ឋ​កម្ពុជា​ជាង​ ២​លាន​នាក់​បាន​ខ្ចី​ប្រាក់​ពីគ្រឹះស្ថាន​មីក្រូ​ហិរញ្ញ​វត្ថុ​។ ដោយ​យោង​តាម​របាយ​ការណ៍​រួម​របស់​​អង្គការ​ លីកាដូ និង​សមាគម​ធាង​ត្នោត បាន​រក​ឃើញ​ថា ប៉ុន្មាន​ឆ្នាំ​ចុងក្រោយ​នេះ​ កម្រិត​នៃ​បំណុល​របស់​ប្រជាពល​រដ្ឋ​​បាន​កើន​ឡើង​កាន់​តែខ្លាំង​ឡើងៗ​ ដែលនេះបណ្តាល​ឱ្យ​​អាចកើតមាន​ការ​រំលោភ​បំពាន​សិទ្ធិ​មនុស្ស​ជាច្រើន​ រួម​មាន​​ការ​បង្ខំ​ឱ្យ​លក់​ដី ​ការ​កេង​ប្រវ័ញ្ច​កំលាំង​ពលកម្ម​កុមារ ការ​ធ្វើចំណាក​ស្រុក​ដោយ​សារ​​បំណុល និង​ការ​បញ្ចាំ​ខ្លួន​ដើម្បី​ដោះ​បំណុល។

​ការធ្វើឱ្យខូចខាតទ្រព្យដាក់បញ្ចាំ៖ ការបាត់បង់ដីធ្លី និងការរំលោភបំពានក្នុងវិស័យមីក្រូហិរញ្ញវត្ថុ នៅកម្ពុជា ផ្តល់​ព័ត៌មាន​លម្អិត​អំពី​ទំហំ​និង​វិសាលភាព​នៃ​វិស័យ​មីក្រូ​ហិរញ្ញវត្ថុ​នៅ​កម្ពុជា និង​បង្ហាញ​ពី​ការរំលោភ​បំពាន​សិទ្ធិ​មនុស្ស​ដែល​អ្នក​ស្រាវជ្រាវ​បាន​រក​ឃើញ។ ការ​សិក្សា​ស្រាវជ្រាវ​នេះ​ធ្វើ​ឡើង​ក្នុង​ឃុំ​ចំនួន​១០ ក្នុង​ខេត្ត​ចំនួន ៤ រួម​ទាំង​រាជ​ធានីភ្នំ​ពេញ​ ហើយ​ការ​សិក្សា​ស្រាវជ្រាវ​នេះ​រួម​បញ្ចូល​ទាំង​ ករណី​សិក្សា​លម្អិត​ចំនួន​៧ នៃការ​រំលោភ​បំពាន​សិទ្ធិ​មនុស្ស បន្ទាប់​ពីអ្នកស្រាវជ្រាវ​បាន​សម្ភាសន៍​ជាមួយ​នឹង​អតិថិជន​ចំនួន២៨​នាក់​របស់គ្រឹះស្ថាន​មីក្រូហិរញ្ញ​វត្ថុ។

សេចក្តីថ្លែងការណ៍
ការចាប់ខ្លួន​សកម្មជន២នាក់​បង្ហាញទៅកាន់សាធារណជនថា​ អាជ្ញាធរខ្វះ​ការគោរពសេរីភាព​​ក្នុងការបញ្ចេញមតិ ​និងជួបជុំគ្នា

