ពលរដ្ឋតាមបណ្តាខេត្ត បានប្រមូលផ្តុំគ្នាដើម្បីតវ៉ាជំទាស់នឹងសេចក្តីព្រាងច្បាប់ស្តីពីសមាគមនិងអង្គការ នៅពេលសេចក្តីព្រាងច្បាប់នេះកំពុងស្ថិតនៅព្រឹទ្ធសភា
ចេញផ្សាយ ថ្ងៃទី២២ ខែកក្កដា ឆ្នាំ២០១៥រយៈពេលពីរថ្ងៃមុនពេលសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាលស្ថិតនៅក្នុងការពិភាក្សារបស់ព្រឹទ្ធសភា ក្រុមប្រជាពលរដ្ឋសហគមន៍ និងបុគ្គលិកអង្គការមិនមែនរដ្ឋាភិបាលចំនួន ១៣ខេត្ត បានបន្តធ្វើការតវ៉ាជំទាស់នឹងសេចក្តីព្រាងច្បាប់នោះ។
នៅតាមបណ្តាខេត្តទាំងនេះ ប្រជាពលរដ្ឋប្រមាណ ជាងមួយពាន់អ្នក មកពីសហគមន៍ បណ្តាញព្រះសង្ឃ សហជីព និងអង្គការមិនមែនរដ្ឋាភិបាលនានា បានចែកចាយខិតប័ណ្ណដែលមានសារជំទាស់នឹងសេចក្តីព្រាងច្បាប់នេះ បង្ហោះប៉ោងប៉ោង ប្រារព្ធវេទិកាសាធារណៈដើម្បីពិភាក្សាអំពីផលប៉ះពាល់អវិជ្ជមាននៃច្បាប់នេះ និងដើរហែក្បួននៅក្នុងទីក្រុងនៃខេត្តមួយចំនួន ទៅកាន់ការិយាល័យតំណាងរាស្ត្រប្រចាំខេត្តទាំងនោះ។ នៅក្នុងខេត្តសៀមរាប នគរបាលបានបិទផ្លូវ ហើយបានប្រាប់ឲ្យអ្នកទាំងនោះបំបែកគ្នា នៅពេលដែលអ្នកដើរក្បួនបានទៅដល់សាលាខេត្ត។
សេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាល ត្រូវបានគេរិះគន់ជាសាធារណៈថា ច្បាប់នេះនឹងផ្តល់អំណាចយ៉ាងច្រើនលើស លប់ដល់រាជរដ្ឋាភិបាល ក្នុងការរិតត្បិតសង្គមស៊ីវិល។ ច្បាប់នេះ ត្រូវបានអនុម័តដោយរដ្ឋសភាកាលពីថ្ងៃទី១៣ ខែកក្កដា ដោយមានការរិះគន់ពីសាធារណៈជនជាតិនិងអន្តរជាតិ ហើយនឹងគ្រោងដាក់ឲ្យពិភាក្សានៅក្នុងព្រឹទ្ធសភានៅថ្ងៃទី២៤ ខែកក្កដា។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម ច្បាប់ ឬបទប្បញ្ញត្តិ