ពលរដ្ឋជាច្រើនក្រុម ប្រារព្ធខួបសន្ធិសញ្ញសន្តិភាពទីក្រុងប៉ារីស ដោយអំពាវនាវសូមឲ្យមានការគោរពសិទិ្ធមនុស្ស
ចេញផ្សាយ ថ្ងៃទី២៣ ខែតុលា ឆ្នាំ២០១៥ប្រជាពលរដ្ឋជាច្រើនក្រុមក្នុងខេត្តមួយចំនួននៅប្រទេសកម្ពុជា បានប្រមូលផ្តុំគ្នាដើម្បីប្រារព្ធខួបលើកទី ២៤ នៃសន្ធិសញ្ញាសន្តិភាពទីក្រុងប៉ារីស ដោយអំពាវនាវដល់រាជរដ្ឋាភិបាល សូមលោកមេត្តាគោរពសិទិ្ធមនុស្ស និងលទិ្ធប្រជាធិបតេយ្យពិតប្រាកដ។
សកម្មជនដីធ្លីមកពីតំបន់បឹងកក់ប្រមាណ ៥០នាក់ រួមទាំងយុវជនប្រមាណ ២០០ នាក់ និងព្រះសង្ឃ មកពីខេត្តបាត់ដំបង កំពង់ចាម តាកែវ និងរាជធានីភ្នំពេញ បានស្នើសុំឲ្យរាជរដ្ឋាភិបាល សូមលោកមេត្តាគោរពនូវសន្ធិសញ្ញានេះដោយធានាឲ្យបាននូវសន្តិភាព ការគោរពសិទិ្ធជាមូលដ្ឋាន រួមទាំងប្រព័ន្ធនយោបាយបែបលទិ្ធប្រជាធិបតេយ្យពិតប្រាកដ និងអធិបតេយ្យភាពរបស់ប្រទេសកម្ពុជា។ ការអំពាវនាវសុំឲ្យមានសន្តិភាពនេះ ត្រូវបានធ្វើឡើងបន្ទាប់ពីសម្តេចនាយករដ្ឋមន្ត្រី បានមានប្រសាសន៍ថានឹងមានសង្គ្រាមកើតឡើងនៅក្នុងប្រទេសកម្ពុជា ប្រសិនបើគណបក្សជំទាស់ឈ្នះការបោះឆ្នោតនៅអណត្តិក្រោយ។
- ឯកសារទាក់ទង