ថ្ងៃទី​១២ ខែកក្កដា ឆ្នាំ២០១៩audio available

យើងខ្ញុំ ​ជាក្រុមសង្គមស៊ីវិល​មានរាយនាម​ដូចខាងក្រោម​ សូមសម្ដែង​ការសោកស្ដាយ​យ៉ាង​ខ្លាំង ចំពោះ​ការប្រើប្រាស់កងកម្លាំងសន្ដិសុខដោយ​មិនសមហេតុផល​ ​ អំឡុងពេល​ប្រារព្វពិធី​រំលឹក​ខួប​៣ឆ្នាំ​នៃឃាតកម្មលើ​អ្នកវិភាគ​នយោបាយ​ លោកបណ្ឌិត ​កែម ឡី ​និងសូមស្នើសុំ​ដោយទទូច​ឱ្យអាជ្ញាធរ​ដោះលែង​សកម្មជន​លោក គង់ រ៉ៃយ៉ា​ និងលោក​ សួង នាគព័ន្ធ ​ពីការឃុំខ្លួន​ឱ្យបានឆាប់រហ័ស​ដោយគ្មាន​លក្ខខណ្ឌ​ និងទម្លាក់ចោល​បទចោទលើ​អ្នកទាំងពីរ។​ យុរជនទាំងពីរ​ត្រូវបានចាប់ខ្លួន ​ដោយសារប្រើប្រាស់​សេរីភាព​នៃការបញ្ចេញមតិ​ដោយ​អហិង្សា អំឡុងពេល​ចូលរួមពិធី​រំលឹកខួប​នៃឃាតកម្ម​លើអ្នកវិភាគ​នយោបាយ​ លោកបណ្ឌិត​ កែម ឡី​ ដែលត្រូវបាន​ឃាតករបាញ់​សម្លាប់ ​កាលពីថ្ងៃទី១០​ ខែកក្កដា ​ឆ្នាំ២០១៦។​ ភ្លាមៗបន្ទាប់ពី​ការចាប់ខ្លួន​ អ្នកទាំងពីរ​ត្រូវបានចោទប្រកាន់​ពីបទញុះញង់ ​តាមបញ្ញត្តិ​មាត្រា៤៩៤​ និងមាត្រា៤៩៥​ នៃក្រមព្រហ្មទណ្ឌ​ ហើយកំពុង​ត្រូវបាន​ឃុំខ្លួន​បណ្ដោះអាសន្ន​រង់ចាំ​សវនាការ​ក្នុងមណ្ឌល​អប់រំកែ​ប្រែទី១​ (ព្រៃស)​ ក្នុងរាជធានី​ភ្នំពេញ។

អត្ថបទ
អាជ្ញាធរ​ឃាត់ខ្លួន​មនុស្ស៧នាក់​ ពាក់ព័ន្ធនឹង​ការរំលឹក​ខួប៣ឆ្នាំ​នៃឃាតកម្ម​លើលោកបណ្ឌិត​ កែម ឡី

ថ្ងៃទី​១០ ខែកក្កដា ឆ្នាំ២០១៩audio available

អាជ្ញាធរ​បានឃាត់ខ្លួន​មនុស្សចំនួន៧នាក់​នៅថ្ងៃទី០៩​ និងថ្ងៃទី១០​ ខែកក្កដា ឆ្នាំ២០១៩​នេះ ពាក់ព័ន្ធនឹង​ការសម្ដែងក្ដីរំលែកទុក្ខ​ និងការគាំទ្រ​ចំពោះ​អ្នកវិភាគនយោបាយ​ ដែលត្រូវបាន​ឃាតករ​បាញ់សម្លាប់​ គឺលោក​បណ្ឌិត កែម ឡី​ ខណៈដែល​ប្រជាពលរដ្ឋ​រំលឹកខួប៣ឆ្នាំ​នៃឃាតកម្ម​លើ​លោកបណ្ឌិត​ នៅទីតាំង​នៃអំពើឃាតកម្ម​ក្នុងរាជធានី​ភ្នំពេញ ​ត្រូវបាន​ហ៊ុមព័ទ្ធ​ដោយកងកម្លាំងចម្រុះ​ជាច្រើន។ ​ការឃាត់ខ្លួន​មនុស្ស​ទាំងនេះ​បង្ហាញពី​ការបង្ក្រាប​ឥតឈប់ឈរ​នៃការប្រើប្រាស់​កម្លាំងអាជ្ញាធរ​ច្រើនលើសលុប​ ដើម្បីរារាំង​ប្រជាពលរដ្ឋ​កម្ពុជាពីការ​សម្ដែងសិទ្ធិ​ក្នុងការ​បញ្ចេញមតិ​ និង​សិទ្ធិជួបជុំគ្នា។​

