ការប្រារព្ធទិវាសិទិ្ធមនុស្សអន្តរជាតិឆ្នាំ ២០១៩
ចេញផ្សាយ ថ្ងៃទី១០ ខែធ្នូ ឆ្នាំ២០១៩ថ្ងៃទី១០ ខែធ្នូ ៖ ពលរដ្ឋសហគមន៍ សហជីព និងបុគ្គលិកសង្គមស៊ីវិលប្រមាណជាង ៦.០០០ នាក់ បានចូលរួមប្រារព្ធទិវាសិទិ្ធមនុស្សអន្តរជាតិ នៅរាជធានីភ្នំពេញ និងនៅតាមបណ្តាខេត្តនានាទូទាំងប្រទេសកម្ពុជា ចាប់ពីថ្ងៃទី៧ ដល់ថ្ងៃទី១០ ខែធ្នូ ឆ្នាំ២០១៩ ។
មានសហគមន៍ជាច្រើន ត្រូវគេរាយការណ៍ថា ទទួលរងការគម្រាមកំហែងពីអាជ្ញាធរមូលដ្ឋាន ដោយរារាំងមិនឲ្យអ្នកទាំងនោះប្រារព្ធទិវានេះទេ ជាពិសេសសហគមន៍នៅខេត្តព្រះសីហនុ កំពត កោះកុង និងកំពង់ស្ពឺ ។ សហគមន៍មួយចំនួន នៅតែព្យាយាមប្រារព្ធទិវានេះ ទោះជាមានការគម្រាមកំហែងបែបនេះក៏ដោយ ។
នៅរាជធានីភ្នំពេញ អ្នកក្រុមសង្គមស៊ីវិល សហជីព ព្រះសង្ឃ និងក្រុមយុវជន បានប្រមូលផ្តុំគ្នាជាមួយនឹងតំណាងមកពីស្ថានទូតនានា ដើម្បីប្រារព្ធទិវាសិទិ្ធមនុស្សអន្តរជាតិ នៅទីលានប្រជាធិបតេយ្យ ។
- ចំណងជើង & មូលបទ
- ទិវាសិទ្ធិមនុស្សអន្តរជាតិ