សាលាឧទ្ធណ៍បដិសេធសំណើសុំនៅក្រៅឃុំនៃបុគ្គលិក អាដហុក និងមន្រ្តី គ.ជ.ប
ចេញផ្សាយ ថ្ងៃទី១៣ ខែមិថុនា ឆ្នាំ២០១៦នាព្រឹកនេះ បុគ្គលិកអង្គការ អាដហុក អ្នកស្រី លឹម មុនី លោក នី សុខា លោក ណៃ វ៉ង់ដា និងលោក យី សុខសាន្ត និងមន្ត្រីគ.ជ.ប លោក នី ចរិយា ត្រូវបានសាលាឧទ្ធណ៍បដិសេធសំណើសុំនៅក្រៅឃុំបណ្តោះអាសន្នរង់ចាំសវនាការ នៅក្នុងសវនាការឧទ្ធណ៍។
អ្នកការពារសិទ្ធិមនុស្សទាំងប្រាំនាក់ ត្រូវបានឃុំខ្លួនពីបទសូកប៉ាន់សាក្សី កាលពីថ្ងៃទី២ ខែឧសភា ខណៈដែលមានការរិះគន់ជាសាធារណៈទាំងជាតិ និងអន្តរជាតិ។ ប្រសិនបើអ្នកទាំងនោះត្រូវបានផ្តន្ទាទោស នោះអ្នកទាំងនោះនឹងត្រូវជាប់ពន្ធនាគារពីប្រាំឆ្នាំ ដល់ ដប់ឆ្នាំ។
អ្នកគាំទ្រប្រមាណ ៤០នាក់ បានប្រមូលផ្តុំគ្នានៅក្រៅសាលាឧទ្ធណ៍។ បដារបស់អ្នកទាំងនោះ ត្រូវបានរឹបអូសដោយនគរបាល ហើយអ្នកស្រី ស ស៊ន ជាសកម្មជនបុរីកីឡា ត្រូវបានចាប់ខ្លួននៅក្រៅតុលាការ និងត្រូវបានបញ្ជូនខ្លួនមកកាន់អធិការដ្ឋាននគរបាលខណ្ឌដូនពេញ។ នគរបាល បានបង្ហាញថា អ្នកស្រីនឹងត្រូវបានដោះលែងវិញនៅល្ងាចនេះ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