ប្រជាពលរដ្ឋរាប់រយនាក់តវ៉ាខណៈដែលរដ្ឋសភាកំពុងពិភាក្សាអនុម័តសេចក្តីព្រាងច្បាប់សមាគម និងNGOs
ចេញផ្សាយ ថ្ងៃទី១៣ ខែកក្កដា ឆ្នាំ២០១៥នៅម៉ោង ៨ ព្រឹកនេះ ព្រះសង្ឃ កសិករ សកម្មជនដីធ្លី សហជីព អ្នកបើករ៉ឺម៉កកង់បី យុវជន សិស្សនិស្សិត និងបុគ្គលិកអង្គការមិនមែនរដ្ឋាភិបាល ចំនួនជាង ៥០០ អង្គ/នាក់ បានប្រមូលផ្តុំគ្នានៅមុខវត្តឧណ្ណាលោម ក្នុងរាជធានីភ្នំពេញ ដើម្បីតវ៉ាជំទាស់នឹងសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល និងសេចក្តីព្រាងច្បាប់ស្តីពីសហជីព។ ក្រុមប្រជាពលរដ្ឋទាំងនោះ បានដើរហែក្បួនឆ្ពោះទៅកាន់វិមានរដ្ឋសភាជាតិ ដើម្បីចូលរួមជាមួយអ្នកតំណាងអង្គការមិនមែនរដ្ឋាភិបាលផ្សេងទៀតចំនួន ២០០ ដែលគ្រោងនឹងធ្វើសន្និសីទសារព័ត៌មាននៅទីនោះ ប៉ុន្តែក្រុមប្រជាពលរដ្ឋទាំងនោះ ត្រូវបានរារាំងដោយនគរបាល និងកងសន្តិសុខជាច្រើន នៅចម្ងាយប្រមាណមួយរយម៉ែត្រពីទីនោះ។ អ្នកហែក្បួន កំពុងបន្តការតវ៉ាដោយអហិង្សារបស់អ្នកទាំងនោះនៅមុខរបាំងដែក។
សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ត្រូវបានគេថ្កោលទោសជាសាធារណៈ ថានឹងផ្តល់អំណាចលើសលុបដល់រាជរដ្ឋាភិបាលក្នុងការរឹតត្បិតសង្គមស៊ីវិល។ សេចក្តីព្រាងច្បាប់នេះ កំពុងត្រូវបានពិភាក្សា និងអនុម័តនៅក្នុងរដ្ឋសភានាព្រឹកនេះ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម ច្បាប់ ឬបទប្បញ្ញត្តិ