សេចក្តីសម្រេចសាលាឧទ្ធរណ៍លើការសុំនៅក្រៅឃុំរបស់ព្រះសង្ឃពីរអង្គ ត្រូវបានពន្យាពេល
ចេញផ្សាយ ថ្ងៃទី៣០ ខែធ្នូ ឆ្នាំ២០១៤
នាព្រឹកនេះ សាលាឧទ្ធរណ៍នៅរាជធានីភ្នំពេញ បានបើកសវនាការលើសំណើសុំនៅក្រៅឃុំរបស់ព្រះតេជគុណ ឃីត វណ្ណៈ និងព្រះតេជគុណ សាង កុសល។ សវនាការនេះ ត្រូវបានបើកជាអសាធារណៈអស់របស់ពេល ១៥នាទី ហើយចៅក្រមបានប្រកាសថា សេចក្តីសម្រេចនឹងត្រូវបានប្រកាសជាសាធារណៈនៅថ្ងៃទី៩ ខែមករា វេលាម៉ោង ៨ ព្រឹក។ ព្រះតេជគុណ គឺត្រូវបានគេចាប់ផ្សឹកទាំងពីរអង្គ បន្ទាប់ពីត្រូវបានចាប់ខ្លួន និងឃុំខ្លួនបណ្តោះអាសន្នរង់ចាំសវនាការនៅពន្ធនាគារ ម១។
ព្រះសង្ឃទាំងពីរអង្គ ត្រូវបានចាប់ខ្លួននៅថ្ងៃទី១២ ខែវិច្ឆិកា ឆ្នាំ២០១៤ នៅខណៈពេលដែលព្រះអង្គកំពុងកាន់ដងទង់ជាតិ និងទង់សាសនា ដើម្បីគាំទ្រសកម្មជនដីធ្លីមកពីខេត្តព្រះវិហារ។ ព្រះអង្គទាំងពីរ ត្រូវបានចោទប្រកាន់ពីបទ ចូលរួមក្នុងសមាគមទុច្ចរិត (មាត្រា ៤៩៩ នៃក្រមព្រហ្មទណ្ឌ) និងត្រូវប្រឈមមុខជាប់ពន្ធនាគាររហូតដល់ ៥ឆ្នាំ និងពិន័យជាប្រាក់ ២.៥០០ ដុល្លារអាមេរិក ប្រសិនបើរកឃើញកំហុស។
អំឡុងពេលសវនាការខ្លីមួយនេះ ព្រះសង្ឃ សកម្មជនដីធ្លី និងអ្នកធ្វើការងារលើសិទិ្ធមនុស្ស បានតវ៉ានៅក្រៅតុលាការ ដោយអំពាវនាវសុំឲ្យមានការដោះលែងព្រះសង្ឃទាំងពីរអង្គ។
- ឯកសារទាក់ទង
- ចំណងជើង & មូលបទ
- ដោះលែង ១៩ នាក់
