ប្រជាពលរដ្ឋនាំគ្នាប្រារព្ធទិវាសិទ្ធិនារីអន្តរជាតិ
ចេញផ្សាយ ថ្ងៃទី៨ ខែមីនា ឆ្នាំ២០១៨
នៅថ្ងៃនេះ ព្រឹត្តិការណ៍ទិវាសិទ្ធិនារីអន្តរជាតិត្រូវបានប្រារព្ធឡើងនៅតាមតំបន់ជាច្រើន ដើម្បីបង្កើនការយល់ដឹងពីសមភាពយេនឌ័រ និងផលប៉ះពាល់នៃការរំលោភយកដីធ្លី អំពើហិង្សា និងការរំលោភសិទ្ធិស្រ្តីជាដើម។
ប្រជាពលរដ្ឋប្រមាណជាង ៧០០០នាក់ រួមមាន សហគមន៍ សហជីព និងក្រុមសហគមន៍មូលដ្ឋានបានគ្រោងថានឹងប្រារព្ធទិវានេះ នៅយ៉ាងតិច៤ខេត្តផ្សេងគ្នា និងច្រើនទីតាំងទៀតក្នុងរាជធានីភ្នំពេញ។ ព្រឹត្តិការណ៍ធំជាងគេត្រូវបានរៀបចំឡើងដោយសហព័ន្ធសហជីពដែលធ្វើការលើសិទ្ធិស្រ្តី នៅឯរោងចក្រកាត់ដេរមួយកន្លែងក្នុងខេត្តកំពង់ស្ពឺ។
ជារៀងរាល់ឆ្នាំ ទិវាសិទ្ធិនារីអន្តរជាតិត្រូវបានរៀបចំឡើងនៅទូទាំងពិភពលោក នៅថ្ងៃទី៨ ខែមីនា ដើម្បីប្រារព្ធចលនាសិទ្ធិស្រ្តី។
ព្រឹត្តិការណ៍សហគមន៍មួយទៀតដែលគ្រោងថានឹងត្រូវរៀបចំឡើងក្នុងខេត្តត្បូងឃ្មុំ ត្រូវបានរារាំងដោយអាជ្ញាធរក្នុងតំបន់។
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិស្ត្រី
