ការបំផ្លាញផ្ទះសម្បែងមួយចំនួន បង្ហាញកាន់តែច្បាស់នូវដំណោះស្រាយមួយជាបន្ទាន់
ចេញផ្សាយ ថ្ងៃទី៦ ខែមេសា ឆ្នាំ២០១៤នាព្រឹកនេះ គេហដ្ឋានចំនួនពីរ ត្រូវបានបំផ្លាញមួយផ្នែកនៅក្នុងសង្កាត់បឹងកក់ ១ ខ័ណ្ឌទួលគោក រាជធានីភ្នំពេញ។ លោក លី ស្រៀងខេង ដែលផ្ទះរបស់លោកត្រូវបានគេបំផ្លាញ មានជម្លោះដីធ្លីដ៏រ៉ាំរ៉ៃ ជាមួយក្រុមហ៊ុន ឃុន សៀ ហើយបានរងគ្រោះដោយការវាយប្រហារជាច្រើនដងមកហើយ ដោយរួមមានទាំងការវាយប្រហារលើរូបរាងកាយ និងការប៉ុនប៉ងដុតផ្ទះ។ ប្រជាពលរដ្ឋមួយចំនួន បានរងរបួសអំឡុងពេលមានអំពើហិង្សា ហើយត្រូវបានបញ្ជូនទៅកាន់មន្ទីរពេទ្យព្យាបាល។
អង្គការ លីកាដូ បានរាយការណ៍អំពីករណីនេះនៅក្នុងសេចក្តីថ្លែងការណ៍កាលពីសប្តាហ៍មុន ដោយបង្ហាញអំពីរលកថ្មីនៃការរំលោភដីធ្លីដោយអំពើហិង្សា ចាប់តាំងពីដើមឆ្នាំ ២០១៤។ សកម្មភាពនាថ្ងៃនេះ គឺជាភស្តុតាងមួយបន្ថែមទៀត ដែលបង្ហាញថារាជរដ្ឋាភិបាលកម្ពុជា បានបរាជ័យក្នុងការដោះស្រាយនូវបញ្ហាដីធ្លីដែលកំពុងបន្តកើតមានឡើងនៅក្នុងប្រទេស។
- ឯកសារទាក់ទង
- ចំណងជើង & មូលបទ
- សិទ្ធិដីធ្លី