របាយការណ៍ស្រមោលសម្រាប់គណកម្មាធិការសិទិ្ធមនុស្សនៃអង្គការសហប្រជាជាតិពិចារណាបន្ថែមលើរបាយការណ៍លើកទី២ របស់កម្ពុជា

ចេញផ្សាយ ខែមីនា ឆ្នាំ២០១៥

នៅពេលដែលប្រទេសកម្ពុជាបានត្រៀមខ្លួនដាក់របាយការណ៍លើកទី២របស់ខ្លួន សម្រាប់គណកម្មាធិការសិទិ្ធមនុស្ស ជាដំបូងយើងត្រូវកត់សម្គាល់នូវបរិបទនយោបាយដែលបានកើតឡើងនាពេលបច្ចុប្បន្ននេះ។ អំពើពុករលួយ នៅតែមានស្ថានភាពមិនល្អ ហើយអំពើហិង្សាទៅលើអ្នករិះគន់រាជរដ្ឋាភិបាល គឺមានលក្ខណៈជាប្រព័ន្ធ។ ប្រព័ន្ធយុត្តាធិការជាតិដែលទទួលឥទ្ធិពលពីគណបក្សនយោបាយ បន្តធ្វើការចោទប្រកាន់អ្នកជំទាស់នឹងរាជរដ្ឋាភិបាលច្រើនឡើងៗ នៅខណៈដែលតួអង្គរដ្ឋ និងបុគ្គលដែលមានទំនាក់ទំនងជិតស្និទ្ធជាមួយអ្នកទាំងនោះ ទទួលបាននូវនិទណ្ឌភាព។ សកម្មជន និងអ្នកសារព័ត៌មាន ត្រូវបានសម្លាប់ ហើយអាជ្ញាធររដ្ឋ នៅតែមិនធ្វើការស៊ើបអង្កេតឲ្យបានត្រឹមត្រូវលើបទល្មើសព្រហ្មទណ្ឌទាំងនោះ និងចាប់ខ្លួនអ្នកប្រព្រឹត្តទាំងនោះមកទទួលខុសត្រូវចំពោះមុខច្បាប់។

ការប្រើប្រាស់ប្រព័ន្ធយុត្តិធម៌របស់រាជរដ្ឋាភិបាល ក្នុងការអនុវត្តនៅរបៀបវីរៈនយោបាយរបស់ខ្លួន បានកើតឡើងកាន់តែអាក្រក់ទៅៗ ហើយប្រព័ន្ធយុត្តិធម៌សម្រាប់សិទិ្ធដីធ្លី ដីសម្បទាន និងការរឹបអូសដីធ្លី កាន់តែមានស្ថានភាពវៀចវេឡើងៗ។ លើសពីនេះ អ្នកការពារសិទិ្ធមនុស្ស ត្រូវបានគេដាក់គោលដៅក្នុងការរំលោភបំពាន គម្រាមកំហែង ចោទប្រកាន់បទល្មើសព្រហ្មទណ្ឌដោយមិនត្រឹមត្រូវ និងទទួលរងអំពើហិង្សា។

របាយការណ៍

ទំព័រសំខាន់ៗ