លិខិតផ្ញើជូនអគ្គលេខាធិការអង្គការសហប្រជាជាតិ លោក បាន គីមួន
ចេញផ្សាយ ខែតុលា ឆ្នាំ២០១០
 | មើលឯកសារនេះជាភាសាអង់គ្លេស (PDF, 108.55 KBs) |
យើងខ្ញុំសរសេរសំបុត្រនេះដើម្បីស្វាគមន៍ឯកឧត្តម និងភរិយារបស់ឯកឧត្តម ក្នុងការមកទស្សនកិច្ចនៅកម្ពុជា និងដើម្បីសង្ខេបអំពីអ្វីដែលយើងខ្ញុំបានដឹងនូវបញ្ហានៃការរំលោភសិទិ្ធមនុស្សធ្ងន់ធ្ងរនៅកម្ពុជា។
ប្រទេសកម្ពុជា បច្ចុប្បន្នកំពុងជួបប្រទះនូវបញ្ហាធ្ងន់ធ្ងរបំផុត គិតចាប់តាំងពីរដ្ឋប្រហារឆ្នាំ ១៩៩៧ ដែលជាការដើរថយក្រោយនៃលទិ្ធប្រជាធិបតេយ្យក្នុងប្រទេស។ សហគមន៍អន្តរជាតិ ជាពិសេសអង្គការសហប្រជាជាតិ បានចូលរួមចំណែកគួរឲ្យកត់សម្គាល់ក្នុងការកសាងសន្តិភាព និងលទិ្ធប្រជាធិបតេយ្យ ហើយនិងនីតិរដ្ឋនៅក្នុងប្រទេសកម្ពុជា។ ប៉ុន្តែគួរឲ្យសោកស្តាយ ជំហ៊ានមួយចំនួនដែលពិបាកដើរឆ្ពោះទៅកាន់លទិ្ធប្រជាធិបតេយ្យសេរីពហុបក្ស កំពុងស្ថិតក្នុងស្ថានភាពគ្រោះថ្នាក់។ ជាពិសេសការព្យាយាមលើកកំពស់សិទិ្ធមនុស្ស កំពុងប្រឈមមុខនឹងគ្រោះថ្នាក់។
