សវនាកាសំណុំរឿងសកម្មជន និងអ្នកគាំទ្រគណបក្សសង្គ្រោះទាំង ១១នាក់ បានបញ្ចប់យ៉ាងប្រញាប់នាថ្ងៃនេះនៅម៉ោង ៤រសៀល បន្ទាប់ពីចៅក្រម និងព្រះរាជអាជ្ញាត្រលប់ពីការសម្រាកថ្ងៃត្រង់អស់ ៥ម៉ោង។នៅមុននេះ ចៅក្រមបានប្រកាសថា សវនាការនឹងត្រូវធ្វើឡើង បីថ្ងៃដាច់ៗពីគ្នា។ សវនាការលើកក្រោយ នឹងត្រូវធ្វើនៅពីរសប្តាហ៍ក្រោយ គឺនៅថ្ងៃទី៨ ខែមករា វេលាម៉ោង ៨ព្រឹក។ នីតិវិធីនាព្រឹកនេះ មានការសូរដេញដោលលើការស្នើសុំនៅក្រៅឃុំរបស់ជនជាប់ឃុំទាំង ៥នាក់។ សំណើរអ្នកទាំង ៥ ត្រូវបានបដិសេធ។

អំឡុងពេលសវនាការ នគរបាលប្រមាណពី ៤០០ ទៅ ៥០០ នាក់ និង រថយន្តពន្លត់អគ្គីភ័យ ៣គ្រឿង ត្រូវបានដាក់នៅក្នុងពហុកីឡាដ្ឋានជាតិ អូឡាំពិក ក្បែរសាលាដំបូងរាជធានីភ្នំពេញ ជាកន្លែងដែលមនុស្សរាប់រយនាក់ បានប្រមូលផ្តុំគ្នាគាំទ្រជនជាប់ចោទទាំងនោះ។