ពីរក្នុងចំណោម ម្ភៃបីនាក់ ត្រូវបានដោះលែងបណ្តោះអាសន្នមុនពេលសវនាការឧទ្ធរណ៍លើការនៅក្រៅឃុំបណ្តោះអាសន្ន
ចេញផ្សាយ ថ្ងៃទី៨ ខែកុម្ភៈ ឆ្នាំ២០១៤នៅព្រឹកនេះ ប៊ូ សារិទិ្ធ អាយុ ២៧ឆ្នាំ និងយន់ សុខជា អាយុ ១៧ឆ្នាំ ត្រូវបានដោះលែងឲ្យនៅក្រៅឃុំបណ្តោះអាសន្ន ពីពន្ធនាគារ ម៣ និងពន្ធនាគារខេត្តកំពង់ចាម តាមដីការបស់តុលាការ។ អ្នកទាំងពីរ ដែលស្ថិតក្នុងចំណោមកម្មករ និងអ្នកការពារសិទិ្ធមនុស្សទាំង ២៣ នាក់ ត្រូវបានចាប់ខ្លួនតាំងពីដើមខែមករា អំឡុងពេលបាតុកម្មរបស់កម្មកររោងចក្រ ហើយក៏ត្រូវបានឃុំខ្លួនចាប់តាំងពីពេលនោះមក។
អ្នកទាំងពីរ បច្ចុប្បន្នកំពុងស្ថិតនៅវត្តមួយនាខេត្តកំពង់ចាម ជាមួយក្រុមគ្រួសាររបស់អ្នកទាំងនោះ ដើម្បីប្រស់ព្រំពីព្រះសង្ឃមុនធ្វើដំណើរមកភ្នំពេញវិញ។
អ្នកទាំង ២៣នាក់ ដែលរួមមានកម្មករ និងអ្នកការពារសិទិ្ធមនុស្ស ត្រូវបានបដិសេធសំណើរក្នុងការនៅក្រៅឃុំបណ្តោះអាសន្ន ដោយសាលាដំបូងរាជធានីភ្នំពេញ កាលពីថ្ងៃទី២១ ខែមករា។ សវនាការលើបណ្តឹងនៅក្រៅឃុំបណ្តោះអាសន្ន របស់សាលាឧទ្ធរណ៍សម្រាប់អ្នកដែលនៅសល់ចំនួន ២១ នាក់ទៀត នឹងត្រូវធ្វើនៅថ្ងៃទី១១ ខែកុម្ភៈនេះ។
- ចំណងជើង & មូលបទ
- តុលាការ និងនីតិរដ្ឋ ដោះលែង ២៣ នាក់