ការផ្តន្ទាទោសដោយប្រើមាត្រាពាក់ព័ន្ធនឹងការប្រមាថព្រះមហាក្សត្រជាលើកដំបូងនៅកម្ពុជា
ចេញផ្សាយ ថ្ងៃទី៥ ខែតុលា ឆ្នាំ២០១៨បទល្មើសថ្មីពាក់ព័ន្ធនឹងការប្រមាធព្រះមហាក្សត្រ ត្រូវបានយកមកប្រើប្រាស់ជាលើកដំបូងកាលពីម្សិលមិញ ដើម្បីផ្តន្ទាទោសមន្ត្រីអតីតគណបក្សជំទាស់ម្នាក់ ដោយកាត់ឲ្យជាប់ពន្ធនាគារចំនួនមួយឆ្នាំ។
លោក បាន សម្ភីរ ដែលជាជាងកាត់សក់ និងជាអ្នកដឹកនាំថ្នាក់ស្រុករបស់អតីតគណបក្សសង្គ្រោះជាតិ ដែលមានវ័យ ៧០ ឆ្នាំ ត្រូវបានចាប់ខ្លួនកាលពីថ្ងៃទី២០ ខែឧសភា ឆ្នាំ២០១៨។ លោក ត្រូវបានចោទប្រកាន់ថា បានចែកចាយព័ត៌មានមួយលើគណនីហ្វេសប៊ុក ដែលបានរិះគន់លើអង្គព្រះមហាក្សត្រ ព្រះបាទ នរោត្តម សីហមុនី ដោយមានរូបសម្តេចនាយករដ្ឋមន្ត្រី ហ៊ុន សែន និងភរិយារបស់លោក ហើយនិងវីដេអូបង្ហាញពីភាពខឹងសម្បាររបស់ពលរដ្ឋមួយចំនួនដែលរងគ្រោះដោយទឹកជំនន់។
លោក ត្រូវតុលាការផ្តន្ទាទោសដោយយោងតាមមាត្រា ៤៣៧ នៃក្រមព្រហ្មទណ្ឌ ដែលមាត្រានេះ ត្រូវបានរដ្ឋសភាជាតិធ្វើវិសោធនកម្មកាលពីខែកុម្ភៈ នៅខណៈដែលមានការជំទាស់យ៉ាងខ្លាំងក្លារពីក្រុមសង្គមស៊ីវិល។ ក្រុមសង្គមស៊ីវិល បាននិយាយថា មាត្រានេះ នឹងត្រូវបានប្រើប្រាស់ដោយអាជ្ញាធររដ្ឋដើម្បីបំបិទសម្លេងរិះគន់រដ្ឋាភិបាល។
មាត្រានេះ ត្រូវបានតាក់តែងឡើង ជាមួយនឹងការធ្វើវិសោធនកម្មលើឃ្លានៃមាត្រាមួយចំនួននៃរដ្ឋធម្មនុញ្ញ ដែលត្រូវបានមតិជាតិ និងអន្តរជាតិ យល់ថា មានភាពមិនច្បាស់លាស់ ដើម្បីដាក់គោលដៅទៅលើក្រុមសង្គមស៊ីវិល និងគណបក្សជំទាស់ ដែលរួមមានការចែងថា ការធ្វើ “សកម្មភាពណាមួយ” ដែល ដោយផ្ទាល់ ឬដោយប្រយោល “ប៉ះពាល់ដល់ផលប្រយោជន៍” របស់ប្រទេស និងពលរដ្ឋកម្ពុជា ដោយខុសច្បាប់។
លោក សម្ភីរ បានជាប់ក្នុងពន្ធនាគារបណ្តោះអាសន្នរង់ចាំសវនាការ អស់រយៈពេល ៤ខែ មកហើយ។ ទោសពន្ធនាគារចំនួន ៥ខែ នៅក្នុងទោសពន្ធនាគារសរុប ១ ឆ្នាំ របស់លោក ត្រូវបានតុលាការព្យួរ។ នេះ មានន័យថា លោក ត្រូវជាប់ពន្ធនាគារចំនួន ៣ ខែបន្តទៀត ទើបរួចទោស។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម ច្បាប់ ឬបទប្បញ្ញត្តិ