ការដាក់របាយការណ៍ UPR ទៅកាន់ UN ដោយមជ្ឈមណ្ឌលអប់រំច្បាប់សម្រាប់សហគមន៍ (CLEC) អង្គការសម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO) អង្គការជំនួយផ្លូវច្បាប់ដល់កុមារ និងស្រ្តី (LSCW) និងអង្គការឃ្លាំមើលសិទិ្ធមនុស្ស (HRW)
ចេញផ្សាយ ខែមករា ឆ្នាំ២០១៤ មើលឯកសារនេះជាភាសាអង់គ្លេស (PDF, 112.25 KBs) |
មជ្ឈមណ្ឌលអប់រំច្បាប់សម្រាប់សហគមន៍ (CLEC) អង្គការសម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO) អង្គការជំនួយផ្លូវច្បាប់ដល់កុមារ និងស្រ្តី (LSCW) និងអង្គការឃ្លាំមើលសិទ្ធិមនុស្ស (HRW) បានដាក់របាយការណ៍រួមគ្នា ស្តីអំពីការជួញដូរមនុស្សតាមរយៈការកេងប្រវ័ញ្ចកម្លាំងពលកម្មរបស់ពលករកម្ពុជា។ ក្នុងរយៈពេលថ្មីៗនេះ ការជួញដូរមនុស្សនៅកម្ពុជាបានទទួលការយកចិត្តទុកដាក់យ៉ាងខ្លាំង ជាពិសេសផ្តោតទៅលើអ្នករកស៊ីផ្លូវភេទ។ ក៏ប៉ុន្តែ ការជួញដូរកម្លាំងពលកម្មក៏កំពុង រីករាលដាលកាន់តែខ្លាំងឡើងៗ រហូតក្លាយជាបញ្ហាដ៏សំខាន់មួយផងដែរ។ កាលពីរយៈពេល ៤ឆ្នាំកន្លះមកនេះ ការកេងប្រវ័ញ្ចកម្លាំងពលកម្ម ការជួញដូរមនុស្ស និងការរំលោភបំពានលើពលករកម្ពុជាមានការកើនឡើងគួរឲ្យកត់សម្គាល់។