នាព្រឹកនេះ​ សកម្មជន៣នាក់​ ត្រូវបានឃាត់ខ្លួន​នៅខាងក្រៅ​ស្ថានីយ​ប្រេងឥន្ធនៈ​កាល់តិច​ស្ដុបបូកគោ​ក្នុង​រាជធានីភ្នំពេញ​ បន្ទាប់ពី​អ្នកទាំង៣​បានចូលរួម​ជាមួយយុវជន​ មេដឹកនាំ​សហជីព​ និងសមាជិក​សង្គមស៊ីវិល​ដទៃទៀត​ ដើម្បី​ធ្វើពិធីរំលឹក​ខួបនេះ។​ ស្ថានីយ​ប្រេងឥន្ធនៈនេះ​ ជាទីតាំង​ដែលលោក​បណ្ឌិត កែម ឡី​ ត្រូវបាន​ឃាតករបាញ់​សម្លាប់​ កាលពីថ្ងៃទី១០​ ខែកក្កដា ​ឆ្នាំ២០១៦។​ យុរជន​ដែលត្រូវបាន​ឃាត់ខ្លួន​ទាំង៣នាក់​ក្នុងនោះ​ក៏មាន​ សកម្មជន​ការពារបរិស្ថាន ​លោក ជុំ ហួត​ និងលោក ជុំ ហួរ​ ផងដែរ។

សេចក្តីថ្លែងការណ៍
រយៈពេល ៣ ឆ្នាំ​ហើយនៅតែមិនទាន់​មានកាស៊ើបអង្កេត​ប្រកបដោយ​ប្រសិទ្ធភាព​ចំពោះឃាតកម្ម​លោកបណ្ឌិត កែម ឡី

ថ្ងៃទី​៩ ខែកក្កដា ឆ្នាំ២០១៩audio available

នៅថ្ងៃគម្រប់ខួប៣ឆ្នាំ​ នៃឃាតកម្មទៅលើ​អ្នកអត្ថាធិប្បាយ​នយោបាយនិង​អ្នកការពារសិទ្ធិមនុស្ស​ បណ្ឌិត កែម ឡី ​អង្គការមិនមែន​រដ្ឋាភិបាលចំនួន ២៤ ​ដែល​មាន​ឈ្មោះ​ដូច​ខាងក្រោម​ អំពាវនាវ​ឡើងវិញ​ឱ្យរដ្ឋាភិបាល​កម្ពុជា​បង្កើត​គណៈកម្មការ​ស៊ើបអង្កេត​ឯករាជ្យ​និង​មិនលម្អៀង​ ដើម្បី​ស៊ើបអង្កេតឱ្យ​បានហ្មត់ចត់​និងមាន​ប្រសិទ្ធភាព​ចំពោះឃាតកម្ម​លើ​រូបលោក។ នៅថ្ងៃទី១០​ ខែកក្កដា​ ឆ្នាំ២០១៦​ លោក កែម ឡី​ ត្រូវបានឃាតករ​បាញ់សម្លាប់​ខណៈពេល​ដែល​លោកកំពុងទទួល​ទានកាហ្វេ​ពេលព្រឹក​នៅស្ថានីយ៍​ប្រេងឥន្ធនៈ​ដែលមានទីតាំង​នៅលើមហាវិថី​ព្រះមុន្នីវង្ស​នៅកណ្តាល​រាជធានីភ្នំពេញ។​ ឃាតកម្មនេះ​បានកើតឡើង​ចំពេលដែល​មានការវាយប្រហារ​ទៅលើ​អ្នកការពារ​សិទ្ធិមនុស្ស​និងសមាជិក​គណបក្សជំទាស់​និងកំណត់ត្រា​នៃឃាតកម្ម​ទៅលើ​អ្នកការពារ​សិទិ្ធមនុស្ស​ជាច្រើន​កន្លងមក​ដោយបន្សល់​នៅនិទណ្ឌភាព​នៅក្នុង​ប្រទេសកម្ពុជា។