មនុស្សចំនួន ២នាក់ ត្រូវបានដោះលែងមុនពេលសវនាការលើបណ្តឹងនៅក្រៅឃុំ
ចេញផ្សាយ ថ្ងៃទី៧ ខែកុម្ភៈ ឆ្នាំ២០១៤នៅព្រឹកនេះ សាលាដំបូងរាជធានីភ្នំពេញ បានសម្រេចអនុញ្ញាតឲ្យកម្មកររោងចក្រពីរនាក់ ឲ្យនៅក្រៅឃុំបណ្តោះអាសន្ន ដែលអ្នកទាំងពីរមានឈ្មោះ ប៊ូ សារិទិ្ធ អាយុ ២៧ឆ្នាំ និងយន់ សុខ អាយុ ១៧ឆ្នាំ។ អ្នកទាំងពីរ គឺស្ថិតក្នុងក្រុមកម្មករ និងអ្នកការពារសិទិ្ធមនុស្សទាំង ២៣នាក់ ដែលត្រូវបានចាប់ខ្លួនកាលពីដើមខែមករា អំឡុងពេលមានបាតុកម្មរបស់ក្រុមកម្មករ។ ក្រុមគ្រួសារ និងមេធាវីរបស់អ្នកទាំងពីរ បច្ចុប្បន្នកំពុងធ្វើដំណើរទៅពន្ធនាគារ ម៣ (មណ្ឌលអប់រំកែប្រែទី៣) និងពន្ធនាគារខេត្តកំពង់ចាម។ មនុស្សទាំង ២៣នាក់ ត្រូវបានបដិសេធ ដោយមិនឲ្យនៅក្រៅឃុំបណ្តោះអាសន្ន ដោយសាលាដំបូងរាជធានីភ្នំពេញ កាលពីថ្ងៃទី២១ ខែមករា។ សវនាការលើការដាក់ឲ្យនៅក្រៅឃុំបណ្តោះអាសន្ន នៅសាលាឧទ្ធរណ៍ សម្រាប់កម្មករ និងអ្នកការពារសិទិ្ធមនុស្សដែលនៅសល់ចំនួន ២១ នាក់ទៀត នឹងត្រូវធ្វើនៅថ្ងៃទី១១ ខែកុម្ភៈនេះ។
- ចំណងជើង & មូលបទ
- តុលាការ និងនីតិរដ្ឋ ដោះលែង ២៣ នាក់