សាលាឧទ្ធរណ៍ ចោទប្រកាន់បទល្មើសស្រាល ទៅលើអតីតអភិបាលក្រុងបាវិត លោក ឈូក បណ្ឌិត និងបញ្ជាឲ្យមានការកាត់ក្តី
ចេញផ្សាយ ថ្ងៃទី៤ ខែមីនា ឆ្នាំ២០១៣នៅរសៀលថ្ងៃនេះ នៅក្នុងបន្ទប់សវនាការស៊ើបសួរនៃសាលាឧទ្ធរណ៍អតីត អភិបាលក្រុងបាវិតលោក ឈូក បណ្ឌិត ត្រូវបានចោទប្រកាន់ ពីបទបង្ក
របួសស្នាមដោយអចេតនាក្រោមមាត្រា២៣៦ នៃក្រមព្រហ្មទណ្ឌ ហើយបង្វិលសំណុំរឿងក្ដីនោះទៅកាន់តុលាការ ខេត្តស្វាយរៀង កាត់ក្តីឡើងវិញ។ សាលាឧទ្ធរណ៍មិនបានផ្លាស់ប្តូរបទចោទប្រកាន់ទៅលើ លោក ឈូក បណ្ឌិត ឡើយ ដែលនាំអោយមានការរិះគន់ យ៉ាងខ្លាំងពីសាធារណៈជន។ សេចក្តីសម្រេចនេះ ធ្វើឡើងរយៈពេលពីរថ្ងៃ ដោយបិទទ្វារបន្ទប់សវនាការ លោក បណ្ឌិត បានឆ្លើយសារភាពថា លោកបានបាញ់ដោយប្រើកាំភ្លើង
របស់គាត់ អំឡុងពេលការតវ៉ាប្រឆាំងរបស់កម្មករដែលលទ្ធផលនៃការបាញ់នោះបានធ្វើឲ្យ របួសធ្ងន់ធ្ងរដល់ស្ត្រីកម្មករបីនាក់ ប៉ុន្តែគាត់បានឆ្លើយបដិសេធមិនដឹងថា គ្រាប់ទាំងនោះទៅឯណាឡើយ។ សាក្សីសំខាន់ម្នាក់ ជានាយរងនគរបាលប៉ុស្តិ៍ បាននិយាយក្នុងអំឡុងពេលសវនាការថាគាត់ជឿជាក់យ៉ាងពិតប្រាកដ លោកឈូក បណ្ឌិត គឺជាអ្នកបាញ់ ដោយសារតែគាត់បានឃើញ លោក ឈូក បណ្ឌិត តម្រង់ កាំភ្លើងខ្លីរបស់គាត់ ទៅកាន់កម្មករទាំងនោះ បន្ទាប់មកក៏មានការបាញ់កម្មករ។ គ្មានភស្តុតាមួយណាត្រូវបាន រាយការណ៍ទាក់ទងទៅនឹងអ្នកបាញ់ផ្សេងទៀត ក្រៅពីលោក ឈូក បណ្ឌិត ឡើយ។
សាលាឧទ្ធរណ៍ មិនបានបញ្ជាឲ្យ មានការឃុំខ្លួនជាបណ្តោះអាសន្នលើ លោក ឈូក បណ្ឌិត ឡើយ។ ការចោទ
ប្រកាន់នេះ អាចឲ្យលោក ឈូក បណ្ឌិត ជាប់ពន្ធនាគារពី ៦ខែដល់ ២ឆ្នាំ។
- ឯកសារទាក់ទង
- ចំណងជើង & មូលបទ
- ឈូក បណ្ឌិត តុលាការ និងនីតិរដ្ឋ